Back

ଶ୍ରୀ ଦେଵୀ ଖଡ୍ଗମାଲା ସ୍ତୋତ୍ରମ୍

ଶ୍ରୀ ଦେଵୀ ପ୍ରାର୍ଥନ
ହ୍ରୀଂକାରାସନଗର୍ଭିତାନଲଶିଖାଂ ସୌଃ କ୍ଲୀଂ କଳାଂ ବିଭ୍ରତୀଂ
ସୌଵର୍ଣାଂବରଧାରିଣୀଂ ଵରସୁଧାଧୌତାଂ ତ୍ରିନେତ୍ରୋଜ୍ଜ୍ଵଲାମ୍ |
ଵଂଦେ ପୁସ୍ତକପାଶମଂକୁଶଧରାଂ ସ୍ରଗ୍ଭୂଷିତାମୁଜ୍ଜ୍ଵଲାଂ
ତ୍ଵାଂ ଗୌରୀଂ ତ୍ରିପୁରାଂ ପରାତ୍ପରକଳାଂ ଶ୍ରୀଚକ୍ରସଂଚାରିଣୀମ୍ ||

ଅସ୍ଯ ଶ୍ରୀ ଶୁଦ୍ଧଶକ୍ତିମାଲାମହାମଂତ୍ରସ୍ଯ, ଉପସ୍ଥେଂଦ୍ରିଯାଧିଷ୍ଠାଯୀ ଵରୁଣାଦିତ୍ଯ ଋଷଯଃ ଦେଵୀ ଗାଯତ୍ରୀ ଛଂଦଃ ସାତ୍ଵିକ କକାରଭଟ୍ଟାରକପୀଠସ୍ଥିତ କାମେଶ୍ଵରାଂକନିଲଯା ମହାକାମେଶ୍ଵରୀ ଶ୍ରୀ ଲଲିତା ଭଟ୍ଟାରିକା ଦେଵତା, ଐଂ ବୀଜଂ କ୍ଲୀଂ ଶକ୍ତିଃ, ସୌଃ କୀଲକଂ ମମ ଖଡ୍ଗସିଦ୍ଧ୍ଯର୍ଥେ ସର୍ଵାଭୀଷ୍ଟସିଦ୍ଧ୍ଯର୍ଥେ ଜପେ ଵିନିଯୋଗଃ, ମୂଲମଂତ୍ରେଣ ଷଡଂଗନ୍ଯାସଂ କୁର୍ଯାତ୍ |

ଧ୍ଯାନମ୍
ଆରକ୍ତାଭାଂତ୍ରିଣେତ୍ରାମରୁଣିମଵସନାଂ ରତ୍ନତାଟଂକରମ୍ଯାମ୍
ହସ୍ତାଂଭୋଜୈସ୍ସପାଶାଂକୁଶମଦନଧନୁସ୍ସାଯକୈର୍ଵିସ୍ଫୁରଂତୀମ୍ |
ଆପୀନୋତ୍ତୁଂଗଵକ୍ଷୋରୁହକଲଶଲୁଠତ୍ତାରହାରୋଜ୍ଜ୍ଵଲାଂଗୀଂ
ଧ୍ଯାଯେଦଂଭୋରୁହସ୍ଥାମରୁଣିମଵସନାମୀଶ୍ଵରୀମୀଶ୍ଵରାଣାମ୍ ||

