Back

ଶିଵାଷ୍ଟକମ୍

ପ୍ରଭୁଂ ପ୍ରାଣନାଥଂ ଵିଭୁଂ ଵିଶ୍ଵନାଥଂ ଜଗନ୍ନାଥ ନାଥଂ ସଦାନଂଦ ଭାଜାଂ |
ଭଵଦ୍ଭଵ୍ଯ ଭୂତେଶ୍ଵରଂ ଭୂତନାଥଂ, ଶିଵଂ ଶଂକରଂ ଶଂଭୁ ମୀଶାନମୀଡେ || 1 ||

ଗଳେ ରୁଂଡମାଲଂ ତନୌ ସର୍ପଜାଲଂ ମହାକାଲ କାଲଂ ଗଣେଶାଦି ପାଲଂ |
ଜଟାଜୂଟ ଗଂଗୋତ୍ତରଂଗୈର୍ଵିଶାଲଂ, ଶିଵଂ ଶଂକରଂ ଶଂଭୁ ମୀଶାନମୀଡେ || 2||

ମୁଦାମାକରଂ ମଂଡନଂ ମଂଡଯଂତଂ ମହା ମଂଡଲଂ ଭସ୍ମ ଭୂଷାଧରଂ ତମ୍ |
ଅନାଦିଂ ହ୍ଯପାରଂ ମହା ମୋହମାରଂ, ଶିଵଂ ଶଂକରଂ ଶଂଭୁ ମୀଶାନମୀଡେ || 3 ||

ଵଟାଧୋ ନିଵାସଂ ମହାଟ୍ଟାଟ୍ଟହାସଂ ମହାପାପ ନାଶଂ ସଦା ସୁପ୍ରକାଶମ୍ |
ଗିରୀଶଂ ଗଣେଶଂ ସୁରେଶଂ ମହେଶଂ, ଶିଵଂ ଶଂକରଂ ଶଂଭୁ ମୀଶାନମୀଡେ || 4 ||

ଗିରୀଂଦ୍ରାତ୍ମଜା ସଂଗୃହୀତାର୍ଧଦେହଂ ଗିରୌ ସଂସ୍ଥିତଂ ସର୍ଵଦାପନ୍ନ ଗେହମ୍ |
ପରବ୍ରହ୍ମ ବ୍ରହ୍ମାଦିଭିର୍-ଵଂଦ୍ଯମାନଂ, ଶିଵଂ ଶଂକରଂ ଶଂଭୁ ମୀଶାନମୀଡେ || 5 ||

କପାଲଂ ତ୍ରିଶୂଲଂ କରାଭ୍ଯାଂ ଦଧାନଂ ପଦାଂଭୋଜ ନମ୍ରାଯ କାମଂ ଦଦାନମ୍ |
ବଲୀଵର୍ଧମାନଂ ସୁରାଣାଂ ପ୍ରଧାନଂ, ଶିଵଂ ଶଂକରଂ ଶଂଭୁ ମୀଶାନମୀଡେ || 6 ||

ଶରଚ୍ଚଂଦ୍ର ଗାତ୍ରଂ ଗଣାନଂଦପାତ୍ରଂ ତ୍ରିନେତ୍ରଂ ପଵିତ୍ରଂ ଧନେଶସ୍ଯ ମିତ୍ରମ୍ |
ଅପର୍ଣା କଳତ୍ରଂ ସଦା ସଚ୍ଚରିତ୍ରଂ, ଶିଵଂ ଶଂକରଂ ଶଂଭୁ ମୀଶାନମୀଡେ || 7 ||

ହରଂ ସର୍ପହାରଂ ଚିତା ଭୂଵିହାରଂ ଭଵଂ ଵେଦସାରଂ ସଦା ନିର୍ଵିକାରଂ|
ଶ୍ମଶାନେ ଵସଂତଂ ମନୋଜଂ ଦହଂତଂ, ଶିଵଂ ଶଂକରଂ ଶଂଭୁ ମୀଶାନମୀଡେ || 8 ||

ସ୍ଵଯଂ ଯଃ ପ୍ରଭାତେ ନରଶ୍ଶୂଲ ପାଣେ ପଠେତ୍ ସ୍ତୋତ୍ରରତ୍ନଂ ତ୍ଵିହପ୍ରାପ୍ଯରତ୍ନଂ |
ସୁପୁତ୍ରଂ ସୁଧାନ୍ଯଂ ସୁମିତ୍ରଂ କଳତ୍ରଂ ଵିଚିତ୍ରୈସ୍ସମାରାଧ୍ଯ ମୋକ୍ଷଂ ପ୍ରଯାତି ||

PDF, Full Site (with more options)