ଶିଵ ପଂଚାକ୍ଷରି ସ୍ତୋତ୍ରମ୍
ଓଂ ନମଃ ଶିଵାଯ ଶିଵାଯ ନମଃ ଓଂ
ଓଂ ନମଃ ଶିଵାଯ ଶିଵାଯ ନମଃ ଓଂ
ନାଗେଂଦ୍ରହାରାଯ ତ୍ରିଲୋଚନାଯ
ଭସ୍ମାଂଗରାଗାଯ ମହେଶ୍ଵରାଯ |
ନିତ୍ଯାଯ ଶୁଦ୍ଧାଯ ଦିଗଂବରାଯ
ତସ୍ମୈ "ନ" କାରାଯ ନମଃ ଶିଵାଯ || 1 ||
ମଂଦାକିନୀ ସଲିଲ ଚଂଦନ ଚର୍ଚିତାଯ
ନଂଦୀଶ୍ଵର ପ୍ରମଥନାଥ ମହେଶ୍ଵରାଯ |
ମଂଦାର ମୁଖ୍ଯ ବହୁପୁଷ୍ପ ସୁପୂଜିତାଯ
ତସ୍ମୈ "ମ" କାରାଯ ନମଃ ଶିଵାଯ || 2 ||
ଶିଵାଯ ଗୌରୀ ଵଦନାବ୍ଜ ବୃଂଦ
ସୂର୍ଯାଯ ଦକ୍ଷାଧ୍ଵର ନାଶକାଯ |
ଶ୍ରୀ ନୀଲକଂଠାଯ ଵୃଷଭଧ୍ଵଜାଯ
ତସ୍ମୈ "ଶି" କାରାଯ ନମଃ ଶିଵାଯ || 3 ||
ଵଶିଷ୍ଠ କୁଂଭୋଦ୍ଭଵ ଗୌତମାର୍ଯ
ମୁନୀଂଦ୍ର ଦେଵାର୍ଚିତ ଶେଖରାଯ |
ଚଂଦ୍ରାର୍କ ଵୈଶ୍ଵାନର ଲୋଚନାଯ
ତସ୍ମୈ "ଵ" କାରାଯ ନମଃ ଶିଵାଯ || 4 ||
ଯଜ୍ଞ ସ୍ଵରୂପାଯ ଜଟାଧରାଯ
ପିନାକ ହସ୍ତାଯ ସନାତନାଯ |
ଦିଵ୍ଯାଯ ଦେଵାଯ ଦିଗଂବରାଯ
ତସ୍ମୈ "ଯ" କାରାଯ ନମଃ ଶିଵାଯ || 5 ||
ପଂଚାକ୍ଷରମିଦଂ ପୁଣ୍ଯଂ ଯଃ ପଠେଚ୍ଛିଵ ସନ୍ନିଧୌ |
ଶିଵଲୋକମଵାପ୍ନୋତି ଶିଵେନ ସହ ମୋଦତେ ||