Back

అన్నమయ్య కీర్తన ఏలే ఏలే మరదలా

ఏలే యేలే మరదలా చాలుజాలు |
చాలును చాలు నీతోడి సరసంబు బావ ||

గాటపు గుబ్బలు గదలగ గులికేవు |
మాటల దేటల మరదలా |
చీటికి మాటికి జెనకేవే వట్టి |
బూటకాలు మానిపోవే బావ ||

అందిందె నన్ను నదలించి వేసేవు |
మందమేలపు మరదలా |
సందుకో దిరిగేవి సటకారివో బావ |
పొందుగాదిక బోవే బావ ||

చొక్కపు గిలిగింతల చూపుల నన్ను |
మక్కువ సేసిన మరదలా |
గక్కున నను వేంకటపతి కూడితి |
దక్కించుకొంటివి తగులైతి బావ ||

PDF, Full Site (with more options)