Back

ଗଣେଶ କଵଚମ୍

ଏଷୋତି ଚପଲୋ ଦୈତ୍ଯାନ୍ ବାଲ୍ଯେପି ନାଶଯତ୍ଯହୋ |
ଅଗ୍ରେ କିଂ କର୍ମ କର୍ତେତି ନ ଜାନେ ମୁନିସତ୍ତମ || 1 ||

ଦୈତ୍ଯା ନାନାଵିଧା ଦୁଷ୍ଟାସ୍ସାଧୁ ଦେଵଦ୍ରୁମଃ ଖଲାଃ |
ଅତୋସ୍ଯ କଂଠେ କିଂଚିତ୍ତ୍ଯଂ ରକ୍ଷାଂ ସଂବଦ୍ଧୁମର୍ହସି || 2 ||

ଧ୍ଯାଯେତ୍ ସିଂହଗତଂ ଵିନାଯକମମୁଂ ଦିଗ୍ବାହୁ ମାଦ୍ଯେ ଯୁଗେ
ତ୍ରେତାଯାଂ ତୁ ମଯୂର ଵାହନମମୁଂ ଷଡ୍ବାହୁକଂ ସିଦ୍ଧିଦମ୍ | ଈ
ଦ୍ଵାପରେତୁ ଗଜାନନଂ ଯୁଗଭୁଜଂ ରକ୍ତାଂଗରାଗଂ ଵିଭୁମ୍ ତୁର୍ଯେ
ତୁ ଦ୍ଵିଭୁଜଂ ସିତାଂଗରୁଚିରଂ ସର୍ଵାର୍ଥଦଂ ସର୍ଵଦା || 3 ||

ଵିନାଯକ ଶ୍ଶିଖାଂପାତୁ ପରମାତ୍ମା ପରାତ୍ପରଃ |
ଅତିସୁଂଦର କାଯସ୍ତୁ ମସ୍ତକଂ ସୁମହୋତ୍କଟଃ || 4 ||

ଲଲାଟଂ କଶ୍ଯପଃ ପାତୁ ଭ୍ରୂଯୁଗଂ ତୁ ମହୋଦରଃ |
ନଯନେ ବାଲଚଂଦ୍ରସ୍ତୁ ଗଜାସ୍ଯସ୍ତ୍ଯୋଷ୍ଠ ପଲ୍ଲଵୌ || 5 ||

ଜିହ୍ଵାଂ ପାତୁ ଗଜକ୍ରୀଡଶ୍ଚୁବୁକଂ ଗିରିଜାସୁତଃ |
ଵାଚଂ ଵିନାଯକଃ ପାତୁ ଦଂତାନ୍^^ ରକ୍ଷତୁ ଦୁର୍ମୁଖଃ || 6 ||

ଶ୍ରଵଣୌ ପାଶପାଣିସ୍ତୁ ନାସିକାଂ ଚିଂତିତାର୍ଥଦଃ |
ଗଣେଶସ୍ତୁ ମୁଖଂ ପାତୁ କଂଠଂ ପାତୁ ଗଣାଧିପଃ || 7 ||

ସ୍କଂଧୌ ପାତୁ ଗଜସ୍କଂଧଃ ସ୍ତନେ ଵିଘଵିନାଶନଃ |
ହୃଦଯଂ ଗଣନାଥସ୍ତୁ ହେରଂବୋ ଜଠରଂ ମହାନ୍ || 8 ||

ଧରାଧରଃ ପାତୁ ପାର୍ଶ୍ଵୌ ପୃଷ୍ଠଂ ଵିଘହରଶ୍ଶୁଭଃ |
ଲିଂଗଂ ଗୁହ୍ଯଂ ସଦା ପାତୁ ଵକ୍ରତୁଂଡୋ ମହାବଲଃ || 9 ||

ଗଜକ୍ରୀଡୋ ଜାନୁ ଜଂଘ୍ ଊରୂ ମଂଗଳକୀର୍ତିମାନ୍ |
ଏକଦଂତୋ ମହାବୁଦ୍ଧିଃ ପାଦୌ ଗୁଲ୍ଫୌ ସଦାଵତୁ || 10 ||

କ୍ଷିପ୍ର ପ୍ରସାଦନୋ ବାହୁ ପାଣୀ ଆଶାପ୍ରପୂରକଃ |
ଅଂଗୁଳୀଶ୍ଚ ନଖାନ୍ ପାତୁ ପଦ୍ମହସ୍ତୋ ରିନାଶନଃ || 11 ||

ସର୍ଵାଂଗାନି ମଯୂରେଶୋ ଵିଶ୍ଵଵ୍ଯାପୀ ସଦାଵତୁ |
ଅନୁକ୍ତମପି ଯତ୍ ସ୍ଥାନଂ ଧୂମକେତୁଃ ସଦାଵତୁ || 12 ||

ଆମୋଦସ୍ତ୍ଵଗ୍ରତଃ ପାତୁ ପ୍ରମୋଦଃ ପୃଷ୍ଠତୋଵତୁ |
ପ୍ରାଚ୍ଯାଂ ରକ୍ଷତୁ ବୁଦ୍ଧୀଶ ଆଗ୍ନେଯ୍ଯାଂ ସିଦ୍ଧିଦାଯକଃ || 13 ||

