ଦେଵୀ ମହାତ୍ମ୍ଯମ୍ ଦୁର୍ଗା ସପ୍ତଶତି ନଵମୋଽଧ୍ଯାଯଃ
ନିଶୁଂଭଵଧୋନାମ ନଵମୋଧ୍ଯାଯଃ ||
ଧ୍ଯାନଂ
ଓଂ ବଂଧୂକ କାଂଚନନିଭଂ ରୁଚିରାକ୍ଷମାଲାଂ
ପାଶାଂକୁଶୌ ଚ ଵରଦାଂ ନିଜବାହୁଦଂଡୈଃ |
ବିଭ୍ରାଣମିଂଦୁ ଶକଲାଭରଣାଂ ତ୍ରିନେତ୍ରାଂ-
ଅର୍ଧାଂବିକେଶମନିଶଂ ଵପୁରାଶ୍ରଯାମି ||
ରାଜୋଉଵାଚ||1||
ଵିଚିତ୍ରମିଦମାଖ୍ଯାତଂ ଭଗଵନ୍ ଭଵତା ମମ |
ଦେଵ୍ଯାଶ୍ଚରିତମାହାତ୍ମ୍ଯଂ ରକ୍ତ ବୀଜଵଧାଶ୍ରିତମ୍ || 2||
ଭୂଯଶ୍ଚେଚ୍ଛାମ୍ଯହଂ ଶ୍ରୋତୁଂ ରକ୍ତବୀଜେ ନିପାତିତେ |
ଚକାର ଶୁଂଭୋ ଯତ୍କର୍ମ ନିଶୁଂଭଶ୍ଚାତିକୋପନଃ ||3||
ଋଷିରୁଵାଚ ||4||
ଚକାର କୋପମତୁଲଂ ରକ୍ତବୀଜେ ନିପାତିତେ|
ଶୁଂଭାସୁରୋ ନିଶୁଂଭଶ୍ଚ ହତେଷ୍ଵନ୍ଯେଷୁ ଚାହଵେ ||5||
ହନ୍ଯମାନଂ ମହାସୈନ୍ଯଂ ଵିଲୋକ୍ଯାମର୍ଷମୁଦ୍ଵହନ୍|
ଅଭ୍ଯଦାଵନ୍ନିଶୁଂବୋଽଥ ମୁଖ୍ଯଯାସୁର ସେନଯା ||6||
ତସ୍ଯାଗ୍ରତସ୍ତଥା ପୃଷ୍ଠେ ପାର୍ଶ୍ଵଯୋଶ୍ଚ ମହାସୁରାଃ
ସଂଦଷ୍ଟୌଷ୍ଠପୁଟାଃ କ୍ରୁଦ୍ଧା ହଂତୁଂ ଦେଵୀମୁପାଯଯୁଃ ||7||
ଆଜଗାମ ମହାଵୀର୍ଯଃ ଶୁଂଭୋଽପି ସ୍ଵବଲୈର୍ଵୃତଃ|
ନିହଂତୁଂ ଚଂଡିକାଂ କୋପାତ୍କୃତ୍ଵା ଯୁଦ୍ଦଂ ତୁ ମାତୃଭିଃ ||8||
ତତୋ ଯୁଦ୍ଧମତୀଵାସୀଦ୍ଦେଵ୍ଯା ଶୁଂଭନିଶୁଂଭଯୋଃ|
ଶରଵର୍ଷମତୀଵୋଗ୍ରଂ ମେଘ୍ଯୋରିଵ ଵର୍ଷତୋଃ ||9||
ଚିଚ୍ଛେଦାସ୍ତାଂଛରାଂସ୍ତାଭ୍ଯାଂ ଚଂଡିକା ସ୍ଵଶରୋତ୍କରୈଃ|
ତାଡଯାମାସ ଚାଂଗେଷୁ ଶସ୍ତ୍ରୌଘିରସୁରେଶ୍ଵରୌ ||10||
ନିଶୁଂଭୋ ନିଶିତଂ ଖଡ୍ଗଂ ଚର୍ମ ଚାଦାଯ ସୁପ୍ରଭମ୍|
ଅତାଡଯନ୍ମୂର୍ଧ୍ନି ସିଂହଂ ଦେଵ୍ଯା ଵାହନମୁତ୍ତମମ୍||11||
ତାଡିତେ ଵାହନେ ଦେଵୀ କ୍ଷୁର ପ୍ରେଣାସିମୁତ୍ତମମ୍|
ଶୁଂଭସ୍ଯାଶୁ ଚିଚ୍ଛେଦ ଚର୍ମ ଚାପ୍ଯଷ୍ଟ ଚଂଦ୍ରକମ୍ ||12||
ଛିନ୍ନେ ଚର୍ମଣି ଖଡ୍ଗେ ଚ ଶକ୍ତିଂ ଚିକ୍ଷେପ ସୋଽସୁରଃ|
ତାମପ୍ଯସ୍ଯ ଦ୍ଵିଧା ଚକ୍ରେ ଚକ୍ରେଣାଭିମୁଖାଗତାମ୍||13||
କୋପାଧ୍ମାତୋ ନିଶୁଂଭୋଽଥ ଶୂଲଂ ଜଗ୍ରାହ ଦାନଵଃ|
