ஶ்ரீமத்3 ப4க3வத்3 கீ3த த்ருதீயோத்4யாயஃ
அத2 த்ருதீயோத்4யாயஃ |
அர்ஜுந உவாச |
ஜ்யாயஸீ சேத்கர்மணஸ்தே மதா பு3த்3தி4ர்ஜநார்த3ந |
தத்கிம் கர்மணி க்4ரே மாம் நியோஜயஸி கேஶவ || 1 ||
வ்யாமிஶ்ரேணேவ வாக்யேந பு3த்3தி4ம் மோஹயஸீவ மே |
ததே3கம் வத3 நிஶ்சித்ய யேந ஶ்ரேயோஹமாப்நுயாம் || 2 ||
ஶ்ரீப4க3வாநுவாச |
லோகேஸ்மிந்த்3விவிதா4 நிஷ்டா2 புரா ப்ரோக்தா மயாநக்4 |
ஜ்ஞாநயோகே3ந ஸாங்க்3யாநாம் கர்மயோகே3ந யோகி3நாம் || 3 ||
ந கர்மணாமநாரம்பா4ந்நைஷ்கர்ம்யம் புருஷோஶ்நுதே |
ந ச ஸம்ந்யஸநாதே3வ ஸித்3தி4ம் ஸமதி4க3ச்ச2தி || 4 ||
ந ஹி கஶ்சித்க்ஷணமபி ஜாது திஷ்ட2த்யகர்மக்ருத் |
கார்யதே ஹ்யவஶஃ கர்ம ஸர்வஃ ப்ரக்ருதிஜைர்கு3ணைஃ || 5 ||
கர்மேந்த்3ரியாணி ஸம்யம்ய ய ஆஸ்தே மநஸா ஸ்மரந் |
இந்த்3ரியார்தா2ந்விமூடா4த்மா மித்2யாசாரஃ ஸ உச்யதே || 6 ||
யஸ்த்விந்த்3ரியாணி மநஸா நியம்யாரப4தேர்ஜுந |
கர்மேந்த்3ரியைஃ கர்மயோக3மஸக்தஃ ஸ விஶிஷ்யதே || 7 ||
நியதம் குரு கர்ம த்வம் கர்ம ஜ்யாயோ ஹ்யகர்மணஃ |
ஶரீரயாத்ராபி ச தே ந ப்ரஸித்3த்4யேத3கர்மணஃ || 8 ||
யஜ்ஞார்தா2த்கர்மணோந்யத்ர லோகோயம் கர்மப3ந்த4நஃ |
தத3ர்த2ம் கர்ம கௌந்தேய முக்தஸங்கஃ3 ஸமாசர || 9 ||
ஸஹயஜ்ஞாஃ ப்ரஜாஃ ஸ்ருஷ்ட்வா புரோவாச ப்ரஜாபதிஃ |
அநேந ப்ரஸவிஷ்யத்4வமேஷ வோஸ்த்விஷ்டகாமது4க் || 1௦ ||
தே3வாந்பா4வயதாநேந தே தே3வா பா4வயந்து வஃ |
பரஸ்பரம் பா4வயந்தஃ ஶ்ரேயஃ பரமவாப்ஸ்யத2 || 11 ||
இஷ்டாந்போ4கா3ந்ஹி வோ தே3வா தா3ஸ்யந்தே யஜ்ஞபா4விதாஃ |
தைர்த3த்தாநப்ரதா3யைப்4யோ யோ பு4ஂக்தே ஸ்தேந ஏவ ஸஃ || 12 ||
யஜ்ஞஶிஷ்டாஶிநஃ ஸந்தோ முச்யந்தே ஸர்வகில்பி3ஷைஃ |
பு4ஂஜதே தே த்வக்4ம் பாபா யே பசந்த்யாத்மகாரணாத் || 13 ||
அந்நாத்3ப4வந்தி பூ4தாநி பர்ஜந்யாத3ந்நஸம்ப4வஃ |
யஜ்ஞாத்3ப4வதி பர்ஜந்யோ யஜ்ஞஃ கர்மஸமுத்3ப4வஃ || 14 ||
