Back

ନଵଗ୍ରହ ସ୍ତୋତ୍ରମ୍

ନଵଗ୍ରହ ଧ୍ଯାନ ଶ୍ଲୋକମ୍
ଆଦିତ୍ଯାଯ ଚ ସୋମାଯ ମଂଗଳାଯ ବୁଧାଯ ଚ |
ଗୁରୁ ଶୁକ୍ର ଶନିଭ୍ଯଶ୍ଚ ରାହଵେ କେତଵେ ନମଃ ||

ରଵିଃ
ଜପାକୁସୁମ ସଂକାଶଂ କାଶ୍ଯପେଯଂ ମହାଦ୍ଯୁତିମ୍ |
ତମୋଽରିଂ ସର୍ଵ ପାପଘଂ ପ୍ରଣତୋସ୍ମି ଦିଵାକରମ୍ ||

ଚଂଦ୍ରଃ
ଦଥିଶଂଖ ତୁଷାରାଭଂ କ୍ଷୀରାର୍ଣଵ ସମୁଦ୍ଭଵମ୍ (କ୍ଷୀରୋଦାର୍ଣଵ ସଂଭଵମ୍) |
ନମାମି ଶଶିନଂ ସୋମଂ ଶଂଭୋ-ର୍ମକୁଟ ଭୂଷଣମ୍ ||

କୁଜଃ
ଧରଣୀ ଗର୍ଭ ସଂଭୂତଂ ଵିଦ୍ଯୁତ୍କାଂତି ସମପ୍ରଭମ୍ |
କୁମାରଂ ଶକ୍ତିହସ୍ତଂ ତଂ ମଂଗଳଂ ପ୍ରଣମାମ୍ଯହମ୍ ||

ବୁଧଃ
ପ୍ରିଯଂଗୁ କଲିକାଶ୍ଯାମଂ ରୂପେଣା ପ୍ରତିମଂ ବୁଧମ୍ |
ସୌମ୍ଯଂ ସୌମ୍ଯ (ସତ୍ଵ) ଗୁଣୋପେତଂ ତଂ ବୁଧଂ ପ୍ରଣମାମ୍ଯହମ୍ ||

ଗୁରୁଃ
ଦେଵାନାଂ ଚ ଋଷୀଣାଂ ଚ ଗୁରୁଂ କାଂଚନସନ୍ନିଭମ୍ |
ବୁଦ୍ଧିମଂତଂ ତ୍ରିଲୋକେଶଂ ତଂ ନମାମି ବୃହସ୍ପତିମ୍ ||

ଶୁକ୍ରଃ
ହିମକୁଂଦ ମୃଣାଳାଭଂ ଦୈତ୍ଯାନଂ ପରମଂ ଗୁରୁମ୍ |
ସର୍ଵଶାସ୍ତ୍ର ପ୍ରଵକ୍ତାରଂ ଭାର୍ଗଵଂ ପ୍ରଣମାମ୍ଯହମ୍ ||

ଶନିଃ
ନୀଲାଂଜନ ସମାଭାସଂ ରଵିପୁତ୍ରଂ ଯମାଗ୍ରଜମ୍ |
ଛାଯା ମାର୍ତାଂଡ ସଂଭୂତଂ ତଂ ନମାମି ଶନୈଶ୍ଚରମ୍ ||

ରାହୁଃ
ଅର୍ଧକାଯଂ ମହାଵୀରଂ ଚଂଦ୍ରାଦିତ୍ଯ ଵିମର୍ଧନମ୍ |
ସିଂହିକା ଗର୍ଭ ସଂଭୂତଂ ତଂ ରାହୁଂ ପ୍ରଣମାମ୍ଯହମ୍ ||

କେତୁଃ
ଫଲାଶ ପୁଷ୍ପ ସଂକାଶଂ ତାରକାଗ୍ରହମସ୍ତକମ୍ |
ରୌଦ୍ରଂ ରୌଦ୍ରାତ୍ମକଂ ଘ୍ରଂ ତଂ କେତୁଂ ପ୍ରଣମାମ୍ଯହମ୍ ||

ଫଲଶ୍ରୁତିଃ
ଇତି ଵ୍ଯାସ ମୁଖୋଦ୍ଗୀତଂ ଯଃ ପଠେତ୍ସୁ ସମାହିତଃ |
ଦିଵା ଵା ଯଦି ଵା ରାତ୍ରୌ ଵିଘଶାଂତି-ର୍ଭଵିଷ୍ଯତି ||

ନରନାରୀ-ନୃପାଣାଂ ଚ ଭଵେ-ଦ୍ଦୁଃସ୍ଵପ୍ନ-ନାଶନମ୍ |
ଐଶ୍ଵର୍ଯମତୁଲଂ ତେଷାମାରୋଗ୍ଯଂ ପୁଷ୍ଟି ଵର୍ଧନମ୍ ||

ଗ୍ରହନକ୍ଷତ୍ରଜାଃ ପୀଡାସ୍ତସ୍କରାଗ୍ନି ସମୁଦ୍ଭଵାଃ |
ତାସ୍ସର୍ଵାଃ ପ୍ରଶମଂ ଯାଂତି ଵ୍ଯାସୋ ବ୍ରୂତେ ନ ସଂଶଯଃ ||

ଇତି ଵ୍ଯାସ ଵିରଚିତଂ ନଵଗ୍ରହ ସ୍ତୋତ୍ରଂ ସଂପୂର୍ଣମ୍ |

PDF, Full Site (with more options)