ଆଯାତଂ ମୁଷ୍ଠିପାତେନ ଦେଵୀ ତଚ୍ଚାପ୍ଯଚୂର୍ଣଯତ୍||14||
ଆଵିଦ୍ଧ୍ଯାଥ ଗଦାଂ ସୋଽପି ଚିକ୍ଷେପ ଚଂଡିକାଂ ପ୍ରତି|
ସାପି ଦେଵ୍ଯାସ୍ ତ୍ରିଶୂଲେନ ଭିନ୍ନା ଭସ୍ମତ୍ଵମାଗତା||15||
ତତଃ ପରଶୁହସ୍ତଂ ତମାଯାଂତଂ ଦୈତ୍ଯପୁଂଗଵଂ|
ଆହତ୍ଯ ଦେଵୀ ବାଣୌଘିରପାତଯତ ଭୂତଲେ||16||
ତସ୍ମିନ୍ନି ପତିତେ ଭୂମୌ ନିଶୁଂଭେ ଭୀମଵିକ୍ରମେ|
ଭ୍ରାତର୍ଯତୀଵ ସଂକ୍ରୁଦ୍ଧଃ ପ୍ରଯଯୌ ହଂତୁମଂବିକାମ୍||17||
ସ ରଥସ୍ଥସ୍ତଥାତ୍ଯୁଚ୍ଛୈ ର୍ଗୃହୀତପରମାଯୁଧୈଃ|
ଭୁଜୈରଷ୍ଟାଭିରତୁଲୈ ର୍ଵ୍ଯାପ୍ଯା ଶେଷଂ ବଭୌ ନଭଃ||18||
ତମାଯାଂତଂ ସମାଲୋକ୍ଯ ଦେଵୀ ଶଂଖମଵାଦଯତ୍|
ଜ୍ଯାଶବ୍ଦଂ ଚାପି ଧନୁଷ ଶ୍ଚକାରାତୀଵ ଦୁଃସହମ୍||19||
ପୂରଯାମାସ କକୁଭୋ ନିଜଘଂଟା ସ୍ଵନେନ ଚ|
ସମସ୍ତଦୈତ୍ଯସୈନ୍ଯାନାଂ ତେଜୋଵଧଵିଧାଯିନା||20||
ତତଃ ସିଂହୋ ମହାନାଦୈ ସ୍ତ୍ଯାଜିତେଭମହାମଦୈଃ|
ପୁରଯାମାସ ଗଗନଂ ଗାଂ ତଥୈଵ ଦିଶୋ ଦଶ||21||
ତତଃ କାଳୀ ସମୁତ୍ପତ୍ଯ ଗଗନଂ କ୍ଷ୍ମାମତାଡଯତ୍|
କରାଭ୍ଯାଂ ତନ୍ନିନାଦେନ ପ୍ରାକ୍ସ୍ଵନାସ୍ତେ ତିରୋହିତାଃ||22||
ଅଟ୍ଟାଟ୍ଟହାସମଶିଵଂ ଶିଵଦୂତୀ ଚକାର ହ|
ଵୈଃ ଶବ୍ଦୈରସୁରାସ୍ତ୍ରେସୁଃ ଶୁଂଭଃ କୋପଂ ପରଂ ଯଯୌ||23||
ଦୁରାତ୍ମଂ ସ୍ତିଷ୍ଟ ତିଷ୍ଠେତି ଵ୍ଯାଜ ହାରାଂବିକା ଯଦା|
ତଦା ଜଯେତ୍ଯଭିହିତଂ ଦେଵୈରାକାଶ ସଂସ୍ଥିତୈଃ||24||
ଶୁଂଭେନାଗତ୍ଯ ଯା ଶକ୍ତିର୍ମୁକ୍ତା ଜ୍ଵାଲାତିଭୀଷଣା|
ଆଯାଂତୀ ଵହ୍ନିକୂଟାଭା ସା ନିରସ୍ତା ମହୋଲ୍କଯା||25||
ସିଂହନାଦେନ ଶୁଂଭସ୍ଯ ଵ୍ଯାପ୍ତଂ ଲୋକତ୍ରଯାଂତରମ୍|
ନିର୍ଘ୍ତନିଃସ୍ଵନୋ ଘ୍ରୋ ଜିତଵାନଵନୀପତେ||26||
ଶୁଂଭମୁକ୍ତାଂଛରାଂଦେଵୀ ଶୁଂଭସ୍ତତ୍ପ୍ରହିତାଂଛରାନ୍|
ଚିଚ୍ଛେଦ ସ୍ଵଶରୈରୁଗ୍ରୈଃ ଶତଶୋଽଥ ସହସ୍ରଶଃ||27||
ତତଃ ସା ଚଂଡିକା କ୍ରୁଦ୍ଧା ଶୂଲେନାଭିଜଘ୍ନ ତମ୍|
ସ ତଦାଭି ହତୋ ଭୂମୌ ମୂର୍ଛିତୋ ନିପପାତ ହ||28||
ତତୋ ନିଶୁଂଭଃ ସଂପ୍ରାପ୍ଯ ଚେତନାମାତ୍ତକାର୍ମୁକଃ|
ଆଜଘ୍ନ ଶରୈର୍ଦେଵୀଂ କାଳୀଂ କେସରିଣଂ ତଥା||29||
ପୁନଶ୍ଚ କୃତ୍ଵା ବାହୁନାମଯୁତଂ ଦନୁଜେଶ୍ଵରଃ|
ଚକ୍ରାଯୁଧେନ ଦିତିଜଶ୍ଚାଦଯାମାସ ଚଂଡିକାମ୍||30||
ତତୋ ଭଗଵତୀ କ୍ରୁଦ୍ଧା ଦୁର୍ଗାଦୁର୍ଗାର୍ତି ନାଶିନୀ|
ଚିଚ୍ଛେଦ ଦେଵୀ ଚକ୍ରାଣି ସ୍ଵଶରୈଃ ସାଯକାଂଶ୍ଚ ତାନ୍||31||
ତତୋ ନିଶୁଂଭୋ ଵେଗେନ ଗଦାମାଦାଯ ଚଂଡିକାମ୍|
ଅଭ୍ଯଧାଵତ ଵୈ ହଂତୁଂ ଦୈତ୍ଯ ସେନାସମାଵୃତଃ||32||
ତସ୍ଯାପତତ ଏଵାଶୁ ଗଦାଂ ଚିଚ୍ଛେଦ ଚଂଡିକା|
ଖଡ୍ଗେନ ଶିତଧାରେଣ ସ ଚ ଶୂଲଂ ସମାଦଦେ||33||
ଶୂଲହସ୍ତଂ ସମାଯାଂତଂ ନିଶୁଂଭମମରାର୍ଦନମ୍|
ହୃଦି ଵିଵ୍ଯାଧ ଶୂଲେନ ଵେଗାଵିଦ୍ଧେନ ଚଂଡିକା||34||
ଖିନ୍ନସ୍ଯ ତସ୍ଯ ଶୂଲେନ ହୃଦଯାନ୍ନିଃସୃତୋଽପରଃ|
ମହାବଲୋ ମହାଵୀର୍ଯସ୍ତିଷ୍ଠେତି ପୁରୁଷୋ ଵଦନ୍||35||
ତସ୍ଯ ନିଷ୍କ୍ରାମତୋ ଦେଵୀ ପ୍ରହସ୍ଯ ସ୍ଵନଵତ୍ତତଃ|
ଶିରଶ୍ଚିଚ୍ଛେଦ ଖଡ୍ଗେନ ତତୋଽସାଵପତଦ୍ଭୁଵି||36||
ତତଃ ସିଂହଶ୍ଚ ଖାଦୋଗ୍ର ଦଂଷ୍ଟ୍ରାକ୍ଷୁଣ୍ଣଶିରୋଧରାନ୍|
ଅସୁରାଂ ସ୍ତାଂସ୍ତଥା କାଳୀ ଶିଵଦୂତୀ ତଥାପରାନ୍||37||
କୌମାରୀ ଶକ୍ତିନିର୍ଭିନ୍ନାଃ କେଚିନ୍ନେଶୁର୍ମହାସୁରାଃ
ବ୍ରହ୍ମାଣୀ ମଂତ୍ରପୂତେନ ତୋଯେନାନ୍ଯେ ନିରାକୃତାଃ||38||
ମାହେଶ୍ଵରୀ ତ୍ରିଶୂଲେନ ଭିନ୍ନାଃ ପେତୁସ୍ତଥାପରେ|
ଵାରାହୀତୁଂଡଘ୍ତେନ କେଚିଚ୍ଚୂର୍ଣୀ କୃତା ଭୁଵି||39||
ଖଂଡଂ ଖଂଡଂ ଚ ଚକ୍ରେଣ ଵୈଷ୍ଣଵ୍ଯା ଦାନଵାଃ କୃତାଃ|
ଵଜ୍ରେଣ ଚୈଂଦ୍ରୀ ହସ୍ତାଗ୍ର ଵିମୁକ୍ତେନ ତଥାପରେ||40||
କେଚିଦ୍ଵିନେଶୁରସୁରାଃ କେଚିନ୍ନଷ୍ଟାମହାହଵାତ୍|
ଭକ୍ଷିତାଶ୍ଚାପରେ କାଳୀଶିଵଧୂତୀ ମୃଗାଧିପୈଃ||41||
|| ସ୍ଵସ୍ତି ଶ୍ରୀ ମାର୍କଂଡେଯ ପୁରାଣେ ସାଵର୍ନିକେ ମନ୍ଵଂତରେ ଦେଵି ମହତ୍ମ୍ଯେ ନିଶୁଂଭଵଧୋନାମ ନଵମୋଧ୍ଯାଯ ସମାପ୍ତଂ ||
ଆହୁତି
ଓଂ କ୍ଲୀଂ ଜଯଂତୀ ସାଂଗାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ମହାହୁତିଂ ସମର୍ପଯାମି ନମଃ ସ୍ଵାହା ||