Back

କନକ ଧାରା ସ୍ତୋତ୍ରମ୍


ଵଂଦେ ଵଂଦାରୁ ମଂଦାରମିଂଦିରାନଂଦ କଂଦଲଂ
ଅମଂଦାନଂଦ ସଂଦୋହ ବଂଧୁରଂ ସିଂଧୁରାନନମ୍

ଅଂଗଂ ହରେଃ ପୁଲକଭୂଷଣମାଶ୍ରଯଂତୀ
ଭୃଂଗାଂଗନେଵ ମୁକୁଳାଭରଣଂ ତମାଲମ୍ |
ଅଂଗୀକୃତାଖିଲ ଵିଭୂତିରପାଂଗଲୀଲା
ମାଂଗଲ୍ଯଦାସ୍ତୁ ମମ ମଂଗଳଦେଵତାଯାଃ || 1 ||

ମୁଗ୍ଧା ମୁହୁର୍ଵିଦଧତୀ ଵଦନେ ମୁରାରେଃ
ପ୍ରେମତ୍ରପାପ୍ରଣିହିତାନି ଗତାଗତାନି |
ମାଲାଦୃଶୋର୍ମଧୁକରୀଵ ମହୋତ୍ପଲେ ଯା
ସା ମେ ଶ୍ରିଯଂ ଦିଶତୁ ସାଗର ସଂଭଵା ଯାଃ || 2 ||

ଆମୀଲିତାକ୍ଷମଧିଗ୍ଯମ ମୁଦା ମୁକୁଂଦମ୍
ଆନଂଦକଂଦମନିମେଷମନଂଗ ତଂତ୍ରଂ |
ଆକେକରସ୍ଥିତକନୀନିକପକ୍ଷ୍ମନେତ୍ରଂ
ଭୂତ୍ଯୈ ଭଵନ୍ମମ ଭୁଜଂଗ ଶଯାଂଗନା ଯାଃ || 3 ||

ବାହ୍ଵଂତରେ ମଧୁଜିତଃ ଶ୍ରିତକୌସ୍ତୁଭେ ଯା
ହାରାଵଳୀଵ ହରିନୀଲମଯୀ ଵିଭାତି |
କାମପ୍ରଦା ଭଗଵତୋଽପି କଟାକ୍ଷମାଲା
କଳ୍ଯାଣମାଵହତୁ ମେ କମଲାଲଯା ଯାଃ || 4 ||

କାଲାଂବୁଦାଳି ଲଲିତୋରସି କୈଟଭାରେଃ
ଧାରାଧରେ ସ୍ଫୁରତି ଯା ତଟିଦଂଗନେଵ |
ମାତୁସ୍ସମସ୍ତଜଗତାଂ ମହନୀଯମୂର୍ତିଃ
ଭଦ୍ରାଣି ମେ ଦିଶତୁ ଭାର୍ଗଵନଂଦନା ଯାଃ || 5 ||

ପ୍ରାପ୍ତଂ ପଦଂ ପ୍ରଥମତଃ ଖଲୁ ଯତ୍ପ୍ରଭାଵାତ୍
ମାଂଗଲ୍ଯଭାଜି ମଧୁମାଥିନି ମନ୍ମଥେନ |
ମଯ୍ଯାପତେତ୍ତଦିହ ମଂଥରମୀକ୍ଷଣାର୍ଥଂ
ମଂଦାଲସଂ ଚ ମକରାଲଯ କନ୍ଯକା ଯାଃ || 6 ||

ଵିଶ୍ଵାମରେଂଦ୍ର ପଦ ଵିଭ୍ରମ ଦାନଦକ୍ଷମ୍
ଆନଂଦହେତୁରଧିକଂ ମୁରଵିଦ୍ଵିଷୋଽପି |
ଈଷନ୍ନିଷୀଦତୁ ମଯି କ୍ଷଣମୀକ୍ଷଣାର୍ଥଂ
ଇଂଦୀଵରୋଦର ସହୋଦରମିଂଦିରା ଯାଃ || 7 ||

