ସୁବ୍ରହ୍ମଣ୍ଯ ଅଷ୍ଟକମ୍ କରାଵଲଂବ ସ୍ତୋତ୍ରମ୍
ହେ ସ୍ଵାମିନାଥ କରୁଣାକର ଦୀନବଂଧୋ,
ଶ୍ରୀପାର୍ଵତୀଶମୁଖପଂକଜ ପଦ୍ମବଂଧୋ |
ଶ୍ରୀଶାଦିଦେଵଗଣପୂଜିତପାଦପଦ୍ମ,
ଵଲ୍ଲୀସନାଥ ମମ ଦେହି କରାଵଲଂବମ୍ || 1 ||
ଦେଵାଦିଦେଵନୁତ ଦେଵଗଣାଧିନାଥ,
ଦେଵେଂଦ୍ରଵଂଦ୍ଯ ମୃଦୁପଂକଜମଂଜୁପାଦ |
ଦେଵର୍ଷିନାରଦମୁନୀଂଦ୍ରସୁଗୀତକୀର୍ତେ,
ଵଲ୍ଲୀସନାଥ ମମ ଦେହି କରାଵଲଂବମ୍ || 2 ||
ନିତ୍ଯାନ୍ନଦାନ ନିରତାଖିଲ ରୋଗହାରିନ୍,
ତସ୍ମାତ୍ପ୍ରଦାନ ପରିପୂରିତଭକ୍ତକାମ |
ଶୃତ୍ଯାଗମପ୍ରଣଵଵାଚ୍ଯନିଜସ୍ଵରୂପ,
ଵଲ୍ଲୀସନାଥ ମମ ଦେହି କରାଵଲଂବମ୍ || 3 ||
କ୍ରୌଂଚାସୁରେଂଦ୍ର ପରିଖଂଡନ ଶକ୍ତିଶୂଲ,
ପାଶାଦିଶସ୍ତ୍ରପରିମଂଡିତଦିଵ୍ଯପାଣେ |
ଶ୍ରୀକୁଂଡଲୀଶ ଧୃତତୁଂଡ ଶିଖୀଂଦ୍ରଵାହ,
ଵଲ୍ଲୀସନାଥ ମମ ଦେହି କରାଵଲଂବମ୍ || 4 ||
ଦେଵାଦିଦେଵ ରଥମଂଡଲ ମଧ୍ଯ ଵେଦ୍ଯ,
ଦେଵେଂଦ୍ର ପୀଠନଗରଂ ଦୃଢଚାପହସ୍ତମ୍ |
ଶୂରଂ ନିହତ୍ଯ ସୁରକୋଟିଭିରୀଡ୍ଯମାନ,
ଵଲ୍ଲୀସନାଥ ମମ ଦେହି କରାଵଲଂବମ୍ || 5 ||
ହାରାଦିରତ୍ନମଣିଯୁକ୍ତକିରୀଟହାର,
କେଯୂରକୁଂଡଲଲସତ୍କଵଚାଭିରାମ |
ହେ ଵୀର ତାରକ ଜଯାzମରବୃଂଦଵଂଦ୍ଯ,
ଵଲ୍ଲୀସନାଥ ମମ ଦେହି କରାଵଲଂବମ୍ || 6 ||
ପଂଚାକ୍ଷରାଦିମନୁମଂତ୍ରିତ ଗାଂଗତୋଯୈଃ,
ପଂଚାମୃତୈଃ ପ୍ରମୁଦିତେଂଦ୍ରମୁଖୈର୍ମୁନୀଂଦ୍ରୈଃ |
ପଟ୍ଟାଭିଷିକ୍ତ ହରିଯୁକ୍ତ ପରାସନାଥ,
ଵଲ୍ଲୀସନାଥ ମମ ଦେହି କରାଵଲଂବମ୍ || 7 ||
ଶ୍ରୀକାର୍ତିକେଯ କରୁଣାମୃତପୂର୍ଣଦୃଷ୍ଟ୍ଯା,
କାମାଦିରୋଗକଲୁଷୀକୃତଦୁଷ୍ଟଚିତ୍ତମ୍ |
ଭକ୍ତ୍ଵା ତୁ ମାମଵକଳାଧର କାଂତିକାଂତ୍ଯା,
ଵଲ୍ଲୀସନାଥ ମମ ଦେହି କରାଵଲଂବମ୍ || 8 ||
ସୁବ୍ରହ୍ମଣ୍ଯ କରାଵଲଂବଂ ପୁଣ୍ଯଂ ଯେ ପଠଂତି ଦ୍ଵିଜୋତ୍ତମାଃ |
ତେ ସର୍ଵେ ମୁକ୍ତି ମାଯାଂତି ସୁବ୍ରହ୍ମଣ୍ଯ ପ୍ରସାଦତଃ |
ସୁବ୍ରହ୍ମଣ୍ଯ କରାଵଲଂବମିଦଂ ପ୍ରାତରୁତ୍ଥାଯ ଯଃ ପଠେତ୍ |
କୋଟିଜନ୍ମକୃତଂ ପାପଂ ତତ୍^କ୍ଷଣାଦେଵ ନଶ୍ଯତି ||