ଶ୍ରୀ ଲଲିତା ସହସ୍ର ନାମ ସ୍ତୋତ୍ରମ୍
ଓଂ ||
ଅସ୍ଯ ଶ୍ରୀ ଲଲିତା ଦିଵ୍ଯ ସହସ୍ରନାମ ସ୍ତୋତ୍ର ମହାମଂତ୍ରସ୍ଯ, ଵଶିନ୍ଯାଦି ଵାଗ୍ଦେଵତା ଋଷଯଃ, ଅନୁଷ୍ଟୁପ୍ ଛଂଦଃ, ଶ୍ରୀ ଲଲିତା ପରାଭଟ୍ଟାରିକା ମହା ତ୍ରିପୁର ସୁଂଦରୀ ଦେଵତା, ଐଂ ବୀଜଂ, କ୍ଲୀଂ ଶକ୍ତିଃ, ସୌଃ କୀଲକଂ, ମମ ଧର୍ମାର୍ଥ କାମ ମୋକ୍ଷ ଚତୁର୍ଵିଧ ଫଲପୁରୁଷାର୍ଥ ସିଦ୍ଧ୍ଯର୍ଥେ ଲଲିତା ତ୍ରିପୁରସୁଂଦରୀ ପରାଭଟ୍ଟାରିକା ସହସ୍ର ନାମ ଜପେ ଵିନିଯୋଗଃ
କରନ୍ଯାସଃ
ଐଂ ଅଂଗୁଷ୍ଟାଭ୍ଯାଂ ନମଃ, କ୍ଲୀଂ ତର୍ଜନୀଭ୍ଯାଂ ନମଃ, ସୌଃ ମଧ୍ଯମାଭ୍ଯାଂ ନମଃ, ସୌଃ ଅନାମିକାଭ୍ଯାଂ ନମଃ, କ୍ଲୀଂ କନିଷ୍ଠିକାଭ୍ଯାଂ ନମଃ, ଐଂ କରତଲ କରପୃଷ୍ଠାଭ୍ଯାଂ ନମଃ
ଅଂଗନ୍ଯାସଃ
ଐଂ ହୃଦଯାଯ ନମଃ, କ୍ଲୀଂ ଶିରସେ ସ୍ଵାହା, ସୌଃ ଶିଖାଯୈ ଵଷଟ୍, ସୌଃ କଵଚାଯ ହୁଂ, କ୍ଲୀଂ ନେତ୍ରତ୍ରଯାଯ ଵୌଷଟ୍, ଐଂ ଅସ୍ତ୍ରାଯଫଟ୍, ଭୂର୍ଭୁଵସ୍ସୁଵରୋମିତି ଦିଗ୍ବଂଧଃ
ଧ୍ଯାନଂ
ଅରୁଣାଂ କରୁଣା ତରଂଗିତାକ୍ଷୀଂ ଧୃତପାଶାଂକୁଶ ପୁଷ୍ପବାଣଚାପାମ୍ |
ଅଣିମାଦିଭି ରାଵୃତାଂ ମଯୂଖୈଃ ଅହମିତ୍ଯେଵ ଵିଭାଵଯେ ଭଵାନୀମ୍ || 1 ||
ଧ୍ଯାଯେତ୍ ପଦ୍ମାସନସ୍ଥାଂ ଵିକସିତଵଦନାଂ ପଦ୍ମ ପତ୍ରାଯତାକ୍ଷୀଂ
ହେମାଭାଂ ପୀତଵସ୍ତ୍ରାଂ କରକଲିତ ଲସମଦ୍ଧେମପଦ୍ମାଂ ଵରାଂଗୀମ୍ |
ସର୍ଵାଲଂକାରଯୁକ୍ତାଂ ସକଲମଭଯଦାଂ ଭକ୍ତନମ୍ରାଂ ଭଵାନୀଂ
ଶ୍ରୀ ଵିଦ୍ଯାଂ ଶାଂତମୂର୍ତିଂ ସକଲ ସୁରସୁତାଂ ସର୍ଵସଂପତ୍-ପ୍ରଦାତ୍ରୀମ୍ || 2 ||
ସକୁଂକୁମ ଵିଲେପନା ମଳିକଚୁଂବି କସ୍ତୂରିକାଂ
ସମଂଦ ହସିତେକ୍ଷଣାଂ ସଶରଚାପ ପାଶାଂକୁଶାମ୍ |
ଅଶେଷ ଜନମୋହିନୀ ମରୁଣମାଲ୍ଯ ଭୂଷୋଜ୍ଜ୍ଵଲାଂ
ଜପାକୁସୁମ ଭାସୁରାଂ ଜପଵିଧୌ ସ୍ମରେ ଦଂବିକାମ୍ || 3 ||
ସିଂଧୂରାରୁଣ ଵିଗ୍ରହାଂ ତ୍ରିଣଯନାଂ ମାଣିକ୍ଯ ମୌଳିସ୍ଫୁର-
ତ୍ତାରାନାଯକ ଶେଖରାଂ ସ୍ମିତମୁଖୀ ମାପୀନ ଵକ୍ଷୋରୁହାମ୍ |
ପାଣିଭ୍ଯା ମଲିପୂର୍ଣ ରତ୍ନ ଚଷକଂ ରକ୍ତୋତ୍ପଲଂ ବିଭ୍ରତୀଂ
ସୌମ୍ଯାଂ ରତ୍ନଘଟସ୍ଥ ରକ୍ତ ଚରଣାଂ ଧ୍ଯାଯେତ୍ପରାମଂବିକାମ୍ || 4 ||
ଲମିତ୍ଯାଦି ପଂଚପୂଜାଂ ଵିଭାଵଯେତ୍
ଲଂ ପୃଥିଵୀ ତତ୍ତ୍ଵାତ୍ମିକାଯୈ ଶ୍ରୀ ଲଲିତାଦେଵ୍ଯୈ ଗଂଧଂ ପରିକଲ୍ପଯାମି
ହଂ ଆକାଶ ତତ୍ତ୍ଵାତ୍ମିକାଯୈ ଶ୍ରୀ ଲଲିତାଦେଵ୍ଯୈ ପୁଷ୍ପଂ ପରିକଲ୍ପଯାମି
ଯଂ ଵାଯୁ ତତ୍ତ୍ଵାତ୍ମିକାଯୈ ଶ୍ରୀ ଲଲିତାଦେଵ୍ଯୈ ଧୂପଂ ପରିକଲ୍ପଯାମି
ରଂ ଵହ୍ନି ତତ୍ତ୍ଵାତ୍ମିକାଯୈ ଶ୍ରୀ ଲଲିତାଦେଵ୍ଯୈ ଦୀପଂ ପରିକଲ୍ପଯାମି
ଵଂ ଅମୃତ ତତ୍ତ୍ଵାତ୍ମିକାଯୈ ଶ୍ରୀ ଲଲିତାଦେଵ୍ଯୈ ଅମୃତ ନୈଵେଦ୍ଯଂ ପରିକଲ୍ପଯାମି
ସଂ ସର୍ଵ ତତ୍ତ୍ଵାତ୍ମିକାଯୈ ଶ୍ରୀ ଲଲିତାଦେଵ୍ଯୈ ତାଂବୂଲାଦି ସର୍ଵୋପଚାରାନ୍ ପରିକଲ୍ପଯାମି
ଗୁରୁର୍ବ୍ରହ୍ମ ଗୁରୁର୍ଵିଷ୍ଣୁଃ ଗୁରୁର୍ଦେଵୋ ମହେଶ୍ଵରଃ |
ଗୁରୁସ୍ସାକ୍ଷାତ୍ ପରବ୍ରହ୍ମ ତସ୍ମୈ ଶ୍ରୀ ଗୁରଵେ ନମଃ ||
ହରିଃ ଓଂ
ଶ୍ରୀ ମାତା, ଶ୍ରୀ ମହାରାଜ୍ଞୀ, ଶ୍ରୀମତ୍-ସିଂହାସନେଶ୍ଵରୀ |
ଚିଦଗ୍ନି କୁଂଡସଂଭୂତା, ଦେଵକାର୍ଯସମୁଦ୍ଯତା || 1 ||
ଉଦ୍ଯଦ୍ଭାନୁ ସହସ୍ରାଭା, ଚତୁର୍ବାହୁ ସମନ୍ଵିତା |
ରାଗସ୍ଵରୂପ ପାଶାଢ୍ଯା, କ୍ରୋଧାକାରାଂକୁଶୋଜ୍ଜ୍ଵଲା || 2 ||
ମନୋରୂପେକ୍ଷୁକୋଦଂଡା, ପଂଚତନ୍ମାତ୍ର ସାଯକା |
ନିଜାରୁଣ ପ୍ରଭାପୂର ମଜ୍ଜଦ୍-ବ୍ରହ୍ମାଂଡମଂଡଲା || 3 ||
ଚଂପକାଶୋକ ପୁନ୍ନାଗ ସୌଗଂଧିକ ଲସତ୍କଚା
କୁରୁଵିଂଦ ମଣିଶ୍ରେଣୀ କନତ୍କୋଟୀର ମଂଡିତା || 4 ||
ଅଷ୍ଟମୀ ଚଂଦ୍ର ଵିଭ୍ରାଜ ଦଳିକସ୍ଥଲ ଶୋଭିତା |
ମୁଖଚଂଦ୍ର କଳଂକାଭ ମୃଗନାଭି ଵିଶେଷକା || 5 ||
ଵଦନସ୍ମର ମାଂଗଲ୍ଯ ଗୃହତୋରଣ ଚିଲ୍ଲିକା |
ଵକ୍ତ୍ରଲକ୍ଷ୍ମୀ ପରୀଵାହ ଚଲନ୍ମୀନାଭ ଲୋଚନା || 6 ||
ନଵଚଂପକ ପୁଷ୍ପାଭ ନାସାଦଂଡ ଵିରାଜିତା |
ତାରାକାଂତି ତିରସ୍କାରି ନାସାଭରଣ ଭାସୁରା || 7 ||
କଦଂବ ମଂଜରୀକ୍ଲୁପ୍ତ କର୍ଣପୂର ମନୋହରା |
ତାଟଂକ ଯୁଗଳୀଭୂତ ତପନୋଡୁପ ମଂଡଲା || 8 ||
ପଦ୍ମରାଗ ଶିଲାଦର୍ଶ ପରିଭାଵି କପୋଲଭୂଃ |
ନଵଵିଦ୍ରୁମ ବିଂବଶ୍ରୀଃ ନ୍ଯକ୍କାରି ରଦନଚ୍ଛଦା || 9 ||
ଶୁଦ୍ଧ ଵିଦ୍ଯାଂକୁରାକାର ଦ୍ଵିଜପଂକ୍ତି ଦ୍ଵଯୋଜ୍ଜ୍ଵଲା |
କର୍ପୂରଵୀଟି କାମୋଦ ସମାକର୍ଷଦ୍ଦିଗଂତରା || 10 ||
ନିଜସଲ୍ଲାପ ମାଧୁର୍ଯ ଵିନିର୍ଭତ୍ସିତ କଚ୍ଛପୀ |
ମଂଦସ୍ମିତ ପ୍ରଭାପୂର ମଜ୍ଜତ୍-କାମେଶ ମାନସା || 11 ||
ଅନାକଲିତ ସାଦୃଶ୍ଯ ଚୁବୁକ ଶ୍ରୀ ଵିରାଜିତା |
କାମେଶବଦ୍ଧ ମାଂଗଲ୍ଯ ସୂତ୍ରଶୋଭିତ କଂଥରା || 12 ||
କନକାଂଗଦ କେଯୂର କମନୀଯ ଭୁଜାନ୍ଵିତା |
ରତ୍ନଗ୍ରୈଵେଯ ଚିଂତାକ ଲୋଲମୁକ୍ତା ଫଲାନ୍ଵିତା || 13 ||
କାମେଶ୍ଵର ପ୍ରେମରତ୍ନ ମଣି ପ୍ରତିପଣସ୍ତନୀ|
ନାଭ୍ଯାଲଵାଲ ରୋମାଳି ଲତାଫଲ କୁଚଦ୍ଵଯୀ || 14 ||
ଲକ୍ଷ୍ଯରୋମଲତା ଧାରତା ସମୁନ୍ନେଯ ମଧ୍ଯମା |
ସ୍ତନଭାର ଦଳନ୍-ମଧ୍ଯ ପଟ୍ଟବଂଧ ଵଳିତ୍ରଯା || 15 ||
ଅରୁଣାରୁଣ କୌସୁଂଭ ଵସ୍ତ୍ର ଭାସ୍ଵତ୍-କଟୀତଟୀ |
ରତ୍ନକିଂକିଣି କାରମ୍ଯ ରଶନାଦାମ ଭୂଷିତା || 16 ||
କାମେଶ ଜ୍ଞାତ ସୌଭାଗ୍ଯ ମାର୍ଦଵୋରୁ ଦ୍ଵଯାନ୍ଵିତା |
ମାଣିକ୍ଯ ମକୁଟାକାର ଜାନୁଦ୍ଵଯ ଵିରାଜିତା || 17 ||
ଇଂଦ୍ରଗୋପ ପରିକ୍ଷିପ୍ତ ସ୍ମର ତୂଣାଭ ଜଂଘ୍କା |
ଗୂଢଗୁଲ୍ଭା କୂର୍ମପୃଷ୍ଠ ଜଯିଷ୍ଣୁ ପ୍ରପଦାନ୍ଵିତା || 18 ||
ନଖଦୀଧିତି ସଂଛନ୍ନ ନମଜ୍ଜନ ତମୋଗୁଣା |
ପଦଦ୍ଵଯ ପ୍ରଭାଜାଲ ପରାକୃତ ସରୋରୁହା || 19 ||
ଶିଂଜାନ ମଣିମଂଜୀର ମଂଡିତ ଶ୍ରୀ ପଦାଂବୁଜା |
ମରାଳୀ ମଂଦଗମନା, ମହାଲାଵଣ୍ଯ ଶେଵଧିଃ || 20 ||
ସର୍ଵାରୁଣାଽନଵଦ୍ଯାଂଗୀ ସର୍ଵାଭରଣ ଭୂଷିତା |
ଶିଵକାମେଶ୍ଵରାଂକସ୍ଥା, ଶିଵା, ସ୍ଵାଧୀନ ଵଲ୍ଲଭା || 21 ||
ସୁମେରୁ ମଧ୍ଯଶୃଂଗସ୍ଥା, ଶ୍ରୀମନ୍ନଗର ନାଯିକା |
ଚିଂତାମଣି ଗୃହାଂତସ୍ଥା, ପଂଚବ୍ରହ୍ମାସନସ୍ଥିତା || 22 ||
ମହାପଦ୍ମାଟଵୀ ସଂସ୍ଥା, କଦଂବ ଵନଵାସିନୀ |
ସୁଧାସାଗର ମଧ୍ଯସ୍ଥା, କାମାକ୍ଷୀ କାମଦାଯିନୀ || 23 ||
ଦେଵର୍ଷି ଗଣସଂଘ୍ତ ସ୍ତୂଯମାନାତ୍ମ ଵୈଭଵା |
ଭଂଡାସୁର ଵଧୋଦ୍ଯୁକ୍ତ ଶକ୍ତିସେନା ସମନ୍ଵିତା || 24 ||
ସଂପତ୍କରୀ ସମାରୂଢ ସିଂଧୁର ଵ୍ରଜସେଵିତା |
ଅଶ୍ଵାରୂଢାଧିଷ୍ଠିତାଶ୍ଵ କୋଟିକୋଟି ଭିରାଵୃତା || 25 ||
ଚକ୍ରରାଜ ରଥାରୂଢ ସର୍ଵାଯୁଧ ପରିଷ୍କୃତା |
ଗେଯଚକ୍ର ରଥାରୂଢ ମଂତ୍ରିଣୀ ପରିସେଵିତା || 26 ||
କିରିଚକ୍ର ରଥାରୂଢ ଦଂଡନାଥା ପୁରସ୍କୃତା |
ଜ୍ଵାଲାମାଲିନି କାକ୍ଷିପ୍ତ ଵହ୍ନିପ୍ରାକାର ମଧ୍ଯଗା || 27 ||
ଭଂଡସୈନ୍ଯ ଵଧୋଦ୍ଯୁକ୍ତ ଶକ୍ତି ଵିକ୍ରମହର୍ଷିତା |
ନିତ୍ଯା ପରାକ୍ରମାଟୋପ ନିରୀକ୍ଷଣ ସମୁତ୍ସୁକା || 28 ||
ଭଂଡପୁତ୍ର ଵଧୋଦ୍ଯୁକ୍ତ ବାଲାଵିକ୍ରମ ନଂଦିତା |
ମଂତ୍ରିଣ୍ଯଂବା ଵିରଚିତ ଵିଷଂଗ ଵଧତୋଷିତା || 29 ||
ଵିଶୁକ୍ର ପ୍ରାଣହରଣ ଵାରାହୀ ଵୀର୍ଯନଂଦିତା |
କାମେଶ୍ଵର ମୁଖାଲୋକ କଲ୍ପିତ ଶ୍ରୀ ଗଣେଶ୍ଵରା || 30 ||
ମହାଗଣେଶ ନିର୍ଭିନ୍ନ ଵିଘଯଂତ୍ର ପ୍ରହର୍ଷିତା |
ଭଂଡାସୁରେଂଦ୍ର ନିର୍ମୁକ୍ତ ଶସ୍ତ୍ର ପ୍ରତ୍ଯସ୍ତ୍ର ଵର୍ଷିଣୀ || 31 ||
କରାଂଗୁଳି ନଖୋତ୍ପନ୍ନ ନାରାଯଣ ଦଶାକୃତିଃ |
ମହାପାଶୁପତାସ୍ତ୍ରାଗ୍ନି ନିର୍ଦଗ୍ଧାସୁର ସୈନିକା || 32 ||
କାମେଶ୍ଵରାସ୍ତ୍ର ନିର୍ଦଗ୍ଧ ସଭଂଡାସୁର ଶୂନ୍ଯକା |
ବ୍ରହ୍ମୋପେଂଦ୍ର ମହେଂଦ୍ରାଦି ଦେଵସଂସ୍ତୁତ ଵୈଭଵା || 33 ||
ହରନେତ୍ରାଗ୍ନି ସଂଦଗ୍ଧ କାମ ସଂଜୀଵନୌଷଧିଃ |
ଶ୍ରୀମଦ୍ଵାଗ୍ଭଵ କୂଟୈକ ସ୍ଵରୂପ ମୁଖପଂକଜା || 34 ||
କଂଠାଧଃ କଟିପର୍ଯଂତ ମଧ୍ଯକୂଟ ସ୍ଵରୂପିଣୀ |
ଶକ୍ତିକୂଟୈକ ତାପନ୍ନ କଟ୍ଯଥୋଭାଗ ଧାରିଣୀ || 35 ||
ମୂଲମଂତ୍ରାତ୍ମିକା, ମୂଲକୂଟ ତ୍ରଯ କଳେବରା |
କୁଳାମୃତୈକ ରସିକା, କୁଳସଂକେତ ପାଲିନୀ || 36 ||
କୁଳାଂଗନା, କୁଳାଂତଃସ୍ଥା, କୌଳିନୀ, କୁଳଯୋଗିନୀ |
ଅକୁଳା, ସମଯାଂତଃସ୍ଥା, ସମଯାଚାର ତତ୍ପରା || 37 ||
ମୂଲାଧାରୈକ ନିଲଯା, ବ୍ରହ୍ମଗ୍ରଂଥି ଵିଭେଦିନୀ |
ମଣିପୂରାଂତ ରୁଦିତା, ଵିଷ୍ଣୁଗ୍ରଂଥି ଵିଭେଦିନୀ || 38 ||
ଆଜ୍ଞା ଚକ୍ରାଂତରାଳସ୍ଥା, ରୁଦ୍ରଗ୍ରଂଥି ଵିଭେଦିନୀ |
ସହସ୍ରାରାଂବୁଜା ରୂଢା, ସୁଧାସାରାଭି ଵର୍ଷିଣୀ || 39 ||
ତଟିଲ୍ଲତା ସମରୁଚିଃ, ଷଟ୍-ଚକ୍ରୋପରି ସଂସ୍ଥିତା |
ମହାଶକ୍ତିଃ, କୁଂଡଲିନୀ, ବିସତଂତୁ ତନୀଯସୀ || 40 ||
ଭଵାନୀ, ଭାଵନାଗମ୍ଯା, ଭଵାରଣ୍ଯ କୁଠାରିକା |
ଭଦ୍ରପ୍ରିଯା, ଭଦ୍ରମୂର୍ତି, ର୍ଭକ୍ତସୌଭାଗ୍ଯ ଦାଯିନୀ || 41 ||
ଭକ୍ତିପ୍ରିଯା, ଭକ୍ତିଗମ୍ଯା, ଭକ୍ତିଵଶ୍ଯା, ଭଯାପହା |
ଶାଂଭଵୀ, ଶାରଦାରାଧ୍ଯା, ଶର୍ଵାଣୀ, ଶର୍ମଦାଯିନୀ || 42 ||
ଶାଂକରୀ, ଶ୍ରୀକରୀ, ସାଧ୍ଵୀ, ଶରଚ୍ଚଂଦ୍ରନିଭାନନା |
ଶାତୋଦରୀ, ଶାଂତିମତୀ, ନିରାଧାରା, ନିରଂଜନା || 43 ||
ନିର୍ଲେପା, ନିର୍ମଲା, ନିତ୍ଯା, ନିରାକାରା, ନିରାକୁଲା |
ନିର୍ଗୁଣା, ନିଷ୍କଳା, ଶାଂତା, ନିଷ୍କାମା, ନିରୁପପ୍ଲଵା || 44 ||
ନିତ୍ଯମୁକ୍ତା, ନିର୍ଵିକାରା, ନିଷ୍ପ୍ରପଂଚା, ନିରାଶ୍ରଯା |
ନିତ୍ଯଶୁଦ୍ଧା, ନିତ୍ଯବୁଦ୍ଧା, ନିରଵଦ୍ଯା, ନିରଂତରା || 45 ||
ନିଷ୍କାରଣା, ନିଷ୍କଳଂକା, ନିରୁପାଧି, ର୍ନିରୀଶ୍ଵରା |
ନୀରାଗା, ରାଗମଥନୀ, ନିର୍ମଦା, ମଦନାଶିନୀ || 46 ||
ନିଶ୍ଚିଂତା, ନିରହଂକାରା, ନିର୍ମୋହା, ମୋହନାଶିନୀ |
ନିର୍ମମା, ମମତାହଂତ୍ରୀ, ନିଷ୍ପାପା, ପାପନାଶିନୀ || 47 ||
ନିଷ୍କ୍ରୋଧା, କ୍ରୋଧଶମନୀ, ନିର୍ଲୋଭା, ଲୋଭନାଶିନୀ |
ନିଃସଂଶଯା, ସଂଶଯଘୀ, ନିର୍ଭଵା, ଭଵନାଶିନୀ || 48 ||
ନିର୍ଵିକଲ୍ପା, ନିରାବାଧା, ନିର୍ଭେଦା, ଭେଦନାଶିନୀ |
ନିର୍ନାଶା, ମୃତ୍ଯୁମଥନୀ, ନିଷ୍କ୍ରିଯା, ନିଷ୍ପରିଗ୍ରହା || 49 ||
ନିସ୍ତୁଲା, ନୀଲଚିକୁରା, ନିରପାଯା, ନିରତ୍ଯଯା |
ଦୁର୍ଲଭା, ଦୁର୍ଗମା, ଦୁର୍ଗା, ଦୁଃଖହଂତ୍ରୀ, ସୁଖପ୍ରଦା || 50 ||
ଦୁଷ୍ଟଦୂରା, ଦୁରାଚାର ଶମନୀ, ଦୋଷଵର୍ଜିତା |
ସର୍ଵଜ୍ଞା, ସାଂଦ୍ରକରୁଣା, ସମାନାଧିକଵର୍ଜିତା || 51 ||
ସର୍ଵଶକ୍ତିମଯୀ, ସର୍ଵମଂଗଳା, ସଦ୍ଗତିପ୍ରଦା |
ସର୍ଵେଶ୍ଵରୀ, ସର୍ଵମଯୀ, ସର୍ଵମଂତ୍ର ସ୍ଵରୂପିଣୀ || 52 ||
ସର୍ଵଯଂତ୍ରାତ୍ମିକା, ସର୍ଵତଂତ୍ରରୂପା, ମନୋନ୍ମନୀ |
ମାହେଶ୍ଵରୀ, ମହାଦେଵୀ, ମହାଲକ୍ଷ୍ମୀ, ର୍ମୃଡପ୍ରିଯା || 53 ||
ମହାରୂପା, ମହାପୂଜ୍ଯା, ମହାପାତକ ନାଶିନୀ |
ମହାମାଯା, ମହାସତ୍ତ୍ଵା, ମହାଶକ୍ତି ର୍ମହାରତିଃ || 54 ||
ମହାଭୋଗା, ମହୈଶ୍ଵର୍ଯା, ମହାଵୀର୍ଯା, ମହାବଲା |
ମହାବୁଦ୍ଧି, ର୍ମହାସିଦ୍ଧି, ର୍ମହାଯୋଗେଶ୍ଵରେଶ୍ଵରୀ || 55 ||
ମହାତଂତ୍ରା, ମହାମଂତ୍ରା, ମହାଯଂତ୍ରା, ମହାସନା |
ମହାଯାଗ କ୍ରମାରାଧ୍ଯା, ମହାଭୈରଵ ପୂଜିତା || 56 ||
ମହେଶ୍ଵର ମହାକଲ୍ପ ମହାତାଂଡଵ ସାକ୍ଷିଣୀ |
ମହାକାମେଶ ମହିଷୀ, ମହାତ୍ରିପୁର ସୁଂଦରୀ || 57 ||
ଚତୁଃଷଷ୍ଟ୍ଯୁପଚାରାଢ୍ଯା, ଚତୁଷ୍ଷଷ୍ଟି କଳାମଯୀ |
ମହା ଚତୁଷ୍ଷଷ୍ଟି କୋଟି ଯୋଗିନୀ ଗଣସେଵିତା || 58 ||
ମନୁଵିଦ୍ଯା, ଚଂଦ୍ରଵିଦ୍ଯା, ଚଂଦ୍ରମଂଡଲମଧ୍ଯଗା |
ଚାରୁରୂପା, ଚାରୁହାସା, ଚାରୁଚଂଦ୍ର କଳାଧରା || 59 ||
ଚରାଚର ଜଗନ୍ନାଥା, ଚକ୍ରରାଜ ନିକେତନା |
ପାର୍ଵତୀ, ପଦ୍ମନଯନା, ପଦ୍ମରାଗ ସମପ୍ରଭା || 60 ||
ପଂଚପ୍ରେତାସନାସୀନା, ପଂଚବ୍ରହ୍ମ ସ୍ଵରୂପିଣୀ |
ଚିନ୍ମଯୀ, ପରମାନଂଦା, ଵିଜ୍ଞାନ ଘନରୂପିଣୀ || 61 ||
ଧ୍ଯାନଧ୍ଯାତୃ ଧ୍ଯେଯରୂପା, ଧର୍ମାଧର୍ମ ଵିଵର୍ଜିତା |
ଵିଶ୍ଵରୂପା, ଜାଗରିଣୀ, ସ୍ଵପଂତୀ, ତୈଜସାତ୍ମିକା || 62 ||
ସୁପ୍ତା, ପ୍ରାଜ୍ଞାତ୍ମିକା, ତୁର୍ଯା, ସର୍ଵାଵସ୍ଥା ଵିଵର୍ଜିତା |
ସୃଷ୍ଟିକର୍ତ୍ରୀ, ବ୍ରହ୍ମରୂପା, ଗୋପ୍ତ୍ରୀ, ଗୋଵିଂଦରୂପିଣୀ || 63 ||
ସଂହାରିଣୀ, ରୁଦ୍ରରୂପା, ତିରୋଧାନକରୀଶ୍ଵରୀ |
ସଦାଶିଵାନୁଗ୍ରହଦା, ପଂଚକୃତ୍ଯ ପରାଯଣା || 64 ||
ଭାନୁମଂଡଲ ମଧ୍ଯସ୍ଥା, ଭୈରଵୀ, ଭଗମାଲିନୀ |
ପଦ୍ମାସନା, ଭଗଵତୀ, ପଦ୍ମନାଭ ସହୋଦରୀ || 65 ||
ଉନ୍ମେଷ ନିମିଷୋତ୍ପନ୍ନ ଵିପନ୍ନ ଭୁଵନାଵଳିଃ |
ସହସ୍ରଶୀର୍ଷଵଦନା, ସହସ୍ରାକ୍ଷୀ, ସହସ୍ରପାତ୍ || 66 ||
ଆବ୍ରହ୍ମ କୀଟଜନନୀ, ଵର୍ଣାଶ୍ରମ ଵିଧାଯିନୀ |
ନିଜାଜ୍ଞାରୂପନିଗମା, ପୁଣ୍ଯାପୁଣ୍ଯ ଫଲପ୍ରଦା || 67 ||
ଶ୍ରୁତି ସୀମଂତ ସିଂଧୂରୀକୃତ ପାଦାବ୍ଜଧୂଳିକା |
ସକଲାଗମ ସଂଦୋହ ଶୁକ୍ତିସଂପୁଟ ମୌକ୍ତିକା || 68 ||
ପୁରୁଷାର୍ଥପ୍ରଦା, ପୂର୍ଣା, ଭୋଗିନୀ, ଭୁଵନେଶ୍ଵରୀ |
ଅଂବିକା,ଽନାଦି ନିଧନା, ହରିବ୍ରହ୍ମେଂଦ୍ର ସେଵିତା || 69 ||
ନାରାଯଣୀ, ନାଦରୂପା, ନାମରୂପ ଵିଵର୍ଜିତା |
ହ୍ରୀଂକାରୀ, ହ୍ରୀମତୀ, ହୃଦ୍ଯା, ହେଯୋପାଦେଯ ଵର୍ଜିତା || 70 ||
ରାଜରାଜାର୍ଚିତା, ରାଜ୍ଞୀ, ରମ୍ଯା, ରାଜୀଵଲୋଚନା |
ରଂଜନୀ, ରମଣୀ, ରସ୍ଯା, ରଣତ୍କିଂକିଣି ମେଖଲା || 71 ||
ରମା, ରାକେଂଦୁଵଦନା, ରତିରୂପା, ରତିପ୍ରିଯା |
ରକ୍ଷାକରୀ, ରାକ୍ଷସଘ୍ନୀ, ରାମା, ରମଣଲଂପଟା || 72 ||
କାମ୍ଯା, କାମକଳାରୂପା, କଦଂବ କୁସୁମପ୍ରିଯା |
କଲ୍ଯାଣୀ, ଜଗତୀକଂଦା, କରୁଣାରସ ସାଗରା || 73 ||
କଳାଵତୀ, କଳାଲାପା, କାଂତା, କାଦଂବରୀପ୍ରିଯା |
ଵରଦା, ଵାମନଯନା, ଵାରୁଣୀମଦଵିହ୍ଵଲା || 74 ||
ଵିଶ୍ଵାଧିକା, ଵେଦଵେଦ୍ଯା, ଵିଂଧ୍ଯାଚଲ ନିଵାସିନୀ |
ଵିଧାତ୍ରୀ, ଵେଦଜନନୀ, ଵିଷ୍ଣୁମାଯା, ଵିଲାସିନୀ || 75 ||
କ୍ଷେତ୍ରସ୍ଵରୂପା, କ୍ଷେତ୍ରେଶୀ, କ୍ଷେତ୍ର କ୍ଷେତ୍ରଜ୍ଞ ପାଲିନୀ |
କ୍ଷଯଵୃଦ୍ଧି ଵିନିର୍ମୁକ୍ତା, କ୍ଷେତ୍ରପାଲ ସମର୍ଚିତା || 76 ||
ଵିଜଯା, ଵିମଲା, ଵଂଦ୍ଯା, ଵଂଦାରୁ ଜନଵତ୍ସଲା |
ଵାଗ୍ଵାଦିନୀ, ଵାମକେଶୀ, ଵହ୍ନିମଂଡଲ ଵାସିନୀ || 77 ||
ଭକ୍ତିମତ୍-କଲ୍ପଲତିକା, ପଶୁପାଶ ଵିମୋଚନୀ |
ସଂହୃତାଶେଷ ପାଷଂଡା, ସଦାଚାର ପ୍ରଵର୍ତିକା || 78 ||
ତାପତ୍ରଯାଗ୍ନି ସଂତପ୍ତ ସମାହ୍ଲାଦନ ଚଂଦ୍ରିକା |
ତରୁଣୀ, ତାପସାରାଧ୍ଯା, ତନୁମଧ୍ଯା, ତମୋଽପହା || 79 ||
ଚିତି, ସ୍ତତ୍ପଦଲକ୍ଷ୍ଯାର୍ଥା, ଚିଦେକ ରସରୂପିଣୀ |
ସ୍ଵାତ୍ମାନଂଦଲଵୀଭୂତ ବ୍ରହ୍ମାଦ୍ଯାନଂଦ ସଂତତିଃ || 80 ||
ପରା, ପ୍ରତ୍ଯକ୍ଚିତୀ ରୂପା, ପଶ୍ଯଂତୀ, ପରଦେଵତା |
ମଧ୍ଯମା, ଵୈଖରୀରୂପା, ଭକ୍ତମାନସ ହଂସିକା || 81 ||
କାମେଶ୍ଵର ପ୍ରାଣନାଡୀ, କୃତଜ୍ଞା, କାମପୂଜିତା |
ଶୃଂଗାର ରସସଂପୂର୍ଣା, ଜଯା, ଜାଲଂଧରସ୍ଥିତା || 82 ||
ଓଡ୍ଯାଣ ପୀଠନିଲଯା, ବିଂଦୁମଂଡଲ ଵାସିନୀ |
ରହୋଯାଗ କ୍ରମାରାଧ୍ଯା, ରହସ୍ତର୍ପଣ ତର୍ପିତା || 83 ||
ସଦ୍ଯଃ ପ୍ରସାଦିନୀ, ଵିଶ୍ଵସାକ୍ଷିଣୀ, ସାକ୍ଷିଵର୍ଜିତା |
ଷଡଂଗଦେଵତା ଯୁକ୍ତା, ଷାଡ୍ଗୁଣ୍ଯ ପରିପୂରିତା || 84 ||
ନିତ୍ଯକ୍ଲିନ୍ନା, ନିରୁପମା, ନିର୍ଵାଣ ସୁଖଦାଯିନୀ |
ନିତ୍ଯା, ଷୋଡଶିକାରୂପା, ଶ୍ରୀକଂଠାର୍ଧ ଶରୀରିଣୀ || 85 ||
ପ୍ରଭାଵତୀ, ପ୍ରଭାରୂପା, ପ୍ରସିଦ୍ଧା, ପରମେଶ୍ଵରୀ |
ମୂଲପ୍ରକୃତି ରଵ୍ଯକ୍ତା, ଵ୍ଯକ୍ତାଽଵ୍ଯକ୍ତ ସ୍ଵରୂପିଣୀ || 86 ||
ଵ୍ଯାପିନୀ, ଵିଵିଧାକାରା, ଵିଦ୍ଯାଽଵିଦ୍ଯା ସ୍ଵରୂପିଣୀ |
