ଭର୍ତୃହରେଃ ଶତକ ତ୍ରିଶତି - ଵୈରାଗ୍ଯ ଶତକମ୍
ଚୂଡୋତ୍ତଂସିତଚଂଦ୍ରଚାରୁକଲିକାଚଂଚଚ୍ଛିଖାଭାସ୍ଵରୋ
ଲୀଲାଦଗ୍ଧଵିଲୋଲକାମଶଲଭଃ ଶ୍ରେଯୋଦଶାଗ୍ରେ ସ୍ଫୁରନ୍ |
ଅଂତଃସ୍ଫୂର୍ଜଦ୍^^ଅପାରମୋହତିମିରପ୍ରାଗ୍ଭାରଂ ଉଚ୍ଚାଟଯନ୍
ଶ୍ଵେତଃସଦ୍ମନି ଯୋଗିନାଂ ଵିଜଯତେ ଜ୍ଞାନପ୍ରଦୀପୋ ହରଃ || 31 ||
ଭ୍ରାଂତଂ ଦେଶଂ ଅନେକଦୁର୍ଗଵିଷମଂ ପ୍ରାପ୍ତଂ ନ କିଂଚିତ୍ଫଲଂ
ତ୍ଯକ୍ତ୍ଵା ଜାତିକୁଲାଭିମାନଂ ଉଚିତଂ ସେଵା କୃତା ନିଷ୍ଫଲା |
ଭୁକ୍ତଂ ମାନଵିଵର୍ଜିତଂ ପରଗୃହେଷ୍ଵାଶଂକଯା କାକଵତ୍
ତୃଷ୍ଣେ ଜୃଂଭସି ପାପକର୍ମପିଶୁନେ ନାଦ୍ଯାପି ସଂତୁଷ୍ଯସି || 32 ||
ଉତ୍ଖାତଂ ନିଧିଶଂକଯା କ୍ଷିତିତଲଂ ଧ୍ମାତା ଗିରେର୍ଧାତଵୋ
ନିସ୍ତୀର୍ଣଃ ସରିତାଂ ପତିର୍ନୃପତଯୋ ଯତ୍ନେନ ସଂତୋଷିତାଃ |
ମଂତ୍ରାରାଧନତତ୍ପରେଣ ମନସା ନୀତାଃ ଶ୍ମଶାନେ ନିଶାଃ
ପ୍ରାପ୍ତଃ କାଣଵରାଟକୋଽପି ନ ମଯା ତୃଷ୍ଣେ ସକାମା ଭଵ || 33 ||
ଖଲାଲାପାଃ ସୌଢାଃ କଥଂ ଅପି ତଦ୍^^ଆରାଧନପରୈର୍ନିଗୃହ୍ଯାଂତର୍
ବାଷ୍ପଂ ହସିତଂ ଅପି ଶୂନ୍ଯେନ ମନସା |
କୃତୋ ଵିତ୍ତସ୍ତଂଭପ୍ରତିହତଧିଯାଂ ଅଂଜଲିରପି
ତ୍ଵଂ ଆଶେ ମୋଘାଶେ କିମ ଅପରଂ ଅତୋ ନର୍ତଯସି ମାଂ || 34 ||
ଅମୀଷାଂ ପ୍ରାଣାନାଂ ତୁଲିତଵିସିନୀପତ୍ରପଯସାଂ
କୃତେ କିଂ ନାସ୍ମାଭିର୍ଵିଗଲିତଵିଵେକୈର୍ଵ୍ଯଵସିତଂ |
ଯଦ୍^^ଆଢ୍ଯାନାଂ ଅଗ୍ରେ ଦ୍ରଵିଣମଦନିଃସଂଜ୍ଞମନସାଂ
କୃତଂ ମାଵଵ୍ରୀଡୈର୍ନିଜଗୁଣକଥାପାତକଂ ଅପି || 35 ||
କ୍ଷାଂତଂ ନ କ୍ଷମଯା ଗୃହୋଚିତସୁଖଂ ତ୍ଯକ୍ତଂ ନ ସଂତୋଷତଃ
ସୋଢୋ ଦୁଃସହଶୀତତାପପଵନକ୍ଲେଶୋ ନ ତପ୍ତଂ ତପଃ |
ଧ୍ଯାତଂ ଵିତ୍ତଂ ଅହର୍ନିଶଂ ନିତ୍ଯମିତପ୍ରାଣୈର୍ନ ଶଂଭୋଃ ପଦଂ
