ନିର୍ଵାଣ ଷଟ୍କମ୍
ଶିଵୋହଂ ଶିଵୋହଂ, ଶିଵୋହଂ ଶିଵୋହଂ, ଶିଵୋହଂ ଶିଵୋହଂ
ମନୋ ବୁଧ୍ଯହଂକାର ଚିତ୍ତାନି ନାହଂ
ନ ଚ ଶ୍ରୋତ୍ର ଜିହ୍ଵା ନ ଚ ଘାଣନେତ୍ରଂ |
ନ ଚ ଵ୍ଯୋମ ଭୂମିର୍-ନ ତେଜୋ ନ ଵାଯୁଃ
ଚିଦାନଂଦ ରୂପଃ ଶିଵୋହଂ ଶିଵୋହଂ || 1 ||
ଅହଂ ପ୍ରାଣ ସଂଜ୍ଞୋ ନ ଵୈପଂଚ ଵାଯୁଃ
ନ ଵା ସପ୍ତଧାତୁର୍-ନ ଵା ପଂଚ କୋଶାଃ |
ନଵାକ୍ପାଣି ପାଦୌ ନ ଚୋପସ୍ଥ ପାଯୂ
ଚିଦାନଂଦ ରୂପଃ ଶିଵୋହଂ ଶିଵୋହଂ || 2 ||
ନ ମେ ଦ୍ଵେଷରାଗୌ ନ ମେ ଲୋଭମୋହୋ
ମଦୋ ନୈଵ ମେ ନୈଵ ମାତ୍ସର୍ଯଭାଵଃ |
ନ ଧର୍ମୋ ନ ଚାର୍ଧୋ ନ କାମୋ ନ ମୋକ୍ଷଃ
ଚିଦାନଂଦ ରୂପଃ ଶିଵୋହଂ ଶିଵୋହଂ || 3 ||
ନ ପୁଣ୍ଯଂ ନ ପାପଂ ନ ସୌଖ୍ଯଂ ନ ଦୁଃଖଂ
ନ ମଂତ୍ରୋ ନ ତୀର୍ଧଂ ନ ଵେଦା ନ ଯଜ୍ଞଃ |
ଅହଂ ଭୋଜନଂ ନୈଵ ଭୋଜ୍ଯଂ ନ ଭୋକ୍ତା
ଚିଦାନଂଦ ରୂପଃ ଶିଵୋହଂ ଶିଵୋହଂ || 4 ||
ଅହଂ ନିର୍ଵିକଲ୍ପୋ ନିରାକାର ରୂପୋ
ଵିଭୂତ୍ଵାଚ୍ଚ ସର୍ଵତ୍ର ସର୍ଵେଂଦ୍ରିଯାଣାମ୍ |
ନ ଵା ବଂଧନଂ ନୈଵ ମୁକ୍ତି ନ ବଂଧଃ |
ଚିଦାନଂଦ ରୂପଃ ଶିଵୋହଂ ଶିଵୋହଂ || 5 ||
ନ ମୃତ୍ଯୁର୍-ନ ଶଂକା ନ ମେ ଜାତି ଭେଦଃ
ପିତା ନୈଵ ମେ ନୈଵ ମାତା ନ ଜନ୍ମ |
ନ ବଂଧୁର୍-ନ ମିତ୍ରଂ ଗୁରୁର୍ନୈଵ ଶିଷ୍ଯଃ
ଚିଦାନଂଦ ରୂପଃ ଶିଵୋହଂ ଶିଵୋହଂ || 6 ||
ଶିଵୋହଂ ଶିଵୋହଂ, ଶିଵୋହଂ ଶିଵୋହଂ, ଶିଵୋହଂ ଶିଵୋହଂ