Back

ଦେଵୀ ମହାତ୍ମ୍ଯମ୍ ଦେଵି କଵଚମ୍

ଓଂ ନମଶ୍ଚଂଡିକାଯୈ

ନ୍ଯାସଃ
ଅସ୍ଯ ଶ୍ରୀ ଚଂଡୀ କଵଚସ୍ଯ | ବ୍ରହ୍ମା ଋଷିଃ | ଅନୁଷ୍ଟୁପ୍ ଛଂଦଃ |
ଚାମୁଂଡା ଦେଵତା | ଅଂଗନ୍ଯାସୋକ୍ତ ମାତରୋ ବୀଜମ୍ | ନଵାଵରଣୋ ମଂତ୍ରଶକ୍ତିଃ | ଦିଗ୍ବଂଧ ଦେଵତାଃ ତତ୍ଵଂ | ଶ୍ରୀ ଜଗଦଂବା ପ୍ରୀତ୍ଯର୍ଥେ ସପ୍ତଶତୀ ପାଠାଂଗତ୍ଵେନ ଜପେ ଵିନିଯୋଗଃ ||

ଓଂ ନମଶ୍ଚଂଡିକାଯୈ

ମାର୍କଂଡେଯ ଉଵାଚ |
ଓଂ ଯଦ୍ଗୁହ୍ଯଂ ପରମଂ ଲୋକେ ସର୍ଵରକ୍ଷାକରଂ ନୃଣାମ୍ |
ଯନ୍ନ କସ୍ଯଚିଦାଖ୍ଯାତଂ ତନ୍ମେ ବ୍ରୂହି ପିତାମହ || 1 ||

ବ୍ରହ୍ମୋଵାଚ |
ଅସ୍ତି ଗୁହ୍ଯତମଂ ଵିପ୍ର ସର୍ଵଭୂତୋପକାରକମ୍ |
ଦେଵ୍ଯାସ୍ତୁ କଵଚଂ ପୁଣ୍ଯଂ ତଚ୍ଛୃଣୁଷ୍ଵ ମହାମୁନେ || 2 ||

ପ୍ରଥମଂ ଶୈଲପୁତ୍ରୀ ଚ ଦ୍ଵିତୀଯଂ ବ୍ରହ୍ମଚାରିଣୀ |
ତୃତୀଯଂ ଚଂଦ୍ରଘଂଟେତି କୂଷ୍ମାଂଡେତି ଚତୁର୍ଥକମ୍ || 3 ||

ପଂଚମଂ ସ୍କଂଦମାତେତି ଷଷ୍ଠଂ କାତ୍ଯାଯନୀତି ଚ |
ସପ୍ତମଂ କାଲରାତ୍ରୀତି ମହାଗୌରୀତି ଚାଷ୍ଟମମ୍ || 4 ||

ନଵମଂ ସିଦ୍ଧିଦାତ୍ରୀ ଚ ନଵଦୁର୍ଗାଃ ପ୍ରକୀର୍ତିତାଃ |
ଉକ୍ତାନ୍ଯେତାନି ନାମାନି ବ୍ରହ୍ମଣୈଵ ମହାତ୍ମନା || 5 ||

ଅଗ୍ନିନା ଦହ୍ଯମାନସ୍ତୁ ଶତ୍ରୁମଧ୍ଯେ ଗତୋ ରଣେ |
ଵିଷମେ ଦୁର୍ଗମେ ଚୈଵ ଭଯାର୍ତାଃ ଶରଣଂ ଗତାଃ || 6 ||

ନ ତେଷାଂ ଜାଯତେ କିଂଚିଦଶୁଭଂ ରଣସଂକଟେ |
ନାପଦଂ ତସ୍ଯ ପଶ୍ଯାମି ଶୋକଦୁଃଖଭଯଂ ନ ହି || 7 ||

ଯୈସ୍ତୁ ଭକ୍ତ୍ଯା ସ୍ମୃତା ନୂନଂ ତେଷାଂ ଵୃଦ୍ଧିଃ ପ୍ରଜାଯତେ |
ଯେ ତ୍ଵାଂ ସ୍ମରଂତି ଦେଵେଶି ରକ୍ଷସେ ତାନ୍ନସଂଶଯଃ || 8 ||

ପ୍ରେତସଂସ୍ଥା ତୁ ଚାମୁଂଡା ଵାରାହୀ ମହିଷାସନା |
ଐଂଦ୍ରୀ ଗଜସମାରୂଢା ଵୈଷ୍ଣଵୀ ଗରୁଡାସନା || 9 ||

