ஶ்ரீமத்3 ப4க3வத்3 கீ3த த்3வாத3ஶோத்4யாயஃ
அத2 த்3வாத3ஶோத்4யாயஃ |
அர்ஜுந உவாச |
ஏவம் ஸததயுக்தா யே ப4க்தாஸ்த்வாம் பர்யுபாஸதே |
யே சாப்யக்ஷரமவ்யக்தம் தேஷாம் கே யோக3வித்தமாஃ || 1 ||
ஶ்ரீப4க3வாநுவாச |
மய்யாவேஶ்ய மநோ யே மாம் நித்யயுக்தா உபாஸதே |
ஶ்ரத்3த4யா பரயோபேதாஸ்தே மே யுக்ததமா மதாஃ || 2 ||
யே த்வக்ஷரமநிர்தே3ஶ்யமவ்யக்தம் பர்யுபாஸதே |
ஸர்வத்ரக3மசிந்த்யம் ச கூடஸ்த2மசலம் த்4ருவம் || 3 ||
ஸம்நியம்யேந்த்3ரியக்3ராமம் ஸர்வத்ர ஸமபு3த்3த4யஃ |
தே ப்ராப்நுவந்தி மாமேவ ஸர்வபூ4தஹிதே ரதாஃ || 4 ||
க்லேஶோதி4கதரஸ்தேஷாமவ்யக்தாஸக்தசேதஸாம் |
அவ்யக்தா ஹி க3திர்து3ஃக2ம் தே3ஹவத்3பி4ரவாப்யதே || 5 ||
யே து ஸர்வாணி கர்மாணி மயி ஸம்ந்யஸ்ய மத்பராஃ |
அநந்யேநைவ யோகே3ந மாம் த்4யாயந்த உபாஸதே || 6 ||
தேஷாமஹம் ஸமுத்3த4ர்தா ம்ருத்யுஸம்ஸாரஸாக3ராத் |
ப4வாமிந சிராத்பார்த2 மய்யாவேஶிதசேதஸாம் || 7 ||
மய்யேவ மந ஆத4த்ஸ்வ மயி பு3த்3தி4ம் நிவேஶய |
நிவஸிஷ்யஸி மய்யேவ அத ஊர்த்4வம் ந ஸம்ஶயஃ || 8 ||
அத2 சித்தம் ஸமாதா4தும் ந ஶக்நோஷி மயி ஸ்தி2ரம் |
அப்4யாஸயோகே3ந ததோ மாமிச்சா2ப்தும் த4நஂஜய || 9 ||
அப்4யாஸேப்யஸமர்தோ2ஸி மத்கர்மபரமோ ப4வ |
மத3ர்த2மபி கர்மாணி குர்வந்ஸித்3தி4மவாப்ஸ்யஸி || 1௦ ||
அதை2தத3ப்யஶக்தோஸி கர்தும் மத்3யோக3மாஶ்ரிதஃ |
ஸர்வகர்மப2லத்யாக3ம் ததஃ குரு யதாத்மவாந் || 11 ||
ஶ்ரேயோ ஹி ஜ்ஞாநமப்4யாஸாஜ்ஜ்ஞாநாத்3த்4யாநம் விஶிஷ்யதே |
த்4யாநாத்கர்மப2லத்யாக3ஸ்த்யாகா3ச்சா2ந்திரநந்தரம் || 12 ||
அத்3வேஷ்டா ஸர்வபூ4தாநாம் மைத்ரஃ கருண ஏவ ச |
நிர்மமோ நிரஹஂகாரஃ ஸமது3ஃக2ஸுகஃ2 க்ஷமீ || 13 ||
ஸந்துஷ்டஃ ஸததம் யோகீ3 யதாத்மா த்3ருட4நிஶ்சயஃ |
மய்யர்பிதமநோபு3த்3தி4ர்யோ மத்3ப4க்தஃ ஸ மே ப்ரியஃ || 14 ||
யஸ்மாந்நோத்3விஜதே லோகோ லோகாந்நோத்3விஜதே ச யஃ |
ஹர்ஷாமர்ஷப4யோத்3வேகை3ர்முக்தோ யஃ ஸ ச மே ப்ரியஃ || 15 ||
அநபேக்ஷஃ ஶுசிர்த3க்ஷ உதா3ஸீநோ க3தவ்யதஃ2 |
ஸர்வாரம்ப4பரித்யாகீ3 யோ மத்3ப4க்தஃ ஸ மே ப்ரியஃ || 16 ||
யோ ந ஹ்ருஷ்யதி ந த்3வேஷ்டி ந ஶோசதி ந காஂக்ஷதி |
ஶுபா4ஶுப4பரித்யாகீ3 ப4க்திமாந்யஃ ஸ மே ப்ரியஃ || 17 ||
ஸமஃ ஶத்ரௌ ச மித்ரே ச ததா2 மாநாபமாநயோஃ |
ஶீதோஷ்ணஸுக2து3ஃகே2ஷு ஸமஃ ஸங்க3விவர்ஜிதஃ || 18 ||
துல்யநிந்தா3ஸ்துதிர்மௌநீ ஸந்துஷ்டோ யேந கேநசித் |
அநிகேதஃ ஸ்தி2ரமதிர்ப4க்திமாந்மே ப்ரியோ நரஃ || 19 ||
யே து த4ர்ம்யாம்ருதமித3ம் யதோ2க்தம் பர்யுபாஸதே |
ஶ்ரத்3த3தா4நா மத்பரமா ப4க்தாஸ்தேதீவ மே ப்ரியாஃ || 2௦ ||
ஓம் தத்ஸதி3தி ஶ்ரீமத்3ப4க3வத்3கீ3தாஸூபநிஷத்ஸு ப்3ரஹ்மவித்3யாயாம் யோக3ஶாஸ்த்ரே ஶ்ரீக்ருஷ்ணார்ஜுநஸம்வாதே3
ப4க்தியோகோ3 நாம த்3வாத3ஶோத்4யாயஃ ||12 ||