రాగం: మధ్యమావతి
అదివో అల్లదివో శ్రీ హరి వాసము
పదివేల శేషుల పడగల మయము ॥
అదె వేఙ్కటాచల మఖిలోన్నతము
అదివో బ్రహ్మాదుల కపురూపము ।
అదివో నిత్యనివాస మఖిల మునులకు
అదె చూడు డదె మొక్కు డానన్దమయము ॥
చెఙ్గట నదివో శేషాచలమూ
నిఙ్గి నున్న దేవతల నిజవాసము ।
ముఙ్గిట నల్లదివో మూలనున్న ధనము
బఙ్గారు శిఖరాల బహు బ్రహ్మమయము ॥
కైవల్య పదము వేఙ్కట నగ మదివో
శ్రీ వేఙ్కటపతికి సిరులైనది ।
భావిమ్ప సకల సమ్పద రూపమదివో
పావనముల కెల్ల పావన మయమూ ॥