View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

ଚଂଦ୍ର କଵଚମ୍

ଅସ୍ୟ ଶ୍ରୀ ଚଂଦ୍ର କଵଚସ୍ୟ । ଗୌତମ ଋଷିଃ । ଅନୁଷ୍ଟୁପ୍ ଛଂଦଃ । ଶ୍ରୀ ଚଂଦ୍ରୋ ଦେଵତା । ଚଂଦ୍ର ପ୍ରୀତ୍ୟର୍ଥେ ଜପେ ଵିନିୟୋଗଃ ॥

ଧ୍ୟାନଂ

ସମଂ ଚତୁର୍ଭୁଜଂ ଵଂଦେ କେୟୂର ମକୁଟୋଜ୍ଵଲମ୍ ।
ଵାସୁଦେଵସ୍ୟ ନୟନଂ ଶଂକରସ୍ୟ ଚ ଭୂଷଣମ୍ ॥

ଏଵଂ ଧ୍ୟାତ୍ଵା ଜପେନ୍ନିତ୍ୟଂ ଶଶିନଃ କଵଚଂ ଶୁଭମ୍ ॥

ଅଥ ଚଂଦ୍ର କଵଚମ୍

ଶଶୀ ପାତୁ ଶିରୋଦେଶଂ ଭାଲଂ ପାତୁ କଲାନିଧିଃ ।
ଚକ୍ଷୁଷୀ ଚଂଦ୍ରମାଃ ପାତୁ ଶ୍ରୁତୀ ପାତୁ ନିଶାପତିଃ ॥ 1 ॥

ପ୍ରାଣଂ କ୍ଷପକରଃ ପାତୁ ମୁଖଂ କୁମୁଦବାଂଧଵଃ ।
ପାତୁ କଂଠଂ ଚ ମେ ସୋମଃ ସ୍କଂଧେ ଜୈଵାତୃକସ୍ତଥା ॥ 2 ॥

କରୌ ସୁଧାକରଃ ପାତୁ ଵକ୍ଷଃ ପାତୁ ନିଶାକରଃ ।
ହୃଦୟଂ ପାତୁ ମେ ଚଂଦ୍ରୋ ନାଭିଂ ଶଂକରଭୂଷଣଃ ॥ 3 ॥

ମଧ୍ୟଂ ପାତୁ ସୁରଶ୍ରେଷ୍ଠଃ କଟିଂ ପାତୁ ସୁଧାକରଃ ।
ଊରୂ ତାରାପତିଃ ପାତୁ ମୃଗାଂକୋ ଜାନୁନୀ ସଦା ॥ 4 ॥

ଅବ୍ଧିଜଃ ପାତୁ ମେ ଜଂଘେ ପାତୁ ପାଦୌ ଵିଧୁଃ ସଦା ।
ସର୍ଵାଣ୍ୟନ୍ୟାନି ଚାଂଗାନି ପାତୁ ଚଂଦ୍ରୋଖିଲଂ ଵପୁଃ ॥ 5 ॥

ଫଲଶ୍ରୁତିଃ
ଏତଦ୍ଧି କଵଚଂ ଦିଵ୍ୟଂ ଭୁକ୍ତି ମୁକ୍ତି ପ୍ରଦାୟକମ୍ ।
ୟଃ ପଠେଚ୍ଛୃଣୁୟାଦ୍ଵାପି ସର୍ଵତ୍ର ଵିଜୟୀ ଭଵେତ୍ ॥ 6 ॥

॥ ଇତି ଶ୍ରୀଚଂଦ୍ର କଵଚଂ ସଂପୂର୍ଣମ୍ ॥




Browse Related Categories: