Back

ଦେଵୀ ମହାତ୍ମ୍ଯମ୍ ଦୁର୍ଗା ସପ୍ତଶତି ତୃତୀଯୋଽଧ୍ଯାଯଃ

ମହିଷାସୁରଵଧୋ ନାମ ତୃତୀଯୋଽଧ୍ଯାଯଃ ||

ଧ୍ଯାନଂ
ଓଂ ଉଦ୍ଯଦ୍ଭାନୁସହସ୍ରକାଂତିଂ ଅରୁଣକ୍ଷୌମାଂ ଶିରୋମାଲିକାଂ
ରକ୍ତାଲିପ୍ତ ପଯୋଧରାଂ ଜପଵଟୀଂ ଵିଦ୍ଯାମଭୀତିଂ ଵରଂ |
ହସ୍ତାବ୍ଜୈର୍ଧଧତୀଂ ତ୍ରିନେତ୍ରଵକ୍ତ୍ରାରଵିଂଦଶ୍ରିଯଂ
ଦେଵୀଂ ବଦ୍ଧହିମାଂଶୁରତ୍ନମକୁଟାଂ ଵଂଦେଽରଵିଂଦସ୍ଥିତାମ୍ ||

ଋଷିରୁଵାଚ ||1||

ନିହନ୍ଯମାନଂ ତତ୍ସୈନ୍ଯଂ ଅଵଲୋକ୍ଯ ମହାସୁରଃ|
ସେନାନୀଶ୍ଚିକ୍ଷୁରଃ କୋପାଦ୍ ଧ୍ଯଯୌ ଯୋଦ୍ଧୁମଥାଂବିକାମ୍ ||2||

ସ ଦେଵୀଂ ଶରଵର୍ଷେଣ ଵଵର୍ଷ ସମରେଽସୁରଃ|
ଯଥା ମେରୁଗିରେଃଶୃଂଗଂ ତୋଯଵର୍ଷେଣ ତୋଯଦଃ ||3||

ତସ୍ଯ ଛିତ୍ଵା ତତୋ ଦେଵୀ ଲୀଲଯୈଵ ଶରୋତ୍କରାନ୍|
ଜଘ୍ନ ତୁରଗାନ୍ବାଣୈର୍ଯଂତାରଂ ଚୈଵ ଵାଜିନାମ୍ ||4||

ଚିଚ୍ଛେଦ ଚ ଧନୁଃସଧ୍ଯୋ ଧ୍ଵଜଂ ଚାତିସମୁଚ୍ଛୃତମ୍|
ଵିଵ୍ଯାଧ ଚୈଵ ଗାତ୍ରେଷୁ ଚିନ୍ନଧନ୍ଵାନମାଶୁଗୈଃ ||5||

ସଚ୍ଛିନ୍ନଧନ୍ଵା ଵିରଥୋ ହତାଶ୍ଵୋ ହତସାରଥିଃ|
ଅଭ୍ଯଧାଵତ ତାଂ ଦେଵୀଂ ଖଡ୍ଗଚର୍ମଧରୋଽସୁରଃ ||6||

ସିଂହମାହତ୍ଯ ଖଡ୍ଗେନ ତୀକ୍ଷ୍ଣଧାରେଣ ମୂର୍ଧନି|
ଆଜଘ୍ନ ଭୁଜେ ସଵ୍ଯେ ଦେଵୀଂ ଅଵ୍ଯତିଵେଗଵାନ୍ ||6||

ତସ୍ଯାଃ ଖଡ୍ଗୋ ଭୁଜଂ ପ୍ରାପ୍ଯ ପଫାଲ ନୃପନଂଦନ|
ତତୋ ଜଗ୍ରାହ ଶୂଲଂ ସ କୋପାଦ୍ ଅରୁଣଲୋଚନଃ ||8||

ଚିକ୍ଷେପ ଚ ତତସ୍ତତ୍ତୁ ଭଦ୍ରକାଳ୍ଯାଂ ମହାସୁରଃ|
ଜାଜ୍ଵଲ୍ଯମାନଂ ତେଜୋଭୀ ରଵିବିଂବମିଵାଂବରାତ୍ ||9||

ଦୃଷ୍ଟ୍ଵା ତଦାପତଚ୍ଛୂଲଂ ଦେଵୀ ଶୂଲମମୁଂଚତ|
ତଚ୍ଛୂଲଂଶତଧା ତେନ ନୀତଂ ଶୂଲଂ ସ ଚ ମହାସୁରଃ ||10||

ହତେ ତସ୍ମିନ୍ମହାଵୀର୍ଯେ ମହିଷସ୍ଯ ଚମୂପତୌ|
ଆଜଗାମ ଗଜାରୂଡଃ ଶ୍ଚାମରସ୍ତ୍ରିଦଶାର୍ଦନଃ ||11||

ସୋଽପି ଶକ୍ତିଂମୁମୋଚାଥ ଦେଵ୍ଯାସ୍ତାଂ ଅଂବିକା ଦ୍ରୁତମ୍|
ହୁଂକାରାଭିହତାଂ ଭୂମୌ ପାତଯାମାସନିଷ୍ପ୍ରଭାମ୍ ||12||

ଭଗ୍ନାଂ ଶକ୍ତିଂ ନିପତିତାଂ ଦୃଷ୍ଟ୍ଵା କ୍ରୋଧସମନ୍ଵିତଃ
ଚିକ୍ଷେପ ଚାମରଃ ଶୂଲଂ ବାଣୈସ୍ତଦପି ସାଚ୍ଛିନତ୍ ||13||

ତତଃ ସିଂହଃସମୁତ୍ପତ୍ଯ ଗଜକୁଂତରେ ଂଭାଂତରେସ୍ଥିତଃ|
ବାହୁଯୁଦ୍ଧେନ ଯୁଯୁଧେ ତେନୋଚ୍ଚୈସ୍ତ୍ରିଦଶାରିଣା ||14||

ଯୁଧ୍ଯମାନ୊ଉ ତତସ୍ତ୊ଉ ତୁ ତସ୍ମାନ୍ନାଗାନ୍ମହୀଂ ଗତ୊ଉ
ଯୁଯୁଧାତେଽତିସଂରବ୍ଧୌ ପ୍ରହାରୈ ଅତିଦାରୁଣୈଃ ||15||

ତତୋ ଵେଗାତ୍ ଖମୁତ୍ପତ୍ଯ ନିପତ୍ଯ ଚ ମୃଗାରିଣା|
କରପ୍ରହାରେଣ ଶିରଶ୍ଚାମରସ୍ଯ ପୃଥକ୍ କୃତମ୍ ||16||

ଉଦଗ୍ରଶ୍ଚ ରଣେ ଦେଵ୍ଯା ଶିଲାଵୃକ୍ଷାଦିଭିର୍ହତଃ|
ଦଂତ ମୁଷ୍ଟିତଲୈଶ୍ଚୈଵ କରାଳଶ୍ଚ ନିପାତିତଃ ||17||

ଦେଵୀ କୃଦ୍ଧା ଗଦାପାତୈଃ ଶ୍ଚୂର୍ଣଯାମାସ ଚୋଦ୍ଧତମ୍|
ଭାଷ୍କଲଂ ଭିଂଦିପାଲେନ ବାଣୈସ୍ତାମ୍ରଂ ତଥାଂଧକମ୍ ||18||

ଉଗ୍ରାସ୍ଯମୁଗ୍ରଵୀର୍ଯଂ ଚ ତଥୈଵ ଚ ମହାହନୁମ୍
ତ୍ରିନେତ୍ରା ଚ ତ୍ରିଶୂଲେନ ଜଘ୍ନ ପରମେଶ୍ଵରୀ ||19||

ବିଡାଲସ୍ଯାସିନା କାଯାତ୍ ପାତଯାମାସ ଵୈ ଶିରଃ|
ଦୁର୍ଧରଂ ଦୁର୍ମୁଖଂ ଚୋଭୌ ଶରୈର୍ନିନ୍ଯେ ଯମକ୍ଷଯମ୍ ||20||

ଏଵଂ ସଂକ୍ଷୀଯମାଣେ ତୁ ସ୍ଵସୈନ୍ଯେ ମହିଷାସୁରଃ|
ମାହିଷେଣ ସ୍ଵରୂପେଣ ତ୍ରାସଯାମାସତାନ୍ ଗଣାନ୍ ||21||

କାଂଶ୍ଚିତ୍ତୁଂଡପ୍ରହାରେଣ ଖୁରକ୍ଷେପୈସ୍ତଥାପରାନ୍|
ଲାଂଗୂଲତାଡିତାଂଶ୍ଚାନ୍ଯାନ୍ ଶୃଂଗାଭ୍ଯାଂ ଚ ଵିଦାରିତା ||22||

ଵେଗେନ କାଂଶ୍ଚିଦପରାନ୍ନାଦେନ ଭ୍ରମଣେନ ଚ|
ନିଃ ଶ୍ଵାସପଵନେନାନ୍ଯାନ୍ ପାତଯାମାସ ଭୂତଲେ||23||

ନିପାତ୍ଯ ପ୍ରମଥାନୀକମଭ୍ଯଧାଵତ ସୋଽସୁରଃ
ସିଂହଂ ହଂତୁଂ ମହାଦେଵ୍ଯାଃ କୋପଂ ଚକ୍ରେ ତତୋଽଂଭିକା ||24||

ସୋଽପି କୋପାନ୍ମହାଵୀର୍ଯଃ ଖୁରକ୍ଷୁଣ୍ଣମହୀତଲଃ|
ଶୃଂଗାଭ୍ଯାଂ ପର୍ଵତାନୁଚ୍ଚାଂଶ୍ଚିକ୍ଷେପ ଚ ନନାଦ ଚ ||25||

ଵେଗ ଭ୍ରମଣ ଵିକ୍ଷୁଣ୍ଣା ମହୀ ତସ୍ଯ ଵ୍ଯଶୀର୍ଯତ|
ଲାଂଗୂଲେନାହତଶ୍ଚାବ୍ଧିଃ ପ୍ଲାଵଯାମାସ ସର୍ଵତଃ ||26||

ଧୁତଶୃଂଗ୍ଵିଭିନ୍ନାଶ୍ଚ ଖଂଡଂ ଖଂଡଂ ଯଯୁର୍ଘ୍ନାଃ|
ଶ୍ଵାସାନିଲାସ୍ତାଃ ଶତଶୋ ନିପେତୁର୍ନଭସୋଽଚଲାଃ ||27||

ଇତିକ୍ରୋଧସମାଧ୍ମାତମାପତଂତଂ ମହାସୁରମ୍|
ଦୃଷ୍ଟ୍ଵା ସା ଚଂଡିକା କୋପଂ ତଦ୍ଵଧାଯ ତଦାଽକରୋତ୍ ||28||

ସା କ୍ଷିତ୍ପ୍ଵା ତସ୍ଯ ଵୈପାଶଂ ତଂ ବବଂଧ ମହାସୁରମ୍|
ତତ୍ଯାଜମାହିଷଂ ରୂପଂ ସୋଽପି ବଦ୍ଧୋ ମହାମୃଧେ ||29||

ତତଃ ସିଂହୋଽଭଵତ୍ସଧ୍ଯୋ ଯାଵତ୍ତସ୍ଯାଂବିକା ଶିରଃ|
ଛିନତ୍ତି ତାଵତ୍ ପୁରୁଷଃ ଖଡ୍ଗପାଣି ରଦୃଶ୍ଯତ ||30||

ତତ ଏଵାଶୁ ପୁରୁଷଂ ଦେଵୀ ଚିଚ୍ଛେଦ ସାଯକୈଃ|
ତଂ ଖଡ୍ଗଚର୍ମଣା ସାର୍ଧଂ ତତଃ ସୋଽ ଭୂନ୍ମହା ଗଜଃ ||31||

କରେଣ ଚ ମହାସିଂହଂ ତଂ ଚକର୍ଷ ଜଗର୍ଜଚ |
କର୍ଷତସ୍ତୁ କରଂ ଦେଵୀ ଖଡ୍ଗେନ ନିରକୃଂତତ ||32||

ତତୋ ମହାସୁରୋ ଭୂଯୋ ମାହିଷଂ ଵପୁରାସ୍ଥିତଃ|
ତଥୈଵ କ୍ଷୋଭଯାମାସ ତ୍ରୈଲୋକ୍ଯଂ ସଚରାଚରମ୍ ||33||

ତତଃ କ୍ରୁଦ୍ଧା ଜଗନ୍ମାତା ଚଂଡିକା ପାନ ମୁତ୍ତମମ୍|
ପପୌ ପୁନଃ ପୁନଶ୍ଚୈଵ ଜହାସାରୁଣଲୋଚନା ||34||

