Annamayya Keerthanas Choodaramma Satulaaraa - Telugu

Collection of Spiritual and Devotional Literature in Various Indian Languages

View this in:

This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

అన్నమయ్య కీర్తన చూడరమ్మ సతులారా

చూడరమ్మ సతులారా సోబాన పాడరమ్మ ।
కూడున్నది పతి చూడి కుడుత నాంచారి ॥

శ్రీమహాలక్ష్మియట సింగారాలకే మరుదు ।
కాముని తల్లియట చక్కదనాలకే మరుదు ।
సోముని తోబుట్టువట సొంపుకళలకేమరుదు ।
కోమలాంగి ఈ చూడి కుడుత నాంచారి ॥

కలశాబ్ధి కూతురట గంభీరలకే మరుదు ।
తలపలోక మాతయట దయ మరి ఏమరుదు ।
జలజనివాసినియట చల్లదనమేమరుదు ।
కొలదిమీర ఈ చూడి కుడుత నాంచారి ॥

అమరవందితయట అట్టీ మహిమ ఏమరుదు ।
అమృతము చుట్టమట ఆనందాలకేమరుదు ।
తమితో శ్రీవేంకటేశు దానె వచ్చి పెండ్లాడె ।
కౌమెర వయస్సు ఈ చూడి కుడుత నాంచారి ॥

Browse Related Categories: