చూడరమ్మ సతులారా సోబాన పాడరమ్మ ।
కూడున్నది పతి చూడి కుడుత నాఞ్చారి ॥
శ్రీమహాలక్ష్మియట సిఙ్గారాలకే మరుదు ।
కాముని తల్లియట చక్కదనాలకే మరుదు ।
సోముని తోబుట్టువట సొమ్పుకళలకేమరుదు ।
కోమలాఙ్గి ఈ చూడి కుడుత నాఞ్చారి ॥
కలశాబ్ధి కూతురట గమ్భీరలకే మరుదు ।
తలపలోక మాతయట దయ మరి ఏమరుదు ।
జలజనివాసినియట చల్లదనమేమరుదు ।
కొలదిమీర ఈ చూడి కుడుత నాఞ్చారి ॥
అమరవన్దితయట అట్టీ మహిమ ఏమరుదు ।
అమృతము చుట్టమట ఆనన్దాలకేమరుదు ।
తమితో శ్రీవేఙ్కటేశు దానె వచ్చి పెణ్డ్లాడె ।
కౌమెర వయస్సు ఈ చూడి కుడుత నాఞ్చారి ॥