ଚଂଦ୍ର କଵଚମ୍
ଅସ୍ଯ ଶ୍ରୀ ଚଂଦ୍ର କଵଚସ୍ଯ | ଗୌତମ ଋଷିଃ | ଅନୁଷ୍ଟୁପ୍ ଛଂଦଃ | ଶ୍ରୀ ଚଂଦ୍ରୋ ଦେଵତା | ଚଂଦ୍ର ପ୍ରୀତ୍ଯର୍ଥେ ଜପେ ଵିନିଯୋଗଃ ||
ଧ୍ଯାନଂ
ସମଂ ଚତୁର୍ଭୁଜଂ ଵଂଦେ କେଯୂର ମକୁଟୋଜ୍ଵଲମ୍ |
ଵାସୁଦେଵସ୍ଯ ନଯନଂ ଶଂକରସ୍ଯ ଚ ଭୂଷଣମ୍ ||
ଏଵଂ ଧ୍ଯାତ୍ଵା ଜପେନ୍ନିତ୍ଯଂ ଶଶିନଃ କଵଚଂ ଶୁଭମ୍ ||
ଅଥ ଚଂଦ୍ର କଵଚମ୍
ଶଶୀ ପାତୁ ଶିରୋଦେଶଂ ଭାଲଂ ପାତୁ କଲାନିଧିଃ |
ଚକ୍ଷୁଷୀ ଚଂଦ୍ରମାଃ ପାତୁ ଶ୍ରୁତୀ ପାତୁ ନିଶାପତିଃ || 1 ||
ପ୍ରାଣଂ କ୍ଷପକରଃ ପାତୁ ମୁଖଂ କୁମୁଦବାଂଧଵଃ |
ପାତୁ କଂଠଂ ଚ ମେ ସୋମଃ ସ୍କଂଧେ ଜୈଵାତୃକସ୍ତଥା || 2 ||
କରୌ ସୁଧାକରଃ ପାତୁ ଵକ୍ଷଃ ପାତୁ ନିଶାକରଃ |
ହୃଦଯଂ ପାତୁ ମେ ଚଂଦ୍ରୋ ନାଭିଂ ଶଂକରଭୂଷଣଃ || 3 ||
ମଧ୍ଯଂ ପାତୁ ସୁରଶ୍ରେଷ୍ଠଃ କଟିଂ ପାତୁ ସୁଧାକରଃ |
ଊରୂ ତାରାପତିଃ ପାତୁ ମୃଗାଂକୋ ଜାନୁନୀ ସଦା || 4 ||
ଅବ୍ଧିଜଃ ପାତୁ ମେ ଜଂଘ୍ ପାତୁ ପାଦୌ ଵିଧୁଃ ସଦା |
ସର୍ଵାଣ୍ଯନ୍ଯାନି ଚାଂଗାନି ପାତୁ ଚଂଦ୍ରୋଖିଲଂ ଵପୁଃ || 5 ||
ଫଲଶ୍ରୁତିଃ
ଏତଦ୍ଧି କଵଚଂ ଦିଵ୍ଯଂ ଭୁକ୍ତି ମୁକ୍ତି ପ୍ରଦାଯକମ୍ |
ଯଃ ପଠେଚ୍ଛୃଣୁଯାଦ୍ଵାପି ସର୍ଵତ୍ର ଵିଜଯୀ ଭଵେତ୍ || 6 ||
|| ଇତି ଶ୍ରୀଚଂଦ୍ର କଵଚଂ ସଂପୂର୍ଣମ୍ ||