ମହାକାମେଶ ନଯନା, କୁମୁଦାହ୍ଲାଦ କୌମୁଦୀ || 87 ||
ଭକ୍ତହାର୍ଦ ତମୋଭେଦ ଭାନୁମଦ୍-ଭାନୁସଂତତିଃ |
ଶିଵଦୂତୀ, ଶିଵାରାଧ୍ଯା, ଶିଵମୂର୍ତି, ଶ୍ଶିଵଂକରୀ || 88 ||
ଶିଵପ୍ରିଯା, ଶିଵପରା, ଶିଷ୍ଟେଷ୍ଟା, ଶିଷ୍ଟପୂଜିତା |
ଅପ୍ରମେଯା, ସ୍ଵପ୍ରକାଶା, ମନୋଵାଚାମ ଗୋଚରା || 89 ||
ଚିଚ୍ଛକ୍ତି, ଶ୍ଚେତନାରୂପା, ଜଡଶକ୍ତି, ର୍ଜଡାତ୍ମିକା |
ଗାଯତ୍ରୀ, ଵ୍ଯାହୃତି, ସ୍ସଂଧ୍ଯା, ଦ୍ଵିଜବୃଂଦ ନିଷେଵିତା || 90 ||
ତତ୍ତ୍ଵାସନା, ତତ୍ତ୍ଵମଯୀ, ପଂଚକୋଶାଂତରସ୍ଥିତା |
ନିସ୍ସୀମମହିମା, ନିତ୍ଯଯୌଵନା, ମଦଶାଲିନୀ || 91 ||
ମଦଘ୍ର୍ଣିତ ରକ୍ତାକ୍ଷୀ, ମଦପାଟଲ ଗଂଡଭୂଃ |
ଚଂଦନ ଦ୍ରଵଦିଗ୍ଧାଂଗୀ, ଚାଂପେଯ କୁସୁମ ପ୍ରିଯା || 92 ||
କୁଶଲା, କୋମଲାକାରା, କୁରୁକୁଲ୍ଲା, କୁଲେଶ୍ଵରୀ |
କୁଳକୁଂଡାଲଯା, କୌଳ ମାର୍ଗତତ୍ପର ସେଵିତା || 93 ||
କୁମାର ଗଣନାଥାଂବା, ତୁଷ୍ଟିଃ, ପୁଷ୍ଟି, ର୍ମତି, ର୍ଧୃତିଃ |
ଶାଂତିଃ, ସ୍ଵସ୍ତିମତୀ, କାଂତି, ର୍ନଂଦିନୀ, ଵିଘନାଶିନୀ || 94 ||
ତେଜୋଵତୀ, ତ୍ରିନଯନା, ଲୋଲାକ୍ଷୀ କାମରୂପିଣୀ |
ମାଲିନୀ, ହଂସିନୀ, ମାତା, ମଲଯାଚଲ ଵାସିନୀ || 95 ||
ସୁମୁଖୀ, ନଳିନୀ, ସୁଭ୍ରୂଃ, ଶୋଭନା, ସୁରନାଯିକା |
କାଲକଂଠୀ, କାଂତିମତୀ, କ୍ଷୋଭିଣୀ, ସୂକ୍ଷ୍ମରୂପିଣୀ || 96 ||
ଵଜ୍ରେଶ୍ଵରୀ, ଵାମଦେଵୀ, ଵଯୋଽଵସ୍ଥା ଵିଵର୍ଜିତା |
ସିଦ୍ଧେଶ୍ଵରୀ, ସିଦ୍ଧଵିଦ୍ଯା, ସିଦ୍ଧମାତା, ଯଶସ୍ଵିନୀ || 97 ||
ଵିଶୁଦ୍ଧି ଚକ୍ରନିଲଯା,ଽଽରକ୍ତଵର୍ଣା, ତ୍ରିଲୋଚନା |
ଖଟ୍ଵାଂଗାଦି ପ୍ରହରଣା, ଵଦନୈକ ସମନ୍ଵିତା || 98 ||
ପାଯସାନ୍ନପ୍ରିଯା, ତ୍ଵକ୍^ସ୍ଥା, ପଶୁଲୋକ ଭଯଂକରୀ |
ଅମୃତାଦି ମହାଶକ୍ତି ସଂଵୃତା, ଡାକିନୀଶ୍ଵରୀ || 99 ||
ଅନାହତାବ୍ଜ ନିଲଯା, ଶ୍ଯାମାଭା, ଵଦନଦ୍ଵଯା |
ଦଂଷ୍ଟ୍ରୋଜ୍ଜ୍ଵଲା,ଽକ୍ଷମାଲାଧିଧରା, ରୁଧିର ସଂସ୍ଥିତା || 100 ||
କାଳରାତ୍ର୍ଯାଦି ଶକ୍ତ୍ଯୋଘ୍ଵୃତା, ସ୍ନିଗ୍ଧୌଦନପ୍ରିଯା |
ମହାଵୀରେଂଦ୍ର ଵରଦା, ରାକିଣ୍ଯଂବା ସ୍ଵରୂପିଣୀ || 101 ||
ମଣିପୂରାବ୍ଜ ନିଲଯା, ଵଦନତ୍ରଯ ସଂଯୁତା |
ଵଜ୍ରାଧିକାଯୁଧୋପେତା, ଡାମର୍ଯାଦିଭି ରାଵୃତା || 102 ||
ରକ୍ତଵର୍ଣା, ମାଂସନିଷ୍ଠା, ଗୁଡାନ୍ନ ପ୍ରୀତମାନସା |
ସମସ୍ତ ଭକ୍ତସୁଖଦା, ଲାକିନ୍ଯଂବା ସ୍ଵରୂପିଣୀ || 103 ||
ସ୍ଵାଧିଷ୍ଠାନାଂବୁ ଜଗତା, ଚତୁର୍ଵକ୍ତ୍ର ମନୋହରା |
ଶୂଲାଦ୍ଯାଯୁଧ ସଂପନ୍ନା, ପୀତଵର୍ଣା,ଽତିଗର୍ଵିତା || 104 ||
ମେଦୋନିଷ୍ଠା, ମଧୁପ୍ରୀତା, ବଂଦିନ୍ଯାଦି ସମନ୍ଵିତା |
ଦଧ୍ଯନ୍ନାସକ୍ତ ହୃଦଯା, କାକିନୀ ରୂପଧାରିଣୀ || 105 ||
ମୂଲା ଧାରାଂବୁଜାରୂଢା, ପଂଚଵକ୍ତ୍ରା,ଽସ୍ଥିସଂସ୍ଥିତା |
ଅଂକୁଶାଦି ପ୍ରହରଣା, ଵରଦାଦି ନିଷେଵିତା || 106 ||
ମୁଦ୍ଗୌଦନାସକ୍ତ ଚିତ୍ତା, ସାକିନ୍ଯଂବାସ୍ଵରୂପିଣୀ |
ଆଜ୍ଞା ଚକ୍ରାବ୍ଜନିଲଯା, ଶୁକ୍ଲଵର୍ଣା, ଷଡାନନା || 107 ||
ମଜ୍ଜାସଂସ୍ଥା, ହଂସଵତୀ ମୁଖ୍ଯଶକ୍ତି ସମନ୍ଵିତା |
ହରିଦ୍ରାନ୍ନୈକ ରସିକା, ହାକିନୀ ରୂପଧାରିଣୀ || 108 ||
ସହସ୍ରଦଳ ପଦ୍ମସ୍ଥା, ସର୍ଵଵର୍ଣୋପ ଶୋଭିତା |
ସର୍ଵାଯୁଧଧରା, ଶୁକ୍ଲ ସଂସ୍ଥିତା, ସର୍ଵତୋମୁଖୀ || 109 ||
ସର୍ଵୌଦନ ପ୍ରୀତଚିତ୍ତା, ଯାକିନ୍ଯଂବା ସ୍ଵରୂପିଣୀ |
ସ୍ଵାହା, ସ୍ଵଧା,ଽମତି, ର୍ମେଧା, ଶ୍ରୁତିଃ, ସ୍ମୃତି, ରନୁତ୍ତମା || 110 ||
ପୁଣ୍ଯକୀର୍ତିଃ, ପୁଣ୍ଯଲଭ୍ଯା, ପୁଣ୍ଯଶ୍ରଵଣ କୀର୍ତନା |
ପୁଲୋମଜାର୍ଚିତା, ବଂଧମୋଚନୀ, ବଂଧୁରାଲକା || 111 ||
ଵିମର୍ଶରୂପିଣୀ, ଵିଦ୍ଯା, ଵିଯଦାଦି ଜଗତ୍ପ୍ରସୂଃ |
ସର୍ଵଵ୍ଯାଧି ପ୍ରଶମନୀ, ସର୍ଵମୃତ୍ଯୁ ନିଵାରିଣୀ || 112 ||
ଅଗ୍ରଗଣ୍ଯା,ଽଚିଂତ୍ଯରୂପା, କଲିକଲ୍ମଷ ନାଶିନୀ |
କାତ୍ଯାଯିନୀ, କାଲହଂତ୍ରୀ, କମଲାକ୍ଷ ନିଷେଵିତା || 113 ||
ତାଂବୂଲ ପୂରିତ ମୁଖୀ, ଦାଡିମୀ କୁସୁମପ୍ରଭା |
ମୃଗାକ୍ଷୀ, ମୋହିନୀ, ମୁଖ୍ଯା, ମୃଡାନୀ, ମିତ୍ରରୂପିଣୀ || 114 ||
ନିତ୍ଯତୃପ୍ତା, ଭକ୍ତନିଧି, ର୍ନିଯଂତ୍ରୀ, ନିଖିଲେଶ୍ଵରୀ |
ମୈତ୍ର୍ଯାଦି ଵାସନାଲଭ୍ଯା, ମହାପ୍ରଳଯ ସାକ୍ଷିଣୀ || 115 ||
ପରାଶକ୍ତିଃ, ପରାନିଷ୍ଠା, ପ୍ରଜ୍ଞାନ ଘନରୂପିଣୀ |
ମାଧ୍ଵୀପାନାଲସା, ମତ୍ତା, ମାତୃକା ଵର୍ଣ ରୂପିଣୀ || 116 ||
ମହାକୈଲାସ ନିଲଯା, ମୃଣାଲ ମୃଦୁଦୋର୍ଲତା |
ମହନୀଯା, ଦଯାମୂର୍ତୀ, ର୍ମହାସାମ୍ରାଜ୍ଯଶାଲିନୀ || 117 ||
ଆତ୍ମଵିଦ୍ଯା, ମହାଵିଦ୍ଯା, ଶ୍ରୀଵିଦ୍ଯା, କାମସେଵିତା |
ଶ୍ରୀଷୋଡଶାକ୍ଷରୀ ଵିଦ୍ଯା, ତ୍ରିକୂଟା, କାମକୋଟିକା || 118 ||
କଟାକ୍ଷକିଂକରୀ ଭୂତ କମଲା କୋଟିସେଵିତା |
ଶିରଃସ୍ଥିତା, ଚଂଦ୍ରନିଭା, ଫାଲସ୍ଥେଂଦ୍ର ଧନୁଃପ୍ରଭା || 119 ||
ହୃଦଯସ୍ଥା, ରଵିପ୍ରଖ୍ଯା, ତ୍ରିକୋଣାଂତର ଦୀପିକା |
ଦାକ୍ଷାଯଣୀ, ଦୈତ୍ଯହଂତ୍ରୀ, ଦକ୍ଷଯଜ୍ଞ ଵିନାଶିନୀ || 120 ||
ଦରାଂଦୋଳିତ ଦୀର୍ଘ୍କ୍ଷୀ, ଦରହାସୋଜ୍ଜ୍ଵଲନ୍ମୁଖୀ |
ଗୁରୁମୂର୍ତି, ର୍ଗୁଣନିଧି, ର୍ଗୋମାତା, ଗୁହଜନ୍ମଭୂଃ || 121 ||
ଦେଵେଶୀ, ଦଂଡନୀତିସ୍ଥା, ଦହରାକାଶ ରୂପିଣୀ |
ପ୍ରତିପନ୍ମୁଖ୍ଯ ରାକାଂତ ତିଥିମଂଡଲ ପୂଜିତା || 122 ||
କଳାତ୍ମିକା, କଳାନାଥା, କାଵ୍ଯାଲାପ ଵିନୋଦିନୀ |
ସଚାମର ରମାଵାଣୀ ସଵ୍ଯଦକ୍ଷିଣ ସେଵିତା || 123 ||
ଆଦିଶକ୍ତି, ରମେଯା,ଽଽତ୍ମା, ପରମା, ପାଵନାକୃତିଃ |
ଅନେକକୋଟି ବ୍ରହ୍ମାଂଡ ଜନନୀ, ଦିଵ୍ଯଵିଗ୍ରହା || 124 ||
କ୍ଲୀଂକାରୀ, କେଵଲା, ଗୁହ୍ଯା, କୈଵଲ୍ଯ ପଦଦାଯିନୀ |
ତ୍ରିପୁରା, ତ୍ରିଜଗଦ୍ଵଂଦ୍ଯା, ତ୍ରିମୂର୍ତି, ସ୍ତ୍ରିଦଶେଶ୍ଵରୀ || 125 ||
ତ୍ର୍ଯକ୍ଷରୀ, ଦିଵ୍ଯଗଂଧାଢ୍ଯା, ସିଂଧୂର ତିଲକାଂଚିତା |
ଉମା, ଶୈଲେଂଦ୍ରତନଯା, ଗୌରୀ, ଗଂଧର୍ଵ ସେଵିତା || 126 ||
ଵିଶ୍ଵଗର୍ଭା, ସ୍ଵର୍ଣଗର୍ଭା,ଽଵରଦା ଵାଗଧୀଶ୍ଵରୀ |
ଧ୍ଯାନଗମ୍ଯା,ଽପରିଚ୍ଛେଦ୍ଯା, ଜ୍ଞାନଦା, ଜ୍ଞାନଵିଗ୍ରହା || 127 ||
ସର୍ଵଵେଦାଂତ ସଂଵେଦ୍ଯା, ସତ୍ଯାନଂଦ ସ୍ଵରୂପିଣୀ |
ଲୋପାମୁଦ୍ରାର୍ଚିତା, ଲୀଲାକ୍ଲୁପ୍ତ ବ୍ରହ୍ମାଂଡମଂଡଲା || 128 ||
ଅଦୃଶ୍ଯା, ଦୃଶ୍ଯରହିତା, ଵିଜ୍ଞାତ୍ରୀ, ଵେଦ୍ଯଵର୍ଜିତା |
ଯୋଗିନୀ, ଯୋଗଦା, ଯୋଗ୍ଯା, ଯୋଗାନଂଦା, ଯୁଗଂଧରା || 129 ||
ଇଚ୍ଛାଶକ୍ତି ଜ୍ଞାନଶକ୍ତି କ୍ରିଯାଶକ୍ତି ସ୍ଵରୂପିଣୀ |
ସର୍ଵାଧାରା, ସୁପ୍ରତିଷ୍ଠା, ସଦସଦ୍-ରୂପଧାରିଣୀ || 130 ||
ଅଷ୍ଟମୂର୍ତି, ରଜାଜୈତ୍ରୀ, ଲୋକଯାତ୍ରା ଵିଧାଯିନୀ |
ଏକାକିନୀ, ଭୂମରୂପା, ନିର୍ଦ୍ଵୈତା, ଦ୍ଵୈତଵର୍ଜିତା || 131 ||
ଅନ୍ନଦା, ଵସୁଦା, ଵୃଦ୍ଧା, ବ୍ରହ୍ମାତ୍ମୈକ୍ଯ ସ୍ଵରୂପିଣୀ |
ବୃହତୀ, ବ୍ରାହ୍ମଣୀ, ବ୍ରାହ୍ମୀ, ବ୍ରହ୍ମାନଂଦା, ବଲିପ୍ରିଯା || 132 ||
ଭାଷାରୂପା, ବୃହତ୍ସେନା, ଭାଵାଭାଵ ଵିଵର୍ଜିତା |
ସୁଖାରାଧ୍ଯା, ଶୁଭକରୀ, ଶୋଭନା ସୁଲଭାଗତିଃ || 133 ||
ରାଜରାଜେଶ୍ଵରୀ, ରାଜ୍ଯଦାଯିନୀ, ରାଜ୍ଯଵଲ୍ଲଭା |
ରାଜତ୍-କୃପା, ରାଜପୀଠ ନିଵେଶିତ ନିଜାଶ୍ରିତାଃ || 134 ||
ରାଜ୍ଯଲକ୍ଷ୍ମୀଃ, କୋଶନାଥା, ଚତୁରଂଗ ବଲେଶ୍ଵରୀ |
ସାମ୍ରାଜ୍ଯଦାଯିନୀ, ସତ୍ଯସଂଧା, ସାଗରମେଖଲା || 135 ||
ଦୀକ୍ଷିତା, ଦୈତ୍ଯଶମନୀ, ସର୍ଵଲୋକ ଵଶଂକରୀ |
ସର୍ଵାର୍ଥଦାତ୍ରୀ, ସାଵିତ୍ରୀ, ସଚ୍ଚିଦାନଂଦ ରୂପିଣୀ || 136 ||
ଦେଶକାଲାଽପରିଚ୍ଛିନ୍ନା, ସର୍ଵଗା, ସର୍ଵମୋହିନୀ |
