Back

ଦେଵୀ ମହାତ୍ମ୍ଯମ୍ ଦୁର୍ଗା ସପ୍ତଶତି ପ୍ରଥମୋଽଧ୍ଯାଯଃ

|| ଦେଵୀ ମାହାତ୍ମ୍ଯମ୍ ||
|| ଶ୍ରୀଦୁର୍ଗାଯୈ ନମଃ ||
|| ଅଥ ଶ୍ରୀଦୁର୍ଗାସପ୍ତଶତୀ ||
|| ମଧୁକୈଟଭଵଧୋ ନାମ ପ୍ରଥମୋଽଧ୍ଯାଯଃ ||

ଅସ୍ଯ ଶ୍ରୀ ପ୍ରଧମ ଚରିତ୍ରସ୍ଯ ବ୍ରହ୍ମା ଋଷିଃ | ମହାକାଳୀ ଦେଵତା | ଗାଯତ୍ରୀ ଛଂଦଃ | ନଂଦା ଶକ୍ତିଃ | ରକ୍ତ ଦଂତିକା ବୀଜମ୍ | ଅଗ୍ନିସ୍ତତ୍ଵମ୍ | ଋଗ୍ଵେଦଃ ସ୍ଵରୂପଂ | ଶ୍ରୀ ମହାକାଳୀ ପ୍ରୀତ୍ଯର୍ଧେ ପ୍ରଧମ ଚରିତ୍ର ଜପେ ଵିନିଯୋଗଃ |

ଧ୍ଯାନଂ
ଖଡ୍ଗଂ ଚକ୍ର ଗଦେଷୁଚାପ ପରିଘ୍ ଶୂଲଂ ଭୁଶୁଂଡୀଂ ଶିରଃ
ଶଂଂଖଂ ସଂଦଧତୀଂ କରୈସ୍ତ୍ରିନଯନାଂ ସର୍ଵାଂଂଗଭୂଷାଵୃତାମ୍ |
ଯାଂ ହଂତୁଂ ମଧୁକୈଭୌ ଜଲଜଭୂସ୍ତୁଷ୍ଟାଵ ସୁପ୍ତେ ହରୌ
ନୀଲାଶ୍ମଦ୍ଯୁତି ମାସ୍ଯପାଦଦଶକାଂ ସେଵେ ମହାକାଳିକାଂ||

ଓଂ ନମଶ୍ଚଂଡିକାଯୈ
ଓଂ ଐଂ ମାର୍କଂଡେଯ ଉଵାଚ||1||

ସାଵର୍ଣିଃ ସୂର୍ଯତନଯୋ ଯୋମନୁଃ କଥ୍ଯତେଽଷ୍ଟମଃ|
ନିଶାମଯ ତଦୁତ୍ପତ୍ତିଂ ଵିସ୍ତରାଦ୍ଗଦତୋ ମମ ||2||

ମହାମାଯାନୁଭାଵେନ ଯଥା ମନ୍ଵଂତରାଧିପଃ
ସ ବଭୂଵ ମହାଭାଗଃ ସାଵର୍ଣିସ୍ତନଯୋ ରଵେଃ ||3||

ସ୍ଵାରୋଚିଷେଽଂତରେ ପୂର୍ଵଂ ଚୈତ୍ରଵଂଶସମୁଦ୍ଭଵଃ|
ସୁରଥୋ ନାମ ରାଜାଽଭୂତ୍ ସମସ୍ତେ କ୍ଷିତିମଂଡଲେ ||4||

ତସ୍ଯ ପାଲଯତଃ ସମ୍ଯକ୍ ପ୍ରଜାଃ ପୁତ୍ରାନିଵୌରସାନ୍|
ବଭୂଵୁଃ ଶତ୍ରଵୋ ଭୂପାଃ କୋଲାଵିଧ୍ଵଂସିନସ୍ତଦା ||5||

ତସ୍ଯ ତୈରଭଵଦ୍ଯୁଦ୍ଧଂ ଅତିପ୍ରବଲଦଂଡିନଃ|
ନ୍ଯୂନୈରପି ସ ତୈର୍ଯୁଦ୍ଧେ କୋଲାଵିଧ୍ଵଂସିଭିର୍ଜିତଃ ||6||

ତତଃ ସ୍ଵପୁରମାଯାତୋ ନିଜଦେଶାଧିପୋଽଭଵତ୍|
ଆକ୍ରାଂତଃ ସ ମହାଭାଗସ୍ତୈସ୍ତଦା ପ୍ରବଲାରିଭିଃ ||7||

ଅମାତ୍ଯୈର୍ବଲିଭିର୍ଦୁଷ୍ଟୈ ର୍ଦୁର୍ବଲସ୍ଯ ଦୁରାତ୍ମଭିଃ|
କୋଶୋ ବଲଂ ଚାପହୃତଂ ତତ୍ରାପି ସ୍ଵପୁରେ ତତଃ ||8||

ତତୋ ମୃଗଯାଵ୍ଯାଜେନ ହୃତସ୍ଵାମ୍ଯଃ ସ ଭୂପତିଃ|
ଏକାକୀ ହଯମାରୁହ୍ଯ ଜଗାମ ଗହନଂ ଵନମ୍ ||9||

ସତତ୍ରାଶ୍ରମମଦ୍ରାକ୍ଷୀ ଦ୍ଦ୍ଵିଜଵର୍ଯସ୍ଯ ମେଧସଃ|
ପ୍ରଶାଂତଶ୍ଵାପଦାକୀର୍ଣ ମୁନିଶିଷ୍ଯୋପଶୋଭିତମ୍ ||10||

ତସ୍ଥୌ କଂଚିତ୍ସ କାଲଂ ଚ ମୁନିନା ତେନ ସତ୍କୃତଃ|
ଇତଶ୍ଚେତଶ୍ଚ ଵିଚରଂସ୍ତସ୍ମିନ୍ ମୁନିଵରାଶ୍ରମେ||11||

ସୋଽଚିଂତଯତ୍ତଦା ତତ୍ର ମମତ୍ଵାକୃଷ୍ଟଚେତନଃ| ||12||

ମତ୍ପୂର୍ଵୈଃ ପାଲିତଂ ପୂର୍ଵଂ ମଯାହୀନଂ ପୁରଂ ହି ତତ୍
ମଦ୍ଭୃତ୍ଯୈସ୍ତୈରସଦ୍ଵୃତ୍ତୈଃ ର୍ଧର୍ମତଃ ପାଲ୍ଯତେ ନ ଵା ||13||

ନ ଜାନେ ସ ପ୍ରଧାନୋ ମେ ଶୂର ହସ୍ତୀସଦାମଦଃ
ମମ ଵୈରିଵଶଂ ଯାତଃ କାନ୍ଭୋଗାନୁପଲପ୍ସ୍ଯତେ ||14||

ଯେ ମମାନୁଗତା ନିତ୍ଯଂ ପ୍ରସାଦଧନଭୋଜନୈଃ
ଅନୁଵୃତ୍ତିଂ ଧ୍ରୁଵଂ ତେଽଦ୍ଯ କୁର୍ଵଂତ୍ଯନ୍ଯମହୀଭୃତାଂ ||15||

ଅସମ୍ଯଗ୍ଵ୍ଯଯଶୀଲୈସ୍ତୈଃ କୁର୍ଵଦ୍ଭିଃ ସତତଂ ଵ୍ଯଯଂ
ସଂଚିତଃ ସୋଽତିଦୁଃଖେନ କ୍ଷଯଂ କୋଶୋ ଗମିଷ୍ଯତି ||16||

ଏତଚ୍ଚାନ୍ଯଚ୍ଚ ସତତଂ ଚିଂତଯାମାସ ପାର୍ଥିଵଃ
ତତ୍ର ଵିପ୍ରାଶ୍ରମାଭ୍ଯାଶେ ଵୈଶ୍ଯମେକଂ ଦଦର୍ଶ ସଃ ||17||

ସ ପୃଷ୍ଟସ୍ତେନ କସ୍ତ୍ଵଂ ଭୋ ହେତୁଶ୍ଚ ଆଗମନେଽତ୍ର କଃ
ସଶୋକ ଇଵ କସ୍ମାତ୍ଵଂ ଦୁର୍ମନା ଇଵ ଲକ୍ଷ୍ଯସେ| ||18||

ଇତ୍ଯାକର୍ଣ୍ଯ ଵଚସ୍ତସ୍ଯ ଭୂପତେଃ ପ୍ରଣାଯୋଦିତମ୍
ପ୍ରତ୍ଯୁଵାଚ ସ ତଂ ଵୈଶ୍ଯଃ ପ୍ରଶ୍ରଯାଵନତୋ ନୃପମ୍||19||

ଵୈଶ୍ଯ ଉଵାଚ ||20||

ସମାଧିର୍ନାମ ଵୈଶ୍ଯୋଽହମୁତ୍ପନ୍ନୋ ଧନିନାଂ କୁଲେ
ପୁତ୍ରଦାରୈର୍ନିରସ୍ତଶ୍ଚ ଧନଲୋଭାଦ୍ ଅସାଧୁଭିଃ||21||

ଵିହୀନଶ୍ଚ ଧନୈଦାରୈଃ ପୁତ୍ରୈରାଦାଯ ମେ ଧନମ୍|
ଵନମଭ୍ଯାଗତୋ ଦୁଃଖୀ ନିରସ୍ତଶ୍ଚାପ୍ତବଂଧୁଭିଃ||22||

ସୋଽହଂ ନ ଵେଦ୍ମି ପୁତ୍ରାଣାଂ କୁଶଲାକୁଶଲାତ୍ମିକାମ୍|
ପ୍ରଵୃତ୍ତିଂ ସ୍ଵଜନାନାଂ ଚ ଦାରାଣାଂ ଚାତ୍ର ସଂସ୍ଥିତଃ||23||

କିଂ ନୁ ତେଷାଂ ଗୃହେ କ୍ଷେମଂ ଅକ୍ଷେମଂ କିଂନୁ ସାଂପ୍ରତଂ
କଥଂ ତେକିଂନୁସଦ୍ଵୃତ୍ତା ଦୁର୍ଵୃତ୍ତା କିଂନୁମେସୁତାଃ||24||

ରାଜୋଵାଚ||25||

ଯୈର୍ନିରସ୍ତୋ ଭଵାଂଲ୍ଲୁବ୍ଧୈଃ ପୁତ୍ରଦାରାଦିଭିର୍ଧନୈଃ||26||

ତେଷୁ କିଂ ଭଵତଃ ସ୍ନେହ ମନୁବଧ୍ନାତି ମାନସମ୍||27||

ଵୈଶ୍ଯ ଉଵାଚ ||28||

ଏଵମେତଦ୍ଯଥା ପ୍ରାହ ଭଵାନସ୍ମଦ୍ଗତଂ ଵଚଃ
କିଂ କରୋମି ନ ବଧ୍ନାତି ମମ ନିଷ୍ଟୁରତାଂ ମନଃ||29||

ଐଃ ସଂତ୍ଯଜ୍ଯ ପିତୃସ୍ନେହଂ ଧନ ଲୁବ୍ଧୈର୍ନିରାକୃତଃ
ପତିଃସ୍ଵଜନହାର୍ଦଂ ଚ ହାର୍ଦିତେଷ୍ଵେଵ ମେ ମନଃ| ||30||

କିମେତନ୍ନାଭିଜାନାମି ଜାନନ୍ନପି ମହାମତେ
ଯତ୍ପ୍ରେମ ପ୍ରଵଣଂ ଚିତ୍ତଂ ଵିଗୁଣେଷ୍ଵପି ବଂଧୁଷୁ||31||

ତେଷାଂ କୃତେ ମେ ନିଃଶ୍ଵାସୋ ଦୌର୍ମନସ୍ଯଂ ଚଜାଯତେ||32||

ଅରୋମି କିଂ ଯନ୍ନ ମନସ୍ତେଷ୍ଵପ୍ରୀତିଷୁ ନିଷ୍ଠୁରମ୍ ||33||

ମାକଂଡେଯ ଉଵାଚ ||34||

ତତସ୍ତୌ ସହିତୌ ଵିପ୍ର ତଂମୁନିଂ ସମୁପସ୍ଥିତୌ||35||

ସମାଧିର୍ନାମ ଵୈଶ୍ଯୋଽସୌ ସ ଚ ପାର୍ଧିଵ ସତ୍ତମଃ||36||

କୃତ୍ଵା ତୁ ତୌ ଯଥାନ୍ଯାଯ୍ଯଂ ଯଥାର୍ହଂ ତେନ ସଂଵିଦମ୍|
ଉପଵିଷ୍ଟୌ କଥାଃ କାଶ୍ଚିତ୍^^ଚ୍ଚକ୍ରତୁର୍ଵୈଶ୍ଯପାର୍ଧିଵୌ||37||

ରାଜୋ^^ଉଵାଚ ||38||

ଭଗଵଂସ୍ତ୍ଵାମହଂ ପ୍ରଷ୍ଟୁମିଚ୍ଛାମ୍ଯେକଂ ଵଦସ୍ଵତତ୍ ||39||

ଦୁଃଖାଯ ଯନ୍ମେ ମନସଃ ସ୍ଵଚିତ୍ତାଯତ୍ତତାଂ ଵିନା||40||

ମଆନତୋଽପି ଯଥାଜ୍ଞସ୍ଯ କିମେତନ୍ମୁନିସତ୍ତମଃ ||41||

ଅଯଂ ଚ ଇକୃତଃ ପୁତ୍ରୈଃ ଦାରୈର୍ଭୃତ୍ଯୈସ୍ତଥୋଜ୍ଘ୍ତଃ
ସ୍ଵଜନେନ ଚ ସଂତ୍ଯକ୍ତଃ ସ୍ତେଷୁ ହାର୍ଦୀ ତଥାପ୍ଯତି ||42||

ଏଵ ମେଷ ତଥାହଂ ଚ ଦ୍ଵାଵପ୍ତ୍ଯଂତଦୁଃଖିତୌ|
ଦୃଷ୍ଟଦୋଷେଽପି ଵିଷଯେ ମମତ୍ଵାକୃଷ୍ଟମାନସୌ ||43||

ତତ୍କେନୈତନ୍ମହାଭାଗ ଯନ୍ମୋହ୊ ଜ୍ଞାନିନୋରପି
ମମାସ୍ଯ ଚ ଭଵତ୍ଯେଷା ଵିଵେକାଂଧସ୍ଯ ମୂଢତା ||44||

ଋଷିରୁଵାଚ||45||

ଜ୍ଞାନ ମସ୍ତି ସମସ୍ତସ୍ଯ ଜଂତୋର୍ଵ୍ଷଯ ଗୋଚରେ|
ଵିଷଯଶ୍ଚ ମହାଭାଗ ଯାଂତି ଚୈଵଂ ପୃଥକ୍ପୃଥକ୍||46||

କେଚିଦ୍ଦିଵା ତଥା ରାତ୍ରୌ ପ୍ରାଣିନଃ ସ୍ତୁଲ୍ଯଦୃଷ୍ଟଯଃ ||47||

ଜ୍ଞାନିନୋ ମନୁଜାଃ ସତ୍ଯଂ କିଂ ତୁ ତେ ନ ହି କେଵଲମ୍|
ଯତୋ ହି ଜ୍ଞାନିନଃ ସର୍ଵେ ପଶୁପକ୍ଷିମୃଗାଦଯଃ||48||

ଜ୍ଞାନଂ ଚ ତନ୍ମନୁଷ୍ଯାଣାଂ ଯତ୍ତେଷାଂ ମୃଗପକ୍ଷିଣାଂ
ମନୁଷ୍ଯାଣାଂ ଚ ଯତ୍ତେଷାଂ ତୁଲ୍ଯମନ୍ଯତ୍ତଥୋଭଯୋଃ||49||