கர்ம ப்3ரஹ்மோத்3ப4வம் வித்3தி4 ப்3ரஹ்மாக்ஷரஸமுத்3ப4வம் |
தஸ்மாத்ஸர்வக3தம் ப்3ரஹ்ம நித்யம் யஜ்ஞே ப்ரதிஷ்டி2தம் || 15 ||
ஏவம் ப்ரவர்திதம் சக்ரம் நாநுவர்தயதீஹ யஃ |
அக்4யுரிந்த்3ரியாராமோ மோக்4ம் பார்த2 ஸ ஜீவதி || 16 ||
யஸ்த்வாத்மரதிரேவ ஸ்யாதா3த்மத்ருப்தஶ்ச மாநவஃ |
ஆத்மந்யேவ ச ஸந்துஷ்டஸ்தஸ்ய கார்யம் ந வித்3யதே || 17 ||
நைவ தஸ்ய க்ருதேநார்தோ2 நாக்ருதேநேஹ கஶ்சந |
ந சாஸ்ய ஸர்வபூ4தேஷு கஶ்சித3ர்த2வ்யபாஶ்ரயஃ || 18 ||
தஸ்மாத3ஸக்தஃ ஸததம் கார்யம் கர்ம ஸமாசர |
அஸக்தோ ஹ்யாசரந்கர்ம பரமாப்நோதி பூருஷஃ || 19 ||
கர்மணைவ ஹி ஸம்ஸித்3தி4மாஸ்தி2தா ஜநகாத3யஃ |
லோகஸங்க்3ரஹமேவாபி ஸம்பஶ்யந்கர்துமர்ஹஸி || 2௦ ||
யத்3யதா3சரதி ஶ்ரேஷ்ட2ஸ்தத்ததே3வேதரோ ஜநஃ |
ஸ யத்ப்ரமாணம் குருதே லோகஸ்தத3நுவர்ததே || 21 ||
ந மே பார்தா2ஸ்தி கர்தவ்யம் த்ரிஷு லோகேஷு கிஂசந |
நாநவாப்தமவாப்தவ்யம் வர்த ஏவ ச கர்மணி || 22 ||
யதி3 ஹ்யஹம் ந வர்தேயம் ஜாது கர்மண்யதந்த்3ரிதஃ |
மம வர்த்மாநுவர்தந்தே மநுஷ்யாஃ பார்த2 ஸர்வஶஃ || 23 ||
உத்ஸீதே3யுரிமே லோகா ந குர்யாம் கர்ம சேத3ஹம் |
ஸஂகரஸ்ய ச கர்தா ஸ்யாமுபஹந்யாமிமாஃ ப்ரஜாஃ || 24 ||
ஸக்தாஃ கர்மண்யவித்3வாம்ஸோ யதா2 குர்வந்தி பா4ரத |
குர்யாத்3வித்3வாம்ஸ்ததா2ஸக்தஶ்சிகீர்ஷுர்லோகஸங்க்3ரஹம் || 25 ||
ந பு3த்3தி4பே4த3ம் ஜநயேதஜ3்ஞாநாம் கர்மஸங்கி3நாம் |
ஜோஷயேத்ஸர்வகர்மாணி வித்3வாந்யுக்தஃ ஸமாசரந் || 26 ||
ப்ரக்ருதேஃ க்ரியமாணாநி கு3ணைஃ கர்மாணி ஸர்வஶஃ |
அஹஂகாரவிமூடா4த்மா கர்தாஹமிதி மந்யதே || 27 ||
தத்த்வவித்து மஹாபா3ஹோ கு3ணகர்மவிபா4க3யோஃ |
கு3ணா கு3ணேஷு வர்தந்த இதி மத்வா ந ஸஜ்ஜதே || 28 ||
ப்ரக்ருதேர்கு3ணஸம்மூடா4ஃ ஸஜ்ஜந்தே கு3ணகர்மஸு |
தாநக்ருத்ஸ்நவிதோ3 மந்தா3ந்க்ருத்ஸ்நவிந்ந விசாலயேத் || 29 ||
மயி ஸர்வாணி கர்மாணி ஸம்ந்யஸ்யாத்4யாத்மசேதஸா |