ଦକ୍ଷିଣସ୍ଯାମୁମାପୁତ୍ରୋ ନୈଋତ୍ଯାଂ ତୁ ଗଣେଶ୍ଵରଃ |
ପ୍ରତୀଚ୍ଯାଂ ଵିଘହର୍ତା ଵ୍ଯାଦ୍ଵାଯଵ୍ଯାଂ ଗଜକର୍ଣକଃ || 14 ||

କୌବେର୍ଯାଂ ନିଧିପଃ ପାଯାଦୀଶାନ୍ଯାଵିଶନଂଦନଃ |
ଦିଵାଵ୍ଯାଦେକଦଂତ ସ୍ତୁ ରାତ୍ରୌ ସଂଧ୍ଯାସୁ ଯଃଵିଘହୃତ୍ || 15 ||

ରାକ୍ଷସାସୁର ବେତାଳ ଗ୍ରହ ଭୂତ ପିଶାଚତଃ |
ପାଶାଂକୁଶଧରଃ ପାତୁ ରଜସ୍ସତ୍ତ୍ଵତମସ୍ସ୍ମୃତୀଃ || 16 ||

ଜ୍ଞାନଂ ଧର୍ମଂ ଚ ଲକ୍ଷ୍ମୀ ଚ ଲଜ୍ଜାଂ କୀର୍ତିଂ ତଥା କୁଲମ୍ | ଈ
ଵପୁର୍ଧନଂ ଚ ଧାନ୍ଯଂ ଚ ଗୃହଂ ଦାରାସ୍ସୁତାନ୍ସଖୀନ୍ || 17 ||

ସର୍ଵାଯୁଧ ଧରଃ ପୌତ୍ରାନ୍ ମଯୂରେଶୋ ଵତାତ୍ ସଦା |
କପିଲୋ ଜାନୁକଂ ପାତୁ ଗଜାଶ୍ଵାନ୍ ଵିକଟୋଵତୁ || 18 ||

ଭୂର୍ଜପତ୍ରେ ଲିଖିତ୍ଵେଦଂ ଯଃ କଂଠେ ଧାରଯେତ୍ ସୁଧୀଃ |
ନ ଭଯଂ ଜାଯତେ ତସ୍ଯ ଯକ୍ଷ ରକ୍ଷଃ ପିଶାଚତଃ || 19 ||

ତ୍ରିସଂଧ୍ଯଂ ଜପତେ ଯସ୍ତୁ ଵଜ୍ରସାର ତନୁର୍ଭଵେତ୍ |
ଯାତ୍ରାକାଲେ ପଠେଦ୍ଯସ୍ତୁ ନିର୍ଵିଘେନ ଫଲଂ ଲଭେତ୍ || 20 ||

ଯୁଦ୍ଧକାଲେ ପଠେଦ୍ଯସ୍ତୁ ଵିଜଯଂ ଚାପ୍ନୁଯାଦ୍ଧ୍ରୁଵମ୍ |
ମାରଣୋଚ୍ଚାଟନାକର୍ଷ ସ୍ତଂଭ ମୋହନ କର୍ମଣି || 21 ||

ସପ୍ତଵାରଂ ଜପେଦେତଦ୍ଦନାନାମେକଵିଂଶତିଃ |
ତତ୍ତତ୍ଫଲମଵାପ୍ନୋତି ସାଧକୋ ନାତ୍ର ସଂଶଯଃ || 22 ||

ଏକଵିଂଶତିଵାରଂ ଚ ପଠେତ୍ତାଵଦ୍ଦିନାନି ଯଃ |
କାରାଗୃହଗତଂ ସଦ୍ଯୋ ରାଜ୍ଞାଵଧ୍ଯଂ ଚ ମୋଚଯୋତ୍ || 23 ||

ରାଜଦର୍ଶନ ଵେଳାଯାଂ ପଠେଦେତତ୍ ତ୍ରିଵାରତଃ |
ସ ରାଜାନଂ ଵଶଂ ନୀତ୍ଵା ପ୍ରକୃତୀଶ୍ଚ ସଭାଂ ଜଯେତ୍ || 24 ||

ଇଦଂ ଗଣେଶକଵଚଂ କଶ୍ଯପେନ ସଵିରିତମ୍ |
ମୁଦ୍ଗଲାଯ ଚ ତେ ନାଥ ମାଂଡଵ୍ଯାଯ ମହର୍ଷଯେ || 25 ||

ମହ୍ଯଂ ସ ପ୍ରାହ କୃପଯା କଵଚଂ ସର୍ଵ ସିଦ୍ଧିଦମ୍ |
ନ ଦେଯଂ ଭକ୍ତିହୀନାଯ ଦେଯଂ ଶ୍ରଦ୍ଧାଵତେ ଶୁଭମ୍ || 26 ||

ଅନେନାସ୍ଯ କୃତା ରକ୍ଷା ନ ବାଧାସ୍ଯ ଭଵେତ୍ ଵ୍ଯାଚିତ୍ |
ରାକ୍ଷସାସୁର ବେତାଳ ଦୈତ୍ଯ ଦାନଵ ସଂଭଵାଃ || 27 ||

|| ଇତି ଶ୍ରୀ ଗଣେଶପୁରାଣେ ଶ୍ରୀ ଗଣେଶ କଵଚଂ ସଂପୂର୍ଣମ୍ ||

PDF, Full Site (with more options)