ତତ୍ତତ୍କର୍ମ କୃତଂ ଯଦେଵ ମୁନିଭିସ୍ତୈସ୍ତୈଃ ଫଲୈର୍ଵଂଚିତାଃ || 36 ||
ଭୋଗା ନ ଭୁକ୍ତା ଵଯଂ ଏଵ ଭୁକ୍ତାସ୍
ତପୋ ନ ତପ୍ତଂ ଵଯଂ ଏଵ ତପ୍ତାଃ |
କାଲୋ ନ ଯାତୋ ଵଯଂ ଏଵ ଯାତାସ୍ତୃଷ୍ଣା
ନ ଜୀର୍ଣା ଵଯଂ ଏଵ ଜୀର୍ଣାଃ || 37 ||
ବଲିଭିର୍ମୁଖଂ ଆକ୍ରାଂତଂ ପଲିତେନାଂକିତଂ ଶିରଃ |
ଗାତ୍ରାଣି ଶିଥିଲାଯଂତେ ତୃଷ୍ଣୈକା ତରୁଣାଯତେ || 38 ||
ଵିଵେକଵ୍ଯାକୋଶେ ଵିଦଧତି ସମେ ଶାମ୍ଯତି ତୃଷା
ପରିଷ୍ଵଂଗେ ତୁଂଗେ ପ୍ରସରତିତରାଂ ସା ପରିଣତା |
ଜରାଜୀର୍ଣୈଶ୍ଵର୍ଯଗ୍ରସନଗହନାକ୍ଷେପକୃପଣସ୍ତୃଷାପାତ୍ରଂ
ଯସ୍ଯାଂ ଭଵତି ମରୁତାଂ ଅପ୍ଯଧିପତିଃ || 381 ||
ନିଵୃତ୍ତା ଭୋଗେଚ୍ଛା ପୁରୁଷବହୁମାନୋଽପି ଗଲିତଃ
ସମାନାଃ ସ୍ଵର୍ଯାତାଃ ସପଦି ସୁହୃଦୋ ଜୀଵିତସମାଃ |
ଶନୈର୍ଯଷ୍ଟ୍ଯୁତ୍ଥାନଂ ଘନତିମିରରୁଦ୍ଧେ ଚ ନଯନେ
ଅହୋ ମୂଢଃ କାଯସ୍ତଦପି ମରଣାପାଯଚକିତଃ || 39 ||
ଆଶା ନାମ ନଦୀ ମନୋରଥଜଲା ତୃଷ୍ଣାତରଂଗାକୁଲା
ରାଗଗ୍ରାହଵତୀ ଵିତର୍କଵିହଗା ଧୈର୍ଯଦ୍ରୁମଧ୍ଵଂସିନୀ |
ମୋହାଵର୍ତସୁଦୁସ୍ତରାତିଗହନା ପ୍ରୋତ୍ତୁଂଗଚିଂତାତଟୀ
ତସ୍ଯାଃ ପରଗତା ଵିଶୁଦ୍ଧଂ ଅଲସୋ ନଂଦଂତି ଯୋଗୀଶ୍ଵରାଃ || 310 ||
ନ ସଂସାରୋତ୍ପନ୍ନଂ ଚରିତଂ ଅନୁପଶ୍ଯାମି କୁଶଲଂ
ଵିପାକଃ ପୁଣ୍ଯାନାଂ ଜନଯତି ଭଯଂ ମେ ଵିମୃଶତଃ |
ମହଦ୍ଭିଃ ପୁଣ୍ଯୌଘୈଶ୍ଚିରପରିଗୃହୀତାଶ୍ଚ ଵିଷଯା
ମହାଂତୋ ଜାଯଂତେ ଵ୍ଯସନଂ ଇଵ ଦାତୁଂ ଵିଷଯିଣାଂ || 311 ||
ଅଵଶ୍ଯଂ ଯାତାରଶ୍ଚିରତରଂ ଉଷିତ୍ଵାପି ଵିଷଯା
ଵିଯୋଗେ କୋ ଭେଦସ୍ତ୍ଯଜତି ନ ଜନୋ ଯତ୍ସ୍ଵଯଂ ଅମୂନ୍ |
ଵ୍ରଜଂତଃ ସ୍ଵାତଂତ୍ର୍ଯାଦତୁଲପରିତାପାଯ ମନସଃ
ସ୍ଵଯଂ ତ୍ଯକ୍ତା ହ୍ଯେତେ ଶମସୁଖଂ ଅନଂତଂ ଵିଦଧତି || 312 ||
ବ୍ରହ୍ମଜ୍ଞାନଵିଵେକନିର୍ମଲଧିଯଃ କୁର୍ଵଂତ୍ଯହୋ ଦୁଷ୍କରଂ
ଯନ୍ମୁଂଚଂତ୍ଯୁପଭୋଗଭାଂଜ୍ଯପି ଧନାନ୍ଯେକାଂତତୋ ନିଃସ୍ପୃହାଃ |
ସଂପ୍ରାତାନ୍ନ ପୁରା ନ ସଂପ୍ରତି ନ ଚ ପ୍ରାପ୍ତୌ ଦୃଢପ୍ରତ୍ଯଯାନ୍
ଵାଂଛାମାତ୍ରପରିଗ୍ରହାନପି ପରଂ ତ୍ଯକ୍ତୁଂ ନ ଶକ୍ତା ଵଯଂ || 313 ||
ଧନ୍ଯାନାଂ ଗିରିକଂଦରେଷୁ ଵସତାଂ ଜ୍ଯୋତିଃ ପରଂ ଧ୍ଯାଯତାମାନଂଦାଶ୍ରୁ
ଜଲଂ ପିବଂତି ଶକୁନା ନିଃଶଂକଂ ଅଂକେଶଯାଃ |
ଅସ୍ମାକଂ ତୁ ମନୋରଥୋପରଚିତପ୍ରାସାଦଵାପୀତଟକ୍ରୀଡା
କାନନକେଲିକୌତୁକଜୁଷାଂ ଆଯୁଃ ପରଂ କ୍ଷୀଯତେ || 314 ||
ଭିକ୍ଷାଶତଂ ତଦପି ନୀରସଂ ଏକବାରଂ
ଶଯ୍ଯା ଚ ଭୂଃ ପରିଜନୋ ନିଜଦେହମାତ୍ରଂ |
ଵସ୍ତ୍ରଂ ଵିଶୀର୍ଣଶତଖଂଡମଯୀ ଚ କଂଥା
ହା ହା ତଥାପି ଵିଷଯା ନ ପରିତ୍ଯଜଂତି || 315 ||
ସ୍ତନୌ ମାଂସଗ୍ରଂଥୀ କନକକଲଶାଵିତ୍ଯୁପମିତୀ
ମୁଖଂ ଶ୍ଲେଷ୍ମାଗାରଂ ତଦପି ଚ ଶଶାଂକେନ ତୁଲିତଂ |
ସ୍ରଵନ୍ମୂତ୍ରକ୍ଲିନ୍ନଂ କରିଵରଶିରସ୍ପର୍ଧି ଜଘନଂ
ମୁହୁର୍ନିଂଦ୍ଯଂ ରୂପଂ କଵିଜନଵିଶେଷୈର୍ଗୁରୁକୃତଂ || 316 ||
ଏକୋ ରାଗିଷୁ ରାଜତେ ପ୍ରିଯତମାଦେହାର୍ଧହାରୀ ହରୋ
ନୀରାଗେଷୁ ଜନୋ ଵିମୁକ୍ତଲଲନାସଂଗୋ ନ ଯସ୍ମାତ୍ପରଃ |
ଦୁର୍ଵାରସ୍ମରବାଣପନ୍ନଗଵିଷଵ୍ଯାବିଦ୍ଧମୁଗ୍ଧୋ ଜନଃ
ଶେଷଃ କାମଵିଡଂବିତାନ୍ନ ଵିଷଯାନ୍ଭୋକ୍ତୁଂ ନ ମୋକ୍ତୁଂ କ୍ଷମଃ || 317 ||
ଅଜାନଂଦାହାତ୍ମ୍ଯଂ ପତତୁ ଶଲଭସ୍ତୀଵ୍ରଦହନେ
ସ ମୀନୋଽପ୍ଯଜ୍ଞାନାଦ୍ବଡିଶଯୁତଂ ଅଶ୍ନାତୁ ପିଶିତଂ |
ଵିଜାନଂତୋଽପ୍ଯେତେ ଵଯଂ ଇହ ଵିଯଜ୍ଜାଲଜଟିଲାନ୍
ନ ମୁଂଚାମଃ କାନାଂ ଅହହ ଗହନୋ ମୋହମହିମା || 318 ||
ତୃଷା ଶୁଷ୍ଯତ୍ଯାସ୍ଯେ ପିବତି ସଲିଲଂ ଶୀତମଧୁରଂ