ମାହେଶ୍ଵରୀ ଵୃଷାରୂଢା କୌମାରୀ ଶିଖିଵାହନା |
ଲକ୍ଷ୍ମୀଃ ପଦ୍ମାସନା ଦେଵୀ ପଦ୍ମହସ୍ତା ହରିପ୍ରିଯା || 10 ||

ଶ୍ଵେତରୂପଧରା ଦେଵୀ ଈଶ୍ଵରୀ ଵୃଷଵାହନା |
ବ୍ରାହ୍ମୀ ହଂସସମାରୂଢା ସର୍ଵାଭରଣଭୂଷିତା || 11 ||

ଇତ୍ଯେତା ମାତରଃ ସର୍ଵାଃ ସର୍ଵଯୋଗସମନ୍ଵିତାଃ |
ନାନାଭରଣାଶୋଭାଢ୍ଯା ନାନାରତ୍ନୋପଶୋଭିତାଃ || 12 ||

ଦୃଶ୍ଯଂତେ ରଥମାରୂଢା ଦେଵ୍ଯଃ କ୍ରୋଧସମାକୁଲାଃ |
ଶଂଖଂ ଚକ୍ରଂ ଗଦାଂ ଶକ୍ତିଂ ହଲଂ ଚ ମୁସଲାଯୁଧମ୍ || 13 ||

ଖେଟକଂ ତୋମରଂ ଚୈଵ ପରଶୁଂ ପାଶମେଵ ଚ |
କୁଂତାଯୁଧଂ ତ୍ରିଶୂଲଂ ଚ ଶାରଂଗମାଯୁଧମୁତ୍ତମମ୍ || 14 ||

ଦୈତ୍ଯାନାଂ ଦେହନାଶାଯ ଭକ୍ତାନାମଭଯାଯ ଚ |
ଧାରଯଂତ୍ଯାଯୁଧାନୀତ୍ଥଂ ଦେଵାନାଂ ଚ ହିତାଯ ଵୈ || 15 ||

ନମସ୍ତେଽସ୍ତୁ ମହାରୌଦ୍ରେ ମହାଘ୍ରପରାକ୍ରମେ |
ମହାବଲେ ମହୋତ୍ସାହେ ମହାଭଯଵିନାଶିନି || 16 ||

ତ୍ରାହି ମାଂ ଦେଵି ଦୁଷ୍ପ୍ରେକ୍ଷ୍ଯେ ଶତ୍ରୂଣାଂ ଭଯଵର୍ଧିନି |
ପ୍ରାଚ୍ଯାଂ ରକ୍ଷତୁ ମାମୈଂଦ୍ରୀ ଆଗ୍ନେଯ୍ଯାମଗ୍ନିଦେଵତା || 17 ||

ଦକ୍ଷିଣେଽଵତୁ ଵାରାହୀ ନୈରୃତ୍ଯାଂ ଖଡ୍ଗଧାରିଣୀ |
ପ୍ରତୀଚ୍ଯାଂ ଵାରୁଣୀ ରକ୍ଷେଦ୍ଵାଯଵ୍ଯାଂ ମୃଗଵାହିନୀ || 18 ||

ଉଦୀଚ୍ଯାଂ ପାତୁ କୌମାରୀ ଐଶାନ୍ଯାଂ ଶୂଲଧାରିଣୀ |
ଊର୍ଧ୍ଵଂ ବ୍ରହ୍ମାଣୀ ମେ ରକ୍ଷେଦଧସ୍ତାଦ୍ଵୈଷ୍ଣଵୀ ତଥା || 19 ||

ଏଵଂ ଦଶ ଦିଶୋ ରକ୍ଷେଚ୍ଚାମୁଂଡା ଶଵଵାହନା |
ଜଯା ମେ ଚାଗ୍ରତଃ ପାତୁ ଵିଜଯା ପାତୁ ପୃଷ୍ଠତଃ || 20 ||

ଅଜିତା ଵାମପାର୍ଶ୍ଵେ ତୁ ଦକ୍ଷିଣେ ଚାପରାଜିତା |
ଶିଖାମୁଦ୍ଯୋତିନୀ ରକ୍ଷେଦୁମା ମୂର୍ଧ୍ନି ଵ୍ଯଵସ୍ଥିତା || 21 ||

ମାଲାଧରୀ ଲଲାଟେ ଚ ଭ୍ରୁଵୌ ରକ୍ଷେଦ୍ଯଶସ୍ଵିନୀ |
ତ୍ରିନେତ୍ରା ଚ ଭ୍ରୁଵୋର୍ମଧ୍ଯେ ଯମଘଂଟା ଚ ନାସିକେ || 22 ||

ଶଂଖିନୀ ଚକ୍ଷୁଷୋର୍ମଧ୍ଯେ ଶ୍ରୋତ୍ରଯୋର୍ଦ୍ଵାରଵାସିନୀ |
କପୋଲୌ କାଲିକା ରକ୍ଷେତ୍କର୍ଣମୂଲେ ତୁ ଶାଂକରୀ || 23 ||

ନାସିକାଯାଂ ସୁଗଂଧା ଚ ଉତ୍ତରୋଷ୍ଠେ ଚ ଚର୍ଚିକା |
ଅଧରେ ଚାମୃତକଲା ଜିହ୍ଵାଯାଂ ଚ ସରସ୍ଵତୀ || 24 ||

ଦଂତାନ୍ ରକ୍ଷତୁ କୌମାରୀ କଂଠଦେଶେ ତୁ ଚଂଡିକା |
ଘଂଟିକାଂ ଚିତ୍ରଘଂଟା ଚ ମହାମାଯା ଚ ତାଲୁକେ || 25 ||

କାମାକ୍ଷୀ ଚିବୁକଂ ରକ୍ଷେଦ୍ଵାଚଂ ମେ ସର୍ଵମଂଗଳା |
ଗ୍ରୀଵାଯାଂ ଭଦ୍ରକାଳୀ ଚ ପୃଷ୍ଠଵଂଶେ ଧନୁର୍ଧରୀ || 26 ||

ନୀଲଗ୍ରୀଵା ବହିଃ କଂଠେ ନଲିକାଂ ନଲକୂବରୀ |
ସ୍କଂଧଯୋଃ ଖଡ୍ଗିନୀ ରକ୍ଷେଦ୍ବାହୂ ମେ ଵଜ୍ରଧାରିଣୀ || 27 ||

ହସ୍ତଯୋର୍ଦଂଡିନୀ ରକ୍ଷେଦଂବିକା ଚାଂଗୁଲୀଷୁ ଚ |
ନଖାଂଛୂଲେଶ୍ଵରୀ ରକ୍ଷେତ୍କୁକ୍ଷୌ ରକ୍ଷେତ୍କୁଲେଶ୍ଵରୀ || 28 ||

ସ୍ତନୌ ରକ୍ଷେନ୍ମହାଦେଵୀ ମନଃଶୋକଵିନାଶିନୀ |
ହୃଦଯେ ଲଲିତା ଦେଵୀ ଉଦରେ ଶୂଲଧାରିଣୀ || 29 ||

ନାଭୌ ଚ କାମିନୀ ରକ୍ଷେଦ୍ଗୁହ୍ଯଂ ଗୁହ୍ଯେଶ୍ଵରୀ ତଥା |
ପୂତନା କାମିକା ମେଢ୍ରଂ ଗୁଦେ ମହିଷଵାହିନୀ || 30 ||

କଟ୍ଯାଂ ଭଗଵତୀ ରକ୍ଷେଜ୍ଜାନୁନୀ ଵିଂଧ୍ଯଵାସିନୀ |
ଜଂଘ୍ ମହାବଲା ରକ୍ଷେତ୍ସର୍ଵକାମପ୍ରଦାଯିନୀ || 31 ||

ଗୁଲ୍ଫଯୋର୍ନାରସିଂହୀ ଚ ପାଦପୃଷ୍ଠେ ତୁ ତୈଜସୀ |
ପାଦାଂଗୁଲୀଷୁ ଶ୍ରୀ ରକ୍ଷେତ୍ପାଦାଧସ୍ତଲଵାସିନୀ || 32 ||

ନଖାନ୍ ଦଂଷ୍ଟ୍ରକରାଲୀ ଚ କେଶାଂଶ୍ଚୈଵୋର୍ଧ୍ଵକେଶିନୀ |
ରୋମକୂପେଷୁ କୌବେରୀ ତ୍ଵଚଂ ଵାଗୀଶ୍ଵରୀ ତଥା || 33 ||

