ஶ்ரீமத்3 ப4க3வத்3 கீ3த ப்ரத2மோத்4யாயஃ
அத2 ப்ரத2மோத்4யாயஃ |
த்4ருதராஷ்ட்ர உவாச |
த4ர்மக்ஷேத்ரே குருக்ஷேத்ரே ஸமவேதா யுயுத்ஸவஃ |
மாமகாஃ பாண்ட3வாஶ்சைவ கிமகுர்வத ஸஂஜய || 1 ||
ஸஂஜய உவாச |
த்3ருஷ்ட்வா து பாண்ட3வாநீகம் வ்யூட4ம் து3ர்யோத4நஸ்ததா3 |
ஆசார்யமுபஸங்க3ம்ய ராஜா வசநமப்3ரவீத் || 2 ||
பஶ்யைதாம் பாண்டு3புத்ராணாமாசார்ய மஹதீம் சமூம் |
வ்யூடா4ம் த்3ருபத3புத்ரேண தவ ஶிஷ்யேண தீ4மதா || 3 ||
அத்ர ஶூரா மஹேஷ்வாஸா பீ4மார்ஜுநஸமா யுதி4 |
யுயுதா4நோ விராடஶ்ச த்3ருபத3ஶ்ச மஹாரதஃ2 || 4 ||
த்4ருஷ்டகேதுஶ்சேகிதாநஃ காஶிராஜஶ்ச வீர்யவாந் |
புருஜித்குந்திபோ4ஜஶ்ச ஶைப்3யஶ்ச நரபுங்க3வஃ || 5 ||
யுதா4மந்யுஶ்ச விக்ராந்த உத்தமௌஜாஶ்ச வீர்யவாந் |
ஸௌப4த்3ரோ த்3ரௌபதே3யாஶ்ச ஸர்வ ஏவ மஹாரதா2ஃ || 6 ||
அஸ்மாகம் து விஶிஷ்டா யே தாந்நிபோ3த4 த்3விஜோத்தம |
நாயகா மம ஸைந்யஸ்ய ஸஂஜ்ஞார்த2ம் தாந்ப்3ரவீமி தே || 7 ||
ப4வாந்பீ4ஷ்மஶ்ச கர்ணஶ்ச க்ருபஶ்ச ஸமிதிஂஜயஃ |
அஶ்வத்தா2மா விகர்ணஶ்ச ஸௌமத3த்திஸ்ததை2வ ச || 8 ||
அந்யே ச ப3ஹவஃ ஶூரா மத3ர்தே2 த்யக்தஜீவிதாஃ |
நாநாஶஸ்த்ரப்ரஹரணாஃ ஸர்வே யுத்3த4விஶாரதா3ஃ || 9 ||
அபர்யாப்தம் தத3ஸ்மாகம் ப3லம் பீ4ஷ்மாபி4ரக்ஷிதம் |
பர்யாப்தம் த்வித3மேதேஷாம் ப3லம் பீ4மாபி4ரக்ஷிதம் || 1௦ ||
அயநேஷு ச ஸர்வேஷு யதா2பா4க3மவஸ்தி2தாஃ |
பீ4ஷ்மமேவாபி4ரக்ஷந்து ப4வந்தஃ ஸர்வ ஏவ ஹி || 11 ||
தஸ்ய ஸஂஜநயந்ஹர்ஷம் குருவ்ருத்3தஃ4 பிதாமஹஃ |
ஸிம்ஹநாத3ம் விநத்3யோச்சைஃ ஶங்க3ம் த3த்4மௌ ப்ரதாபவாந் || 12 ||
ததஃ ஶங்கா3ஶ்ச பே4ர்யஶ்ச பணவாநககோ3முகா2ஃ |
ஸஹஸைவாப்4யஹந்யந்த ஸ ஶப்3த3ஸ்துமுலோப4வத் || 13 ||
ததஃ ஶ்வேதைர்ஹயைர்யுக்தே மஹதி ஸ்யந்த3நே ஸ்தி2தௌ |
மாத4வஃ பாண்ட3வஶ்சைவ தி3வ்யௌ ஶங்கௌ3 ப்ரத3க4துஃ || 14 ||
பாஂசஜந்யம் ஹ்ருஷீகேஶோ தே3வத3த்தம் த4நஂஜயஃ |
பௌண்ட்3ரம் த3த்4மௌ மஹாஶங்க3ம் பீ4மகர்மா வ்ருகோத3ரஃ || 15 ||
அநந்தவிஜயம் ராஜா குந்தீபுத்ரோ யுதி4ஷ்டி2ரஃ |
நகுலஃ ஸஹதே3வஶ்ச ஸுக்4ஷமணிபுஷ்பகௌ || 16 ||
காஶ்யஶ்ச பரமேஷ்வாஸஃ ஶிக2ண்டீ3 ச மஹாரதஃ2 |
த்4ருஷ்டத்3யும்நோ விராடஶ்ச ஸாத்யகிஶ்சாபராஜிதஃ || 17 ||
த்3ருபதோ3 த்3ரௌபதே3யாஶ்ச ஸர்வஶஃ ப்ருதி2வீபதே |
ஸௌப4த்3ரஶ்ச மஹாபா3ஹுஃ ஶங்கா3ந்த3த்4முஃ ப்ருத2க்ப்ருத2க் || 18 ||
ஸ க்4ஷோ தா4ர்தராஷ்ட்ராணாம் ஹ்ருத3யாநி வ்யதா3ரயத் |
நப4ஶ்ச ப்ருதி2வீம் சைவ துமுலோ வ்யநுநாத3யந் || 19 ||
அத2 வ்யவஸ்தி2தாந்த்3ருஷ்ட்வா தா4ர்தராஷ்ட்ராந்கபித்4வஜஃ |
ப்ரவ்ருத்தே ஶஸ்த்ரஸம்பாதே த4நுருத்3யம்ய பாண்ட3வஃ || 2௦ ||
ஹ்ருஷீகேஶம் ததா3 வாக்யமித3மாஹ மஹீபதே|
அர்ஜுந உவாச |
ஸேநயோருப4யோர்மத்4யே ரத2ம் ஸ்தா2பய மேச்யுத || 21 ||
யாவதே3தாந்நிரீக்ஷேஹம் யோத்3து4காமாநவஸ்தி2தாந் |
கைர்மயா ஸஹ யோத்3த4வ்யமஸ்மிந்ரணஸமுத்3யமே || 22 ||
யோத்ஸ்யமாநாநவேக்ஷேஹம் ய ஏதேத்ர ஸமாக3தாஃ |
தா4ர்தராஷ்ட்ரஸ்ய து3ர்பு3த்3தே4ர்யுத்3தே4 ப்ரியசிகீர்ஷவஃ || 23 ||
ஸஂஜய உவாச |
ஏவமுக்தோ ஹ்ருஷீகேஶோ கு3டா3கேஶேந பா4ரத |
ஸேநயோருப4யோர்மத்4யே ஸ்தா2பயித்வா ரதோ2த்தமம் || 24 ||
பீ4ஷ்மத்3ரோணப்ரமுக2தஃ ஸர்வேஷாம் ச மஹீக்ஷிதாம் |
உவாச பார்த2 பஶ்யைதாந்ஸமவேதாந்குரூநிதி || 25 ||
தத்ராபஶ்யத்ஸ்தி2தாந்பார்தஃ2 பித்ரூநத2 பிதாமஹாந் |
ஆசார்யாந்மாதுலாந்ப்4ராத்ரூந்புத்ராந்பௌத்ராந்ஸகீ2ம்ஸ்ததா2 || 26 ||
ஶ்வஶுராந்ஸுஹ்ருத3ஶ்சைவ ஸேநயோருப4யோரபி |
தாந்ஸமீக்ஷ்ய ஸ கௌந்தேயஃ ஸர்வாந்ப3ந்தூ4நவஸ்தி2தாந் || 27 ||
க்ருபயா பரயாவிஷ்டோ விஷீத3ந்நித3மப்3ரவீத்|
அர்ஜுந உவாச |
த்3ருஷ்ட்வேமம் ஸ்வஜநம் க்ருஷ்ண யுயுத்ஸும் ஸமுபஸ்தி2தம் || 28 ||
ஸீத3ந்தி மம கா3த்ராணி முக2ம் ச பரிஶுஷ்யதி |
வேபது2ஶ்ச ஶரீரே மே ரோமஹர்ஷஶ்ச ஜாயதே || 29 ||
கா3ண்டீ3வம் ஸ்ரம்ஸதே ஹஸ்தாத்த்வக்சைவ பரித3ஹ்யதே |
ந ச ஶக்நோம்யவஸ்தா2தும் ப்4ரமதீவ ச மே மநஃ || 3௦ ||
நிமித்தாநி ச பஶ்யாமி விபரீதாநி கேஶவ |
ந ச ஶ்ரேயோநுபஶ்யாமி ஹத்வா ஸ்வஜநமாஹவே || 31 ||
ந காஂக்ஷே விஜயம் க்ருஷ்ண ந ச ராஜ்யம் ஸுகா2நி ச |
கிம் நோ ராஜ்யேந கோ3விந்த3 கிம் போ4கை3ர்ஜீவிதேந வா || 32 ||
