తిరువీథుల మెఱసీ దేవదేవుడు
గరిమల మిఞ్చిన సిఙ్గారములతోడను ॥
తిరుదణ్డేలపై నేగీ దేవుడిదె తొలునాడు
సిరుల రెణ్డవనాడు శేషునిమీద ।
మురిపేన మూడోనాడు ముత్యాల పన్దిరి క్రిన్ద
పొరినాలుగోనాడు పువు గోవిలలోను ॥
గ్రక్కున నైదవనాడు గరుడునిమీద
యెక్కను ఆరవనాడు యేనుగుమీద ॥
చొక్కమై యేడవనాడు సూర్యప్రభలోనను
యిక్కువ దేరును గుర్రమెనిమిదోనాడు ॥
కనకపుటన్దలము కదిపి తొమ్మిదోనాడు
పెనచి పదోనాడు పెణ్డ్లిపీట ।
యెనసి శ్రీ వేఙ్కటేశు డిన్తి యలమేల్మఙ్గతో
వనితల నడుమను వాహనాలమీదను ॥