Back

ଶିଵ ଅଷ୍ଟୋତ୍ତର ଶତ ନାମ ସ୍ତୋତ୍ରମ୍

ଶିଵୋ ମହେଶ୍ଵରଶ୍ଶଂଭୁଃ ପିନାକୀ ଶଶିଶେଖରଃ
ଵାମଦେଵୋ ଵିରୂପାକ୍ଷଃ କପର୍ଦୀ ନୀଲଲୋହିତଃ || 1 ||

ଶଂକରଶ୍ଶୂଲପାଣିଶ୍ଚ ଖଟ୍ଵାଂଗୀ ଵିଷ୍ଣୁଵଲ୍ଲଭଃ
ଶିପିଵିଷ୍ଟୋଂବିକାନାଥଃ ଶ୍ରୀକଂଠୋ ଭକ୍ତଵତ୍ସଲଃ || 2 ||

ଭଵଶ୍ଶର୍ଵସ୍ତ୍ରିଲୋକେଶଃ ଶିତିକଂଠଃ ଶିଵପ୍ରିଯଃ
ଉଗ୍ରଃ କପାଲୀ କାମାରୀ ଅଂଧକାସୁରସୂଦନଃ || 3 ||

ଗଂଗାଧରୋ ଲଲାଟାକ୍ଷଃ କାଲକାଲଃ କୃପାନିଧିଃ
ଭୀମଃ ପରଶୁହସ୍ତଶ୍ଚ ମୃଗପାଣିର୍ଜଟାଧରଃ || 4 ||

କୈଲାସଵାସୀ କଵଚୀ କଠୋରସ୍ତ୍ରିପୁରାଂତକଃ
ଵୃଷାଂକୋ ଵୃଷଭାରୂଢୋ ଭସ୍ମୋଦ୍ଧୂଳିତଵିଗ୍ରହଃ || 5 ||

ସାମପ୍ରିଯସ୍ସ୍ଵରମଯସ୍ତ୍ରଯୀମୂର୍ତିରନୀଶ୍ଵରଃ
ସର୍ଵଜ୍ଞଃ ପରମାତ୍ମା ଚ ସୋମସୂର୍ଯାଗ୍ନିଲୋଚନଃ || 6 ||

ହଵିର୍ଯଜ୍ଞମଯସ୍ସୋମଃ ପଂଚଵକ୍ତ୍ରସ୍ସଦାଶିଵଃ
ଵିଶ୍ଵେଶ୍ଵରୋ ଵୀରଭଦ୍ରୋ ଗଣନାଥଃ ପ୍ରଜାପତିଃ || 7 ||

ହିରଣ୍ଯରେତଃ ଦୁର୍ଧର୍ଷଃ ଗିରୀଶୋ ଗିରିଶୋନଘଃ
ଭୁଜଂଗଭୂଷଣୋ ଭର୍ଗୋ ଗିରିଧନ୍ଵୀ ଗିରିପ୍ରିଯଃ || 8 ||

କୃତ୍ତିଵାସଃ ପୁରାରାତିର୍ଭଗଵାନ୍ ପ୍ରମଥାଧିପଃ
ମୃତ୍ଯୁଂଜଯସ୍ସୂକ୍ଷ୍ମତନୁର୍ଜଗଦ୍ଵ୍ଯାପୀ ଜଗଦ୍ଗୁରୁଃ || 9 ||

ଵ୍ଯୋମକେଶୋ ମହାସେନଜନକଶ୍ଚାରୁଵିକ୍ରମଃ
ରୁଦ୍ରୋ ଭୂତପତିଃ ସ୍ଥାଣୁରହିର୍ଭୁଧ୍ନୋ ଦିଗଂବରଃ || 10 ||

ଅଷ୍ଟମୂର୍ତିରନେକାତ୍ମା ସାତ୍ତ୍ଵିକଶ୍ଶୁଦ୍ଧଵିଗ୍ରହଃ
ଶାଶ୍ଵତଃ ଖଂଡପରଶୁରଜଃ ପାଶଵିମୋଚକଃ || 11 ||

ମୃଡଃ ପଶୁପତିର୍ଦେଵୋ ମହାଦେଵୋଽଵ୍ଯଯୋ ହରିଃ
ପୂଷଦଂତଭିଦଵ୍ଯଗ୍ରୋ ଦକ୍ଷାଧ୍ଵରହରୋ ହରଃ || 12 ||

ଭଗନେତ୍ରଭିଦଵ୍ଯକ୍ତୋ ସହସ୍ରାକ୍ଷସ୍ସହସ୍ରପାତ୍
ଅପଵର୍ଗପ୍ରଦୋଽନଂତସ୍ତାରକଃ ପରମେଶ୍ଵରଃ || 13 ||

ଏଵଂ ଶ୍ରୀ ଶଂଭୁଦେଵସ୍ଯ ନାମ୍ନାମଷ୍ଟୋତ୍ତରଂଶତମ୍ ||

PDF, Full Site (with more options)