శ్రీ దేవ్యువాచ ।
మమ నామ సహస్రం చ శివ పూర్వవినిర్మితమ్ ।
తత్పఠ్యతాం విధానేన తథా సర్వం భవిష్యతి ॥

ఇత్యుక్త్వా పార్వతీ దేవి శ్రావయామాస తచ్చతాన్ ।
తదేవ నామసాహస్రం దకారాది వరాననే ॥

రోగదారిద్ర్యదౌర్భాగ్యశోకదుఃఖవినాశకమ్ ।
సర్వాసాం పూజితం నామ శ్రీదుర్గాదేవతా మతా ॥

నిజబీజం భవేద్బీజం మన్త్రం కీలకముచ్యతే ।
సర్వాశాపూరణే దేవీ వినియోగః ప్రకీర్తితః ॥

ఓం అస్య శ్రీదకారాది దుర్గాసహస్రనామ స్తోత్రస్య శివ ఋషిః అనుష్టుప్ఛన్దః శ్రీదుర్గా దేవతా దుం బీజం దుం కీలకం దుఃఖదారిద్ర్యరోగశోక నివృత్త్యర్థం పాఠే వినియోగః ।

ధ్యానమ్
విద్యుద్దామసమప్రభాం మృగపతి స్కన్ధస్థితాం భీషణాం
కన్యాభిః కరవాలఖేటవిలద్దస్తాభిరాసేవితామ్ ।
హసైశ్చక్రగదాసిఖేట విశిఖాంశ్చాపం గుణం తర్జనీం
బిభ్రాణామనలాత్మికాం శశిధరాం దుర్గాం త్రినేత్రాం భజే ॥

స్తోత్రమ్
దుం దుర్గా దుర్గతిహరా దుర్గాచలనివాసినీ ।
దుర్గమార్గానుసఞ్చారా దుర్గమార్గనివాసినీ ॥ 1 ॥

దుర్గమార్గప్రవిష్టా చ దుర్గమార్గప్రవేశినీ ।
దుర్గమార్గకృతావాసా దుర్గమార్గజయప్రియా ॥ 2 ॥

దుర్గమార్గగృహీతార్చా దుర్గమార్గస్థితాత్మికా ।
దుర్గమార్గస్తుతిపరా దుర్గమార్గస్మృతిః పరా ॥ 3 ॥

దుర్గమార్గసదాస్థాత్రీ దుర్గమార్గరతిప్రియా ।
దుర్గమార్గస్థలస్థానా దుర్గమార్గవిలాసినీ ॥ 4 ॥

దుర్గమార్గత్యక్తవస్త్రా దుర్గమార్గప్రవర్తినీ ।
దుర్గాసురనిహన్త్రీ చ దుర్గాసురనిషూదినీ ॥ 5 ॥

దుర్గాసురహరా దూతీ దుర్గాసురవినాశినీ ।
దుర్గాసురవధోన్మత్తా దుర్గాసురవధోత్సుకా ॥ 6 ॥

దుర్గాసురవధోత్సాహా దుర్గాసురవధోద్యతా ।
దుర్గాసురవధప్రేప్సుః దుర్గాసురముఖాన్తకృత్ ॥ 7 ॥

దుర్గాసురధ్వంసతోషా దుర్గదానవదారిణీ ।
దుర్గవిద్రావణకరీ దుర్గవిద్రావణీ సదా ॥ 8 ॥

దుర్గవిక్షోభణకరీ దుర్గశీర్షనికృన్తనీ ।
దుర్గవిధ్వంసనకరీ దుర్గదైత్యనికృన్తనీ ॥ 9 ॥

దుర్గదైత్యప్రాణహరా దుర్గదైత్యాన్తకారిణీ ।
దుర్గదైత్యహరత్రాతా దుర్గదైత్యాసృగున్మదా ॥ 10 ॥

దుర్గదైత్యాశనకరీ దుర్గచర్మామ్బరావృతా ।
దుర్గయుద్ధోత్సవకరీ దుర్గయుద్ధవిశారదా ॥ 11 ॥

దుర్గయుద్ధాసవరతా దుర్గయుద్ధవిమర్దినీ ।
దుర్గయుద్ధహాస్యరతా దుర్గయుద్ధాట్టహాసినీ ॥ 12 ॥

దుర్గయుద్ధమహామత్తా దుర్గయుద్ధానుసారిణీ ।
దుర్గయుద్ధోత్సవోత్సాహా దుర్గదేశనిషేవిణీ ॥ 13 ॥

దుర్గదేశవాసరతా దుర్గదేశవిలాసినీ ।
దుర్గదేశార్చనరతా దుర్గదేశజనప్రియా ॥ 14 ॥

దుర్గమస్థానసంస్థానా దుర్గమధ్యానుసాధనా ।
దుర్గమా దుర్గమధ్యానా దుర్గమాత్మస్వరూపిణీ ॥ 15 ॥

దుర్గమాగమసన్ధానా దుర్గమాగమసంస్తుతా ।
దుర్గమాగమదుర్జ్ఞేయా దుర్గమశ్రుతిసమ్మతా ॥ 16 ॥

దుర్గమశ్రుతిమాన్యా చ దుర్గమశ్రుతిపూజితా ।
దుర్గమశ్రుతిసుప్రీతా దుర్గమశ్రుతిహర్షదా ॥ 17 ॥

దుర్గమశ్రుతిసంస్థానా దుర్గమశ్రుతిమానితా ।
దుర్గమాచారసన్తుష్టా దుర్గమాచారతోషితా ॥ 18 ॥

దుర్గమాచారనిర్వృత్తా దుర్గమాచారపూజితా ।
దుర్గమాచారకలితా దుర్గమస్థానదాయినీ ॥ 19 ॥

దుర్గమప్రేమనిరతా దుర్గమద్రవిణప్రదా ।
దుర్గమామ్బుజమధ్యస్థా దుర్గమామ్బుజవాసినీ ॥ 20 ॥

దుర్గనాడీమార్గగతిర్దుర్గనాడీప్రచారిణీ ।
దుర్గనాడీపద్మరతా దుర్గనాడ్యమ్బుజస్థితా ॥ 21 ॥

దుర్గనాడీగతాయాతా దుర్గనాడీకృతాస్పదా ।
దుర్గనాడీరతరతా దుర్గనాడీశసంస్తుతా ॥ 22 ॥

దుర్గనాడీశ్వరరతా దుర్గనాడీశచుమ్బితా ।
దుర్గనాడీశక్రోడస్థా దుర్గనాడ్యత్థితోత్సుకా ॥ 23 ॥

దుర్గనాడ్యారోహణా చ దుర్గనాడీనిషేవితా ।
దరిస్థానా దరిస్థానవాసినీ దనుజాన్తకృత్ ॥ 24 ॥

దరీకృతతపస్యా చ దరీకృతహరార్చనా ।
దరీజాపితదిష్టా చ దరీకృతరతిప్రియా ॥ 25 ॥

దరీకృతహరార్హా చ దరీక్రీడితపుత్రికా ।
దరీసన్దర్శనరతా దరీరోపితవృశ్చికా ॥ 26 ॥

దరీగుప్తికౌతుకాఢ్యా దరీభ్రమణతత్పరా ।
దనుజాన్తకరీ దీనా దనుసన్తానదారిణీ ॥ 27 ॥

దనుజధ్వంసినీ దూనా దనుజేన్ద్రవినాశినీ ।
దానవధ్వంసినీ దేవీ దానవానాం భయఙ్కరీ ॥ 28 ॥

దానవీ దానవారాధ్యా దానవేన్ద్రవరప్రదా ।
దానవేన్ద్రనిహన్త్రీ చ దానవద్వేషిణీసతీ ॥ 29 ॥

దానవారిప్రేమరతా దానవారిప్రపూజితా ।
దానవారికృతార్చా చ దానవారివిభూతిదా ॥ 30 ॥

దానవారిమహానన్దా దానవారిరతిప్రియా ।
దానవారిదానరతా దానవారికృతాస్పదా ॥ 31 ॥

దానవారిస్తుతిరతా దానవారిస్మృతిప్రియా ।
దానవార్యాహారరతా దానవారిప్రబోధినీ ॥ 32 ॥

దానవారిధృతప్రేమా దుఃఖశోకవిమోచనీ ।
దుఃఖహన్త్రీ దుఃఖదాత్రీ దుఃఖనిర్మూలకారిణీ ॥ 33 ॥

దుఃఖనిర్మూలనకరీ దుఃఖదారిద్ర్యనాశినీ । [దార్యరినాశినీ]
దుఃఖహరా దుఃఖనాశా దుఃఖగ్రామా దురాసదా ॥ 34 ॥

దుఃఖహీనా దుఃఖదూరా ద్రవిణాచారదాయినీ ।
ద్రవిణోత్సర్గసన్తుష్టా ద్రవిణత్యాగతోషితా ॥ 35 ॥

ద్రవిణస్పర్శసన్తుష్టా ద్రవిణస్పర్శమానదా ।
ద్రవిణస్పర్శహర్షాఢ్యా ద్రవిణస్పర్శతుష్టిదా ॥ 36 ॥

ద్రవిణస్పర్శనకరీ ద్రవిణస్పర్శనాతురా ।
ద్రవిణస్పర్శనోత్సాహా ద్రవిణస్పర్శసాధితా ॥ 37 ॥

ద్రవిణస్పర్శనమతా ద్రవిణస్పర్శపుత్రికా ।
ద్రవిణస్పర్శరక్షిణీ ద్రవిణస్తోమదాయినీ ॥ 38 ॥

ద్రవిణాకర్షణకరీ ద్రవిణౌఘవిసర్జనీ ।
ద్రవిణాచలదానాఢ్యా ద్రవిణాచలవాసినీ ॥ 39 ॥

దీనమాతా దీనబన్ధుర్దీనవిఘ్నవినాశినీ ।
దీనసేవ్యా దీనసిద్ధా దీనసాధ్యా దిగమ్బరీ ॥ 40 ॥

దీనగేహకృతానన్దా దీనగేహవిలాసినీ ।
దీనభావప్రేమరతా దీనభావవినోదినీ ॥ 41 ॥

దీనమానవచేతఃస్థా దీనమానవహర్షదా ।
దీనదైన్యవిఘాతేచ్ఛుర్దీనద్రవిణదాయినీ ॥ 42 ॥

దీనసాధనసన్తుష్టా దీనదర్శనదాయినీ ।
దీనపుత్రాదిదాత్రీ చ దీనసమ్యగ్విధాయినీ ॥ 43 ॥

దత్తాత్రేయధ్యానరతా దత్తాత్రేయప్రపూజితా ।
దత్తాత్రేయర్షిసంసిద్ధా దత్తాత్రేయవిభావితా ॥ 44 ॥

దత్తాత్రేయకృతార్హా చ దత్తాత్రేయప్రసాదితా ।
దత్తాత్రేయహర్షదాత్రీ దత్తాత్రేయసుఖప్రదా ॥ 45 ॥

దత్తాత్రేయస్తుతా చైవ దత్తాత్రేయనుతాసదా ।
దత్తాత్రేయప్రేమరతా దత్తాత్రేయానుమానితా ॥ 46 ॥

దత్తాత్రేయసముద్గీతా దత్తాత్రేయకుటుమ్బినీ ।
దత్తాత్రేయప్రాణతుల్యా దత్తాత్రేయశరీరిణీ ॥ 47 ॥

దత్తాత్రేయకృతానన్దా దత్తాత్రేయాంశసమ్భవా ।
దత్తాత్రేయవిభూతిస్థా దత్తాత్రేయానుసారిణీ ॥ 48 ॥

దత్తాత్రేయగీతిరతా దత్తాత్రేయధనప్రదా ।
దత్తాత్రేయదుఃఖహరా దత్తాత్రేయవరప్రదా ॥ 49 ॥

దత్తాత్రేయజ్ఞానదాత్రీ దత్తాత్రేయభయాపహా ।
దేవకన్యా దేవమాన్యా దేవదుఃఖవినాశినీ ॥ 50 ॥

దేవసిద్ధా దేవపూజ్యా దేవేజ్యా దేవవన్దితా ।
దేవమాన్యా దేవధన్యా దేవవిఘ్నవినాశినీ ॥ 51 ॥

దేవరమ్యా దేవరతా దేవకౌతుకతత్పరా ।
దేవక్రీడా దేవవ్రీడా దేవవైరివినాశినీ ॥ 52 ॥

దేవకామా దేవరామా దేవద్విషవినాశినీ ।
దేవదేవప్రియా దేవీ దేవదానవవన్దితా ॥ 53 ॥

దేవదేవరతానన్దా దేవదేవవరోత్సుకా ।
దేవదేవప్రేమరతా దేవదేవప్రియంవదా ॥ 54 ॥

దేవదేవప్రాణతుల్యా దేవదేవనితమ్బినీ ।
దేవదేవహృతమనా దేవదేవసుఖావహా ॥ 55 ॥

దేవదేవక్రోడరతా దేవదేవసుఖప్రదా ।
దేవదేవమహానన్దా దేవదేవప్రచుమ్బితా ॥ 56 ॥

దేవదేవోపభుక్తా చ దేవదేవానుసేవితా ।
దేవదేవగతప్రాణా దేవదేవగతాత్మికా ॥ 57 ॥

దేవదేవహర్షదాత్రీ దేవదేవసుఖప్రదా ।
దేవదేవమహానన్దా దేవదేవవిలాసినీ ॥ 58 ॥

దేవదేవధర్మపత్నీ దేవదేవమనోగతా ।
దేవదేవవధూర్దేవీ దేవదేవార్చనప్రియా ॥ 59 ॥

దేవదేవాఙ్గనిలయా దేవదేవాఙ్గశాయినీ ।
దేవదేవాఙ్గసుఖినీ దేవదేవాఙ్గవాసినీ ॥ 60 ॥

దేవదేవాఙ్గభూషా చ దేవదేవాఙ్గభూషణా ।
దేవదేవప్రియకరీ దేవదేవాప్రియాన్తకృత్ ॥ 61 ॥

దేవదేవప్రియప్రాణా దేవదేవప్రియాత్మికా ।
దేవదేవార్చకప్రాణా దేవదేవార్చకప్రియా ॥ 62 ॥

దేవదేవార్చకోత్సాహా దేవదేవార్చకాశ్రయా ।
దేవదేవార్చకావిఘ్నా దేవదేవప్రసూరపి ॥ 63 ॥

దేవదేవస్య జననీ దేవదేవవిధాయినీ ।
దేవదేవస్య రమణీ దేవదేవహృదాశ్రయా ॥ 64 ॥

దేవదేవేష్టదేవీ చ దేవతాపవిపాతినీ । [తాపసపాలినీ]
దేవతాభావసన్తుష్టా దేవతాభావతోషితా ॥ 65 ॥

దేవతాభావవరదా దేవతాభావసిద్ధిదా ।
దేవతాభావసంసిద్ధా దేవతాభావసమ్భవా ॥ 66 ॥

దేవతాభావసుఖినీ దేవతాభావవన్దితా ।
దేవతాభావసుప్రీతా దేవతాభావహర్షదా ॥ 67 ॥

దేవతావిఘ్నహన్త్రీ చ దేవతాద్విషనాశినీ ।
దేవతాపూజితపదా దేవతాప్రేమతోషితా ॥ 68 ॥

దేవతాగారనిలయా దేవతాసౌఖ్యదాయినీ ।
దేవతానిజభావా చ దేవతాహృతమానసా ॥ 69 ॥

దేవతాకృతపాదార్చా దేవతాహృతభక్తికా ।
దేవతాగర్వమధ్యస్థా దేవతాదేవతాతనుః ॥ 70 ॥

దుం‍దుర్గాయై నమో నామ్నీ దుం‍షణ్మన్త్రస్వరూపిణీ ।
దూన్నమోమన్త్రరూపా చ దూన్నమోమూర్తికాత్మికా ॥ 71 ॥

దూరదర్శిప్రియా దుష్టా దుష్టభూతనిషేవితా ।
దూరదర్శిప్రేమరతా దూరదర్శిప్రియంవదా ॥ 72 ॥

దూరదర్శిసిద్ధిదాత్రీ దూరదర్శిప్రతోషితా ।
దూరదర్శికణ్ఠసంస్థా దూరదర్శిప్రహర్షితా ॥ 73 ॥

దూరదర్శిగృహీతార్చా దూరదర్శిప్రతర్పితా ।
దూరదర్శిప్రాణతుల్యా దూరదర్శిసుఖప్రదా ॥ 74 ॥

దూరదర్శిభ్రాన్తిహరా దూరదర్శిహృదాస్పదా ।
దూరదర్శ్యరివిద్భావా దీర్ఘదర్శిప్రమోదినీ ॥ 75 ॥

దీర్ఘదర్శిప్రాణతుల్యా దీర్ఘదర్శివరప్రదా ।
దీర్ఘదర్శిహర్షదాత్రీ దీర్ఘదర్శిప్రహర్షితా ॥ 76 ॥

దీర్ఘదర్శిమహానన్దా దీర్ఘదర్శిగృహాలయా ।
దీర్ఘదర్శిగృహీతార్చా దీర్ఘదర్శిహృతార్హణా ॥ 77 ॥

దయా దానవతీ దాత్రీ దయాలుర్దీనవత్సలా ।
దయార్ద్రా చ దయాశీలా దయాఢ్యా చ దయాత్మికా ॥ 78 ॥

దయామ్బుధిర్దయాసారా దయాసాగరపారగా ।
దయాసిన్ధుర్దయాభారా దయావత్కరుణాకరీ ॥ 80 ॥

దయావద్వత్సలాదేవీ దయాదానరతాసదా ।
దయావద్భక్తిసుఖినీ దయావత్పరితోషితా ॥ 81 ॥

దయావత్స్నేహనిరతా దయావత్ప్రతిపాదికా ।
దయావత్ప్రాణకర్త్రీ చ దయావన్ముక్తిదాయినీ ॥ 82 ॥

దయావద్భావసన్తుష్టా దయావత్పరితోషితా ।
దయావత్తారణపరా దయావత్సిద్ధిదాయినీ ॥ 83 ॥

దయావత్పుత్రవద్భావా దయావత్పుత్రరూపిణీ ।
దయావద్దేహనిలయా దయాబన్ధుర్దయాశ్రయా ॥ 84 ॥

దయాళువాత్సల్యకరీ దయాళుసిద్ధిదాయినీ ।
దయాళుశరణాసక్తా దయాళుర్దేహమన్దిరా ॥ 85 ॥

దయాళుభక్తిభావస్థా దయాళుప్రాణరూపిణీ ।
దయాళుసుఖదా దమ్భా దయాళుప్రేమవర్షిణీ ॥ 86 ॥

దయాళువశగా దీర్ఘా దీర్ఘాఙ్గీ దీర్ఘలోచనా ।
దీర్ఘనేత్రా దీర్ఘచక్షుర్దీర్ఘబాహులతాత్మికా ॥ 87 ॥

దీర్ఘకేశీ దీర్ఘముఖీ దీర్ఘఘోణా చ దారుణా ।
దారుణాసురహన్త్రీ చ దారుణాసురదారిణీ ॥ 88 ॥

దారుణాహవకర్త్రీ చ దారుణాహవహర్షితా ।
దారుణాహవహోమాఢ్యా దారుణాచలనాశినీ ॥ 89 ॥

దారుణాచారనిరతా దారుణోత్సవహర్షితా ।
దారుణోద్యతరూపా చ దారుణారినివారిణీ ॥ 90 ॥

దారుణేక్షణసంయుక్తా దోశ్చతుష్కవిరాజితా ।
దశదోష్కా దశభుజా దశబాహువిరాజితా ॥ 91 ॥

దశాస్త్రధారిణీ దేవీ దశదిక్ఖ్యాతవిక్రమా ।
దశరథార్చితపదా దాశరథిప్రియా సదా ॥ 92 ॥

దాశరథిప్రేమతుష్టా దాశరథిరతిప్రియా ।
దాశరథిప్రియకరీ దాశరథిప్రియంవదా ॥ 93 ॥

దాశరథీష్టసన్దాత్రీ దాశరథీష్టదేవతా ।
దాశరథిద్వేషినాశా దాశరథ్యానుకూల్యదా ॥ 94 ॥

దాశరథిప్రియతమా దాశరథిప్రపూజితా ।
దశాననారిసమ్పూజ్యా దశాననారిదేవతా ॥ 95 ॥

దశాననారిప్రమదా దశాననారిజన్మభూః ।
దశాననారిరతిదా దశాననారిసేవితా ॥ 96 ॥

దశాననారిసుఖదా దశాననారివైరిహృత్ ।
దశాననారీష్టదేవీ దశగ్రీవారివన్దితా ॥ 97 ॥

దశగ్రీవారిజననీ దశగ్రీవారిభావినీ ।
దశగ్రీవారిసహితా దశగ్రీవసభాజితా ॥ 98 ॥

దశగ్రీవారిరమణీ దశగ్రీవవధూరపి ।
దశగ్రీవనాశకర్త్రీ దశగ్రీవవరప్రదా ॥ 99 ॥

దశగ్రీవపురస్థా చ దశగ్రీవవధోత్సుకా ।
దశగ్రీవప్రీతిదాత్రీ దశగ్రీవవినాశినీ ॥ 100 ॥

దశగ్రీవాహవకరీ దశగ్రీవానపాయినీ ।
దశగ్రీవప్రియావన్ద్యా దశగ్రీవాహృతా తథా ॥ 101 ॥

దశగ్రీవాహితకరీ దశగ్రీవేశ్వరప్రియా ।
దశగ్రీవేశ్వరప్రాణా దశగ్రీవవరప్రదా ॥ 102 ॥

దశగ్రీవేశ్వరరతా దశవర్షీయకన్యకా ।
దశవర్షీయబాలా చ దశవర్షీయవాసినీ ॥ 103 ॥

దశపాపహరా దమ్యా దశహస్తవిభూషితా ।
దశశస్త్రలసద్దోష్కా దశదిక్పాలవన్దితా ॥ 104 ॥

దశావతారరూపా చ దశావతారరూపిణీ ।
దశవిద్యాభిన్నదేవీ దశప్రాణస్వరూపిణీ ॥ 105 ॥

దశవిద్యాస్వరూపా చ దశవిద్యామయీ తథా ।
దృక్స్వరూపా దృక్ప్రదాత్రీ దృగ్రూపా దృక్ప్రకాశినీ ॥ 106 ॥

దిగన్తరా దిగన్తస్థా దిగమ్బరవిలాసినీ ।
దిగమ్బరసమాజస్థా దిగమ్బరప్రపూజితా ॥ 107 ॥

దిగమ్బరసహచరీ దిగమ్బరకృతాస్పదా ।
దిగమ్బరహృతాచిత్తా దిగమ్బరకథాప్రియా ॥ 108 ॥

దిగమ్బరగుణరతా దిగమ్బరస్వరూపిణీ ।
దిగమ్బరశిరోధార్యా దిగమ్బరహృతాశ్రయా ॥ 109 ॥

దిగమ్బరప్రేమరతా దిగమ్బరరతాతురా ।
దిగమ్బరీస్వరూపా చ దిగమ్బరీగణార్చితా ॥ 110 ॥

దిగమ్బరీగణప్రాణా దిగమ్బరీగణప్రియా ।
దిగమ్బరీగణారాధ్యా దిగమ్బరగణేశ్వరా ॥ 111 ॥

దిగమ్బరగణస్పర్శామదిరాపానవిహ్వలా ।
దిగమ్బరీకోటివృతా దిగమ్బరీగణావృతా ॥ 112 ॥

దురన్తా దుష్కృతిహరా దుర్ధ్యేయా దురతిక్రమా ।
దురన్తదానవద్వేష్టీ దురన్తదనుజాన్తకృత్ ॥ 113 ॥

దురన్తపాపహన్త్రీ చ దస్రనిస్తారకారిణీ ।
దస్రమానససంస్థానా దస్రజ్ఞానవివర్ధినీ ॥ 114 ॥

దస్రసమ్భోగజననీ దస్రసమ్భోగదాయినీ ।
దస్రసమ్భోగభవనా దస్రవిద్యావిధాయినీ ॥ 115 ॥

దస్రోద్వేగహరా దస్రజననీ దస్రసున్దరీ ।
దస్రభక్తివిధాజ్ఞానా దస్రద్విషవినాశినీ ॥ 116 ॥

దస్రాపకారదమనీ దస్రసిద్ధివిధాయినీ ।
దస్రతారారాధితా చ దస్రమాతృప్రపూజితా ॥ 117 ॥

దస్రదైన్యహరా చైవ దస్రతాతనిషేవితా ।
దస్రపితృశతజ్యోతిర్దస్రకౌశలదాయినీ ॥ 118 ॥

దశశీర్షారిసహితా దశశీర్షారికామినీ ।
దశశీర్షపురీ దేవీ దశశీర్షసభాజితా ॥ 119 ॥

దశశీర్షారిసుప్రీతా దశశీర్షవధూప్రియా ।
దశశీర్షశిరశ్ఛేత్రీ దశశీర్షనితమ్బినీ ॥ 120 ॥

దశశీర్షహరప్రాణా దశశీర్షహరాత్మికా ।
దశశీర్షహరారాధ్యా దశశీర్షారివన్దితా ॥ 121 ॥

దశశీర్షారిసుఖదా దశశీర్షకపాలినీ ।
దశశీర్షజ్ఞానదాత్రీ దశశీర్షారిదేహినీ ॥ 122 ॥

దశశీర్షవధోపాత్తశ్రీరామచన్ద్రరూపతా ।
దశశీర్షరాష్ట్రదేవీ దశశీర్షారిసారిణీ ॥ 123 ॥

దశశీర్షభ్రాతృతుష్టా దశశీర్షవధూప్రియా ।
దశశీర్షవధూప్రాణా దశశీర్షవధూరతా ॥ 124 ॥

దైత్యగురురతా సాధ్వీ దైత్యగురుప్రపూజితా ।
దైత్యగురూపదేష్ట్రీ చ దైత్యగురునిషేవితా ॥ 125 ॥

దైత్యగురుగతప్రాణా దైత్యగురుతాపనాశినీ ।
దురన్తదుఃఖశమనీ దురన్తదమనీతమీ ॥ 126 ॥

దురన్తశోకశమనీ దురన్తరోగనాశినీ ।
దురన్తవైరిదమనీ దురన్తదైత్యనాశినీ ॥ 127 ॥

దురన్తకలుషఘ్నీ చ దుష్కృతిస్తోమనాశినీ ।
దురాశయా దురాధారా దుర్జయా దుష్టకామినీ ॥ 128 ॥

దర్శనీయా చ దృశ్యా చ దృష్ట్వా చ దృష్టిగోచరా ।
దూతీయాగప్రియా దూతీ దూతీయాగకరప్రియా ॥ 129 ॥

దూతీయాగకరానన్దా దూతీయాగసుఖప్రదా ।
దూతీయాగకరాయాతా దూతీయాగప్రమోదినీ ॥ 130 ॥

దుర్వాసఃపూజితా చైవ దుర్వాసోమునిభావితా ।
దుర్వాసోఽర్చితపాదా చ దుర్వాసోమునిభావితా ॥ 131 ॥

దుర్వాసోమునివన్ద్యా చ దుర్వాసోమునిదేవతా ।
దుర్వాసోమునిమాతా చ దుర్వాసోమునిసిద్ధిదా ॥ 132 ॥

దుర్వాసోమునిభావస్థా దుర్వాసోమునిసేవితా ।
దుర్వాసోమునిచిత్తస్థా దుర్వాసోమునిమణ్డితా ॥ 133 ॥

దుర్వాసోమునిసఞ్చారా దుర్వాసోహృదయఙ్గమా ।
దుర్వాసోహృదయారాధ్యా దుర్వాసోహృత్సరోజగా ॥ 134 ॥

దుర్వాసస్తాపసారాధ్యా దుర్వాసస్తాపసాశ్రయా ।
దుర్వాసస్తాపసరతా దుర్వాసస్తాపసేశ్వరీ ॥ 135 ॥

దుర్వాసోమునికన్యా చ దుర్వాసోఽద్భుతసిద్ధిదా ।
దరరాత్రీ దరహరా దరయుక్తా దరాపహా ॥ 136 ॥

దరఘ్నీ దరహన్త్రీ చ దరయుక్తా దరాశ్రయా ।
దరస్మేరా దరాపాఙ్గీ దయాదాత్రీ దయాశ్రయా ।
దస్రపూజ్యా దస్రమాతా దస్రదేవీ దరోన్మదా ॥ 137 ॥

దస్రసిద్ధా దస్రసంస్థా దస్రతాపవిమోచనీ ।
దస్రక్షోభహరా నిత్యా దస్రలోకగతాత్మికా ॥ 138 ॥

దైత్యగుర్వఙ్గనావన్ద్యా దైత్యగుర్వఙ్గనాప్రియా ।
దైత్యగుర్వఙ్గనాసిద్ధా దైత్యగుర్వఙ్గనోత్సుకా ॥ 139 ॥

దైత్యగురుప్రియతమా దేవగురునిషేవితా ।
దేవగురుప్రసూరూపా దేవగురుకృతార్హణా ॥ 140 ॥

దేవగురుప్రేమయుతా దేవగుర్వనుమానితా ।
దేవగురుప్రభావజ్ఞా దేవగురుసుఖప్రదా ॥ 141 ॥

దేవగురుజ్ఞానదాత్రీ దేవగురుప్రమోదినీ ।
దైత్యస్త్రీగణసమ్పూజ్యా దైత్యస్త్రీగణపూజితా ॥ 142 ॥

