ଦେଵୀ ମହାତ୍ମ୍ଯମ୍ ଦେଵୀ ସୂକ୍ତମ୍
ଓଂ ଅହଂ ରୁଦ୍ରେଭିର୍ଵସୁ'ଭିଶ୍ଚରାମ୍ଯହମା''ଦିତ୍ଯୈରୁତ ଵିଶ୍ଵଦେ''ଵୈଃ |
ଅହଂ ମିତ୍ରାଵରୁ'ଣୋଭା ବି'ଭର୍ମ୍ଯହମି''ଂଦ୍ରାଗ୍ନୀ ଅହମଶ୍ଵିନୋଭା ||1||
ଅହଂ ସୋମ'ମାହନସଂ'' ବିଭର୍ମ୍ଯହଂ ତ୍ଵଷ୍ଟା''ରମୁତ ପୂଷଣଂ ଭଗମ୍'' |
ଅହଂ ଦ'ଧାମି ଦ୍ରଵି'ଣଂ ହଵିଷ୍ମ'ତେ ସୁପ୍ରାଵ୍ଯେ ଯେ' ^3 ଯଜ'ମାନାଯ ସୁନ୍ଵତେ ||2||
ଅହଂ ରାଷ୍ଟ୍ରୀ'' ସଂଗମ'ନୀ ଵସୂ''ନାଂ ଚିକିତୁଷୀ'' ପ୍ରଥମା ଯଜ୍ଞିଯା''ନାମ୍ |
ତାଂ ମା'' ଦେଵା ଵ୍ଯ'ଦଧୁଃ ପୁରୁତ୍ରା ଭୂରି'ସ୍ଥାତ୍ରାଂ ଭୂ~ର୍ଯା''ଵେଶଯଂତୀ''ମ୍ ||3||
ମଯା ସୋ ଅନ୍ନ'ମତ୍ତି ଯୋ ଵିପଶ୍ଯ'ତି ଯଃ ପ୍ରାଣି'ତି ଯ ଈଂ'' ଶୃଣୋତ୍ଯୁକ୍ତମ୍ |
ଅମଂତଵୋମାଂତ ଉପ'କ୍ଷିଯଂତି ଶ୍ରୁଧି ଶ୍ରୁ'ତଂ ଶ୍ରଦ୍ଧିଵଂ ତେ'' ଵଦାମି ||4||
ଅହମେଵ ସ୍ଵଯମିଦଂ ଵଦା'ମି ଜୁଷ୍ଟଂ'' ଦେଵେଭି'ରୁତ ମାନୁ'ଷେଭିଃ |
ଯଂ କାମଯେ ତଂ ତ'ମୁଗ୍ରଂ କୃ'ଣୋମି ତଂ ବ୍ରହ୍ମାଣଂ ତମୃଷିଂ ତଂ ସୁ'ମେଧାମ୍ ||5||
ଅହଂ ରୁଦ୍ରାଯ ଧନୁରାତ'ନୋମି ବ୍ରହ୍ମଦ୍ଵିଷେ ଶର'ଵେ ହଂତ ଵା ଉ' |
ଅହଂ ଜନା''ଯ ସମଦଂ'' କୃଣୋମ୍ଯହଂ ଦ୍ଯାଵା''ପୃଥିଵୀ ଆଵି'ଵେଶ ||6||
ଅହଂ ସୁ'ଵେ ପିତର'ମସ୍ଯ ମୂର୍ଧନ୍ ମମ ଯୋନି'ରପ୍ସ୍ଵଂତଃ ସ'ମୁଦ୍ରେ |
ତତୋ ଵିତି'ଷ୍ଠେ ଭୁଵନାନୁ ଵିଶ୍ଵୋତାମୂଂ ଦ୍ଯାଂ ଵର୍ଷ୍ମଣୋପ' ସ୍ପୃଶାମି ||7||
ଅହମେଵ ଵାତ' ଇଵ ପ୍ରଵା''ମ୍ଯା-ରଭ'ମାଣା ଭୁଵ'ନାନି ଵିଶ୍ଵା'' |
ପରୋ ଦିଵାପର ଏନା ପୃ'ଥିଵ୍ଯୈ-ତାଵ'ତୀ ମହିନା ସଂବ'ଭୂଵ ||8||
ଓଂ ଶାଂତିଃ ଶାଂତିଃ ଶାଂତିଃ' ||
|| ଇତି ଋଗ୍ଵେଦୋକ୍ତଂ ଦେଵୀସୂକ୍ତଂ ସମାପ୍ତମ୍ ||
||ତତ୍ ସତ୍ ||