Malayalam

Annamayya Keerthanas Radha Madhava Rati Charitamiti – Malayalam

Comments Off on Annamayya Keerthanas Radha Madhava Rati Charitamiti – Malayalam 13 June 2011

PDFLarge PDFMultimediaMeaning

View this in:
English Devanagari Telugu Tamil Kannada Malayalam Gujarati Oriya Bengali |

 

രചന: അന്നമാചാര്യ

രാധാമാധവരതിചരിതമിതി
ബോധാവഹം ശ്രുതിഭൂഷണമ് ||

ഗഹനേ ദ്വാവപി ഗത്വാ ഗത്വാ
രഹസി രതിം പ്രേരയതി സതി |
വിഹരതസ്തദാ വിലസംതൗ
വിഹതഗൃഹാശൗ വിവശൗ തൗ ||

ലജ്ജാശഭള വിലാസലീലയാ
കജ്ജലനയന വികാരേണ |
ഹൃജ്ജാവ്യവനഹിത ഹൃദയാ രതി
സ്സജ്ജാ സംഭ്രമചപലാ ജാതാ ||

പുരതോ യാംതം പുരുഷം വകുളൈഃ
കുരംടകൈര്വാ കുടജൈര്വാ |
പരമം പ്രഹരതി പശ്ചാല്ലഗ്നാ-
ഗിരം വിനാസി വികിരതി മുദമ് ||

ഹരി സുരഭൂരുഹ മാരോഹതീവ
ചരണേന കടിം സംവേഷ്ട്യ |
പരിരംചണ സംപാദിതപുലകൈ
സ്സുരുചിര്ജാതാ സുമലതികേവ ||

വിധുമുഖദര്ശന വികളിതലജ്ജാ-
ത്വധരബിംബഫലമാസ്വാദ്യ |
മധുരോപായനമാര്ഗേണ കുചൗ
നിധിവദ ത്വാ നിത്യസുഖമിതാ ||

സുരുചിരകേതക സുമദള നഖരൈ-
ര്വരചിബുകം സാ പരിവൃത്യ |
തരുണിമസിംധൗ തദീയദൃഗ്ജല-
ചരയുഗളം സംസക്തം ചകാര ||

വചന വിലാസൈര്വശീകൃത തം
നിചുലകുംജ മാനിതദേശേ |
പ്രചുരസൈകതേ പല്ലവശയനേ-
രചിതരതികളാ രാഗേണാസ ||

അഭിനവകല്യാണാംചിതരൂപാ-
വഭിനിവേശ സംയതചിത്തൗ |
ബഭൂവതു സ്തത്പരൗ വേംകട
വിഭുനാ സാ തദ്വിധിനാ സതയാ ||

സച ലജ്ജാവീക്ഷണോ ഭവതി തം
കചഭരാം ഗംധം ഘ്രാപയതി |
നചലതിചേന്മാനവതീ തഥാപി
കുചസംഗാദനുകൂലയതി ||

അവനതശിരസാപ്യതി സുഭഗം
വിവിധാലാപൈര്വിവശയതി |
പ്രവിമല കരരുഹരചന വിലാസൈ
ര്ഭുവനപതി തം ഭൂഷയതി ||

ലതാഗൃഹമേളനം നവസൈ
കതവൈഭവ സൗഖ്യം ദൃഷ്ട്വാ |
തതസ്തതശ്ചരസൗ കേലീ-
വ്രതചര്യാം താം വാംഛംതൗ |

വനകുസുമ വിശദവരവാസനയാ-
ഘനസാരരജോഗംധൈശ്ച |
ജനയതി പവനേ സപദി വികാരം-
വനിതാ പുരുഷൗ ജനിതാശൗ ||

ഏവം വിചരന് ഹേലാ വിമുഖ-
ശ്രീവേംകടഗിരി ദേവോയമ് |
പാവനരാധാപരിരംഭസുഖ-
ശ്രീ വൈഭവസുസ്ഥിരോ ഭവതി ||

Comments are closed.

Join on Facebook, Twitter

Browse by Popular Topics