Back

అన్నమయ్య కీర్తన కొలిచిన వారల

కొలిచిన వారల కొంగుపైడితడు |
బలిమి తారక బ్రహ్మమీతడు ||

ఇనవంశాంబుధి నెగసిన తేజము |
ఘ్నయజ్ఞంబుల గల ఫలము |
మనుజరూపమున మనియెడి బ్రహ్మము |
నినువుల రఘ్కుల నిధానమీతడు ||

పరమాన్నములోపలి సారపుజవి |
పరగినదివిజుల భయహరము |
మరిగినసీతా మంగళసూత్రము |
ధరలో రామావతారంబితడు ||

చకితదానవుల సంహారచక్రము |
సకల వనచరుల జయకరము |
వికసితమగు శ్రీవేంకట నిలయము |
ప్రకటిత దశరథ భాగ్యంబితడు ||

PDF, Full Site (with more options)