View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

அஷ்ட லக்ஷ்மீ ஸ்தோத்ரம்

ஆதி³லக்ஷ்மி
ஸுமனஸ வன்தி³த ஸுன்த³ரி மாத⁴வி, சன்த்³ர ஸஹொத³ரி ஹேமமயே
முனிக³ண வன்தி³த மோக்ஷப்ரதா³யனி, மஞ்ஜுல பா⁴ஷிணி வேத³னுதே ।
பங்கஜவாஸினி தே³வ ஸுபூஜித, ஸத்³கு³ண வர்ஷிணி ஶான்தியுதே
ஜய ஜயஹே மது⁴ஸூத³ன காமினி, ஆதி³லக்ஷ்மி பரிபாலய மாம் ॥ 1 ॥

தா⁴ன்யலக்ஷ்மி
அயிகலி கல்மஷ நாஶினி காமினி, வைதி³க ரூபிணி வேத³மயே
க்ஷீர ஸமுத்³ப⁴வ மங்கள³ ரூபிணி, மன்த்ரனிவாஸினி மன்த்ரனுதே ।
மங்கள³தா³யினி அம்பு³ஜவாஸினி, தே³வக³ணாஶ்ரித பாத³யுதே
ஜய ஜயஹே மது⁴ஸூத³ன காமினி, தா⁴ன்யலக்ஷ்மி பரிபாலய மாம் ॥ 2 ॥

தை⁴ர்யலக்ஷ்மி
ஜயவரவர்ஷிணி வைஷ்ணவி பா⁴ர்க³வி, மன்த்ர ஸ்வரூபிணி மன்த்ரமயே
ஸுரக³ண பூஜித ஶீக்⁴ர ப²லப்ரத,³ ஜ்ஞான விகாஸினி ஶாஸ்த்ரனுதே ।
ப⁴வப⁴யஹாரிணி பாபவிமோசனி, ஸாது⁴ ஜனாஶ்ரித பாத³யுதே
ஜய ஜயஹே மது⁴ ஸூத⁴ன காமினி, தை⁴ர்யலக்ஷ்மீ பரிபாலய மாம் ॥ 3 ॥

கஜ³லக்ஷ்மி
ஜய ஜய து³ர்க³தி நாஶினி காமினி, ஸர்வப²லப்ரத³ ஶாஸ்த்ரமயே
ரத⁴கஜ³ துரக³பதா³தி ஸமாவ்ருத, பரிஜன மண்டி³த லோகனுதே ।
ஹரிஹர ப்³ரஹ்ம ஸுபூஜித ஸேவித, தாப நிவாரிணி பாத³யுதே
ஜய ஜயஹே மது⁴ஸூத³ன காமினி, கஜ³லக்ஷ்மீ ரூபேண பாலய மாம் ॥ 4 ॥

ஸன்தானலக்ஷ்மி
அயிக²க³ வாஹினி மோஹினி சக்ரிணி, ராக³விவர்தி⁴னி ஜ்ஞானமயே
கு³ணக³ணவாரதி⁴ லோகஹிதைஷிணி, ஸப்தஸ்வர பூ⁴ஷித கா³னநுதே ।
ஸகல ஸுராஸுர தே³வ முனீஶ்வர, மானவ வன்தி³த பாத³யுதே
ஜய ஜயஹே மது⁴ஸூத³ன காமினி, ஸன்தானலக்ஷ்மீ பரிபாலய மாம் ॥ 5 ॥

விஜயலக்ஷ்மி
ஜய கமலாஸினி ஸத்³க³தி தா³யினி, ஜ்ஞானவிகாஸினி கா³னமயே
அனுதி³ன மர்சித குங்கும தூ⁴ஸர, பூ⁴ஷித வாஸித வாத்³யனுதே ।
கனகத⁴ராஸ்துதி வைப⁴வ வன்தி³த, ஶங்கரதே³ஶிக மான்யபதே³
ஜய ஜயஹே மது⁴ஸூத³ன காமினி, விஜயலக்ஷ்மீ பரிபாலய மாம் ॥ 6 ॥

வித்³யாலக்ஷ்மி
ப்ரணத ஸுரேஶ்வரி பா⁴ரதி பா⁴ர்க³வி, ஶோகவினாஶினி ரத்னமயே
மணிமய பூ⁴ஷித கர்ணவிபூ⁴ஷண, ஶான்தி ஸமாவ்ருத ஹாஸ்யமுகே² ।
நவனிதி⁴ தா³யினி கலிமலஹாரிணி, காமித ப²லப்ரத³ ஹஸ்தயுதே
ஜய ஜயஹே மது⁴ஸூத³ன காமினி, வித்³யாலக்ஷ்மீ ஸதா³ பாலய மாம் ॥ 7 ॥

த⁴னலக்ஷ்மி
தி⁴மிதி⁴மி தி⁴ன்தி⁴மி தி⁴ன்தி⁴மி-தி³ன்தி⁴மி, து³ன்து⁴பி⁴ நாத³ ஸுபூர்ணமயே
கு⁴மகு⁴ம கு⁴ங்கு⁴ம கு⁴ங்கு⁴ம கு⁴ங்கு⁴ம, ஶங்க³ நினாத³ ஸுவாத்³யனுதே ।
வேத³ பூராணேதிஹாஸ ஸுபூஜித, வைதி³க மார்க³ ப்ரத³ர்ஶயுதே
ஜய ஜயஹே மது⁴ஸூத³ன காமினி, த⁴னலக்ஷ்மி ரூபேணா பாலய மாம் ॥ 8 ॥

ப²லஶ்ருதி
ஶ்லோ॥ அஷ்டலக்ஷ்மீ நமஸ்துப்⁴யம் வரதே³ காமரூபிணி ।
விஷ்ணுவக்ஷ: ஸ்த²லா ரூடே⁴ ப⁴க்த மோக்ஷ ப்ரதா³யினி ॥

ஶ்லோ॥ ஶங்க³ சக்ரக³தா³ஹஸ்தே விஶ்வரூபிணிதே ஜய: ।
ஜக³ன்மாத்ரே ச மோஹின்யை மங்கள³ம் ஶுப⁴ மங்கள³ம் ॥




Browse Related Categories: