Annamayya Keerthanas Deva Devam Bhaje - Odia

Collection of Spiritual and Devotional Literature in Various Indian Languages

View this in:

ଅନ୍ନମୟ୍ୟ କୀର୍ତନ ଦେଵ ଦେଵଂ ଭଜେ

ରାଗଂ: ଧନ୍ନାସି

ଦେଵ ଦେଵଂ ଭଜେ ଦିଵ୍ୟପ୍ରଭାଵମ୍ ।
ରାଵଣାସୁରଵୈରି ରଣପୁଂଗଵମ୍ ॥

ରାଜଵରଶେଖରଂ ରଵିକୁଲସୁଧାକରଂ
ଆଜାନୁବାହୁ ନୀଲାଭ୍ରକାୟମ୍ ।
ରାଜାରି କୋଦଂଡ ରାଜ ଦୀକ୍ଷାଗୁରୁଂ
ରାଜୀଵଲୋଚନଂ ରାମଚଂଦ୍ରମ୍ ॥

ନୀଲଜୀମୂତ ସନ୍ନିଭଶରୀରଂ ଘନଵି-
ଶାଲଵକ୍ଷଂ ଵିମଲ ଜଲଜନାଭମ୍ ।
ତାଲାହିନଗହରଂ ଧର୍ମସଂସ୍ଥାପନଂ
ଭୂଲଲନାଧିପଂ ଭୋଗିଶୟନମ୍ ॥

ପଂକଜାସନଵିନୁତ ପରମନାରାୟଣଂ
ଶଂକରାର୍ଜିତ ଜନକ ଚାପଦଳନମ୍ ।
ଲଂକା ଵିଶୋଷଣଂ ଲାଲିତଵିଭୀଷଣଂ
ଵେଂକଟେଶଂ ସାଧୁ ଵିବୁଧ ଵିନୁତମ୍ ॥

Browse Related Categories: