அஸ்ய ஶ்ரீ சன்த்³ர கவசஸ்ய । கௌ³தம ருஷி: । அனுஷ்டுப் ச²ன்த:³ । ஶ்ரீ சன்த்³ரோ தே³வதா । சன்த்³ர ப்ரீத்யர்தே² ஜபே வினியோக:³ ॥

த்⁴யானம்

ஸமம் சதுர்பு⁴ஜம் வன்தே³ கேயூர மகுடோஜ்வலம் ।
வாஸுதே³வஸ்ய நயனம் ஶங்கரஸ்ய ச பூ⁴ஷணம் ॥

ஏவம் த்⁴யாத்வா ஜபேன்னித்யம் ஶஶின: கவசம் ஶுப⁴ம் ॥

அத² சன்த்³ர கவசம்

ஶஶீ பாது ஶிரோதே³ஶம் பா⁴லம் பாது கலானிதி⁴: ।
சக்ஷுஷீ சன்த்³ரமா: பாது ஶ்ருதீ பாது நிஶாபதி: ॥ 1 ॥

ப்ராணம் க்ஷபகர: பாது முக²ம் குமுத³பா³ன்த⁴வ: ।
பாது கண்ட²ம் ச மே ஸோம: ஸ்கன்தே⁴ ஜைவாத்ருகஸ்ததா² ॥ 2 ॥

கரௌ ஸுதா⁴கர: பாது வக்ஷ: பாது நிஶாகர: ।
ஹ்ருத³யம் பாது மே சன்த்³ரோ நாபி⁴ம் ஶங்கரபூ⁴ஷண: ॥ 3 ॥

மத்⁴யம் பாது ஸுரஶ்ரேஷ்ட:² கடிம் பாது ஸுதா⁴கர: ।
ஊரூ தாராபதி: பாது ம்ருகா³ங்கோ ஜானுனீ ஸதா³ ॥ 4 ॥

அப்³தி⁴ஜ: பாது மே ஜங்கே⁴ பாது பாதௌ³ விது⁴: ஸதா³ ।
ஸர்வாண்யன்யானி சாங்கா³னி பாது சன்த்³ரோகி²லம் வபு: ॥ 5 ॥

ப²லஶ்ருதி:
ஏதத்³தி⁴ கவசம் தி³வ்யம் பு⁴க்தி முக்தி ப்ரதா³யகம் ।
ய: படே²ச்ச்²ருணுயாத்³வாபி ஸர்வத்ர விஜயீ ப⁴வேத் ॥ 6 ॥

॥ இதி ஶ்ரீசன்த்³ர கவசம் ஸம்பூர்ணம் ॥