தே3வீ மஹாத்ம்யம் து3ர்கா3 ஸப்தஶதி அஷ்டமோத்4யாயஃ
ரக்தபீ3ஜவதோ4 நாம அஷ்டமோத்4யாய ||
த்4யாநம்
அருணாம் கருணா தரங்கி3தாக்ஷீம் த்4ருதபாஶாஂகுஶ புஷ்பபா3ணசாபாம் |
அணிமாதி4பி4ராவ்ருதாம் மயூகை2 ரஹமித்யேவ விபா4வயே ப4வாநீம் ||
ருஷிருவாச ||1||
சண்டே3 ச நிஹதே தை3த்யே முண்டே3 ச விநிபாதிதே |
ப3ஹுல்தே3ஷு ச ஸைந்யேஷு க்ஷயிதேஷ்வஸுரேஶ்வரஃ || 2 ||
ததஃ கோபபராதீ4நசேதாஃ ஶும்பஃ4 ப்ரதாபவாந் |
உத்3யோக3ம் ஸர்வ ஸைந்யாநாம் தை3த்யாநாமாதி3தே3ஶ ஹ ||3||
அத்3ய ஸர்வ ப3லைர்தை3த்யாஃ ஷட3ஶீதிருதா3யுதா4ஃ |
கம்பூ3நாம் சதுரஶீதிர்நிர்யாந்து ஸ்வப3லைர்வ்ருதாஃ ||4||
கோடிவீர்யாணி பஂசாஶத3ஸுராணாம் குலாநி வை |
ஶதம் குலாநி தௌ4ம்ராணாம் நிர்க3ச்ச2ந்து மமாஜ்ஞயா ||5||
காலகா தௌ3ர்ஹ்ருதா3 மௌர்வாஃ கால்தி3கேயாஸ்ததா2ஸுராஃ |
யுத்3தா4ய ஸஜ்ஜா நிர்யாந்து ஆஜ்ஞயா த்வரிதா மம ||6||
இத்யாஜ்ஞாப்யாஸுராபதிஃ ஶும்போ4 பை4ரவஶாஸநஃ |
நிர்ஜகா3ம மஹாஸைந்யஸஹஸ்த்ரைர்ப4ஹுபி4ர்வ்ருதஃ ||7||
ஆயாந்தம் சண்டி3கா த்3ருஷ்ட்வா தத்ஸைந்யமதிபீ4ஷணம் |
ஜ்யாஸ்வநைஃ பூரயாமாஸ த4ரணீக3க3நாந்தரம் ||8||
ததஃஸிம்ஹொ மஹாநாத3மதீவ க்ருதவாந்ந்ருப |
க்4ண்டாஸ்வநேந தாந்நாதா3நம்பி3கா சோபப்3ரும்ஹயத் ||9||
த4நுர்ஜ்யாஸிம்ஹக்4ண்டாநாம் நாதா3பூரிததி3ங்முகா2 |
நிநாதை3ர்பீ4ஷணைஃ கால்தீ3 ஜிக்3யே விஸ்தாரிதாநநா ||1௦||
தம் நிநாத3முபஶ்ருத்ய தை3த்ய ஸைந்யைஶ்சதுர்தி3ஶம் |
தே3வீ ஸிம்ஹஸ்ததா2 கால்தீ3 ஸரோஷைஃ பரிவாரிதாஃ||11||
ஏதஸ்மிந்நந்தரே பூ4ப விநாஶாய ஸுரத்3விஷாம் |
ப4வாயாமரஸிம்ஹநாமதிவீர்யப3லாந்விதாஃ ||12||
ப்3ரஹ்மேஶகு3ஹவிஷ்ணூநாம் ததே2ந்த்3ரஸ்ய ச ஶக்தயஃ |
ஶரீரேப்4யோவிநிஷ்க்ரம்ய தத்3ரூபைஶ்சண்டி3காம் யயுஃ ||13||
யஸ்ய தே3வஸ்ய யத்3ரூபம் யதா2 பூ4ஷணவாஹநம் |
தத்3வதே3வ ஹி தச்சக்திரஸுராந்யோத்3து4மாயமௌ ||14||
ஹம்ஸயுக்தவிமாநாக்3ரே ஸாக்ஷஸூத்ரக மண்ட3லுஃ |
ஆயாதா ப்3ரஹ்மணஃ ஶக்திப்3ரஹ்மாணீ த்யபி4தீ4யதே ||15||
மஹேஶ்வரீ வ்ருஷாரூடா4 த்ரிஶூலவரதா4ரிணீ |
மஹாஹிவலயா ப்ராப்தாசந்த்3ரரேகா2விபூ4ஷணா ||16||
கௌமாரீ ஶக்திஹஸ்தா ச மயூரவரவாஹநா |
யோத்3து4மப்4யாயயௌ தை3த்யாநம்பி3கா கு3ஹரூபிணீ ||17||
ததை2வ வைஷ்ணவீ ஶக்திர்க3ருடோ3பரி ஸம்ஸ்தி2தா |
ஶங்க3சக்ரக3தா4ஶாங்க3ர் க2ட்3க3ஹஸ்தாப்4யுபாயயௌ ||18||
யஜ்ஞவாராஹமதுலம் ரூபம் யா பி4ப்4ரதோ ஹரேஃ |
ஶக்திஃ ஸாப்யாயயௌ தத்ர வாராஹீம் பி3ப்4ரதீ தநும் ||19||
நாரஸிம்ஹீ ந்ருஸிம்ஹஸ்ய பி3ப்4ரதீ ஸத்3ருஶம் வபுஃ |
ப்ராப்தா தத்ர ஸடாக்ஷேபக்ஷிப்தநக்ஷத்ர ஸம்ஹதிஃ ||2௦||
வஜ்ர ஹஸ்தா ததை2வைந்த்3ரீ கஜ3ராஜோ பரிஸ்தி2தா |
ப்ராப்தா ஸஹஸ்ர நயநா யதா2 ஶக்ரஸ்ததை2வ ஸா ||21||
ததஃ பரிவ்ருத்தஸ்தாபி4ரீஶாநோ தே3வ ஶக்திபி4ஃ |
ஹந்யந்தாமஸுராஃ ஶீக4ம் மம ப்ரீத்யாஹ சண்டி3காம் ||22||
ததோ தே3வீ ஶரீராத்து விநிஷ்க்ராந்தாதிபீ4ஷணா |
சண்டி3கா ஶக்திரத்யுக்3ரா ஶிவாஶதநிநாதி3நீ ||23||
ஸா சாஹ தூ4ம்ரஜடிலம் ஈஶாநமபராஜிதா |
தூ3தத்வம் க3ச்ச2 ப4க3வந் பார்ஶ்வம் ஶும்ப4நிஶும்ப4யோஃ ||24||
ப்3ரூஹி ஶும்ப4ம் நிஶும்ப4ம் ச தா3நவாவதிக3ர்விதௌ |
யே சாந்யே தா3நவாஸ்தத்ர யுத்3தா4ய ஸமுபஸ்தி2தாஃ ||25||
த்ரைலோக்யமிந்த்3ரோ லப4தாம் தே3வாஃ ஸந்து ஹவிர்பு4ஜஃ |
யூயம் ப்ரயாத பாதால்த3ம் யதி3 ஜீவிதுமிச்ச2த2 ||26||
ப3லாவலேபாத3த2 சேத்3ப4வந்தோ யுத்3த4காஂக்ஷிணஃ |
ததா3 க3ச்ச2த த்ருப்யந்து மச்சி2வாஃ பிஶிதேந வஃ ||27||
யதோ நியுக்தோ தௌ3த்யேந தயா தே3வ்யா ஶிவஃ ஸ்வயம் |
ஶிவதூ3தீதி லோகேஸ்மிம்ஸ்ததஃ ஸா க்2யாதி மாக3தா ||28||
தேபி ஶ்ருத்வா வசோ தே3வ்யாஃ ஶர்வாக்2யாதம் மஹாஸுராஃ |
அமர்ஷாபூரிதா ஜக்3முர்யத்ர காத்யாயநீ ஸ்தி2தா ||29||
ததஃ ப்ரத2மமேவாக்3ரே ஶரஶக்த்ய்ருஷ்டிவ்ருஷ்டிபி4ஃ |
வவர்ஷுருத்3த4தாமர்ஷாஃ ஸ்தாம் தே3வீமமராரயஃ ||3௦||
ஸா ச தாந் ப்ரஹிதாந் பா3ணாந் ஞ்சூ2லஶக்திபரஶ்வதா4ந் |
சிச்சே2த3 லீலயாத்4மாதத4நுர்முக்தைர்மஹேஷுபி4ஃ ||31||
தஸ்யாக்3ரதஸ்ததா2 கால்தீ3 ஶூலபாதவிதா3ரிதாந் |