దైత్యస్త్రీగణరూపా చ దైత్యస్త్రీచిత్తహారిణీ ।
దేవస్త్రీగణపూజ్యా చ దేవస్త్రీగణవన్దితా ॥ 143 ॥

దేవస్త్రీగణచిత్తస్థా దేవస్త్రీగణభూషితా ।
దేవస్త్రీగణసంసిద్ధా దేవస్త్రీగణతోషితా ॥ 144 ॥

దేవస్త్రీగణహస్తస్థచారుచామరవీజితా ।
దేవస్త్రీగణహస్తస్థచారుగన్ధవిలేపితా ॥ 145 ॥

దేవాఙ్గనాధృతాదర్శదృష్ట్యర్థముఖచన్ద్రమా ।
దేవాఙ్గనోత్సృష్టనాగవల్లీదళకృతోత్సుకా ॥ 146 ॥

దేవస్త్రీగణహస్తస్థధూపాఘ్రాణవినోదినీ ।
దేవస్త్రీగణహస్తస్థదీపమాలావిలోకనా ॥ 147 ॥

దేవనారీకరగతవాసకాసవపాయినీ ।
దేవనారీకఙ్కతికాకృతకేశనిమార్జనా ॥ 148 ॥

దేవనారీసేవ్యగాత్రా దేవనారీకృతోత్సుకా ।
దేవనారీవిరచితపుష్పమాలావిరాజితా ॥ 149 ॥

దేవనారీవిచిత్రాఙ్గీ దేవస్త్రీదత్తభోజనా ।
దేవస్త్రీగణగీతా చ దేవస్త్రీగీతసోత్సుకా ॥ 150 ॥

దేవస్త్రీనృత్యసుఖినీ దేవస్త్రీనృత్యదర్శినీ ।
దేవస్త్రీయోజితలసద్రత్నపాదపదామ్బుజా ॥ 151 ॥

దేవస్త్రీగణవిస్తీర్ణచారుతల్పనిషేదుషీ ।
దేవనారీచారుకరాకలితాఙ్ఘ్ర్యాదిదేహికా ॥ 152 ॥

దేవనారీకరవ్యగ్రతాలవృన్తమరుత్సకా ।
దేవనారీవేణువీణానాదసోత్కణ్ఠమానసా ॥ 153 ॥

దేవకోటిస్తుతినుతా దేవకోటికృతార్హణా ।
దేవకోటిగీతగుణా దేవకోటికృతస్తుతిః ॥ 154 ॥

దన్తదాష్ట్యోద్వేగఫలా దేవకోలాహలాకులా ।
ద్వేషరాగపరిత్యక్తా ద్వేషరాగవివర్జితా ॥ 155 ॥

దామపూజ్యా దామభూషా దామోదరవిలాసినీ ।
దామోదరప్రేమరతా దామోదరభగిన్యపి ॥ 156 ॥

దామోదరప్రసూర్దామోదరపత్నీపతివ్రతా ।
దామోదరాఽభిన్నదేహా దామోదరరతిప్రియా ॥ 157 ॥

దామోదరాభిన్నతనుర్దామోదరకృతాస్పదా ।
దామోదరకృతప్రాణా దామోదరగతాత్మికా ॥ 158 ॥

దామోదరకౌతుకాఢ్యా దామోదరకలాకలా ।
దామోదరాలిఙ్గితాఙ్గీ దామోదరకుతూహలా ॥ 159 ॥

దామోదరకృతాహ్లాదా దామోదరసుచుమ్బితా ।
దామోదరసుతాకృష్టా దామోదరసుఖప్రదా ॥ 160 ॥

దామోదరసహాఢ్యా చ దామోదరసహాయినీ ।
దామోదరగుణజ్ఞా చ దామోదరవరప్రదా ॥ 161 ॥

దామోదరానుకూలా చ దామోదరనితమ్బినీ ।
దామోదరజలక్రీడాకుశలా దర్శనప్రియా ॥ 162 ॥

దామోదరజలక్రీడాత్యక్తస్వజనసౌహృదా ।
దామోదరలసద్రాసకేలికౌతుకినీ తథా ॥ 163 ॥

దామోదరభ్రాతృకా చ దామోదరపరాయణా ।
దామోదరధరా దామోదరవైరివినాశినీ ॥ 164 ॥

దామోదరోపజాయా చ దామోదరనిమన్త్రితా ।
దామోదరపరాభూతా దామోదరపరాజితా ॥ 165 ॥

దామోదరసమాక్రాన్తా దామోదరహతాశుభా ।
దామోదరోత్సవరతా దామోదరోత్సవావహా ॥ 166 ॥

దామోదరస్తన్యదాత్రీ దామోదరగవేషితా ।
దమయన్తీసిద్ధిదాత్రీ దమయన్తీప్రసాదితా ॥ 167 ॥

దమయన్తీష్టదేవీ చ దమయన్తీస్వరూపిణీ ।
దమయన్తీకృతార్చా చ దమనర్షివిభావితా ॥ 168 ॥

దమనర్షిప్రాణతుల్యా దమనర్షిస్వరూపిణీ ।
దమనర్షిస్వరూపా చ దమ్భపూరితవిగ్రహా ॥ 169 ॥

దమ్భహన్త్రీ దమ్భధాత్రీ దమ్భలోకవిమోహినీ ।
దమ్భశీలా దమ్భహరా దమ్భవత్పరిమర్దినీ ॥ 170 ॥

దమ్భరూపా దమ్భకరీ దమ్భసన్తానధారిణీ ।
దత్తమోక్షా దత్తధనా దత్తారోగ్యా చ దామ్భికా ॥ 171 ॥

దత్తపుత్రా దత్తదారా దత్తహారా చ దారికా ।
దత్తభోగా దత్తశోకా దత్తహస్త్యాదివాహనా ॥ 172 ॥

దత్తమతిర్దత్తభార్యా దత్తశాస్త్రావబోధికా ।
దత్తపానా దత్తదానా దత్తదారిద్ర్యనాశినీ ॥ 173 ॥

దత్తసౌధావనీవాసా దత్తస్వర్గా చ దాసదా ।
దాస్యతుష్టా దాస్యహరా దాసదాసీశతప్రదా ॥ 174 ॥

దారరూపా దారవాసా దారవాసిహృదాస్పదా ।
దారవాసిజనారాధ్యా దారవాసిజనప్రియా ॥ 175 ॥

దారవాసివినిర్ణీతా దారవాసిసమర్చితా ।
దారవాస్యాహృతప్రాణా దారవాస్యారినాశినీ ॥ 176 ॥

దారవాసివిఘ్నహరా దారవాసివిముక్తిదా ।
దారాగ్నిరూపిణీ దారా దారకార్యరినాశినీ ॥ 177 ॥

దమ్పతీ దమ్పతీష్టా చ దమ్పతీప్రాణరూపికా ।
దమ్పతీస్నేహనిరతా దామ్పత్యసాధనప్రియా ॥ 178 ॥

దామ్పత్యసుఖసేవా చ దామ్పత్యసుఖదాయినీ ।
దామ్పత్యాచారనిరతా దామ్పత్యామోదమోదితా ॥ 179 ॥

దామ్పత్యామోదసుఖినీ దామ్పత్యాహ్లాదకారిణీ ।
దమ్పతీష్టపాదపద్మా దామ్పత్యప్రేమరూపిణీ ॥ 180 ॥

దామ్పత్యభోగభవనా దాడిమీఫలభోజినీ ।
దాడిమీఫలసన్తుష్టా దాడిమీఫలమానసా ॥ 181 ॥

దాడిమీవృక్షసంస్థానా దాడిమీవృక్షవాసినీ ।
దాడిమీవృక్షరూపా చ దాడిమీవనవాసినీ ॥ 182 ॥

దాడిమీఫలసామ్యోరుపయోధరహృదాయుతా । [సమన్వితా]
దక్షిణా దక్షిణారూపా దక్షిణారూపధారిణీ ॥ 183 ॥

దక్షకన్యా దక్షపుత్రీ దక్షమాతా చ దక్షసూః ।
దక్షగోత్రా దక్షసుతా దక్షయజ్ఞవినాశినీ ॥ 184 ॥

దక్షయజ్ఞనాశకర్త్రీ దక్షయజ్ఞాన్తకారిణీ ।
దక్షప్రసూతిర్దక్షేజ్యా దక్షవంశైకపావనీ ॥ 185 ॥

దక్షాత్మజా దక్షసూనుర్దక్షజా దక్షజాతికా ।
దక్షజన్మా దక్షజనుర్దక్షదేహసముద్భవా ॥ 186 ॥

దక్షజనిర్దక్షయాగధ్వంసినీ దక్షకన్యకా ।
దక్షిణాచారనిరతా దక్షిణాచారతుష్టిదా ॥ 187 ॥

దక్షిణాచారసంసిద్ధా దక్షిణాచారభావితా ।
దక్షిణాచారసుఖినీ దక్షిణాచారసాధితా ॥ 188 ॥

దక్షిణాచారమోక్షాప్తిర్దక్షిణాచారవన్దితా ।
దక్షిణాచారశరణా దక్షిణాచారహర్షితా ॥ 189 ॥

ద్వారపాలప్రియా ద్వారవాసినీ ద్వారసంస్థితా ।
ద్వారరూపా ద్వారసంస్థా ద్వారదేశనివాసినీ ॥ 190 ॥

ద్వారకరీ ద్వారధాత్రీ దోషమాత్రవివర్జితా ।
దోషకరా దోషహరా దోషరాశివినాశినీ ॥ 191 ॥

దోషాకరవిభూషాఢ్యా దోషాకరకపాలినీ ।
దోషాకరసహస్రాభా దోషాకరసమాననా ॥ 192 ॥

దోషాకరముఖీ దివ్యా దోషాకరకరాగ్రజా ।
దోషాకరసమజ్యోతిర్దోషాకరసుశీతలా ॥ 193 ॥

దోషాకరశ్రేణీ దోషసదృశాపాఙ్గవీక్షణా ।
దోషాకరేష్టదేవీ చ దోషాకరనిషేవితా ॥ 194 ॥

దోషాకరప్రాణరూపా దోషాకరమరీచికా ।
దోషాకరోల్లసత్ఫాలా దోషాకరసుహర్షిణీ ॥ 195 ॥

దోషాకరశిరోభూషా దోషాకరవధూప్రియా ।
దోషాకరవధూప్రాణా దోషాకరవధూర్మతా ॥ 196 ॥

దోషాకరవధూప్రీతా దోషాకరవధూరపి ।
దోషాపూజ్యా తథా దోషాపూజితా దోషహారిణీ ॥ 197 ॥

దోషాజాపమహానన్దా దోషాజపపరాయణా ।
దోషాపురశ్చారరతా దోషాపూజకపుత్రికా ॥ 198 ॥

దోషాపూజకవాత్సల్యకారిణీజగదమ్బికా ।
దోషాపూజకవైరిఘ్నీ దోషాపూజకవిఘ్నహృత్ ॥ 199 ॥

దోషాపూజకసన్తుష్టా దోషాపూజకముక్తిదా ।
దమప్రసూనసమ్పూజ్యా దమపుష్పప్రియా సదా ॥ 200 ॥

దుర్యోధనప్రపూజ్యా చ దుశ్శాసనసమర్చితా ।
దణ్డపాణిప్రియా దణ్డపాణిమాతా దయానిధిః ॥ 201 ॥

దణ్డపాణిసమారాధ్యా దణ్డపాణిప్రపూజితా ।
దణ్డపాణిగృహాసక్తా దణ్డపాణిప్రియంవదా ॥ 202 ॥

దణ్డపాణిప్రియతమా దణ్డపాణిమనోహరా ।
దణ్డపాణిహృతప్రాణా దణ్డపాణిసుసిద్ధిదా ॥ 203 ॥

దణ్డపాణిపరామృష్టా దణ్డపాణిప్రహర్షితా ।
దణ్డపాణివిఘ్నహరా దణ్డపాణిశిరోధృతా ॥ 204 ॥

దణ్డపాణిప్రాప్తచర్చా దణ్డపాణ్యున్ముఖీ సదా ।
దణ్డపాణిప్రాప్తపదా దణ్డపాణిపరాఙ్ముఖీ ॥ 205 ॥

దణ్డహస్తా దణ్డపాణిర్దణ్డబాహుర్దరాన్తకృత్ ।
దణ్డదోష్కా దణ్డకరా దణ్డచిత్తకృతాస్పదా ॥ 206 ॥

దణ్డివిద్యా దణ్డిమాతా దణ్డిఖణ్డకనాశినీ ।
దణ్డిప్రియా దణ్డిపూజ్యా దణ్డిసన్తోషదాయినీ ॥ 207 ॥

దస్యుపూజా దస్యురతా దస్యుద్రవిణదాయినీ ।
దస్యువర్గకృతార్హా చ దస్యువర్గవినాశినీ ॥ 208 ॥

దస్యునిర్నాశినీ దస్యుకులనిర్నాశినీ తథా ।
దస్యుప్రియకరీ దస్యునృత్యదర్శనతత్పరా ॥ 209 ॥

దుష్టదణ్డకరీ దుష్టవర్గవిద్రావిణీ తథా ।
దుష్టవర్గనిగ్రహార్హా దూషకప్రాణనాశినీ ॥ 210 ॥

దూషకోత్తాపజననీ దూషకారిష్టకారిణీ ।
దూషకద్వేషణకరీ దాహికా దహనాత్మికా ॥ 211 ॥

దారుకారినిహన్త్రీ చ దారుకేశ్వరపూజితా ।
దారుకేశ్వరమాతా చ దారుకేశ్వరవన్దితా ॥ 212 ॥

దర్భహస్తా దర్భయుతా దర్భకర్మవివర్జితా ।
దర్భమయీ దర్భతనుర్దర్భసర్వస్వరూపిణీ ॥ 213 ॥

దర్భకర్మాచారరతా దర్భహస్తకృతార్హణా ।
దర్భానుకూలా దార్భర్యా దర్వీపాత్రానుదామినీ ॥ 214 ॥

దమఘోషప్రపూజ్యా చ దమఘోషవరప్రదా ।
దమఘోషసమారాధ్యా దావాగ్నిరూపిణీ తథా ॥ 215 ॥

దావాగ్నిరూపా దావాగ్నినిర్నాశితమహాబలా ।
దన్తదంష్ట్రాసురకలా దన్తచర్చితహస్తికా ॥ 216 ॥

దన్తదంష్ట్రస్యన్దనా చ దన్తనిర్నాశితాసురా ।
దధిపూజ్యా దధిప్రీతా దధీచివరదాయినీ ॥ 217 ॥

దధీచీష్టదేవతా చ దధీచిమోక్షదాయినీ ।
దధీచిదైన్యహన్త్రీ చ దధీచిదరధారిణీ ॥ 218 ॥

దధీచిభక్తిసుఖినీ దధీచిమునిసేవితా ।
దధీచిజ్ఞానదాత్రీ చ దధీచిగుణదాయినీ ॥ 219 ॥

దధీచికులసమ్భూషా దధీచిభుక్తిముక్తిదా ।
దధీచికులదేవీ చ దధీచికులదేవతా ॥ 220 ॥

దధీచికులగమ్యా చ దధీచికులపూజితా ।
దధీచిసుఖదాత్రీ చ దధీచిదైన్యహారిణీ ॥ 221 ॥

దధీచిదుఃఖహన్త్రీ చ దధీచికులసున్దరీ ।
దధీచికులసమ్భూతా దధీచికులపాలినీ ॥ 222 ॥

దధీచిదానగమ్యా చ దధీచిదానమానినీ ।
దధీచిదానసన్తుష్టా దధీచిదానదేవతా ॥ 223 ॥

దధీచిజయసమ్ప్రీతా దధీచిజపమానసా ।
దధీచిజపపూజాఢ్యా దధీచిజపమాలికా ॥ 224 ॥

దధీచిజపసన్తుష్టా దధీచిజపతోషిణీ ।
దధీచితాపసారాధ్యా దధీచిశుభదాయినీ ॥ 225 ॥

దూర్వా దూర్వాదలశ్యామా దూర్వాదలసమద్యుతిః ।
నామ్నాం సహస్రం దుర్గాయా దాదీనామితి కీర్తితమ్ ॥ 226 ॥

ఫలశృతిః
యః పఠేత్సాధకాధీశః సర్వసిద్ధిర్లభేత్తు సః ।
ప్రాతర్మధ్యాహ్నకాలే చ సన్ధ్యాయాం నియతః శుచిః ॥ 227 ॥

తథాఽర్ధరాత్రసమయే స మహేశ ఇవాపరః ।
శక్తియుక్తా మహారాత్రౌ మహావీరః ప్రపూజయేత్ ॥ 228 ॥

మహాదేవీం మకారాద్యైః పఞ్చభిర్ద్రవ్య సత్తమైః ।
తత్పఠేత్ స్తుతిమిమాం యః స చ సిద్ధిస్వరూపధృక్ ॥ 229 ॥

దేవాలయే శ్మశానే చ గఙ్గాతీరే నిజేగృహే ।
వారాఙ్గనాగృహే చైవ శ్రీగురోః సన్నిధానపి ॥ 230 ॥

పర్వతే ప్రాన్తరే ఘోరే స్తోత్రమేతత్సదా పఠేత్ ।
దుర్గానామసహస్రేణ దుర్గాం పశ్యతి చక్షుషా ॥ 231 ॥

శతావర్తనమేతస్య పురశ్చరణముచ్యతే ।
స్తుతిసారో నిగదితః కిం భూయః శ్రోతుమిచ్ఛసి ॥ 232 ॥

ఇతి కులార్ణవే దుర్గా దకారాది సహస్రనామస్తోత్రమ్ ।