अन्नमय्य कीर्तन नारायणते नमो नमो
रागं: बेहाग् तालं: आदितालं
नारायणते नमो नमो नारद सन्नुत नमो नमो ॥
मुरहर भवहर मुकुन्द माधव गरुड गमन पङ्कजनाभ । परम पुरुष भवबन्ध विमोचन नर मृग शरीर नमो नमो ॥
जलधि शयन रविचन्द्र विलोचन जलरुह भवनुत चरणयुग । बलिबन्धन गोप वधू वल्लभ नलिनो दरते नमो नमो ॥
आदिदेव सकलागम पूजित यादवकुल मोहन रूप । वेदोद्धर श्री वेङ्कट नायक नाद प्रियते नमो नमो ॥
Browse Related Categories: