శ్రీ విష్ణు అష్టోత్తర శత నామ స్తోత్రం
|| శ్రీ విష్ణు అష్టోత్తర శతనామస్తోత్రం ||
వాసుదేవం హృషీకేశం వామనం జలశాయినం |
జనార్దనం హరిం కృష్ణం శ్రీవక్షం గరుడధ్వజం || 1 ||
వారాహం పుండరీకాక్షం నృసింహం నరకాంతకం |
అవ్యక్తం శాశ్వతం విష్ణుమనంతమజమవ్యయం || 2 ||
నారాయణం గదాధ్యక్షం గోవిందం కీర్తిభాజనం |
గోవర్ధనోద్ధరం దేవం భూధరం భువనేశ్వరం || 3 ||
వేత్తారం యజ్ఞపురుషం యజ్ఞేశం యజ్ఞవాహనం |
చక్రపాణిం గదాపాణిం శంఖపాణిం నరోత్తమం || 4 ||
వైకుంఠం దుష్టదమనం భూగర్భం పీతవాససం |
త్రివిక్రమం త్రికాలజ్ఞం త్రిమూర్తిం నందకేశ్వరం || 5 ||
రామం రామం హయగ్రీవం భీమం రొఉద్రం భవోద్భవం |
శ్రీపతిం శ్రీధరం శ్రీశం మంగలం మంగలాయుధం || 6 ||
దామోదరం దమోపేతం కేశవం కేశిసూదనం |
వరేణ్యం వరదం విష్ణుమానందం వాసుదేవజం || 7 ||
హిరణ్యరేతసం దీప్తం పురాణం పురుషోత్తమం |
సకలం నిష్కలం శుద్ధం నిర్గుణం గుణశాశ్వతం || 8 ||
హిరణ్యతనుసంకాశం సూర్యాయుతసమప్రభం |
మేఘ్శ్యామం చతుర్బాహుం కుశలం కమలేక్షణం || 9 ||
జ్యోతీరూపమరూపం చ స్వరూపం రూపసంస్థితం |
సర్వజ్ఞం సర్వరూపస్థం సర్వేశం సర్వతోముఖం || 10 ||
జ్ఞానం కూటస్థమచలం జ్ఞ్హానదం పరమం ప్రభుం |
యోగీశం యోగనిష్ణాతం యోగిసంయోగరూపిణం || 11 ||
ఈశ్వరం సర్వభూతానాం వందే భూతమయం ప్రభుం |
ఇతి నామశతం దివ్యం వైష్ణవం ఖలు పాపహం || 12 ||
వ్యాసేన కథితం పూర్వం సర్వపాపప్రణాశనం |
యః పఠేత్ ప్రాతరుత్థాయ స భవేద్ వైష్ణవో నరః || 13 ||
సర్వపాపవిశుద్ధాత్మా విష్ణుసాయుజ్యమాప్నుయాత్ |
చాంద్రాయణసహస్రాణి కన్యాదానశతాని చ || 14 ||
గవాం లక్షసహస్రాణి ముక్తిభాగీ భవేన్నరః |
అశ్వమేధాయుతం పుణ్యం ఫలం ప్రాప్నోతి మానవః || 15 ||
|| ఇతి శ్రీవిష్ణుపురాణే శ్రీ విష్ణు అష్టోత్తర శతనాస్తోత్రం ||