అన్నమయ్య కీర్తన వేదం బెవ్వని
వేదం బెవ్వని వెదకెడివి |
ఆదేవుని గొనియాడుడీ ||
అలరిన చైతన్యాత్మకు డెవ్వడు |
కలడెవ్వ డెచట గలడనిన |
తలతు రెవ్వనిని దనువియోగదశ |
యిల నాతని భజియించుడీ ||
కడగి సకలరక్షకు డిందెవ్వడు |
వడి నింతయు నెవ్వనిమయము |
పిడికిట తృప్తులు పితరు లెవ్వనిని |
దడవిన ఘ్నుడాతని గనుడు ||
కదసి సకలలోకంబుల వారలు |
యిదివో కొలిచెద రెవ్వనిని |
త్రిదశవంద్యుడగు తిరువేంకటపతి |
వెదకి వెదకి సేవించుడీ ||