க2ட்வாங்க3போதி2தாம்ஶ்சாரீந்குர்வந்தீ வ்யசரத்ததா3 ||32||
கமண்ட3லுஜலாக்ஷேபஹதவீர்யாந் ஹதௌஜஸஃ |
ப்3ரஹ்மாணீ சாகரோச்ச2த்ரூந்யேந யேந ஸ்ம தா4வதி ||33||
மாஹேஶ்வரீ த்ரிஶூலேந ததா2 சக்ரேண வைஷ்ணவீ |
தை3த்யாங்ஜக்4ந கௌமாரீ ததா2 ஶத்யாதி கோபநா ||34||
ஐந்த்3ரீ குலிஶபாதேந ஶதஶோ தை3த்யதா3நவாஃ |
பேதுர்விதா3ரிதாஃ ப்ருத்2வ்யாம் ருதி4ரௌக்4ப்ரவர்ஷிணஃ ||35||
துண்ட3ப்ரஹாரவித்4வஸ்தா த3ம்ஷ்ட்ரா க்3ரக்ஷத வக்ஷஸஃ |
வாராஹமூர்த்யா ந்யபதம்ஶ்சக்ரேண ச விதா3ரிதாஃ ||36||
நகை2ர்விதா3ரிதாம்ஶ்சாந்யாந் ப4க்ஷயந்தீ மஹாஸுராந் |
நாரஸிம்ஹீ சசாராஜௌ நாதா3 பூர்ணதி3க3ம்ப3ரா ||37||
சண்டா3ட்டஹாஸைரஸுராஃ ஶிவதூ3த்யபி4தூ3ஷிதாஃ |
பேதுஃ ப்ருதி2வ்யாம் பதிதாம்ஸ்தாம்ஶ்சகா2தா3த2 ஸா ததா3 ||38||
இதி மாத்ரு க3ணம் க்ருத்3த4ம் மர்த3 யந்தம் மஹாஸுராந் |
த்3ருஷ்ட்வாப்4யுபாயைர்விவிதை4ர்நேஶுர்தே3வாரிஸைநிகாஃ ||39||
பலாயநபராந்த்3ருஷ்ட்வா தை3த்யாந்மாத்ருக3ணார்தி3தாந் |
யோத்3து4மப்4யாயயௌ க்ருத்3தோ4 ரக்தபீ3ஜோ மஹாஸுரஃ ||4௦||
ரக்தபி3ந்து3ர்யதா3 பூ4மௌ பதத்யஸ்ய ஶரீரதஃ |
ஸமுத்பததி மேதி3ந்யாம் தத்ப்ரமாணோ மஹாஸுரஃ ||41||
யுயுதே4 ஸ க3தா3பாணிரிந்த்3ரஶக்த்யா மஹாஸுரஃ |
ததஶ்சைந்த்3ரீ ஸ்வவஜ்ரேண ரக்தபீ3ஜமதாட3யத் ||42||
குலிஶேநாஹதஸ்யாஶு ப3ஹு ஸுஸ்ராவ ஶோணிதம் |
ஸமுத்தஸ்து2ஸ்ததோ யோதா4ஸ்தத்3ரபாஸ்தத்பராக்ரமாஃ ||43||
யாவந்தஃ பதிதாஸ்தஸ்ய ஶரீராத்3ரக்தபி3ந்த3வஃ |
தாவந்தஃ புருஷா ஜாதாஃ ஸ்தத்3வீர்யப3லவிக்ரமாஃ ||44||
தே சாபி யுயுது4ஸ்தத்ர புருஷா ரக்த ஸம்ப4வாஃ |
ஸமம் மாத்ருபி4ரத்யுக்3ரஶஸ்த்ரபாதாதிபீ4ஷணம் ||45||
புநஶ்ச வஜ்ர பாதேந க்ஷத மஶ்ய ஶிரோ யதா3 |
வவாஹ ரக்தம் புருஷாஸ்ததோ ஜாதாஃ ஸஹஸ்ரஶஃ ||46||
வைஷ்ணவீ ஸமரே சைநம் சக்ரேணாபி4ஜக்4ந ஹ |
க3த3யா தாட3யாமாஸ ஐந்த்3ரீ தமஸுரேஶ்வரம்||47||
வைஷ்ணவீ சக்ரபி4ந்நஸ்ய ருதி4ரஸ்ராவ ஸம்ப4வைஃ |
ஸஹஸ்ரஶோ ஜக3த்3வ்யாப்தம் தத்ப்ரமாணைர்மஹாஸுரைஃ ||48||
ஶக்த்யா ஜக்4ந கௌமாரீ வாராஹீ ச ததா2ஸிநா |