ସରସ୍ଵତୀ, ଶାସ୍ତ୍ରମଯୀ, ଗୁହାଂବା, ଗୁହ୍ଯରୂପିଣୀ || 137 ||
ସର୍ଵୋପାଧି ଵିନିର୍ମୁକ୍ତା, ସଦାଶିଵ ପତିଵ୍ରତା |
ସଂପ୍ରଦାଯେଶ୍ଵରୀ, ସାଧ୍ଵୀ, ଗୁରୁମଂଡଲ ରୂପିଣୀ || 138 ||
କୁଲୋତ୍ତୀର୍ଣା, ଭଗାରାଧ୍ଯା, ମାଯା, ମଧୁମତୀ, ମହୀ |
ଗଣାଂବା, ଗୁହ୍ଯକାରାଧ୍ଯା, କୋମଲାଂଗୀ, ଗୁରୁପ୍ରିଯା || 139 ||
ସ୍ଵତଂତ୍ରା, ସର୍ଵତଂତ୍ରେଶୀ, ଦକ୍ଷିଣାମୂର୍ତି ରୂପିଣୀ |
ସନକାଦି ସମାରାଧ୍ଯା, ଶିଵଜ୍ଞାନ ପ୍ରଦାଯିନୀ || 140 ||
ଚିତ୍କଳା,ଽନଂଦକଲିକା, ପ୍ରେମରୂପା, ପ୍ରିଯଂକରୀ |
ନାମପାରାଯଣ ପ୍ରୀତା, ନଂଦିଵିଦ୍ଯା, ନଟେଶ୍ଵରୀ || 141 ||
ମିଥ୍ଯା ଜଗଦଧିଷ୍ଠାନା ମୁକ୍ତିଦା, ମୁକ୍ତିରୂପିଣୀ |
ଲାସ୍ଯପ୍ରିଯା, ଲଯକରୀ, ଲଜ୍ଜା, ରଂଭାଦି ଵଂଦିତା || 142 ||
ଭଵଦାଵ ସୁଧାଵୃଷ୍ଟିଃ, ପାପାରଣ୍ଯ ଦଵାନଲା |
ଦୌର୍ଭାଗ୍ଯତୂଲ ଵାତୂଲା, ଜରାଧ୍ଵାଂତ ରଵିପ୍ରଭା || 143 ||
ଭାଗ୍ଯାବ୍ଧିଚଂଦ୍ରିକା, ଭକ୍ତଚିତ୍ତକେକି ଘନାଘ୍ନା |
ରୋଗପର୍ଵତ ଦଂଭୋଳି, ର୍ମୃତ୍ଯୁଦାରୁ କୁଠାରିକା || 144 ||
ମହେଶ୍ଵରୀ, ମହାକାଳୀ, ମହାଗ୍ରାସା, ମହାଽଶନା |
ଅପର୍ଣା, ଚଂଡିକା, ଚଂଡମୁଂଡାଽସୁର ନିଷୂଦିନୀ || 145 ||
କ୍ଷରାକ୍ଷରାତ୍ମିକା, ସର୍ଵଲୋକେଶୀ, ଵିଶ୍ଵଧାରିଣୀ |
ତ୍ରିଵର୍ଗଦାତ୍ରୀ, ସୁଭଗା, ତ୍ର୍ଯଂବକା, ତ୍ରିଗୁଣାତ୍ମିକା || 146 ||
ସ୍ଵର୍ଗାପଵର୍ଗଦା, ଶୁଦ୍ଧା, ଜପାପୁଷ୍ପ ନିଭାକୃତିଃ |
ଓଜୋଵତୀ, ଦ୍ଯୁତିଧରା, ଯଜ୍ଞରୂପା, ପ୍ରିଯଵ୍ରତା || 147 ||
ଦୁରାରାଧ୍ଯା, ଦୁରାଦର୍ଷା, ପାଟଲୀ କୁସୁମପ୍ରିଯା |
ମହତୀ, ମେରୁନିଲଯା, ମଂଦାର କୁସୁମପ୍ରିଯା || 148 ||
ଵୀରାରାଧ୍ଯା, ଵିରାଡ୍ରୂପା, ଵିରଜା, ଵିଶ୍ଵତୋମୁଖୀ |
ପ୍ରତ୍ଯଗ୍ରୂପା, ପରାକାଶା, ପ୍ରାଣଦା, ପ୍ରାଣରୂପିଣୀ || 149 ||
ମାର୍ତାଂଡ ଭୈରଵାରାଧ୍ଯା, ମଂତ୍ରିଣୀ ନ୍ଯସ୍ତରାଜ୍ଯଧୂଃ |
ତ୍ରିପୁରେଶୀ, ଜଯତ୍ସେନା, ନିସ୍ତ୍ରୈଗୁଣ୍ଯା, ପରାପରା || 150 ||
ସତ୍ଯଜ୍ଞାନାଽନଂଦରୂପା, ସାମରସ୍ଯ ପରାଯଣା |
କପର୍ଦିନୀ, କଲାମାଲା, କାମଧୁକ୍,କାମରୂପିଣୀ || 151 ||
କଳାନିଧିଃ, କାଵ୍ଯକଳା, ରସଜ୍ଞା, ରସଶେଵଧିଃ |
ପୁଷ୍ଟା, ପୁରାତନା, ପୂଜ୍ଯା, ପୁଷ୍କରା, ପୁଷ୍କରେକ୍ଷଣା || 152 ||
ପରଂଜ୍ଯୋତିଃ, ପରଂଧାମ, ପରମାଣୁଃ, ପରାତ୍ପରା |
ପାଶହସ୍ତା, ପାଶହଂତ୍ରୀ, ପରମଂତ୍ର ଵିଭେଦିନୀ || 153 ||
ମୂର୍ତା,ଽମୂର୍ତା,ଽନିତ୍ଯତୃପ୍ତା, ମୁନି ମାନସ ହଂସିକା |
ସତ୍ଯଵ୍ରତା, ସତ୍ଯରୂପା, ସର୍ଵାଂତର୍ଯାମିନୀ, ସତୀ || 154 ||
ବ୍ରହ୍ମାଣୀ, ବ୍ରହ୍ମଜନନୀ, ବହୁରୂପା, ବୁଧାର୍ଚିତା |
ପ୍ରସଵିତ୍ରୀ, ପ୍ରଚଂଡାଽଜ୍ଞା, ପ୍ରତିଷ୍ଠା, ପ୍ରକଟାକୃତିଃ || 155 ||
ପ୍ରାଣେଶ୍ଵରୀ, ପ୍ରାଣଦାତ୍ରୀ, ପଂଚାଶତ୍-ପୀଠରୂପିଣୀ |
ଵିଶୃଂଖଲା, ଵିଵିକ୍ତସ୍ଥା, ଵୀରମାତା, ଵିଯତ୍ପ୍ରସୂଃ || 156 ||
ମୁକୁଂଦା, ମୁକ୍ତି ନିଲଯା, ମୂଲଵିଗ୍ରହ ରୂପିଣୀ |
ଭାଵଜ୍ଞା, ଭଵରୋଗଘୀ ଭଵଚକ୍ର ପ୍ରଵର୍ତିନୀ || 157 ||
ଛଂଦସ୍ସାରା, ଶାସ୍ତ୍ରସାରା, ମଂତ୍ରସାରା, ତଲୋଦରୀ |
ଉଦାରକୀର୍ତି, ରୁଦ୍ଦାମଵୈଭଵା, ଵର୍ଣରୂପିଣୀ || 158 ||
ଜନ୍ମମୃତ୍ଯୁ ଜରାତପ୍ତ ଜନ ଵିଶ୍ରାଂତି ଦାଯିନୀ |
ସର୍ଵୋପନିଷ ଦୁଦ୍ଘ୍ଷ୍ଟା, ଶାଂତ୍ଯତୀତ କଳାତ୍ମିକା || 159 ||
ଗଂଭୀରା, ଗଗନାଂତଃସ୍ଥା, ଗର୍ଵିତା, ଗାନଲୋଲୁପା |
କଲ୍ପନାରହିତା, କାଷ୍ଠା, କାଂତା, କାଂତାର୍ଧ ଵିଗ୍ରହା || 160 ||
କାର୍ଯକାରଣ ନିର୍ମୁକ୍ତା, କାମକେଳି ତରଂଗିତା |
କନତ୍-କନକତାଟଂକା, ଲୀଲାଵିଗ୍ରହ ଧାରିଣୀ || 161 ||
ଅଜାକ୍ଷଯ ଵିନିର୍ମୁକ୍ତା, ମୁଗ୍ଧା କ୍ଷିପ୍ରପ୍ରସାଦିନୀ |