ଲମିତ୍ଯାଦିପଂଚ ପୂଜାମ୍ କୁର୍ଯାତ୍, ଯଥାଶକ୍ତି ମୂଲମଂତ୍ରମ୍ ଜପେତ୍ |

ଲଂ - ପୃଥିଵୀତତ୍ତ୍ଵାତ୍ମିକାଯୈ ଶ୍ରୀ ଲଲିତାତ୍ରିପୁରସୁଂଦରୀ ପରାଭଟ୍ଟାରିକାଯୈ ଗଂଧଂ ପରିକଲ୍ପଯାମି - ନମଃ
ହଂ - ଆକାଶତତ୍ତ୍ଵାତ୍ମିକାଯୈ ଶ୍ରୀ ଲଲିତାତ୍ରିପୁରସୁଂଦରୀ ପରାଭଟ୍ଟାରିକାଯୈ ପୁଷ୍ପଂ ପରିକଲ୍ପଯାମି - ନମଃ
ଯଂ - ଵାଯୁତତ୍ତ୍ଵାତ୍ମିକାଯୈ ଶ୍ରୀ ଲଲିତାତ୍ରିପୁରସୁଂଦରୀ ପରାଭଟ୍ଟାରିକାଯୈ ଧୂପଂ ପରିକଲ୍ପଯାମି - ନମଃ
ରଂ - ତେଜସ୍ତତ୍ତ୍ଵାତ୍ମିକାଯୈ ଶ୍ରୀ ଲଲିତାତ୍ରିପୁରସୁଂଦରୀ ପରାଭଟ୍ଟାରିକାଯୈ ଦୀପଂ ପରିକଲ୍ପଯାମି - ନମଃ
ଵଂ - ଅମୃତତତ୍ତ୍ଵାତ୍ମିକାଯୈ ଶ୍ରୀ ଲଲିତାତ୍ରିପୁରସୁଂଦରୀ ପରାଭଟ୍ଟାରିକାଯୈ ଅମୃତନୈଵେଦ୍ଯଂ ପରିକଲ୍ପଯାମି - ନମଃ
ସଂ - ସର୍ଵତତ୍ତ୍ଵାତ୍ମିକାଯୈ ଶ୍ରୀ ଲଲିତାତ୍ରିପୁରସୁଂଦରୀ ପରାଭଟ୍ଟାରିକାଯୈ ତାଂବୂଲାଦିସର୍ଵୋପଚାରାନ୍ ପରିକଲ୍ପଯାମି - ନମଃ

ଶ୍ରୀ ଦେଵୀ ସଂବୋଧନଂ (1)
ଓଂ ଐଂ ହ୍ରୀଂ ଶ୍ରୀଂ ଐଂ କ୍ଲୀଂ ସୌଃ ଓଂ ନମସ୍ତ୍ରିପୁରସୁଂଦରୀ,

ନ୍ଯାସାଂଗଦେଵତାଃ (6)
ହୃଦଯଦେଵୀ, ଶିରୋଦେଵୀ, ଶିଖାଦେଵୀ, କଵଚଦେଵୀ, ନେତ୍ରଦେଵୀ, ଅସ୍ତ୍ରଦେଵୀ,

ତିଥିନିତ୍ଯାଦେଵତାଃ (16)
କାମେଶ୍ଵରୀ, ଭଗମାଲିନୀ, ନିତ୍ଯକ୍ଲିନ୍ନେ, ଭେରୁଂଡେ, ଵହ୍ନିଵାସିନୀ, ମହାଵଜ୍ରେଶ୍ଵରୀ, ଶିଵଦୂତୀ, ତ୍ଵରିତେ, କୁଲସୁଂଦରୀ, ନିତ୍ଯେ, ନୀଲପତାକେ, ଵିଜଯେ, ସର୍ଵମଂଗଳେ, ଜ୍ଵାଲାମାଲିନୀ, ଚିତ୍ରେ, ମହାନିତ୍ଯେ,

ଦିଵ୍ଯୌଘ୍ଗୁରଵଃ (7)
ପରମେଶ୍ଵର, ପରମେଶ୍ଵରୀ, ମିତ୍ରେଶମଯୀ, ଉଡ୍ଡୀଶମଯୀ, ଚର୍ଯାନାଥମଯୀ, ଲୋପାମୁଦ୍ରମଯୀ, ଅଗସ୍ତ୍ଯମଯୀ,

ସିଦ୍ଧୌଘ୍ଗୁରଵଃ (4)
କାଲତାପଶମଯୀ, ଧର୍ମାଚାର୍ଯମଯୀ, ମୁକ୍ତକେଶୀଶ୍ଵରମଯୀ, ଦୀପକଲାନାଥମଯୀ,

ମାନଵୌଘ୍ଗୁରଵଃ (8)
ଵିଷ୍ଣୁଦେଵମଯୀ, ପ୍ରଭାକରଦେଵମଯୀ, ତେଜୋଦେଵମଯୀ, ମନୋଜଦେଵମଯି, କଳ୍ଯାଣଦେଵମଯୀ, ଵାସୁଦେଵମଯୀ, ରତ୍ନଦେଵମଯୀ, ଶ୍ରୀରାମାନଂଦମଯୀ,

ଶ୍ରୀଚକ୍ର ପ୍ରଥମାଵରଣଦେଵତାଃ
ଅଣିମାସିଦ୍ଧେ, ଲଘ୍ମାସିଦ୍ଧେ, ଗରିମାସିଦ୍ଧେ, ମହିମାସିଦ୍ଧେ, ଈଶିତ୍ଵସିଦ୍ଧେ, ଵଶିତ୍ଵସିଦ୍ଧେ, ପ୍ରାକାମ୍ଯସିଦ୍ଧେ, ଭୁକ୍ତିସିଦ୍ଧେ, ଇଚ୍ଛାସିଦ୍ଧେ, ପ୍ରାପ୍ତିସିଦ୍ଧେ, ସର୍ଵକାମସିଦ୍ଧେ, ବ୍ରାହ୍ମୀ, ମାହେଶ୍ଵରୀ, କୌମାରି, ଵୈଷ୍ଣଵୀ, ଵାରାହୀ, ମାହେଂଦ୍ରୀ, ଚାମୁଂଡେ, ମହାଲକ୍ଷ୍ମୀ, ସର୍ଵସଂକ୍ଷୋଭିଣୀ, ସର୍ଵଵିଦ୍ରାଵିଣୀ, ସର୍ଵାକର୍ଷିଣୀ, ସର୍ଵଵଶଂକରୀ, ସର୍ଵୋନ୍ମାଦିନୀ, ସର୍ଵମହାଂକୁଶେ, ସର୍ଵଖେଚରୀ, ସର୍ଵବୀଜେ, ସର୍ଵଯୋନେ, ସର୍ଵତ୍ରିଖଂଡେ, ତ୍ରୈଲୋକ୍ଯମୋହନ ଚକ୍ରସ୍ଵାମିନୀ, ପ୍ରକଟଯୋଗିନୀ,

ଶ୍ରୀଚକ୍ର ଦ୍ଵିତୀଯାଵରଣଦେଵତାଃ
କାମାକର୍ଷିଣୀ, ବୁଦ୍ଧ୍ଯାକର୍ଷିଣୀ, ଅହଂକାରାକର୍ଷିଣୀ, ଶବ୍ଦାକର୍ଷିଣୀ, ସ୍ପର୍ଶାକର୍ଷିଣୀ, ରୂପାକର୍ଷିଣୀ, ରସାକର୍ଷିଣୀ, ଗଂଧାକର୍ଷିଣୀ, ଚିତ୍ତାକର୍ଷିଣୀ, ଧୈର୍ଯାକର୍ଷିଣୀ, ସ୍ମୃତ୍ଯାକର୍ଷିଣୀ, ନାମାକର୍ଷିଣୀ, ବୀଜାକର୍ଷିଣୀ, ଆତ୍ମାକର୍ଷିଣୀ, ଅମୃତାକର୍ଷିଣୀ, ଶରୀରାକର୍ଷିଣୀ, ସର୍ଵାଶାପରିପୂରକ ଚକ୍ରସ୍ଵାମିନୀ, ଗୁପ୍ତଯୋଗିନୀ,

ଶ୍ରୀଚକ୍ର ତୃତୀଯାଵରଣଦେଵତାଃ
ଅନଂଗକୁସୁମେ, ଅନଂଗମେଖଲେ, ଅନଂଗମଦନେ, ଅନଂଗମଦନାତୁରେ, ଅନଂଗରେଖେ, ଅନଂଗଵେଗିନୀ, ଅନଂଗାଂକୁଶେ, ଅନଂଗମାଲିନୀ, ସର୍ଵସଂକ୍ଷୋଭଣଚକ୍ରସ୍ଵାମିନୀ, ଗୁପ୍ତତରଯୋଗିନୀ,

ଶ୍ରୀଚକ୍ର ଚତୁର୍ଥାଵରଣଦେଵତାଃ
ସର୍ଵସଂକ୍ଷୋଭିଣୀ, ସର୍ଵଵିଦ୍ରାଵିନୀ, ସର୍ଵାକର୍ଷିଣୀ, ସର୍ଵହ୍ଲାଦିନୀ, ସର୍ଵସମ୍ମୋହିନୀ, ସର୍ଵସ୍ତଂଭିନୀ, ସର୍ଵଜୃଂଭିଣୀ, ସର୍ଵଵଶଂକରୀ, ସର୍ଵରଂଜନୀ, ସର୍ଵୋନ୍ମାଦିନୀ, ସର୍ଵାର୍ଥସାଧିକେ, ସର୍ଵସଂପତ୍ତିପୂରିଣୀ, ସର୍ଵମଂତ୍ରମଯୀ, ସର୍ଵଦ୍ଵଂଦ୍ଵକ୍ଷଯଂକରୀ, ସର୍ଵସୌଭାଗ୍ଯଦାଯକ ଚକ୍ରସ୍ଵାମିନୀ, ସଂପ୍ରଦାଯଯୋଗିନୀ,