ଜ୍ଞାନେଽପି ସତି ପଶ୍ଯୈତାନ୍ ପତଗାଂଛାବଚଂଚୁଷୁ|
କଣମୋକ୍ଷାଦୃତାନ୍ ମୋହାତ୍ପୀଡ୍ଯମାନାନପି କ୍ଷୁଧା||50||

ମାନୁଷା ମନୁଜଵ୍ଯାଘ ସାଭିଲାଷାଃ ସୁତାନ୍ ପ୍ରତି
ଲୋଭାତ୍ ପ୍ରତ୍ଯୁପକାରାଯ ନନ୍ଵେତାନ୍ କିଂ ନ ପଶ୍ଯସି||51||

ତଥାପି ମମତାଵର୍ତେ ମୋହଗର୍ତେ ନିପାତିତାଃ
ମହାମାଯା ପ୍ରଭାଵେଣ ସଂସାରସ୍ଥିତିକାରିଣା||52||

ତନ୍ନାତ୍ର ଵିସ୍ମଯଃ କାର୍ଯୋ ଯୋଗନିଦ୍ରା ଜଗତ୍ପତେଃ|
ମହାମାଯା ହରେଶ୍ଚୈଷା ତଯା ସମ୍ମୋହ୍ଯତେ ଜଗତ୍||53||

ଜ୍ଙାନିନାମପି ଚେତାଂସି ଦେଵୀ ଭଗଵତୀ ହି ସା
ବଲାଦାକ୍଱୍ଷ୍ଯମୋହାଯ ମହାମାଯା ପ୍ରଯଚ୍ଛତି ||54||

ତଯା ଵିସୃଜ୍ଯତେ ଵିଶ୍ଵଂ ଜଗଦେତଚ୍ଚରାଚରମ୍ |
ସୈଷା ପ୍ରସନ୍ନା ଵରଦା ନୃଣାଂ ଭଵତି ମୁକ୍ତଯେ ||55||

ସା ଵିଦ୍ଯା ପରମା ମୁକ୍ତେର୍ହେତୁଭୂତା ସନାତନୀ
ସଂସାରବଂଧହେତୁଶ୍ଚ ସୈଵ ସର୍ଵେଶ୍ଵରେଶ୍ଵରୀ||56||

ରାଜୋଵାଚ||57||

ଭଗଵନ୍ କାହି ସା ଦେଵୀ ମାମାଯେତି ଯାଂ ଭଵାନ୍ |
ବ୍ରଵୀତି କ୍ଥମୁତ୍ପନ୍ନା ସା କର୍ମାସ୍ଯାଶ୍ଚ କିଂ ଦ୍ଵିଜ||58||

ଯତ୍ପ୍ରଭାଵା ଚ ସା ଦେଵୀ ଯତ୍ସ୍ଵରୂପା ଯଦୁଦ୍ଭଵା|
ତତ୍ସର୍ଵଂ ଶ୍ରୋତୁମିଚ୍ଛାମି ତ୍ଵତ୍ତୋ ବ୍ରହ୍ମଵିଦାଂ ଵର||59||

ଋଷିରୁଵାଚ ||60||

ନିତ୍ଯୈଵ ସା ଜଗନ୍ମୂର୍ତିସ୍ତଯା ସର୍ଵମିଦଂ ତତମ୍||61||

ତଥାପି ତତ୍ସମୁତ୍ପତ୍ତିର୍ବହୁଧା ଶ୍ରୂଯତାଂ ମମଃ||62||

ଦେଵାନାଂ କାର୍ଯସିଦ୍ଧ୍ଯର୍ଥଂ ଆଵିର୍ଭଵତି ସା ଯଦା|
ଉତ୍ପନ୍ନେତି ତଦା ଲୋକେ ସା ନିତ୍ଯାପ୍ଯଭିଧୀଯତେ ||63||

ଯୋଗନିଦ୍ରାଂ ଯଦା ଵିଷ୍ଣୁର୍ଜଗତ୍ଯେକାର୍ଣଵୀକୃତେ|
ଆସ୍ତୀର୍ଯ ଶେଷମଭଜତ୍ କଲ୍ପାଂତେ ଭଗଵାନ୍ ପ୍ରଭୁଃ||64||

ତଦା ଦ୍ଵାଵସୁରୌ ଘ୍ରୌ ଵିଖ୍ଯାତୌ ମଧୁକୈଟଭୌ|
ଵିଷ୍ଣୁକର୍ଣମଲୋଦ୍ଭୂତୌ ହଂତୁଂ ବ୍ରହ୍ମାଣମୁଦ୍ଯତୌ||65||

ସ ନାଭି କମଲେ ଵିଷ୍ଣୋଃ ସ୍ଥିତୋ ବ୍ରହ୍ମା ପ୍ରଜାପତିଃ
ଦୃଷ୍ଟ୍ଵା ତାଵସୁରୌ ଚୋଗ୍ରୌ ପ୍ରସୁପ୍ତଂ ଚ ଜନାର୍ଦନମ୍||66||

ତୁଷ୍ଟାଵ ଯୋଗନିଦ୍ରାଂ ତାମେକାଗ୍ରହୃଦଯଃ ସ୍ଥିତଃ
ଵିବୋଧନାର୍ଧାଯ ହରେର୍ହରିନେତ୍ରକୃତାଲଯାମ୍ ||67||

ଵିଶ୍ଵେଶ୍ଵରୀଂ ଜଗଦ୍ଧାତ୍ରୀଂ ସ୍ଥିତିସଂହାରକାରିଣୀମ୍|
ନିଦ୍ରାଂ ଭଗଵତୀଂ ଵିଷ୍ଣୋରତୁଲାଂ ତେଜସଃ ପ୍ରଭୁଃ ||68||

ବ୍ରହ୍ମୋଵାଚ ||69||

ତ୍ଵଂ ସ୍ଵାହା ତ୍ଵଂ ସ୍ଵଧା ତ୍ଵଂହି ଵଷଟ୍କାରଃ ସ୍ଵରାତ୍ମିକା|
ସୁଧା ତ୍ଵମକ୍ଷରେ ନିତ୍ଯେ ତ୍ରିଧା ମାତ୍ରାତ୍ମିକା ସ୍ଥିତା||70||

ଅର୍ଧମାତ୍ରା ସ୍ଥିତା ନିତ୍ଯା ଯାନୁଚ୍ଚାର୍ଯାଵିଶେଷତଃ
ତ୍ଵମେଵ ସା ତ୍ଵଂ ସାଵିତ୍ରୀ ତ୍ଵଂ ଦେଵ ଜନନୀ ପରା ||71||

ତ୍ଵଯୈତଦ୍ଧାର୍ଯତେ ଵିଶ୍ଵଂ ତ୍ଵଯୈତତ୍ ସୃଜ୍ଯତେ ଜଗତ୍|
ତ୍ଵଯୈତତ୍ ପାଲ୍ଯତେ ଦେଵି ତ୍ଵମତ୍ସ୍ଯଂତେ ଚ ସର୍ଵଦା||72||

ଵିସୃଷ୍ଟୌ ସୃଷ୍ଟିରୂପାତ୍ଵଂ ସ୍ଥିତି ରୂପା ଚ ପାଲନେ|
ତଥା ସଂହୃତିରୂପାଂତେ ଜଗତୋଽସ୍ଯ ଜଗନ୍ମଯେ ||73||

ମହାଵିଦ୍ଯା ମହାମାଯା ମହାମେଧା ମହାସ୍ମୃତିଃ|
ମହାମୋହା ଚ ଭଵତୀ ମହାଦେଵୀ ମହାସୁରୀ ||74||

ପ୍ରକୃତିସ୍ତ୍ଵଂ ଚ ସର୍ଵସ୍ଯ ଗୁଣତ୍ରଯ ଵିଭାଵିନୀ|
କାଳରାତ୍ରିର୍ମହାରାତ୍ରିର୍ମୋହରାତ୍ରିଶ୍ଚ ଦାରୁଣା||75||

