View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

દેવી માહાત્મ્યં દેવી સૂક્તમ્

ઓં અ॒હં રુ॒દ્રેભિ॒ર્વસુ॑ભિશ્ચરામ્ય॒હમા᳚દિ॒ત્યૈરુ॒ત વિ॒શ્વદે᳚વૈઃ ।
અ॒હં મિ॒ત્રાવરુ॑ણો॒ભા બિ॑ભર્મ્ય॒હમિં᳚દ્રા॒ગ્ની અ॒હમ॒શ્વિનો॒ભા ॥1॥

અ॒હં સોમ॑માહ॒નસં᳚ બિભર્મ્ય॒હં ત્વષ્ટા᳚રમુ॒ત પૂ॒ષણં॒ ભગમ્᳚ ।
અ॒હં દ॑ધામિ॒ દ્રવિ॑ણં હ॒વિષ્મ॑તે સુપ્રા॒વ્યે॒ યે॑ ​3 યજ॑માનાય સુન્વ॒તે ॥2॥

અ॒હં રાષ્ટ્રી᳚ સં॒ગમ॑ની॒ વસૂ᳚નાં ચિકિ॒તુષી᳚ પ્રથ॒મા ય॒જ્ઞિયા᳚નામ્ ।
તાં મા᳚ દે॒વા વ્ય॑દધુઃ પુરુ॒ત્રા ભૂરિ॑સ્થાત્રાં॒ ભૂ~ર્યા᳚વે॒શયંતી᳚મ્ ॥3॥

મયા॒ સો અન્ન॑મત્તિ યો વિ॒પશ્ય॑તિ॒ યઃ પ્રાણિ॑તિ॒ ય ઈં᳚ શૃ॒ણોત્યુ॒ક્તમ્ ।
અ॒મં॒ત॒વો॒માંત ઉપ॑ક્ષિયંતિ॒ શ્રુ॒ધિ શ્રુ॑તં શ્રદ્ધિ॒વં તે᳚ વદામિ ॥4॥

અ॒હમે॒વ સ્વ॒યમિ॒દં-વઁદા॑મિ॒ જુષ્ટં᳚ દે॒વેભિ॑રુ॒ત માનુ॑ષેભિઃ ।
યં કા॒મયે॒ તં ત॑મુ॒ગ્રં કૃ॑ણોમિ॒ તં બ્ર॒હ્માણં॒ તમૃષિં॒ તં સુ॑મે॒ધામ્ ॥5॥

અ॒હં રુ॒દ્રાય॒ ધનુ॒રાત॑નોમિ બ્રહ્મ॒દ્વિષે॒ શર॑વે હંત॒ વા ઉ॑ ।
અ॒હં જના᳚ય સ॒મદં᳚ કૃણોમ્ય॒હં દ્યાવા᳚પૃથિ॒વી આવિ॑વેશ ॥6॥

અ॒હં સુ॑વે પિ॒તર॑મસ્ય મૂ॒ર્ધન્ મમ॒ યોનિ॑ર॒પ્સ્વં॒તઃ સ॑મુ॒દ્રે ।
તતો॒ વિતિ॑ષ્ઠે॒ ભુવ॒નાનુ॒ વિશ્વો॒તામૂં દ્યાં-વઁ॒ર્​ષ્મણોપ॑ સ્પૃશામિ ॥7॥

અ॒હમે॒વ વાત॑ ઇવ॒ પ્રવા᳚મ્યા॒-રભ॑માણા॒ ભુવ॑નાનિ॒ વિશ્વા᳚ ।
પ॒રો દિ॒વાપર॒ એ॒ના પૃ॑થિ॒વ્યૈ-તાવ॑તી મહિ॒ના સંબ॑ભૂવ ॥8॥

ઓં શાંતિઃ॒ શાંતિઃ॒ શાંતિઃ॑ ॥

॥ ઇતિ ઋગ્વેદોક્તં દેવીસૂક્તં સમાપ્તમ્ ॥
॥તત્ સત્ ॥




Browse Related Categories: