ஶ்ரீ வேஂகடேஶ்வர ப்ரபத்தி
ஈஶாநாம் ஜக3தோஸ்ய வேஂகடபதே ர்விஷ்ணோஃ பராம் ப்ரேயஸீம்
தத்3வக்ஷஃஸ்த2ல நித்யவாஸரஸிகாம் தத்-க்ஷாந்தி ஸம்வர்தி4நீம் |
பத்3மாலஂக்ருத பாணிபல்லவயுகா3ம் பத்3மாஸநஸ்தா2ம் ஶ்ரியம்
வாத்ஸல்யாதி3 கு3ணோஜ்ஜ்வலாம் ப4க3வதீம் வந்தே3 ஜக3ந்மாதரம் ||
ஶ்ரீமந் க்ருபாஜலநிதே4 க்ருதஸர்வலோக
ஸர்வஜ்ஞ ஶக்த நதவத்ஸல ஸர்வஶேஷிந் |
ஸ்வாமிந் ஸுஶீல ஸுல பா4ஶ்ரித பாரிஜாத
ஶ்ரீவேஂகடேஶசரணௌ ஶரணம் ப்ரபத்3யே || 2 ||
ஆநூபுரார்சித ஸுஜாத ஸுக3ந்தி4 புஷ்ப
ஸௌரப்4ய ஸௌரப4கரௌ ஸமஸந்நிவேஶௌ |
ஸௌம்யௌ ஸதா3நுப4நேபி நவாநுபா4வ்யௌ
ஶ்ரீவேஂகடேஶ சரணௌ ஶரணம் ப்ரபத்3யே || 3 ||
ஸத்3யோவிகாஸி ஸமுதி3த்த்வர ஸாந்த்3ரராக3
ஸௌரப்4யநிர்ப4ர ஸரோருஹ ஸாம்யவார்தாம் |
ஸம்யக்ஷு ஸாஹஸபதே3ஷு விலேக2யந்தௌ
ஶ்ரீவேஂகடேஶ சரணௌ ஶரணம் ப்ரபத்3யே || 4 ||
ரேகா2மய த்4வஜ ஸுதா4கலஶாதபத்ர
வஜ்ராஂகுஶாம்பு3ருஹ கல்பக ஶங்க3சக்ரைஃ |
ப4வ்யைரலஂக்ருததலௌ பரதத்த்வ சிஹ்நைஃ
ஶ்ரீவேஂகடேஶ சரணௌ ஶரணம் ப்ரபத்3யே || 5 ||
தாம்ரோத3ரத்3யுதி பராஜித பத்3மராகௌ3
பா3ஹ்யைர்-மஹோபி4 ரபி4பூ4த மஹேந்த்3ரநீலௌ |
உத்3ய ந்நகா2ம்ஶுபி4 ருத3ஸ்த ஶஶாஂக பா4ஸௌ
ஶ்ரீவேஂகடேஶ சரணௌ ஶரணம் ப்ரபத்3யே || 6 ||
ஸ ப்ரேமபீ4தி கமலாகர பல்லவாப்4யாம்
ஸம்வாஹநேபி ஸபதி3 க்லம மாத4தா4நௌ |
காந்தா நவாங்மாநஸ கோ3சர ஸௌகுமார்யௌ
ஶ்ரீவேஂகடேஶ சரணௌ ஶரணம் ப்ரபத்3யே || 7 ||
லக்ஷ்மீ மஹீ தத3நுரூப நிஜாநுபா4வ
நீகாதி3 தி3வ்ய மஹிஷீ கரபல்லவாநாம் |
ஆருண்ய ஸஂக்ரமணதஃ கில ஸாந்த்3ரராகௌ3
ஶ்ரீவேஂகடேஶ சரணௌ ஶரணம் ப்ரபத்3யே || 8 ||
நித்யாநமத்3விதி4 ஶிவாதி3 கிரீடகோடி
ப்ரத்யுப்த தீ3ப்த நவரத்நமஹஃ ப்ரரோஹைஃ |
நீராஜநாவிதி4 முதா3ர முபாத3தா4நௌ
ஶ்ரீவேஂகடேஶ சரணௌ ஶரணம் ப்ரபத்3யே || 9 ||
"விஷ்ணோஃ பதே3 பரம" இத்யுதி3த ப்ரஶம்ஸௌ
யௌ "மத்4வ உத்ஸ" இதி போ4க்3ய தயாப்யுபாத்தௌ |
பூ4யஸ்ததே2தி தவ பாணிதல ப்ரதி3ஷ்டௌ
ஶ்ரீவேஂகடேஶ சரணௌ ஶரணம் ப்ரபத்3யே || 1௦ ||
பார்தா2ய தத்-ஸத்3ருஶ ஸாரதி4நா த்வயைவ
யௌ த3ர்ஶிதௌ ஸ்வசரணௌ ஶரணம் வ்ரஜேதி |
பூ4யோபி மஹ்ய மிஹ தௌ கரத3ர்ஶிதௌ தே
ஶ்ரீவேஂகடேஶ சரணௌ ஶரணம் ப்ரபத்3யே || 11 ||
மந்மூர்த்2நி கால்தி3யப2நே விகடாடவீஷு
ஶ்ரீவேஂகடாத்3ரி ஶிக2ரே ஶிரஸி ஶ்ருதீநாம் |
சித்தேப்யநந்ய மநஸாம் ஸமமாஹிதௌ தே
ஶ்ரீவேஂகடேஶ சரணௌ ஶரணம் ப்ரபத்3யே || 12 ||
அம்லாந ஹ்ருஷ்ய த3வநீதல கீர்ணபுஷ்பௌ
ஶ்ரீவேஂகடாத்3ரி ஶிக2ராப4ரணாய-மாநௌ |
ஆநந்தி3தாகி2ல மநோ நயநௌ தவை தௌ
ஶ்ரீவேஂகடேஶ சரணௌ ஶரணம் ப்ரபத்3யே || 13 ||
ப்ராயஃ ப்ரபந்ந ஜநதா ப்ரத2மாவகா3ஹ்யௌ
மாதுஃ ஸ்தநாவிவ ஶிஶோ ரம்ருதாயமாணௌ |
ப்ராப்தௌ பரஸ்பர துலா மதுலாந்தரௌ தே
ஶ்ரீவேஂகடேஶ சரணௌ ஶரணம் ப்ரபத்3யே || 14 ||
ஸத்த்வோத்தரைஃ ஸதத ஸேவ்யபதா3ம்பு3ஜேந
ஸம்ஸார தாரக த3யார்த்3ர த்3ருகஂ3சலேந |
ஸௌம்யோபயந்த்ரு முநிநா மம த3ர்ஶிதௌ தே
ஶ்ரீவேஂகடேஶ சரணௌ ஶரணம் ப்ரபத்3யே || 15 ||
ஶ்ரீஶ ஶ்ரியா க4டிகயா த்வது3பாய பா4வே
ப்ராப்யேத்வயி ஸ்வயமுபேய தயா ஸ்பு2ரந்த்யா |
நித்யாஶ்ரிதாய நிரவத்3ய கு3ணாய துப்4யம்
ஸ்யாம் கிஂகரோ வ்ருஷகி3ரீஶ ந ஜாது மஹ்யம் || 16 ||
இதி ஶ்ரீவேஂகடேஶ ப்ரபத்திஃ