Back

ବୃହସ୍ପତି କଵଚମ୍ (ଗୁରୁ କଵଚମ୍)

ଅସ୍ଯ ଶ୍ରୀବୃହସ୍ପତି କଵଚମହା ମଂତ୍ରସ୍ଯ, ଈଶ୍ଵର ଋଷିଃ,
ଅନୁଷ୍ଟୁପ୍ ଛଂଦଃ, ବୃହସ୍ପତିର୍ଦେଵତା,
ଗଂ ବୀଜଂ, ଶ୍ରୀଂ ଶକ୍ତିଃ, କ୍ଲୀଂ କୀଲକମ୍,
ବୃହସ୍ପତି ପ୍ରସାଦ ସିଦ୍ଧ୍ଯର୍ଥେ ଜପେ ଵିନିଯୋଗଃ ||

ଧ୍ଯାନମ୍
ଅଭୀଷ୍ଟଫଲଦଂ ଵଂଦେ ସର୍ଵଜ୍ଞଂ ସୁରପୂଜିତମ୍ |
ଅକ୍ଷମାଲାଧରଂ ଶାଂତଂ ପ୍ରଣମାମି ବୃହସ୍ପତିମ୍ ||

ଅଥ ବୃହସ୍ପତି କଵଚମ୍
ବୃହସ୍ପତିଃ ଶିରଃ ପାତୁ ଲଲାଟଂ ପାତୁ ମେ ଗୁରୁଃ |
କର୍ଣୌ ସୁରଗୁରୁଃ ପାତୁ ନେତ୍ରେ ମେଭୀଷ୍ଟଦାଯକଃ || 1 ||

ଜିହ୍ଵାଂ ପାତୁ ସୁରାଚାର୍ଯଃ ନାସଂ ମେ ଵେଦପାରଗଃ |
ମୁଖଂ ମେ ପାତୁ ସର୍ଵଜ୍ଞଃ କଂଠଂ ମେ ଦେଵତାଗୁରୁଃ || 2 ||

ଭୁଜା ଵଂଗୀରସଃ ପାତୁ କରୌ ପାତୁ ଶୁଭପ୍ରଦଃ |
ସ୍ତନୌ ମେ ପାତୁ ଵାଗୀଶଃ କୁକ୍ଷିଂ ମେ ଶୁଭଲକ୍ଷଣଃ || 3 ||

ନାଭିଂ ଦେଵଗୁରୁଃ ପାତୁ ମଧ୍ଯଂ ପାତୁ ସୁଖପ୍ରଦଃ |
କଟିଂ ପାତୁ ଜଗଦ୍ଵଂଦ୍ଯଃ ଊରୂ ମେ ପାତୁ ଵାକ୍ପତିଃ || 4 ||

ଜାନୁଜଂଘ୍ ସୁରାଚାର୍ଯଃ ପାଦୌ ଵିଶ୍ଵାତ୍ମକଃ ସଦା |
ଅନ୍ଯାନି ଯାନି ଚାଂଗାନି ରକ୍ଷେନ୍ମେ ସର୍ଵତୋ ଗୁରୁଃ || 5 ||

ଫଲଶୃତିଃ
ଇତ୍ଯେତତ୍କଵଚଂ ଦିଵ୍ଯଂ ତ୍ରିସଂଧ୍ଯଂ ଯଃ ପଠେନ୍ନରଃ |
ସର୍ଵାନ୍ କାମାନଵାପ୍ନୋତି ସର୍ଵତ୍ର ଵିଜଯୀ ଭଵେତ୍ ||

|| ଇତି ଶ୍ରୀ ବୃହସ୍ପତି କଵଚମ୍ ||

PDF, Full Site (with more options)