Back

ଲିଂଗାଷ୍ଟକମ୍

ବ୍ରହ୍ମମୁରାରି ସୁରାର୍ଚିତ ଲିଂଗଂ
ନିର୍ମଲଭାସିତ ଶୋଭିତ ଲିଂଗମ୍ |
ଜନ୍ମଜ ଦୁଃଖ ଵିନାଶକ ଲିଂଗଂ
ତତ୍ପ୍ରଣମାମି ସଦାଶିଵ ଲିଂଗମ୍ || 1 ||

ଦେଵମୁନି ପ୍ରଵରାର୍ଚିତ ଲିଂଗଂ
କାମଦହନ କରୁଣାକର ଲିଂଗମ୍ |
ରାଵଣ ଦର୍ପ ଵିନାଶନ ଲିଂଗଂ
ତତ୍ପ୍ରଣମାମି ସଦାଶିଵ ଲିଂଗମ୍ || 2 ||

ସର୍ଵ ସୁଗଂଧ ସୁଲେପିତ ଲିଂଗଂ
ବୁଦ୍ଧି ଵିଵର୍ଧନ କାରଣ ଲିଂଗମ୍ |
ସିଦ୍ଧ ସୁରାସୁର ଵଂଦିତ ଲିଂଗଂ
ତତ୍ପ୍ରଣମାମି ସଦାଶିଵ ଲିଂଗମ୍ || 3 ||

କନକ ମହାମଣି ଭୂଷିତ ଲିଂଗଂ
ଫଣିପତି ଵେଷ୍ଟିତ ଶୋଭିତ ଲିଂଗମ୍ |
ଦକ୍ଷସୁଯଜ୍ଞ ଵିନାଶନ ଲିଂଗଂ
ତତ୍ପ୍ରଣମାମି ସଦାଶିଵ ଲିଂଗମ୍ || 4 ||

କୁଂକୁମ ଚଂଦନ ଲେପିତ ଲିଂଗଂ
ପଂକଜ ହାର ସୁଶୋଭିତ ଲିଂଗମ୍ |
ସଂଚିତ ପାପ ଵିନାଶନ ଲିଂଗଂ
ତତ୍ପ୍ରଣମାମି ସଦାଶିଵ ଲିଂଗମ୍ || 5 ||

ଦେଵଗଣାର୍ଚିତ ସେଵିତ ଲିଂଗଂ
ଭାଵୈ-ର୍ଭକ୍ତିଭିରେଵ ଚ ଲିଂଗମ୍ |
ଦିନକର କୋଟି ପ୍ରଭାକର ଲିଂଗଂ
ତତ୍ପ୍ରଣମାମି ସଦାଶିଵ ଲିଂଗମ୍ || 6 ||

ଅଷ୍ଟଦଳୋପରିଵେଷ୍ଟିତ ଲିଂଗଂ
ସର୍ଵସମୁଦ୍ଭଵ କାରଣ ଲିଂଗମ୍ |
ଅଷ୍ଟଦରିଦ୍ର ଵିନାଶନ ଲିଂଗଂ
ତତ୍ପ୍ରଣମାମି ସଦାଶିଵ ଲିଂଗମ୍ || 7 ||

ସୁରଗୁରୁ ସୁରଵର ପୂଜିତ ଲିଂଗଂ
ସୁରଵନ ପୁଷ୍ପ ସଦାର୍ଚିତ ଲିଂଗମ୍ |
ପରାତ୍ପରଂ (ପରମପଦଂ) ପରମାତ୍ମକ ଲିଂଗଂ
ତତ୍ପ୍ରଣମାମି ସଦାଶିଵ ଲିଂଗମ୍ || 8 ||

ଲିଂଗାଷ୍ଟକମିଦଂ ପୁଣ୍ଯଂ ଯଃ ପଠେଶ୍ଶିଵ ସନ୍ନିଧୌ |
ଶିଵଲୋକମଵାପ୍ନୋତି ଶିଵେନ ସହ ମୋଦତେ ||

PDF, Full Site (with more options)