மாஹேஶ்வரீ த்ரிஶூலேந ரக்தபீ3ஜம் மஹாஸுரம் ||49||
ஸ சாபி க3த3யா தை3த்யஃ ஸர்வா ஏவாஹநத் ப்ருத2க் |
மாத்ரூஃ கோபஸமாவிஷ்டோ ரக்தபீ3ஜோ மஹாஸுரஃ ||5௦||
தஸ்யாஹதஸ்ய ப3ஹுதா4 ஶக்திஶூலாதி3 பி4ர்பு4விஃ |
பபாத யோ வை ரக்தௌக்4ஸ்தேநாஸஂசதஶோஸுராஃ ||51||
தைஶ்சாஸுராஸ்ருக்ஸம்பூ4தைரஸுரைஃ ஸகலம் ஜக3த் |
வ்யாப்தமாஸீத்ததோ தே3வா ப4யமாஜக்3முருத்தமம் ||52||
தாந் விஷண்ணா ந் ஸுராந் த்3ருஷ்ட்வா சண்டி3கா ப்ராஹஸத்வரம் |
உவாச கால்தீ3ம் சாமுண்டே3 விஸ்தீர்ணம் வத3நம் குரு ||53||
மச்ச2ஸ்த்ரபாதஸம்பூ4தாந் ரக்தபி3ந்தூ3ந் மஹாஸுராந் |
ரக்தபி3ந்தோ3ஃ ப்ரதீச்ச2 த்வம் வக்த்ரேணாநேந வேகி3நா ||54||
ப4க்ஷயந்தீ சர ரணோ தது3த்பந்நாந்மஹாஸுராந் |
ஏவமேஷ க்ஷயம் தை3த்யஃ க்ஷேண ரக்தோ க3மிஷ்யதி ||55||
ப4க்ஷ்ய மாணா ஸ்த்வயா சோக்3ரா ந சோத்பத்ஸ்யந்தி சாபரே |
இத்யுக்த்வா தாம் ததோ தே3வீ ஶூலேநாபி4ஜக்4ந தம் ||56||
முகே2ந கால்தீ3 ஜக்3ருஹே ரக்தபீ3ஜஸ்ய ஶோணிதம் |
ததோஸாவாஜக்4நாத2 க3த3யா தத்ர சண்டி3காம் ||57||
ந சாஸ்யா வேத3நாம் சக்ரே க3தா3பாதோல்பிகாமபி |
தஸ்யாஹதஸ்ய தே3ஹாத்து ப3ஹு ஸுஸ்ராவ ஶோணிதம் ||58||
யதஸ்ததஸ்தத்3வக்த்ரேண சாமுண்டா3 ஸம்ப்ரதீச்ச2தி |
முகே2 ஸமுத்3க3தா யேஸ்யா ரக்தபாதாந்மஹாஸுராஃ ||59||
தாம்ஶ்சகா2தா3த2 சாமுண்டா3 பபௌ தஸ்ய ச ஶோணிதம் ||6௦||
தே3வீ ஶூலேந வஜ்ரேண பா3ணைரஸிபி4ர் ருஷ்டிபி4ஃ |
ஜக்4ந ரக்தபீ3ஜம் தம் சாமுண்டா3 பீத ஶோணிதம் ||61||
ஸ பபாத மஹீப்ருஷ்டே2 ஶஸ்த்ரஸங்க்4ஸமாஹதஃ |
நீரக்தஶ்ச மஹீபால ரக்தபீ3ஜோ மஹாஸுரஃ ||62||
ததஸ்தே ஹர்ஷ மதுலம் அவாபுஸ்த்ரித3ஶா ந்ருப |
தேஷாம் மாத்ருக3ணோ ஜாதோ நநர்தாஸ்ரும்ங்க3மதோ3த்3த4தஃ ||63||
|| ஸ்வஸ்தி ஶ்ரீ மார்கண்டே3ய புராணே ஸாவர்நிகே மந்வந்தரே தே3வி மஹத்ம்யே ரக்தபீ3ஜவதோ4நாம அஷ்டமோத்4யாய ஸமாப்தம் ||
ஆஹுதி
ஓம் ஜயந்தீ ஸாங்கா3யை ஸஶக்திகாயை ஸபரிவாராயை ஸவாஹநாயை ரக்தாக்ஷ்யை அஷ்டமாத்ரு ஸஹிதாயை மஹாஹுதிம் ஸமர்பயாமி நமஃ ஸ்வாஹா ||