अन्नमय्य कीर्तन देव देवं भजे
रागं: धन्नासि
देव देवं भजे दिव्यप्रभावम् । रावणासुरवैरि रणपुंगवम् ॥
राजवरशेखरं रविकुलसुधाकरं आजानुबाहु नीलाभ्रकायम् । राजारि कोदंड राज दीक्षागुरुं राजीवलोचनं रामचंद्रम् ॥
नीलजीमूत सन्निभशरीरं घनवि- शालवक्षं विमल जलजनाभम् । तालाहिनगहरं धर्मसंस्थापनं भूललनाधिपं भोगिशयनम् ॥
पंकजासनविनुत परमनारायणं शंकरार्जित जनक चापदलनम् । लंका विशोषणं लालितविभीषणं वॆंकटेशं साधु विबुध विनुतम् ॥
Browse Related Categories: