లఙ్కాయాం శాఙ్కరీదేవీ కామాక్షీ కాఞ్చికాపురే ।
ప్రద్యుమ్నే శృఙ్ఖళాదేవీ చాముణ్డీ క్రౌఞ్చపట్టణే ॥ 1 ॥
అలమ్పురే జోగుళామ్బా శ్రీశైలే భ్రమరామ్బికా ।
కొల్హాపురే మహాలక్ష్మీ ముహుర్యే ఏకవీరా ॥ 2 ॥
ఉజ్జయిన్యాం మహాకాళీ పీఠికాయాం పురుహూతికా ।
ఓఢ్యాయాం గిరిజాదేవీ మాణిక్యా దక్షవాటికే ॥ 3 ॥
హరిక్షేత్రే కామరూపీ ప్రయాగే మాధవేశ్వరీ ।
జ్వాలాయాం వైష్ణవీదేవీ గయా మాఙ్గళ్యగౌరికా ॥ 4 ॥
వారణాశ్యాం విశాలాక్షీ కాశ్మీరేతు సరస్వతీ ।
అష్టాదశ సుపీఠాని యోగినామపి దుర్లభమ్ ॥ 5 ॥
సాయఙ్కాలే పఠేన్నిత్యం సర్వశత్రువినాశనమ్ ।
సర్వరోగహరం దివ్యం సర్వసమ్పత్కరం శుభమ్ ॥ 6 ॥