நிராஶீர்நிர்மமோ பூ4த்வா யுத்4யஸ்வ விக3தஜ்வரஃ || 3௦ ||
யே மே மதமித3ம் நித்யமநுதிஷ்ட2ந்தி மாநவாஃ |
ஶ்ரத்3தா4வந்தோநஸூயந்தோ முச்யந்தே தேபி கர்மபி4ஃ || 31 ||
யே த்வேதத3ப்4யஸூயந்தோ நாநுதிஷ்ட2ந்தி மே மதம் |
ஸர்வஜ்ஞாநவிமூடா4ம்ஸ்தாந்வித்3தி4 நஷ்டாநசேதஸஃ || 32 ||
ஸத்3ருஶம் சேஷ்டதே ஸ்வஸ்யாஃ ப்ரக்ருதேர்ஜ்ஞாநவாநபி |
ப்ரக்ருதிம் யாந்தி பூ4தாநி நிக்3ரஹஃ கிம் கரிஷ்யதி || 33 ||
இந்த்3ரியஸ்யேந்த்3ரியஸ்யார்தே2 ராக3த்3வேஷௌ வ்யவஸ்தி2தௌ |
தயோர்ந வஶமாக3ச்சே2த்தௌ ஹ்யஸ்ய பரிபந்தி2நௌ || 34 ||
ஶ்ரேயாந்ஸ்வத4ர்மோ விகு3ணஃ பரத4ர்மாத்ஸ்வநுஷ்டி2தாத் |
ஸ்வத4ர்மே நித4நம் ஶ்ரேயஃ பரத4ர்மோ ப4யாவஹஃ || 35 ||
அர்ஜுந உவாச |
அத2 கேந ப்ரயுக்தோயம் பாபம் சரதி பூருஷஃ |
அநிச்ச2ந்நபி வார்ஷ்ணேய ப3லாதி3வ நியோஜிதஃ || 36 ||
ஶ்ரீப4க3வாநுவாச |
காம ஏஷ க்ரோத4 ஏஷ ரஜோகு3ணஸமுத்3ப4வஃ |
மஹாஶநோ மஹாபாப்மா வித்3த்4யேநமிஹ வைரிணம் || 37 ||
தூ4மேநாவ்ரியதே வஹ்நிர்யதா2த3ர்ஶோ மலேந ச |
யதோ2ல்பே3நாவ்ருதோ க3ர்ப4ஸ்ததா2 தேநேத3மாவ்ருதம் || 38 ||
ஆவ்ருதம் ஜ்ஞாநமேதேந ஜ்ஞாநிநோ நித்யவைரிணா |
காமரூபேண கௌந்தேய து3ஷ்பூரேணாநலேந ச || 39 ||
இந்த்3ரியாணி மநோ பு3த்3தி4ரஸ்யாதி4ஷ்டா2நமுச்யதே |
ஏதைர்விமோஹயத்யேஷ ஜ்ஞாநமாவ்ருத்ய தே3ஹிநம் || 4௦ ||
தஸ்மாத்த்வமிந்த்3ரியாண்யாதௌ3 நியம்ய ப4ரதர்ஷப4 |
பாப்மாநம் ப்ரஜஹி ஹ்யேநம் ஜ்ஞாநவிஜ்ஞாநநாஶநம் || 41 ||
இந்த்3ரியாணி பராண்யாஹுரிந்த்3ரியேப்4யஃ பரம் மநஃ |
மநஸஸ்து பரா பு3த்3தி4ர்யோ பு3த்3தே4ஃ பரதஸ்து ஸஃ || 42 ||
ஏவம் பு3த்3தே4ஃ பரம் பு3த்3த்4வா ஸம்ஸ்தப்4யாத்மாநமாத்மநா |
ஜஹி ஶத்ரும் மஹாபா3ஹோ காமரூபம் து3ராஸத3ம் || 43 ||
ஓம் தத்ஸதி3தி ஶ்ரீமத்3ப4க3வத்3கீ3தாஸூபநிஷத்ஸு ப்3ரஹ்மவித்3யாயாம் யோக3ஶாஸ்த்ரே ஶ்ரீக்ருஷ்ணார்ஜுநஸம்வாதே3
கர்மயோகோ3 நாம த்ருதீயோத்4யாயஃ ||3 ||