ତ୍ଵଂ ଶ୍ରୀସ୍ତ୍ଵମୀଶ୍ଵରୀ ତ୍ଵଂ ହ୍ରୀସ୍ତ୍ଵଂ ବୁଦ୍ଧିର୍ଭୋଧଲକ୍ଷଣା|
ଲଜ୍ଜାପୁଷ୍ଟିସ୍ତଥା ତୁଷ୍ଟିସ୍ତ୍ଵଂ ଶାଂତିଃ କ୍ଷାଂତି ରେଵ ଚ||76||

ଖଡ୍ଗିନୀ ଶୂଲିନୀ ଘ୍ରା ଗଦିନୀ ଚକ୍ରିଣୀ ତଥା|
ଶଂଖିଣୀ ଚାପିନୀ ବାଣାଭୁଶୁଂଡୀପରିଘ୍ଯୁଧା||77||

ସୌମ୍ଯା ସୌମ୍ଯତରାଶେଷସୌମ୍ଯେଭ୍ଯସ୍ତ୍ଵତିସୁଂଦରୀ
ପରାପରାଣାଂ ପରମା ତ୍ଵମେଵ ପରମେଶ୍ଵରୀ||78||

ଯଚ୍ଚ କିଂଚିତ୍କ୍ଵଚିଦ୍ଵସ୍ତୁ ସଦସଦ୍ଵାଖିଲାତ୍ମିକେ|
ତସ୍ଯ ସର୍ଵସ୍ଯ ଯା ଶକ୍ତିଃ ସା ତ୍ଵଂ କିଂ ସ୍ତୂଯସେମଯା||79||

ଯଯା ତ୍ଵଯା ଜଗତ୍ ସ୍ରଷ୍ଟା ଜଗତ୍ପାତାତ୍ତି ଯୋ ଜଗତ୍|
ସୋଽପି ନିଦ୍ରାଵଶଂ ନୀତଃ କସ୍ତ୍ଵାଂ ସ୍ତୋତୁମିହେଶ୍ଵରଃ||80||

ଵିଷ୍ଣୁଃ ଶରୀରଗ୍ରହଣଂ ଅହମୀଶାନ ଏଵ ଚ
କାରିତାସ୍ତେ ଯତୋଽତସ୍ତ୍ଵାଂ କଃ ସ୍ତୋତୁଂ ଶକ୍ତିମାନ୍ ଭଵେତ୍||81||

ସା ତ୍ଵମିତ୍ଥଂ ପ୍ରଭାଵୈଃ ସ୍ଵୈରୁଦାରୈର୍ଦେଵି ସଂସ୍ତୁତା|
ମୋହଯୈତୌ ଦୁରାଧର୍ଷାଵସୁରୌ ମଧୁକୈଟଭୌ ||82||

ପ୍ରବୋଧଂ ଚ ଜଗତ୍ସ୍ଵାମୀ ନୀଯତାମଚ୍ଯୁତା ଲଘ୍ ||83||
ବୋଧଶ୍ଚ କ୍ରିଯତାମସ୍ଯ ହଂତୁମେତୌ ମହାସୁରୌ ||83||

ଋଷିରୁଵାଚ ||84||

ଏଵଂ ସ୍ତୁତା ତଦା ଦେଵୀ ତାମସୀ ତତ୍ର ଵେଧସା
ଵିଷ୍ଣୋଃ ପ୍ରଭୋଧନାର୍ଧାଯ ନିହଂତୁଂ ମଧୁକୈଟଭୌ ||85||

ନେତ୍ରାସ୍ଯନାସିକାବାହୁହୃଦଯେଭ୍ଯସ୍ତଥୋରସଃ|
ନିର୍ଗମ୍ଯ ଦର୍ଶନେ ତସ୍ଥୌ ବ୍ରହ୍ମଣୋ ଅଵ୍ଯକ୍ତଜନ୍ମନଃ ||86||

ଉତ୍ତସ୍ଥୌ ଚ ଜଗନ୍ନାଥଃ ସ୍ତଯା ମୁକ୍ତୋ ଜନାର୍ଦନଃ|
ଏକାର୍ଣଵେ ଅହିଶଯନାତ୍ତତଃ ସ ଦଦୃଶେ ଚ ତୌ ||87||

ମଧୁକୈଟଭୌ ଦୁରାତ୍ମାନା ଵତିଵୀର୍ଯପରାକ୍ରମୌ
କ୍ରୋଧରକ୍ତେକ୍ଷଣାଵତ୍ତୁଂ ବ୍ରହ୍ମଣାଂ ଜନିତୋଦ୍ଯମୌ ||88||

ସମୁତ୍ଥାଯ ତତସ୍ତାଭ୍ଯାଂ ଯୁଯୁଧେ ଭଗଵାନ୍ ହରିଃ
ପଂଚଵର୍ଷସହସ୍ତ୍ରାଣି ବାହୁପ୍ରହରଣୋ ଵିଭୁଃ ||89||

ତାଵପ୍ଯତିବଲୋନ୍ମତ୍ତୌ ମହାମାଯାଵିମୋହିତୌ ||90||

ଉକ୍ତଵଂତୌ ଵରୋଽସ୍ମତ୍ତୋ ଵ୍ରିଯତାମିତି କେଶଵମ୍ ||91||

ଶ୍ରୀ ଭଗଵାନୁଵାଚ ||92||

ଭଵେତାମଦ୍ଯ ମେ ତୁଷ୍ଟୌ ମମ ଵଧ୍ଯାଵୁଭାଵପି ||93||

କିମନ୍ଯେନ ଵରେଣାତ୍ର ଏତାଵୃଦ୍ଦି ଵୃତଂ ମମ ||94||

ଋଷିରୁଵାଚ ||95||

ଵଂଚିତାଭ୍ଯାମିତି ତଦା ସର୍ଵମାପୋମଯଂ ଜଗତ୍|
ଵିଲୋକ୍ଯ ତାଭ୍ଯାଂ ଗଦିତୋ ଭଗଵାନ୍ କମଲେକ୍ଷଣଃ ||96||

ଆଵାଂ ଜହି ନ ଯତ୍ରୋର୍ଵୀ ସଲିଲେନ ପରିପ୍ଲୁତା| ||97||

ଋଷିରୁଵାଚ ||98||

ତଥେତ୍ଯୁକ୍ତ୍ଵା ଭଗଵତା ଶଂଖଚକ୍ରଗଦାଭୃତା|
କୃତ୍ଵା ଚକ୍ରେଣ ଵୈ ଛିନ୍ନେ ଜଘ୍ନେ ଶିରସୀ ତଯୋଃ ||99||

ଏଵମେଷା ସମୁତ୍ପନ୍ନା ବ୍ରହ୍ମଣା ସଂସ୍ତୁତା ସ୍ଵଯମ୍|
ପ୍ରଭାଵମସ୍ଯା ଦେଵ୍ଯାସ୍ତୁ ଭୂଯଃ ଶୃଣୁ ଵଦାମି ତେ ||100||

|| ଜଯ ଜଯ ଶ୍ରୀ ସ୍ଵସ୍ତି ଶ୍ରୀମାର୍କଂଡେଯପୁରାଣେ ସାଵର୍ଣିକେ ମନ୍ଵଂତରେ ଦେଵୀମହାତ୍ମ୍ଯେ ମଧୁକୈଟଭଵଧୋ ନାମ ପ୍ରଧମୋଽଧ୍ଯାଯଃ ||

ଆହୁତି

ଓଂ ଏଂ ସାଂଗାଯୈ ସାଯୁଧାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ଏଂ ବୀଜାଧିଷ୍ଟାଯୈ ମହା କାଳିକାଯୈ ମହା ଅହୁତିଂ ସମର୍ପଯାମି ନମଃ ସ୍ଵାହା ||

PDF, Full Site (with more options)