అన్నమయ్య కీర్తన కొలని దోపరికి
కొలని దోపరికి గొబ్బిల్లో యదు |
కుల స్వామికిని గొబ్బిల్లో ||
కొండ గొడుగుగా గోవుల గాచిన |
కొండొక శిశువునకు గొబ్బిల్లో |
దండగంపు దైత్యుల కెల్లను తల |
గుండు గండనికి గొబ్బిల్లో ||
పాప విధుల శిశుపాలుని తిట్టుల |
కోపగానికిని గొబ్బిల్లో |
యేపున కంసుని యిడుమల బెట్టిన |
గోప బాలునికి గొబ్బిల్లో ||
దండివైరులను తరిమిన దనుజుల |
గుండె దిగులునకు గొబ్బిల్లో |
వెండిపైడి యగు వేంకట గిరిపై |
కొండలయ్యకును గొబ్బిల్లో ||