யேஷாமர்தே2 காஂக்ஷிதம் நோ ராஜ்யம் போ4கா3ஃ ஸுகா2நி ச |
த இமேவஸ்தி2தா யுத்3தே4 ப்ராணாம்ஸ்த்யக்த்வா த4நாநி ச || 33 ||
ஆசார்யாஃ பிதரஃ புத்ராஸ்ததை2வ ச பிதாமஹாஃ |
மாதுலாஃ ஶ்வஶுராஃ பௌத்ராஃ ஶ்யாலாஃ ஸம்ப3ந்தி4நஸ்ததா2 || 34 ||
ஏதாந்ந ஹந்துமிச்சா2மி க4தோபி மது4ஸூத3ந |
அபி த்ரைலோக்யராஜ்யஸ்ய ஹேதோஃ கிம் நு மஹீக்ருதே || 35 ||
நிஹத்ய தா4ர்தராஷ்ட்ராந்நஃ கா ப்ரீதிஃ ஸ்யாஜ்ஜநார்த3ந |
பாபமேவாஶ்ரயேத3ஸ்மாந்ஹத்வைதாநாததாயிநஃ || 36 ||
தஸ்மாந்நார்ஹா வயம் ஹந்தும் தா4ர்தராஷ்ட்ராந்ஸ்வபா3ந்த4வாந் |
ஸ்வஜநம் ஹி கத2ம் ஹத்வா ஸுகி2நஃ ஸ்யாம மாத4வ || 37 ||
யத்3யப்யேதே ந பஶ்யந்தி லோபோ4பஹதசேதஸஃ |
குலக்ஷயக்ருதம் தோ3ஷம் மித்ரத்3ரோஹே ச பாதகம் || 38 ||
கத2ம் ந ஜ்ஞேயமஸ்மாபி4ஃ பாபாத3ஸ்மாந்நிவர்திதும் |
குலக்ஷயக்ருதம் தோ3ஷம் ப்ரபஶ்யத்3பி4ர்ஜநார்த3ந || 39 ||
குலக்ஷயே ப்ரணஶ்யந்தி குலத4ர்மாஃ ஸநாதநாஃ |
த4ர்மே நஷ்டே குலம் க்ருத்ஸ்நமத4ர்மோபி4ப4வத்யுத || 4௦ ||
அத4ர்மாபி4ப4வாத்க்ருஷ்ண ப்ரது3ஷ்யந்தி குலஸ்த்ரியஃ |
ஸ்த்ரீஷு து3ஷ்டாஸு வார்ஷ்ணேய ஜாயதே வர்ணஸஂகரஃ || 41 ||
ஸஂகரோ நரகாயைவ குலகா4நாம் குலஸ்ய ச |
பதந்தி பிதரோ ஹ்யேஷாம் லுப்தபிண்டோ3த3கக்ரியாஃ || 42 ||
தோ3ஷைரேதைஃ குலகா4நாம் வர்ணஸஂகரகாரகைஃ |
உத்ஸாத்3யந்தே ஜாதித4ர்மாஃ குலத4ர்மாஶ்ச ஶாஶ்வதாஃ || 43 ||
உத்ஸந்நகுலத4ர்மாணாம் மநுஷ்யாணாம் ஜநார்த3ந |
நரகேநியதம் வாஸோ ப4வதீத்யநுஶுஶ்ரும || 44 ||
அஹோ ப3த மஹத்பாபம் கர்தும் வ்யவஸிதா வயம் |
யத்3ராஜ்யஸுக2லோபே4ந ஹந்தும் ஸ்வஜநமுத்3யதாஃ || 45 ||
யதி3 மாமப்ரதீகாரமஶஸ்த்ரம் ஶஸ்த்ரபாணயஃ |
தா4ர்தராஷ்ட்ரா ரணே ஹந்யுஸ்தந்மே க்ஷேமதரம் ப4வேத் || 46 ||
ஸஂஜய உவாச |
ஏவமுக்த்வார்ஜுநஃ ஸங்க்3யே ரதோ2பஸ்த2 உபாவிஶத் |
விஸ்ருஜ்ய ஸஶரம் சாபம் ஶோகஸம்விக்3நமாநஸஃ || 47 ||
ஓம் தத்ஸதி3தி ஶ்ரீமத்3ப4க3வத்3கீ3தாஸூபநிஷத்ஸு ப்3ரஹ்மவித்3யாயாம் யோக3ஶாஸ்த்ரே ஶ்ரீக்ருஷ்ணார்ஜுநஸம்வாதே3
அர்ஜுநவிஷாத3யோகோ3 நாம ப்ரத2மோத்4யாயஃ ||1 ||
\ச்f1