ଶ୍ରୀଚକ୍ର ପଂଚମାଵରଣଦେଵତାଃ
ସର୍ଵସିଦ୍ଧିପ୍ରଦେ, ସର୍ଵସଂପତ୍ପ୍ରଦେ, ସର୍ଵପ୍ରିଯଂକରୀ, ସର୍ଵମଂଗଳକାରିଣୀ, ସର୍ଵକାମପ୍ରଦେ, ସର୍ଵଦୁଃଖଵିମୋଚନୀ, ସର୍ଵମୃତ୍ଯୁପ୍ରଶମନି, ସର୍ଵଵିଘନିଵାରିଣୀ, ସର୍ଵାଂଗସୁଂଦରୀ, ସର୍ଵସୌଭାଗ୍ଯଦାଯିନୀ, ସର୍ଵାର୍ଥସାଧକ ଚକ୍ରସ୍ଵାମିନୀ, କୁଲୋତ୍ତୀର୍ଣଯୋଗିନୀ,

ଶ୍ରୀଚକ୍ର ଷଷ୍ଟାଵରଣଦେଵତାଃ
ସର୍ଵଜ୍ଞେ, ସର୍ଵଶକ୍ତେ, ସର୍ଵୈଶ୍ଵର୍ଯପ୍ରଦାଯିନୀ, ସର୍ଵଜ୍ଞାନମଯୀ, ସର୍ଵଵ୍ଯାଧିଵିନାଶିନୀ, ସର୍ଵାଧାରସ୍ଵରୂପେ, ସର୍ଵପାପହରେ, ସର୍ଵାନଂଦମଯୀ, ସର୍ଵରକ୍ଷାସ୍ଵରୂପିଣୀ, ସର୍ଵେପ୍ସିତଫଲପ୍ରଦେ, ସର୍ଵରକ୍ଷାକରଚକ୍ରସ୍ଵାମିନୀ, ନିଗର୍ଭଯୋଗିନୀ,

ଶ୍ରୀଚକ୍ର ସପ୍ତମାଵରଣଦେଵତାଃ
ଵଶିନୀ, କାମେଶ୍ଵରୀ, ମୋଦିନୀ, ଵିମଲେ, ଅରୁଣେ, ଜଯିନୀ, ସର୍ଵେଶ୍ଵରୀ, କୌଳିନି, ସର୍ଵରୋଗହରଚକ୍ରସ୍ଵାମିନୀ, ରହସ୍ଯଯୋଗିନୀ,

ଶ୍ରୀଚକ୍ର ଅଷ୍ଟମାଵରଣଦେଵତାଃ
ବାଣିନୀ, ଚାପିନୀ, ପାଶିନୀ, ଅଂକୁଶିନୀ, ମହାକାମେଶ୍ଵରୀ, ମହାଵଜ୍ରେଶ୍ଵରୀ, ମହାଭଗମାଲିନୀ, ସର୍ଵସିଦ୍ଧିପ୍ରଦଚକ୍ରସ୍ଵାମିନୀ, ଅତିରହସ୍ଯଯୋଗିନୀ,

ଶ୍ରୀଚକ୍ର ନଵମାଵରଣଦେଵତାଃ
ଶ୍ରୀ ଶ୍ରୀ ମହାଭଟ୍ଟାରିକେ, ସର୍ଵାନଂଦମଯଚକ୍ରସ୍ଵାମିନୀ, ପରାପରରହସ୍ଯଯୋଗିନୀ,

ନଵଚକ୍ରେଶ୍ଵରୀ ନାମାନି
ତ୍ରିପୁରେ, ତ୍ରିପୁରେଶୀ, ତ୍ରିପୁରସୁଂଦରୀ, ତ୍ରିପୁରଵାସିନୀ, ତ୍ରିପୁରାଶ୍ରୀଃ, ତ୍ରିପୁରମାଲିନୀ, ତ୍ରିପୁରସିଦ୍ଧେ, ତ୍ରିପୁରାଂବା, ମହାତ୍ରିପୁରସୁଂଦରୀ,

ଶ୍ରୀଦେଵୀ ଵିଶେଷଣାନି - ନମସ୍କାରନଵାକ୍ଷରୀଚ
ମହାମହେଶ୍ଵରୀ, ମହାମହାରାଜ୍ଞୀ, ମହାମହାଶକ୍ତେ, ମହାମହାଗୁପ୍ତେ, ମହାମହାଜ୍ଞପ୍ତେ, ମହାମହାନଂଦେ, ମହାମହାସ୍କଂଧେ, ମହାମହାଶଯେ, ମହାମହା ଶ୍ରୀଚକ୍ରନଗରସାମ୍ରାଜ୍ଞୀ, ନମସ୍ତେ ନମସ୍ତେ ନମସ୍ତେ ନମଃ |

ଫଲଶ୍ରୁତିଃ
ଏଷା ଵିଦ୍ଯା ମହାସିଦ୍ଧିଦାଯିନୀ ସ୍ମୃତିମାତ୍ରତଃ |
ଅଗ୍ନିଵାତମହାକ୍ଷୋଭେ ରାଜାରାଷ୍ଟ୍ରସ୍ଯଵିପ୍ଲଵେ ||

ଲୁଂଠନେ ତସ୍କରଭଯେ ସଂଗ୍ରାମେ ସଲିଲପ୍ଲଵେ |
ସମୁଦ୍ରଯାନଵିକ୍ଷୋଭେ ଭୂତପ୍ରେତାଦିକେ ଭଯେ ||

ଅପସ୍ମାରଜ୍ଵରଵ୍ଯାଧିମୃତ୍ଯୁକ୍ଷାମାଦିଜେଭଯେ |
ଶାକିନୀ ପୂତନାଯକ୍ଷରକ୍ଷଃକୂଷ୍ମାଂଡଜେ ଭଯେ ||

ମିତ୍ରଭେଦେ ଗ୍ରହଭଯେ ଵ୍ଯସନେଷ୍ଵାଭିଚାରିକେ |
ଅନ୍ଯେଷ୍ଵପି ଚ ଦୋଷେଷୁ ମାଲାମଂତ୍ରଂ ସ୍ମରେନ୍ନରଃ ||

ତାଦୃଶଂ ଖଡ୍ଗମାପ୍ନୋତି ଯେନ ହସ୍ତସ୍ଥିତେନଵୈ |
ଅଷ୍ଟାଦଶମହାଦ୍ଵୀପସମ୍ରାଡ୍ଭୋକ୍ତାଭଵିଷ୍ଯତି ||

ସର୍ଵୋପଦ୍ରଵନିର୍ମୁକ୍ତସ୍ସାକ୍ଷାଚ୍ଛିଵମଯୋଭଵେତ୍ |
ଆପତ୍କାଲେ ନିତ୍ଯପୂଜାଂ ଵିସ୍ତାରାତ୍କର୍ତୁମାରଭେତ୍ ||

ଏକଵାରଂ ଜପଧ୍ଯାନମ୍ ସର୍ଵପୂଜାଫଲଂ ଲଭେତ୍ |
ନଵାଵରଣଦେଵୀନାଂ ଲଲିତାଯା ମହୌଜନଃ ||

ଏକତ୍ର ଗଣନାରୂପୋ ଵେଦଵେଦାଂଗଗୋଚରଃ |
ସର୍ଵାଗମରହସ୍ଯାର୍ଥଃ ସ୍ମରଣାତ୍ପାପନାଶିନୀ ||

ଲଲିତାଯାମହେଶାନ୍ଯା ମାଲା ଵିଦ୍ଯା ମହୀଯସୀ |
ନରଵଶ୍ଯଂ ନରେଂଦ୍ରାଣାଂ ଵଶ୍ଯଂ ନାରୀଵଶଂକରମ୍ ||

ଅଣିମାଦିଗୁଣୈଶ୍ଵର୍ଯଂ ରଂଜନଂ ପାପଭଂଜନମ୍ |
ତତ୍ତଦାଵରଣସ୍ଥାଯି ଦେଵତାବୃଂଦମଂତ୍ରକମ୍ ||

ମାଲାମଂତ୍ରଂ ପରଂ ଗୁହ୍ଯଂ ପରଂ ଧାମ ପ୍ରକୀର୍ତିତମ୍ |
ଶକ୍ତିମାଲା ପଂଚଧାସ୍ଯାଚ୍ଛିଵମାଲା ଚ ତାଦୃଶୀ ||

ତସ୍ମାଦ୍ଗୋପ୍ଯତରାଦ୍ଗୋପ୍ଯଂ ରହସ୍ଯଂ ଭୁକ୍ତିମୁକ୍ତିଦମ୍ ||

|| ଇତି ଶ୍ରୀ ଵାମକେଶ୍ଵରତଂତ୍ରେ ଉମାମହେଶ୍ଵରସଂଵାଦେ ଦେଵୀଖଡ୍ଗମାଲାସ୍ତୋତ୍ରରତ୍ନଂ ସମାପ୍ତମ୍ ||

PDF, Full Site (with more options)