ନନର୍ଦ ଚାସୁରଃ ସୋଽପି ବଲଵୀର୍ଯମଦୋଦ୍ଧତଃ|
ଵିଷାଣାଭ୍ଯାଂ ଚ ଚିକ୍ଷେପ ଚଂଡିକାଂ ପ୍ରତିଭୂଧରାନ୍||35||

ସା ଚ ତା ନ୍ପ୍ରହିତାଂ ସ୍ତେନ ଚୂର୍ଣଯଂତୀ ଶରୋତ୍କରୈଃ|
ଉଵାଚ ତଂ ମଦୋଦ୍ଧୂତମୁଖରାଗାକୁଲାକ୍ଷରମ୍ ||36||

ଦେଵ୍ଯୁ^^ଉଵାଚ||

ଗର୍ଜ ଗର୍ଜ କ୍ଷଣଂ ମୂଢ ମଧୁ ଯାଵତ୍ପିବାମ୍ଯହମ୍|
ମଯାତ୍ଵଯି ହତେଽତ୍ରୈଵ ଗର୍ଜିଷ୍ଯଂତ୍ଯାଶୁ ଦେଵତାଃ ||37||

ଋଷିରୁଵାଚ||

ଏଵମୁକ୍ତ୍ଵା ସମୁତ୍ପତ୍ଯ ସାରୂଢା ତଂ ମହାସୁରମ୍|
ପାଦେନା କ୍ରମ୍ଯ କଂଠେ ଚ ଶୂଲେନୈନ ମତାଡଯତ୍ ||38||

ତତଃ ସୋଽପି ପଦାକ୍ରାଂତସ୍ତଯା ନିଜମୁଖାତ୍ତତଃ|
ଅର୍ଧ ନିଷ୍କ୍ରାଂତ ଏଵାସୀଦ୍ଦେଵ୍ଯା ଵୀର୍ଯେଣ ସଂଵୃତଃ ||40||

ଅର୍ଧ ନିଷ୍କ୍ରାଂତ ଏଵାସୌ ଯୁଧ୍ଯମାନୋ ମହାସୁରଃ |
ତଯା ମହାସିନା ଦେଵ୍ଯା ଶିରଶ୍ଛିତ୍ତ୍ଵା ନିପାତିତଃ ||41||

ତତୋ ହାହାକୃତଂ ସର୍ଵଂ ଦୈତ୍ଯସୈନ୍ଯଂ ନନାଶ ତତ୍|
ପ୍ରହର୍ଷଂ ଚ ପରଂ ଜଗ୍ମୁଃ ସକଲା ଦେଵତାଗଣାଃ ||42||

ତୁଷ୍ଟୁ ଵୁସ୍ତାଂ ସୁରା ଦେଵୀଂ ସହଦିଵ୍ଯୈର୍ମହର୍ଷିଭିଃ|
ଜଗୁର୍ଗୁଂଧର୍ଵପତଯୋ ନନୃତୁଶ୍ଚାପ୍ସରୋଗଣାଃ ||43||

|| ଇତି ଶ୍ରୀ ମାର୍କଂଡେଯ ପୁରାଣେ ସାଵର୍ନିକେ ମନ୍ଵଂତରେ ଦେଵି ମହତ୍ମ୍ଯେ ମହିଷାସୁରଵଧୋ ନାମ ତୃତୀଯୋଽଧ୍ଯାଯଂ ସମାପ୍ତଂ ||

ଆହୁତି
ହ୍ରୀଂ ଜଯଂତୀ ସାଂଗାଯୈ ସାଯୁଧାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ଶ୍ରୀ ମହାଲକ୍ଷ୍ମ୍ଯୈ ଲକ୍ଷ୍ମୀ ବୀଜାଦିଷ୍ଟାଯୈ ମହାହୁତିଂ ସମର୍ପଯାମି ନମଃ ସ୍ଵାହା ||

PDF, Full Site (with more options)