ଦକ୍ଷିଣା ମୂର୍ତି ସ୍ତୋତ୍ରମ୍
ଶାଂତିପାଠଃ
ଓଂ ଯୋ ବ୍ରହ୍ମାଣଂ ଵିଦଧାତି ପୂର୍ଵଂ
ଯୋ ଵୈ ଵେଦାଂଶ୍ଚ ପ୍ରହିଣୋତି ତସ୍ମୈ |
ତଂହଦେଵମାତ୍ମ ବୁଦ୍ଧିପ୍ରକାଶଂ
ମୁମୁକ୍ଷୁର୍ଵୈ ଶରଣମହଂ ପ୍ରପଦ୍ଯେ ||
ଧ୍ଯାନମ୍
ଓଂ ମୌନଵ୍ଯାଖ୍ଯା ପ୍ରକଟିତପରବ୍ରହ୍ମତତ୍ଵଂଯୁଵାନଂ
ଵର୍ଶିଷ୍ଠାଂତେଵସଦୃଷିଗଣୈରାଵୃତଂ ବ୍ରହ୍ମନିଷ୍ଠୈଃ |
ଆଚାର୍ଯେଂଦ୍ରଂ କରକଲିତ ଚିନ୍ମୁଦ୍ରମାନଂଦମୂର୍ତିଂ
ସ୍ଵାତ୍ମରାମଂ ମୁଦିତଵଦନଂ ଦକ୍ଷିଣାମୂର୍ତିମୀଡେ ||
ଵଟଵିଟପିସମୀପେ ଭୂମିଭାଗେ ନିଷଣ୍ଣଂ
ସକଲମୁନିଜନାନାଂ ଜ୍ଞାନଦାତାରମାରାତ୍ |
ତ୍ରିଭୁଵନଗୁରୁମୀଶଂ ଦକ୍ଷିଣାମୂର୍ତିଦେଵଂ
ଜନନମରଣଦୁଃଖଚ୍ଛେଦ ଦକ୍ଷଂ ନମାମି ||
ଚିତ୍ରଂ ଵଟତରୋର୍ମୂଲେ ଵୃଦ୍ଧାଃ ଶିଷ୍ଯାଃ ଗୁରୁର୍ଯୁଵା |
ଗୁରୋସ୍ତୁ ମୌନଵ୍ଯାଖ୍ଯାନଂ ଶିଷ୍ଯାସ୍ତୁଚ୍ଛିନ୍ନସଂଶଯାଃ ||
ଓଂ ନମଃ ପ୍ରଣଵାର୍ଥାଯ ଶୁଦ୍ଧଜ୍ଞାନୈକମୂର୍ତଯେ |
ନିର୍ମଲାଯ ପ୍ରଶାଂତାଯ ଦକ୍ଷିଣାମୂର୍ତଯେ ନମଃ ||
ଗୁରୁର୍ବ୍ରହ୍ମା ଗୁରୁର୍ଵିଷ୍ଣୁଃ ଗୁରୁର୍ଦେଵୋ ମହେଶ୍ଵରଃ |
ଗୁରୁସ୍ସାକ୍ଷାତ୍ ପରଂ ବ୍ରହ୍ମା ତସ୍ମୈ ଶ୍ରୀ ଗୁରଵେ ନମଃ ||
ନିଧଯେ ସର୍ଵଵିଦ୍ଯାନାଂ ଭିଷଜେ ଭଵରୋଗିଣାମ୍ |
ଗୁରଵେ ସର୍ଵଲୋକାନାଂ ଦକ୍ଷିଣାମୂର୍ତଯେ ନମଃ ||
ଚିଦୋଘନାଯ ମହେଶାଯ ଵଟମୂଲନିଵାସିନେ |
ସଚ୍ଚିଦାନଂଦ ରୂପାଯ ଦକ୍ଷିଣାମୂର୍ତଯେ ନମଃ ||
ଈଶ୍ଵରୋ ଗୁରୁରାତ୍ମେତି ମୂତ୍ରିଭେଦ ଵିଭାଗିନେ |
ଵ୍ଯୋମଵଦ୍ ଵ୍ଯାପ୍ତଦେହାଯ ଦକ୍ଷିଣାମୂର୍ତଯେ ନମଃ ||
ଅଂଗୁଷ୍ଥତର୍ଜନୀଯୋଗମୁଦ୍ରା ଵ୍ଯାଜେନଯୋଗିନାମ୍ |
ଶୃତ୍ଯର୍ଥଂ ବ୍ରହ୍ମଜୀଵୈକ୍ଯଂ ଦର୍ଶଯନ୍ଯୋଗତା ଶିଵଃ ||
ଓଂ ଶାଂତିଃ ଶାଂତିଃ ଶାଂତିଃ ||
ଵିଶ୍ଵଂଦର୍ପଣ ଦୃଶ୍ଯମାନ ନଗରୀ ତୁଲ୍ଯଂ ନିଜାଂତର୍ଗତଂ
ପଶ୍ଯନ୍ନାତ୍ମନି ମାଯଯା ବହିରିଵୋଦ୍ଭୂତଂ ଯଥାନିଦ୍ରଯା |
ଯସ୍ସାକ୍ଷାତ୍କୁରୁତେ ପ୍ରଭୋଧସମଯେ ସ୍ଵାତ୍ମାନମେ ଵାଦ୍ଵଯଂ
ତସ୍ମୈ ଶ୍ରୀଗୁରୁମୂର୍ତଯେ ନମ ଇଦଂ ଶ୍ରୀ ଦକ୍ଷିଣାମୂର୍ତଯେ || 1 ||
ବୀଜସ୍ଯାଂତତି ଵାଂକୁରୋ ଜଗଦିତଂ ପ୍ରାଙ୍ନର୍ଵିକଲ୍ପଂ ପୁନଃ
ମାଯାକଲ୍ପିତ ଦେଶକାଲକଲନା ଵୈଚିତ୍ର୍ଯଚିତ୍ରୀକୃତଂ |
ମାଯାଵୀଵ ଵିଜୃଂଭଯତ୍ଯପି ମହାଯୋଗୀଵ ଯଃ ସ୍ଵେଚ୍ଛଯା
ତସ୍ମୈ ଶ୍ରୀଗୁରୁମୂର୍ତଯେ ନମ ଇଦଂ ଶ୍ରୀ ଦକ୍ଷିଣାମୂର୍ତଯେ || 2 ||
ଯସ୍ଯୈଵ ସ୍ଫୁରଣଂ ସଦାତ୍ମକମସତ୍କଲ୍ପାର୍ଥକଂ ଭାସତେ
ସାକ୍ଷାତ୍ତତ୍ଵମସୀତି ଵେଦଵଚସା ଯୋ ବୋଧଯତ୍ଯାଶ୍ରିତାନ୍ |
ଯସ୍ସାକ୍ଷାତ୍କରଣାଦ୍ଭଵେନ୍ନ ପୁରନାଵୃତ୍ତିର୍ଭଵାଂଭୋନିଧୌ
ତସ୍ମୈ ଶ୍ରୀଗୁରୁମୂର୍ତଯେ ନମ ଇଦଂ ଶ୍ରୀ ଦକ୍ଷିଣାମୂର୍ତଯେ || 3 ||
ନାନାଚ୍ଛିଦ୍ର ଘ୍ଟୋଦର ସ୍ଥିତ ମହାଦୀପ ପ୍ରଭାଭାସ୍ଵରଂ
ଜ୍ଞାନଂ ଯସ୍ଯ ତୁ ଚକ୍ଷୁରାଦିକରଣ ଦ୍ଵାରା ବହିଃ ସ୍ପଂଦତେ |
ଜାନାମୀତି ତମେଵ ଭାଂତମନୁଭାତ୍ଯେତତ୍ସମସ୍ତଂ ଜଗତ୍
ତସ୍ମୈ ଶ୍ରୀ ଗୁରୁମୂର୍ତଯେ ନମ ଇଦଂ ଶ୍ରୀ ଦକ୍ଷିଣାମୂର୍ତଯେ || 4 ||
ଦେହଂ ପ୍ରାଣମପୀଂଦ୍ରିଯାଣ୍ଯପି ଚଲାଂ ବୁଦ୍ଧିଂ ଚ ଶୂନ୍ଯଂ ଵିଦୁଃ
ସ୍ତ୍ରୀ ବାଲାଂଧ ଜଡୋପମାସ୍ତ୍ଵହମିତି ଭ୍ରାଂତାଭୃଶଂ ଵାଦିନଃ |
ମାଯାଶକ୍ତି ଵିଲାସକଲ୍ପିତ ମହାଵ୍ଯାମୋହ ସଂହାରିଣେ
ତସ୍ମୈ ଶ୍ରୀ ଗୁରୁମୂର୍ତଯେ ନମ ଇଦଂ ଶ୍ରୀ ଦକ୍ଷିଣାମୂର୍ତଯେ || 5 ||
ରାହୁଗ୍ରସ୍ତ ଦିଵାକରେଂଦୁ ସଦୃଶୋ ମାଯା ସମାଚ୍ଛାଦନାତ୍
ସନ୍ମାତ୍ରଃ କରଣୋପ ସଂହରଣତୋ ଯୋଽଭୂତ୍ସୁଷୁପ୍ତଃ ପୁମାନ୍ |
ପ୍ରାଗସ୍ଵାପ୍ସମିତି ପ୍ରଭୋଦସମଯେ ଯଃ ପ୍ରତ୍ଯଭିଜ୍ଞାଯତେ
ତସ୍ମୈ ଶ୍ରୀ ଗୁରୁମୂର୍ତଯେ ନମ ଇଦଂ ଶ୍ରୀ ଦକ୍ଷିଣାମୂର୍ତଯେ || 6 ||
ବାଲ୍ଯାଦିଷ୍ଵପି ଜାଗ୍ରଦାଦିଷୁ ତଥା ସର୍ଵାସ୍ଵଵସ୍ଥାସ୍ଵପି
ଵ୍ଯାଵୃତ୍ତା ସ୍ଵନୁ ଵର୍ତମାନ ମହମିତ୍ଯଂତଃ ସ୍ଫୁରଂତଂ ସଦା |
ସ୍ଵାତ୍ମାନଂ ପ୍ରକଟୀକରୋତି ଭଜତାଂ ଯୋ ମୁଦ୍ରଯା ଭଦ୍ରଯା
ତସ୍ମୈ ଶ୍ରୀ ଗୁରୁମୂର୍ତଯେ ନମ ଇଦଂ ଶ୍ରୀ ଦକ୍ଷିଣାମୂର୍ତଯେ || 7 ||
ଵିଶ୍ଵଂ ପଶ୍ଯତି କାର୍ଯକାରଣତଯା ସ୍ଵସ୍ଵାମିସଂବଂଧତଃ
ଶିଷ୍ଯଚାର୍ଯତଯା ତଥୈଵ ପିତୃ ପୁତ୍ରାଦ୍ଯାତ୍ମନା ଭେଦତଃ |
ସ୍ଵପ୍ନେ ଜାଗ୍ରତି ଵା ଯ ଏଷ ପୁରୁଷୋ ମାଯା ପରିଭ୍ରାମିତଃ
ତସ୍ମୈ ଶ୍ରୀ ଗୁରୁମୂର୍ତଯେ ନମ ଇଦଂ ଶ୍ରୀ ଦକ୍ଷିଣାମୂର୍ତଯେ || 8 ||
ଭୂରଂଭାଂସ୍ଯନଲୋଽନିଲୋଽଂବର ମହର୍ନାଥୋ ହିମାଂଶୁଃ ପୁମାନ୍
ଇତ୍ଯାଭାତି ଚରାଚରାତ୍ମକମିଦଂ ଯସ୍ଯୈଵ ମୂର୍ତ୍ଯଷ୍ଟକମ୍ |
ନାନ୍ଯତ୍କିଂଚନ ଵିଦ୍ଯତେ ଵିମୃଶତାଂ ଯସ୍ମାତ୍ପରସ୍ମାଦ୍ଵିଭୋ
ତସ୍ମୈ ଗୁରୁମୂର୍ତଯେ ନମ ଇଦଂ ଶ୍ରୀ ଦକ୍ଷିଣାମୂର୍ତଯେ || 9 ||
ସର୍ଵାତ୍ମତ୍ଵମିତି ସ୍ଫୁଟୀକୃତମିଦଂ ଯସ୍ମାଦମୁଷ୍ମିନ୍ ସ୍ତଵେ
ତେନାସ୍ଵ ଶ୍ରଵଣାତ୍ତଦର୍ଥ ମନନାଦ୍ଧ୍ଯାନାଚ୍ଚ ସଂକୀର୍ତନାତ୍ |
ସର୍ଵାତ୍ମତ୍ଵମହାଵିଭୂତି ସହିତଂ ସ୍ଯାଦୀଶ୍ଵରତ୍ଵଂ ସ୍ଵତଃ
ସିଦ୍ଧ୍ଯେତ୍ତତ୍ପୁନରଷ୍ଟଧା ପରିଣତଂ ଚୈଶ୍ଵର୍ଯ ମଵ୍ଯାହତମ୍ || 10 ||
|| ଇତି ଶ୍ରୀମଚ୍ଛଂକରାଚାର୍ଯଵିରଚିତଂ ଦକ୍ଷିଣାମୁର୍ତିସ୍ତୋତ୍ରଂ ସଂପୂର୍ଣମ୍ ||