ସରସ୍ଵତୀ ସ୍ତୋତ୍ରମ୍
ଯା କୁଂଦେଂଦୁ ତୁଷାରହାରଧଵଳା ଯା ଶୁଭ୍ରଵସ୍ତ୍ରାଵୃତା
ଯା ଵୀଣାଵରଦଂଡମଂଡିତକରା ଯା ଶ୍ଵେତପଦ୍ମାସନା |
ଯା ବ୍ରହ୍ମାଚ୍ଯୁତ ଶଂକରପ୍ରଭୃତିଭିର୍ଦେଵୈସ୍ସଦା ପୂଜିତା
ସା ମାଂ ପାତୁ ସରସ୍ଵତୀ ଭଗଵତୀ ନିଶ୍ଶେଷଜାଡ୍ଯାପହା || 1 ||
ଦୋର୍ଭିର୍ଯୁକ୍ତା ଚତୁର୍ଭିଃ ସ୍ଫଟିକମଣିନିଭୈ ରକ୍ଷମାଲାଂଦଧାନା
ହସ୍ତେନୈକେନ ପଦ୍ମଂ ସିତମପିଚ ଶୁକଂ ପୁସ୍ତକଂ ଚାପରେଣ |
ଭାସା କୁଂଦେଂଦୁଶଂଖସ୍ଫଟିକମଣିନିଭା ଭାସମାନାzସମାନା
ସା ମେ ଵାଗ୍ଦେଵତେଯଂ ନିଵସତୁ ଵଦନେ ସର୍ଵଦା ସୁପ୍ରସନ୍ନା || 2 ||
ସୁରାସୁରୈସ୍ସେଵିତପାଦପଂକଜା କରେ ଵିରାଜତ୍କମନୀଯପୁସ୍ତକା |
ଵିରିଂଚିପତ୍ନୀ କମଲାସନସ୍ଥିତା ସରସ୍ଵତୀ ନୃତ୍ଯତୁ ଵାଚି ମେ ସଦା || 3 ||
ସରସ୍ଵତୀ ସରସିଜକେସରପ୍ରଭା ତପସ୍ଵିନୀ ସିତକମଲାସନପ୍ରିଯା |
ଘ୍ନସ୍ତନୀ କମଲଵିଲୋଲଲୋଚନା ମନସ୍ଵିନୀ ଭଵତୁ ଵରପ୍ରସାଦିନୀ || 4 ||
ସରସ୍ଵତି ନମସ୍ତୁଭ୍ଯଂ ଵରଦେ କାମରୂପିଣି |
ଵିଦ୍ଯାରଂଭଂ କରିଷ୍ଯାମି ସିଦ୍ଧିର୍ଭଵତୁ ମେ ସଦା || 5 ||
ସରସ୍ଵତି ନମସ୍ତୁଭ୍ଯଂ ସର୍ଵଦେଵି ନମୋ ନମଃ |
ଶାଂତରୂପେ ଶଶିଧରେ ସର୍ଵଯୋଗେ ନମୋ ନମଃ || 6 ||
ନିତ୍ଯାନଂଦେ ନିରାଧାରେ ନିଷ୍କଳାଯୈ ନମୋ ନମଃ |
ଵିଦ୍ଯାଧରେ ଵିଶାଲାକ୍ଷି ଶୁଦ୍ଧଜ୍ଞାନେ ନମୋ ନମଃ || 7 ||
ଶୁଦ୍ଧସ୍ଫଟିକରୂପାଯୈ ସୂକ୍ଷ୍ମରୂପେ ନମୋ ନମଃ |
ଶବ୍ଦବ୍ରହ୍ମି ଚତୁର୍ହସ୍ତେ ସର୍ଵସିଦ୍ଧ୍ଯୈ ନମୋ ନମଃ || 8 ||
ମୁକ୍ତାଲଂକୃତ ସର୍ଵାଂଗ୍ଯୈ ମୂଲାଧାରେ ନମୋ ନମଃ |
ମୂଲମଂତ୍ରସ୍ଵରୂପାଯୈ ମୂଲଶକ୍ତ୍ଯୈ ନମୋ ନମଃ || 9 ||
ମନୋନ୍ମନି ମହାଭୋଗେ ଵାଗୀଶ୍ଵରି ନମୋ ନମଃ |
ଵାଗ୍ମ୍ଯୈ ଵରଦହସ୍ତାଯୈ ଵରଦାଯୈ ନମୋ ନମଃ || 10 ||
ଵେଦାଯୈ ଵେଦରୂପାଯୈ ଵେଦାଂତାଯୈ ନମୋ ନମଃ |
ଗୁଣଦୋଷଵିଵର୍ଜିନ୍ଯୈ ଗୁଣଦୀପ୍ତ୍ଯୈ ନମୋ ନମଃ || 11 ||
ସର୍ଵଜ୍ଞାନେ ସଦାନଂଦେ ସର୍ଵରୂପେ ନମୋ ନମଃ |
ସଂପନ୍ନାଯୈ କୁମାର୍ଯୈ ଚ ସର୍ଵଜ୍ଞେ ତେ ନମୋ ନମଃ || 12 ||
ଯୋଗାନାର୍ଯ ଉମାଦେଵ୍ଯୈ ଯୋଗାନଂଦେ ନମୋ ନମଃ |
ଦିଵ୍ଯଜ୍ଞାନ ତ୍ରିନେତ୍ରାଯୈ ଦିଵ୍ଯମୂର୍ତ୍ଯୈ ନମୋ ନମଃ || 13 ||
ଅର୍ଧଚଂଦ୍ରଜଟାଧାରି ଚଂଦ୍ରବିଂବେ ନମୋ ନମଃ |
ଚଂଦ୍ରାଦିତ୍ଯଜଟାଧାରି ଚଂଦ୍ରବିଂବେ ନମୋ ନମଃ || 14 ||
ଅଣୁରୂପେ ମହାରୂପେ ଵିଶ୍ଵରୂପେ ନମୋ ନମଃ |
ଅଣିମାଦ୍ଯଷ୍ଟସିଦ୍ଧାଯୈ ଆନଂଦାଯୈ ନମୋ ନମଃ || 15 ||
ଜ୍ଞାନ ଵିଜ୍ଞାନ ରୂପାଯୈ ଜ୍ଞାନମୂର୍ତେ ନମୋ ନମଃ |
ନାନାଶାସ୍ତ୍ର ସ୍ଵରୂପାଯୈ ନାନାରୂପେ ନମୋ ନମଃ || 16 ||
ପଦ୍ମଜା ପଦ୍ମଵଂଶା ଚ ପଦ୍ମରୂପେ ନମୋ ନମଃ |
ପରମେଷ୍ଠ୍ଯୈ ପରାମୂର୍ତ୍ଯୈ ନମସ୍ତେ ପାପନାଶିନୀ || 17 ||
ମହାଦେଵ୍ଯୈ ମହାକାଳ୍ଯୈ ମହାଲକ୍ଷ୍ମ୍ଯୈ ନମୋ ନମଃ |
ବ୍ରହ୍ମଵିଷ୍ଣୁଶିଵାଯୈ ଚ ବ୍ରହ୍ମନାର୍ଯୈ ନମୋ ନମଃ || 18 ||
କମଲାକରପୁଷ୍ପା ଚ କାମରୂପେ ନମୋ ନମଃ |
କପାଲିକର୍ମଦୀପ୍ତାଯୈ କର୍ମଦାଯୈ ନମୋ ନମଃ || 19 ||
ସାଯଂ ପ୍ରାତଃ ପଠେନ୍ନିତ୍ଯଂ ଷଣ୍ମାସାତ୍ସିଦ୍ଧିରୁଚ୍ଯତେ |
ଚୋରଵ୍ଯାଘଭଯଂ ନାସ୍ତି ପଠତାଂ ଶୃଣ୍ଵତାମପି || 20 ||
ଇତ୍ଥଂ ସରସ୍ଵତୀ ସ୍ତୋତ୍ରମଗସ୍ତ୍ଯମୁନି ଵାଚକମ୍ |
ସର୍ଵସିଦ୍ଧିକରଂ ନୄଣାଂ ସର୍ଵପାପପ୍ରଣାଶନମ୍ || 21 ||