Chandra Sekharashtakam - Shuddha Telugu

చన్ద్రశేఖర చన్ద్రశేఖర చన్ద్రశేఖర పాహిమామ్ ।
చన్ద్రశేఖర చన్ద్రశేఖర చన్ద్రశేఖర రక్షమామ్ ॥

రత్నసాను శరాసనం రజతాద్రి శృఙ్గ నికేతనం
శిఞ్జినీకృత పన్నగేశ్వర మచ్యుతానల సాయకమ్ ।
క్షిప్రదగ్ద పురత్రయం త్రిదశాలయై రభివన్దితం
చన్ద్రశేఖరమాశ్రయే మమ కిం కరిష్యతి వై యమః ॥ 1 ॥

మత్తవారణ ముఖ్యచర్మ కృతోత్తరీయ మనోహరం
పఙ్కజాసన పద్మలోచన పూజితాఙ్ఘ్రి సరోరుహం ।
దేవ సిన్ధు తరఙ్గ శ్రీకర సిక్త శుభ్ర జటాధరం
చన్ద్రశేఖరమాశ్రయే మమ కిం కరిష్యతి వై యమః ॥ 2 ॥

కుణ్డలీకృత కుణ్డలీశ్వర కుణ్డలం వృషవాహనం
నారదాది మునీశ్వర స్తుతవైభవం భువనేశ్వరం ।
అన్ధకాన్తక మాశ్రితామర పాదపం శమనాన్తకం
చన్ద్రశేఖరమాశ్రయే మమ కిం కరిష్యతి వై యమః ॥ 3 ॥

పఞ్చపాదప పుష్పగన్ధ పదామ్బుజ ద్వయశోభితం
ఫాలలోచన జాతపావక దగ్ధ మన్మధ విగ్రహం ।
భస్మదిగ్ద కళేబరం భవనాశనం భవ మవ్యయం
చన్ద్రశేఖరమాశ్రయే మమ కిం కరిష్యతి వై యమః ॥ 4 ॥

యక్ష రాజసఖం భగాక్ష హరం భుజఙ్గ విభూషణమ్
శైలరాజ సుతా పరిష్కృత చారువామ కళేబరమ్ ।
క్షేళ నీలగళం పరశ్వధ ధారిణం మృగధారిణమ్
చన్ద్రశేఖరమాశ్రయే మమ కిం కరిష్యతి వై యమః ॥ 5 ॥

భేషజం భవరోగిణా మఖిలాపదా మపహారిణం
దక్షయజ్ఞ వినాశనం త్రిగుణాత్మకం త్రివిలోచనం ।
భుక్తి ముక్తి ఫలప్రదం సకలాఘ సఙ్ఘ నిబర్హణం
చన్ద్రశేఖరమాశ్రయే మమ కిం కరిష్యతి వై యమః ॥ 6 ॥

విశ్వసృష్టి విధాయకం పునరేవపాలన తత్పరం
సంహరం తమపి ప్రపఞ్చ మశేషలోక నివాసినం ।
క్రీడయన్త మహర్నిశం గణనాథ యూథ సమన్వితం
చన్ద్రశేఖరమాశ్రయే మమ కిం కరిష్యతి వై యమః ॥ 7 ॥

భక్తవత్సల మర్చితం నిధిమక్షయం హరిదమ్బరం
సర్వభూత పతిం పరాత్పర మప్రమేయ మనుత్తమం ।
సోమవారిన భోహుతాశన సోమ పాద్యఖిలాకృతిం
చన్ద్రశేఖర ఏవ తస్య దదాతి ముక్తి మయత్నతః ॥ 8 ॥

Last Updated: 28 December, 2020