| View this in: |
|
This stotram is in సరళ తెలుగు. View this in శుద్ధ తెలుగు, with appropriate anuswaras marked.
కొండలలో నెలకొన్న కోనేటి రాయడు వాడు
కొండలంత వరములు గుప్పెడు వాడు ||
కుమ్మర దాసుడైన కురువరతి నంబి
ఇమ్మన్న వరములెల్ల ఇచ్చినవాడు |
దొమ్ములు సేసిన యట్టి తొండమాన్ చక్కురవర్తి
రమ్మన్న చోటికి వచ్చి నమ్మిన వాడు ||
అచ్చపు వేడుకతోడ ననంతాళ్వారుకి
ముచ్చిలి వెట్టికి మన్ని మోసినవాడు |
మచ్చిక దొలక తిరునంబి తోడుత
నిచ్చ నిచ్చ మాటలాడి నొచ్చినవాడు ||
కంచిలోన నుండు దిరుకచ్చినంబి మీద గరు-
ణించి తన యెడకు రప్పించిన వాడు |
యెంచి ఎక్కుడైన వేంకటేశుడు మనలకు
మంచివాడై కరుణ బాలించిన వాడు ||
Read Related Stotrams:
- అన్నమయ్య కీర్తన నారాయణతే నమో నమో
- అన్నమయ్య కీర్తన అదివో అల్లదివో
- అన్నమయ్య కీర్తన జో అచ్యుతానంద
- అన్నమయ్య కీర్తన తందనానా అహి
- శ్రీ వేంకటేశ్వర స్తోత్రమ్