ଇଷ୍ଟା ଵିଶିଷ୍ଟମତଯୋପି ଯଯା ଦଯାର୍ଦ୍ର
ଦୃଷ୍ଟ୍ଯା ତ୍ରିଵିଷ୍ଟପପଦଂ ସୁଲଭଂ ଲଭଂତେ |
ଦୃଷ୍ଟିଃ ପ୍ରହୃଷ୍ଟ କମଲୋଦର ଦୀପ୍ତିରିଷ୍ଟାଂ
ପୁଷ୍ଟିଂ କୃଷୀଷ୍ଟ ମମ ପୁଷ୍କର ଵିଷ୍ଟରା ଯାଃ || 8 ||

ଦଦ୍ଯାଦ୍ଦଯାନୁ ପଵନୋ ଦ୍ରଵିଣାଂବୁଧାରାଂ
ଅସ୍ମିନ୍ନକିଂଚନ ଵିହଂଗ ଶିଶୌ ଵିଷଣ୍ଣେ |
ଦୁଷ୍କର୍ମଘର୍ମମପନୀଯ ଚିରାଯ ଦୂରଂ
ନାରାଯଣ ପ୍ରଣଯିନୀ ନଯନାଂବୁଵାହଃ || 9 ||

ଗୀର୍ଦେଵତେତି ଗରୁଡଧ୍ଵଜ ସୁଂଦରୀତି
ଶାକଂବରୀତି ଶଶିଶେଖର ଵଲ୍ଲଭେତି |
ସୃଷ୍ଟି ସ୍ଥିତି ପ୍ରଳଯ କେଳିଷୁ ସଂସ୍ଥିତାଯୈ
ତସ୍ଯୈ ନମସ୍ତ୍ରିଭୁଵନୈକ ଗୁରୋସ୍ତରୁଣ୍ଯୈ || 10 ||

ଶ୍ରୁତ୍ଯୈ ନମୋଽସ୍ତୁ ଶୁଭକର୍ମ ଫଲପ୍ରସୂତ୍ଯୈ
ରତ୍ଯୈ ନମୋଽସ୍ତୁ ରମଣୀଯ ଗୁଣାର୍ଣଵାଯୈ |
ଶକ୍ତ୍ଯୈ ନମୋଽସ୍ତୁ ଶତପତ୍ର ନିକେତନାଯୈ
ପୁଷ୍ଟ୍ଯୈ ନମୋଽସ୍ତୁ ପୁରୁଷୋତ୍ତମ ଵଲ୍ଲଭାଯୈ || 11 ||

ନମୋଽସ୍ତୁ ନାଳୀକ ନିଭାନନାଯୈ
ନମୋଽସ୍ତୁ ଦୁଗ୍ଧୋଦଧି ଜନ୍ମଭୂମ୍ଯୈ |
ନମୋଽସ୍ତୁ ସୋମାମୃତ ସୋଦରାଯୈ
ନମୋଽସ୍ତୁ ନାରାଯଣ ଵଲ୍ଲଭାଯୈ || 12 ||

ନମୋଽସ୍ତୁ ହେମାଂବୁଜ ପୀଠିକାଯୈ
ନମୋଽସ୍ତୁ ଭୂମଂଡଲ ନାଯିକାଯୈ |
ନମୋଽସ୍ତୁ ଦେଵାଦି ଦଯାପରାଯୈ
ନମୋଽସ୍ତୁ ଶାରଂଗାଯୁଧ ଵଲ୍ଲଭାଯୈ || 13 ||

ନମୋଽସ୍ତୁ ଦେଵ୍ଯୈ ଭୃଗୁନଂଦନାଯୈ
ନମୋଽସ୍ତୁ ଵିଷ୍ଣୋରୁରସି ସ୍ଥିତାଯୈ |
ନମୋଽସ୍ତୁ ଲକ୍ଷ୍ମ୍ଯୈ କମଲାଲଯାଯୈ
ନମୋଽସ୍ତୁ ଦାମୋଦର ଵଲ୍ଲଭାଯୈ || 14 ||

ନମୋଽସ୍ତୁ କାଂତ୍ଯୈ କମଲେକ୍ଷଣାଯୈ
ନମୋଽସ୍ତୁ ଭୂତ୍ଯୈ ଭୁଵନପ୍ରସୂତ୍ଯୈ |
ନମୋଽସ୍ତୁ ଦେଵାଦିଭିରର୍ଚିତାଯୈ
ନମୋଽସ୍ତୁ ନଂଦାତ୍ମଜ ଵଲ୍ଲଭାଯୈ || 15 ||

ସଂପତ୍କରାଣି ସକଲେଂଦ୍ରିଯ ନଂଦନାନି
ସାମ୍ରାଜ୍ଯ ଦାନଵିଭଵାନି ସରୋରୁହାକ୍ଷି |
ତ୍ଵଦ୍ଵଂଦନାନି ଦୁରିତା ହରଣୋଦ୍ଯତାନି
ମାମେଵ ମାତରନିଶଂ କଲଯଂତୁ ମାନ୍ଯେ || 16 ||

ଯତ୍କଟାକ୍ଷ ସମୁପାସନା ଵିଧିଃ
ସେଵକସ୍ଯ ସକଲାର୍ଥ ସଂପଦଃ |
ସଂତନୋତି ଵଚନାଂଗ ମାନସୈଃ
ତ୍ଵାଂ ମୁରାରିହୃଦଯେଶ୍ଵରୀଂ ଭଜେ || 17 ||

ସରସିଜନିଲଯେ ସରୋଜହସ୍ତେ
ଧଵଳତମାଂଶୁକ ଗଂଧମାଲ୍ଯଶୋଭେ |
ଭଗଵତି ହରିଵଲ୍ଲଭେ ମନୋଜ୍ଞେ
ତ୍ରିଭୁଵନଭୂତିକରୀ ପ୍ରସୀଦମହ୍ଯଂ || 18 ||

ଦିଗ୍ଘସ୍ତିଭିଃ କନକ କୁଂଭମୁଖାଵସୃଷ୍ଟ
ସ୍ଵର୍ଵାହିନୀ ଵିମଲଚାରୁଜଲାପ୍ଲୁତାଂଗୀମ୍ |
ପ୍ରାତର୍ନମାମି ଜଗତାଂ ଜନନୀମଶେଷ
ଲୋକଧିନାଥ ଗୃହିଣୀମମୃତାବ୍ଧିପୁତ୍ରୀଂ || 19 ||

କମଲେ କମଲାକ୍ଷ ଵଲ୍ଲଭେ ତ୍ଵଂ
କରୁଣାପୂର ତରଂଗିତୈରପାଂଗୈଃ |
ଅଵଲୋକଯ ମାମକିଂଚନାନାଂ
ପ୍ରଥମଂ ପାତ୍ରମକୃତିମଂ ଦଯାଯାଃ || 20 ||

ଦେଵି ପ୍ରସୀଦ ଜଗଦୀଶ୍ଵରି ଲୋକମାତଃ
କଳ୍ଯାଣଗାତ୍ରି କମଲେକ୍ଷଣ ଜୀଵନାଥେ |
ଦାରିଦ୍ର୍ଯଭୀତିହୃଦଯଂ ଶରଣାଗତଂ ମାଂ
ଆଲୋକଯ ପ୍ରତିଦିନଂ ସଦଯୈରପାଂଗୈଃ || 21 ||

ସ୍ତୁଵଂତି ଯେ ସ୍ତୁତିଭିରମୀଭିରନ୍ଵହଂ
ତ୍ରଯୀମଯୀଂ ତ୍ରିଭୁଵନମାତରଂ ରମାଂ |
ଗୁଣାଧିକା ଗୁରୁତୁର ଭାଗ୍ଯ ଭାଗିନଃ
ଭଵଂତି ତେ ଭୁଵି ବୁଧ ଭାଵିତାଶଯାଃ || 22 ||

ସୁଵର୍ଣଧାରା ସ୍ତୋତ୍ରଂ ଯଚ୍ଛଂକରାଚାର୍ଯ ନିର୍ମିତଂ
ତ୍ରିସଂଧ୍ଯଂ ଯଃ ପଠେନ୍ନିତ୍ଯଂ ସ କୁବେରସମୋ ଭଵେତ୍ ||

PDF, Full Site (with more options)