ରକ୍ତମଜ୍ଜାଵସାମାଂସାନ୍ଯସ୍ଥିମେଦାଂସି ପାର୍ଵତୀ |
ଅଂତ୍ରାଣି କାଲରାତ୍ରିଶ୍ଚ ପିତ୍ତଂ ଚ ମୁକୁଟେଶ୍ଵରୀ || 34 ||

ପଦ୍ମାଵତୀ ପଦ୍ମକୋଶେ କଫେ ଚୂଡାମଣିସ୍ତଥା |
ଜ୍ଵାଲାମୁଖୀ ନଖଜ୍ଵାଲାମଭେଦ୍ଯା ସର୍ଵସଂଧିଷୁ || 35 ||

ଶୁକ୍ରଂ ବ୍ରହ୍ମାଣି! ମେ ରକ୍ଷେଚ୍ଛାଯାଂ ଛତ୍ରେଶ୍ଵରୀ ତଥା |
ଅହଂକାରଂ ମନୋ ବୁଦ୍ଧିଂ ରକ୍ଷେନ୍ମେ ଧର୍ମଧାରିଣୀ || 36 ||

ପ୍ରାଣାପାନୌ ତଥା ଵ୍ଯାନମୁଦାନଂ ଚ ସମାନକମ୍ |
ଵଜ୍ରହସ୍ତା ଚ ମେ ରକ୍ଷେତ୍ପ୍ରାଣଂ କଲ୍ଯାଣଶୋଭନା || 37 ||

ରସେ ରୂପେ ଚ ଗଂଧେ ଚ ଶବ୍ଦେ ସ୍ପର୍ଶେ ଚ ଯୋଗିନୀ |
ସତ୍ତ୍ଵଂ ରଜସ୍ତମଶ୍ଚୈଵ ରକ୍ଷେନ୍ନାରାଯଣୀ ସଦା || 38 ||

ଆଯୂ ରକ୍ଷତୁ ଵାରାହୀ ଧର୍ମଂ ରକ୍ଷତୁ ଵୈଷ୍ଣଵୀ |
ଯଶଃ କୀର୍ତିଂ ଚ ଲକ୍ଷ୍ମୀଂ ଚ ଧନଂ ଵିଦ୍ଯାଂ ଚ ଚକ୍ରିଣୀ || 39 ||

ଗୋତ୍ରମିଂଦ୍ରାଣି! ମେ ରକ୍ଷେତ୍ପଶୂନ୍ମେ ରକ୍ଷ ଚଂଡିକେ |
ପୁତ୍ରାନ୍ ରକ୍ଷେନ୍ମହାଲକ୍ଷ୍ମୀର୍ଭାର୍ଯାଂ ରକ୍ଷତୁ ଭୈରଵୀ || 40 ||

ପଂଥାନଂ ସୁପଥା ରକ୍ଷେନ୍ମାର୍ଗଂ କ୍ଷେମକରୀ ତଥା |
ରାଜଦ୍ଵାରେ ମହାଲକ୍ଷ୍ମୀର୍ଵିଜଯା ସର୍ଵତଃ ସ୍ଥିତା || 41 ||

ରକ୍ଷାହୀନଂ ତୁ ଯତ୍-ସ୍ଥାନଂ ଵର୍ଜିତଂ କଵଚେନ ତୁ |
ତତ୍ସର୍ଵଂ ରକ୍ଷ ମେ ଦେଵି! ଜଯଂତୀ ପାପନାଶିନୀ || 42 ||

ପଦମେକଂ ନ ଗଚ୍ଛେତ୍ତୁ ଯଦୀଚ୍ଛେଚ୍ଛୁଭମାତ୍ମନଃ |
କଵଚେନାଵୃତୋ ନିତ୍ଯଂ ଯତ୍ର ଯତ୍ରୈଵ ଗଚ୍ଛତି || 43 ||

ତତ୍ର ତତ୍ରାର୍ଥଲାଭଶ୍ଚ ଵିଜଯଃ ସାର୍ଵକାମିକଃ |
ଯଂ ଯଂ ଚିଂତଯତେ କାମଂ ତଂ ତଂ ପ୍ରାପ୍ନୋତି ନିଶ୍ଚିତମ୍ || 44 ||

ପରମୈଶ୍ଵର୍ଯମତୁଲଂ ପ୍ରାପ୍ସ୍ଯତେ ଭୂତଲେ ପୁମାନ୍ |
ନିର୍ଭଯୋ ଜାଯତେ ମର୍ତ୍ଯଃ ସଂଗ୍ରାମେଷ୍ଵପରାଜିତଃ || 45 ||

ତ୍ରୈଲୋକ୍ଯେ ତୁ ଭଵେତ୍ପୂଜ୍ଯଃ କଵଚେନାଵୃତଃ ପୁମାନ୍ |
ଇଦଂ ତୁ ଦେଵ୍ଯାଃ କଵଚଂ ଦେଵାନାମପି ଦୁର୍ଲଭମ୍ || 46 ||

ଯଃ ପଠେତ୍ପ୍ରଯତୋ ନିତ୍ଯଂ ତ୍ରିସଂଧ୍ଯଂ ଶ୍ରଦ୍ଧଯାନ୍ଵିତଃ |
ଦୈଵୀକଲା ଭଵେତ୍ତସ୍ଯ ତ୍ରୈଲୋକ୍ଯେଷ୍ଵପରାଜିତଃ | 47 ||

ଜୀଵେଦ୍ଵର୍ଷଶତଂ ସାଗ୍ରମପମୃତ୍ଯୁଵିଵର୍ଜିତଃ |
ନଶ୍ଯଂତି ଵ୍ଯାଧଯଃ ସର୍ଵେ ଲୂତାଵିସ୍ଫୋଟକାଦଯଃ || 48 ||

ସ୍ଥାଵରଂ ଜଂଗମଂ ଚୈଵ କୃତ୍ରିମଂ ଚୈଵ ଯଦ୍ଵିଷମ୍ |
ଅଭିଚାରାଣି ସର୍ଵାଣି ମଂତ୍ରଯଂତ୍ରାଣି ଭୂତଲେ || 49 ||

ଭୂଚରାଃ ଖେଚରାଶ୍ଚୈଵ ଜୁଲଜାଶ୍ଚୋପଦେଶିକାଃ |
ସହଜା କୁଲଜା ମାଲା ଡାକିନୀ ଶାକିନୀ ତଥା || 50 ||

ଅଂତରିକ୍ଷଚରା ଘ୍ରା ଡାକିନ୍ଯଶ୍ଚ ମହାବଲାଃ |
ଗ୍ରହଭୂତପିଶାଚାଶ୍ଚ ଯକ୍ଷଗଂଧର୍ଵରାକ୍ଷସାଃ || 51 ||

ବ୍ରହ୍ମରାକ୍ଷସଵେତାଲାଃ କୂଷ୍ମାଂଡା ଭୈରଵାଦଯଃ |
ନଶ୍ଯଂତି ଦର୍ଶନାତ୍ତସ୍ଯ କଵଚେ ହୃଦି ସଂସ୍ଥିତେ || 52 ||

ମାନୋନ୍ନତିର୍ଭଵେଦ୍ରାଜ୍ଞସ୍ତେଜୋଵୃଦ୍ଧିକରଂ ପରଂ |
ଯଶସା ଵର୍ଧତେ ସୋଽପି କୀର୍ତିମଂଡିତଭୂତଲେ || 53 ||

ଜପେତ୍ସପ୍ତଶତୀଂ ଚଂଡୀଂ କୃତ୍ଵା ତୁ କଵଚଂ ପୁରା |
ଯାଵଦ୍ଭୂମଂଡଲଂ ଧତ୍ତେ ସଶୈଲଵନକାନନମ୍ || 54 ||

ତାଵତ୍ତିଷ୍ଠତି ମେଦିନ୍ଯାଂ ସଂତତିଃ ପୁତ୍ରପୌତ୍ରିକୀ |
ଦେହାଂତେ ପରମଂ ସ୍ଥାନଂ ଯତ୍ସୁରୈରପି ଦୁର୍ଲଭମ୍ || 55 ||

ପ୍ରାପ୍ନୋତି ପୁରୁଷୋ ନିତ୍ଯଂ ମହାମାଯାପ୍ରସାଦତଃ |
ଲଭତେ ପରମଂ ରୂପଂ ଶିଵେନ ସହ ମୋଦତେ || 56 ||

|| ଇତି ଵାରାହପୁରାଣେ ହରିହରବ୍ରହ୍ମ ଵିରଚିତଂ ଦେଵ୍ଯାଃ କଵଚଂ ସଂପୂର୍ଣମ୍ ||


PDF, Full Site (with more options)