ଵିଶ୍ଵେଶ୍ଵରାୟ ନରକାର୍ଣଵ ତାରଣାୟ
କର୍ଣାମୃତାୟ ଶଶିଶେଖର ଧାରଣାୟ ।
କର୍ପୂରକାଂତି ଧଵଳାୟ ଜଟାଧରାୟ
ଦାରିଦ୍ର୍ୟଦୁଃଖ ଦହନାୟ ନମଶ୍ଶିଵାୟ ॥ 1 ॥
ଗୌରୀପ୍ରିୟାୟ ରଜନୀଶ କଳାଧରାୟ
କାଲାଂତକାୟ ଭୁଜଗାଧିପ କଂକଣାୟ ।
ଗଂଗାଧରାୟ ଗଜରାଜ ଵିମର୍ଧନାୟ
ଦାରିଦ୍ର୍ୟଦୁଃଖ ଦହନାୟ ନମଶ୍ଶିଵାୟ ॥ 2 ॥
ଭକ୍ତପ୍ରିୟାୟ ଭଵରୋଗ ଭୟାପହାୟ
ଉଗ୍ରାୟ ଦୁଃଖ ଭଵସାଗର ତାରଣାୟ ।
ଜ୍ୟୋତିର୍ମୟାୟ ଗୁଣନାମ ସୁନୃତ୍ୟକାୟ
ଦାରିଦ୍ର୍ୟଦୁଃଖ ଦହନାୟ ନମଶ୍ଶିଵାୟ ॥ 3 ॥
ଚର୍ମାଂବରାୟ ଶଵଭସ୍ମ ଵିଲେପନାୟ
ଫାଲେକ୍ଷଣାୟ ମଣିକୁଂଡଲ ମଂଡିତାୟ ।
ମଂଜୀରପାଦୟୁଗଳାୟ ଜଟାଧରାୟ
ଦାରିଦ୍ର୍ୟଦୁଃଖ ଦହନାୟ ନମଶ୍ଶିଵାୟ ॥ 4 ॥
ପଂଚାନନାୟ ଫଣିରାଜ ଵିଭୂଷଣାୟ
ହେମାଂକୁଶାୟ ଭୁଵନତ୍ରୟ ମଂଡିତାୟ
ଆନଂଦ ଭୂମି ଵରଦାୟ ତମୋପୟାୟ ।
ଦାରିଦ୍ର୍ୟଦୁଃଖ ଦହନାୟ ନମଶ୍ଶିଵାୟ ॥ 5 ॥
ଭାନୁପ୍ରିୟାୟ ଭଵସାଗର ତାରଣାୟ
କାଲାଂତକାୟ କମଲାସନ ପୂଜିତାୟ ।
ନେତ୍ରତ୍ରୟାୟ ଶୁଭଲକ୍ଷଣ ଲକ୍ଷିତାୟ
ଦାରିଦ୍ର୍ୟଦୁଃଖ ଦହନାୟ ନମଶ୍ଶିଵାୟ ॥ 6 ॥
ରାମପ୍ରିୟାୟ ରଘୁନାଥ ଵରପ୍ରଦାୟ
ନାଗପ୍ରିୟାୟ ନରକାର୍ଣଵ ତାରଣାୟ ।
ପୁଣ୍ୟାୟ ପୁଣ୍ୟଭରିତାୟ ସୁରାର୍ଚିତାୟ
ଦାରିଦ୍ର୍ୟଦୁଃଖ ଦହନାୟ ନମଶ୍ଶିଵାୟ ॥ 7 ॥
ମୁକ୍ତେଶ୍ଵରାୟ ଫଲଦାୟ ଗଣେଶ୍ଵରାୟ
ଗୀତାପ୍ରିୟାୟ ଵୃଷଭେଶ୍ଵର ଵାହନାୟ ।
ମାତଂଗଚର୍ମ ଵସନାୟ ମହେଶ୍ଵରାୟ
ଦାରିଦ୍ର୍ୟଦୁଃଖ ଦହନାୟ ନମଶ୍ଶିଵାୟ ॥ 8 ॥
ଵସିଷ୍ଠେନ କୃତଂ ସ୍ତୋତ୍ରଂ ସର୍ଵରୋଗ ନିଵାରଣମ୍ ।
ସର୍ଵସଂପତ୍କରଂ ଶୀଘ୍ରଂ ପୁତ୍ରପୌତ୍ରାଦି ଵର୍ଧନମ୍ ।
ତ୍ରିସଂଧ୍ୟଂ ୟଃ ପଠେନ୍ନିତ୍ୟଂ ସ ହି ସ୍ଵର୍ଗ ମଵାପ୍ନୁୟାତ୍ ॥ 9 ॥
॥ ଇତି ଶ୍ରୀ ଵସିଷ୍ଠ ଵିରଚିତଂ ଦାରିଦ୍ର୍ୟଦହନ ଶିଵସ୍ତୋତ୍ରଂ ସଂପୂର୍ଣମ୍ ॥