ଅଂତର୍ମୁଖ ସମାରାଧ୍ଯା, ବହିର୍ମୁଖ ସୁଦୁର୍ଲଭା || 162 ||
ତ୍ରଯୀ, ତ୍ରିଵର୍ଗ ନିଲଯା, ତ୍ରିସ୍ଥା, ତ୍ରିପୁରମାଲିନୀ |
ନିରାମଯା, ନିରାଲଂବା, ସ୍ଵାତ୍ମାରାମା, ସୁଧାସୃତିଃ || 163 ||
ସଂସାରପଂକ ନିର୍ମଗ୍ନ ସମୁଦ୍ଧରଣ ପଂଡିତା |
ଯଜ୍ଞପ୍ରିଯା, ଯଜ୍ଞକର୍ତ୍ରୀ, ଯଜମାନ ସ୍ଵରୂପିଣୀ || 164 ||
ଧର୍ମାଧାରା, ଧନାଧ୍ଯକ୍ଷା, ଧନଧାନ୍ଯ ଵିଵର୍ଧିନୀ |
ଵିପ୍ରପ୍ରିଯା, ଵିପ୍ରରୂପା, ଵିଶ୍ଵଭ୍ରମଣ କାରିଣୀ || 165 ||
ଵିଶ୍ଵଗ୍ରାସା, ଵିଦ୍ରୁମାଭା, ଵୈଷ୍ଣଵୀ, ଵିଷ୍ଣୁରୂପିଣୀ |
ଅଯୋନି, ର୍ଯୋନିନିଲଯା, କୂଟସ୍ଥା, କୁଲରୂପିଣୀ || 166 ||
ଵୀରଗୋଷ୍ଠୀପ୍ରିଯା, ଵୀରା, ନୈଷ୍କର୍ମ୍ଯା, ନାଦରୂପିଣୀ |
ଵିଜ୍ଞାନ କଲନା, କଲ୍ଯା ଵିଦଗ୍ଧା, ବୈଂଦଵାସନା || 167 ||
ତତ୍ତ୍ଵାଧିକା, ତତ୍ତ୍ଵମଯୀ, ତତ୍ତ୍ଵମର୍ଥ ସ୍ଵରୂପିଣୀ |
ସାମଗାନପ୍ରିଯା, ସୌମ୍ଯା, ସଦାଶିଵ କୁଟୁଂବିନୀ || 168 ||
ସଵ୍ଯାପସଵ୍ଯ ମାର୍ଗସ୍ଥା, ସର୍ଵାପଦ୍ଵି ନିଵାରିଣୀ |
ସ୍ଵସ୍ଥା, ସ୍ଵଭାଵମଧୁରା, ଧୀରା, ଧୀର ସମର୍ଚିତା || 169 ||
ଚୈତନ୍ଯାର୍ଘ୍ଯ ସମାରାଧ୍ଯା, ଚୈତନ୍ଯ କୁସୁମପ୍ରିଯା |
ସଦୋଦିତା, ସଦାତୁଷ୍ଟା, ତରୁଣାଦିତ୍ଯ ପାଟଲା || 170 ||
ଦକ୍ଷିଣା, ଦକ୍ଷିଣାରାଧ୍ଯା, ଦରସ୍ମେର ମୁଖାଂବୁଜା |
କୌଳିନୀ କେଵଲା,ଽନର୍ଘ୍ଯା କୈଵଲ୍ଯ ପଦଦାଯିନୀ || 171 ||
ସ୍ତୋତ୍ରପ୍ରିଯା, ସ୍ତୁତିମତୀ, ଶ୍ରୁତିସଂସ୍ତୁତ ଵୈଭଵା |
ମନସ୍ଵିନୀ, ମାନଵତୀ, ମହେଶୀ, ମଂଗଳାକୃତିଃ || 172 ||
ଵିଶ୍ଵମାତା, ଜଗଦ୍ଧାତ୍ରୀ, ଵିଶାଲାକ୍ଷୀ, ଵିରାଗିଣୀ|
ପ୍ରଗଲ୍ଭା, ପରମୋଦାରା, ପରାମୋଦା, ମନୋମଯୀ || 173 ||
ଵ୍ଯୋମକେଶୀ, ଵିମାନସ୍ଥା, ଵଜ୍ରିଣୀ, ଵାମକେଶ୍ଵରୀ |
ପଂଚଯଜ୍ଞପ୍ରିଯା, ପଂଚପ୍ରେତ ମଂଚାଧିଶାଯିନୀ || 174 ||
ପଂଚମୀ, ପଂଚଭୂତେଶୀ, ପଂଚ ସଂଖ୍ଯୋପଚାରିଣୀ |
ଶାଶ୍ଵତୀ, ଶାଶ୍ଵତୈଶ୍ଵର୍ଯା, ଶର୍ମଦା, ଶଂଭୁମୋହିନୀ || 175 ||
ଧରା, ଧରସୁତା, ଧନ୍ଯା, ଧର୍ମିଣୀ, ଧର୍ମଵର୍ଧିନୀ |
ଲୋକାତୀତା, ଗୁଣାତୀତା, ସର୍ଵାତୀତା, ଶମାତ୍ମିକା || 176 ||
ବଂଧୂକ କୁସୁମ ପ୍ରଖ୍ଯା, ବାଲା, ଲୀଲାଵିନୋଦିନୀ |
ସୁମଂଗଳୀ, ସୁଖକରୀ, ସୁଵେଷାଡ୍ଯା, ସୁଵାସିନୀ || 177 ||
ସୁଵାସିନ୍ଯର୍ଚନପ୍ରୀତା, ଶୋଭନା, ଶୁଦ୍ଧ ମାନସା |
ବିଂଦୁ ତର୍ପଣ ସଂତୁଷ୍ଟା, ପୂର୍ଵଜା, ତ୍ରିପୁରାଂବିକା || 178 ||
ଦଶମୁଦ୍ରା ସମାରାଧ୍ଯା, ତ୍ରିପୁରା ଶ୍ରୀଵଶଂକରୀ |
ଜ୍ଞାନମୁଦ୍ରା, ଜ୍ଞାନଗମ୍ଯା, ଜ୍ଞାନଜ୍ଞେଯ ସ୍ଵରୂପିଣୀ || 179 ||
ଯୋନିମୁଦ୍ରା, ତ୍ରିଖଂଡେଶୀ, ତ୍ରିଗୁଣାଂବା, ତ୍ରିକୋଣଗା |
ଅନଘ୍ଦ୍ଭୁତ ଚାରିତ୍ରା, ଵାଂଛିତାର୍ଥ ପ୍ରଦାଯିନୀ || 180 ||
ଅଭ୍ଯାସାତି ଶଯଜ୍ଞାତା, ଷଡଧ୍ଵାତୀତ ରୂପିଣୀ |
ଅଵ୍ଯାଜ କରୁଣାମୂର୍ତି, ରଜ୍ଞାନଧ୍ଵାଂତ ଦୀପିକା || 181 ||
ଆବାଲଗୋପ ଵିଦିତା, ସର୍ଵାନୁଲ୍ଲଂଘ୍ଯ ଶାସନା |
ଶ୍ରୀ ଚକ୍ରରାଜନିଲଯା, ଶ୍ରୀମତ୍ତ୍ରିପୁର ସୁଂଦରୀ || 182 ||
ଶ୍ରୀ ଶିଵା, ଶିଵଶକ୍ତ୍ଯୈକ୍ଯ ରୂପିଣୀ, ଲଲିତାଂବିକା |
ଏଵଂ ଶ୍ରୀଲଲିତାଦେଵ୍ଯା ନାମ୍ନାଂ ସାହସ୍ରକଂ ଜଗୁଃ || 183 ||
|| ଇତି ଶ୍ରୀ ବ୍ରହ୍ମାଂଡପୁରାଣେ, ଉତ୍ତରଖଂଡେ, ଶ୍ରୀ ହଯଗ୍ରୀଵାଗସ୍ତ୍ଯ ସଂଵାଦେ, ଶ୍ରୀଲଲିତାରହସ୍ଯନାମ ଶ୍ରୀ ଲଲିତା ରହସ୍ଯନାମ ସାହସ୍ରସ୍ତୋତ୍ର କଥନଂ ନାମ ଦ୍ଵିତୀଯୋଽଧ୍ଯାଯଃ ||
ସିଂଧୂରାରୁଣ ଵିଗ୍ରହାଂ ତ୍ରିଣଯନାଂ ମାଣିକ୍ଯ ମୌଳିସ୍ଫୁର-
ତ୍ତାରାନାଯକ ଶେଖରାଂ ସ୍ମିତମୁଖୀ ମାପୀନ ଵକ୍ଷୋରୁହାମ୍ |
ପାଣିଭ୍ଯା ମଲିପୂର୍ଣ ରତ୍ନ ଚଷକଂ ରକ୍ତୋତ୍ପଲଂ ବିଭ୍ରତୀଂ
ସୌମ୍ଯାଂ ରତ୍ନଘଟସ୍ଥ ରକ୍ତ ଚରଣାଂ ଧ୍ଯାଯେତ୍ପରାମଂବିକାମ୍ ||