କ୍ଷୁଧାର୍ତଃ ଶାଲ୍ଯନ୍ନଂ କଵଲଯତି ମାଂସାଦିକଲିତଂ |
ପ୍ରଦୀପ୍ତେ କାମାଗ୍ନୌ ସୁଦୃଢତରଂ ଆଲିଂଗତି ଵଧୂଂ
ପ୍ରତୀକାରଂ ଵ୍ଯାଧଃ ସୁଖଂ ଇତି ଵିପର୍ଯସ୍ଯତି ଜନଃ || 319 ||
ତୁଂଗଂ ଵେଶ୍ମ ସୁତାଃ ସତାଂ ଅଭିମତାଃ ସଂଖ୍ଯାତିଗାଃ ସଂପଦଃ
କଲ୍ଯାଣୀ ଦଯିତା ଵଯଶ୍ଚ ନଵଂ ଇତ୍ଯଜ୍ଞାନମୂଢୋ ଜନଃ |
ମତ୍ଵା ଵିଶ୍ଵଂ ଅନଶ୍ଵରଂ ନିଵିଶତେ ସଂସାରକାରାଗୃହେ
ସଂଦୃଶ୍ଯ କ୍ଷଣଭଂଗୁରଂ ତଦଖିଲଂ ଧନ୍ଯସ୍ତୁ ସନ୍ନ୍ଯସ୍ଯତି || 320 ||
ଦୀନା ଦୀନମୁଖୈଃ ସଦୈଵ ଶିଶୁକୈରାକୃଷ୍ଟଜୀର୍ଣାଂବରା
କ୍ରୋଶଦ୍ଭିଃ କ୍ଷୁଧିତୈର୍ନିରନ୍ନଵିଧୁରା ଦୃଶ୍ଯା ନ ଚେଦ୍ଗେହିନୀ |
ଯାଚ୍ଞାଭଂଗଭଯେନ ଗଦ୍ଗଦଗଲତ୍ରୁଟ୍ଯଦ୍ଵିଲୀନାକ୍ଷରଂ
କୋ ଦେହୀତି ଵଦେତ୍ସ୍ଵଦଗ୍ଧଜଠରସ୍ଯାର୍ଥେ ମନସ୍ଵୀ ପୁମାନ୍ || 321 ||
ଅଭିମତମହାମାନଗ୍ରଂଥିପ୍ରଭେଦପଟୀଯସୀ
ଗୁରୁତରଗୁଣଗ୍ରାମାଭୋଜସ୍ଫୁଟୋଜ୍ଜ୍ଵଲଚଂଦ୍ରିକା |
ଵିପୁଲଵିଲଲ୍ଲଜ୍ଜାଵଲ୍ଲୀଵିତାନକୁଠାରିକା
ଜଠରପିଠରୀ ଦୁସ୍ପୁରେଯଂ କରୋତି ଵିଡଂବନଂ || 322 ||
ପୁଣ୍ଯେ ଗ୍ରାମେ ଵନେ ଵା ମହତି ସିତପଟଚ୍ଛନ୍ନପାଲୀ କପାଲିଂ
ହ୍ଯାଦାଯ ନ୍ଯାଯଗର୍ଭଦ୍ଵିଜହୁତହୁତଭୁଗ୍ଧୂମଧୂମ୍ରୋପକଂଠେ |
ଦ୍ଵାରଂ ଦ୍ଵାରଂ ପ୍ରଵିଷ୍ଟୋ ଵରଂ ଉଦରଦରୀପୂରଣାଯ କ୍ଷୁଧାର୍ତୋ
ମାନୀ ପ୍ରାଣୈଃ ସନାଥୋ ନ ପୁନରନୁଦିନଂ ତୁଲ୍ଯକୁଲ୍ଯେସୁ ଦୀନଃ || 323 ||
ଗଂଗାତରଂଗକଣଶୀକରଶୀତଲାନି
ଵିଦ୍ଯାଧରାଧ୍ଯୁଷିତଚାରୁଶିଲାତଲାନି |
ସ୍ଥାନାନି କିଂ ହିମଵତଃ ପ୍ରଲଯଂ ଗତାନି
ଯତ୍ସାଵମାନପରପିଂଡରତା ମନୁଷ୍ଯାଃ || 324 ||
କିଂ କଂଦାଃ କଂଦରେଭ୍ଯଃ ପ୍ରଲଯଂ ଉପଗତା ନିର୍ଝରା ଵା ଗିରିଭ୍ଯଃ
ପ୍ରଧ୍ଵସ୍ତା ଵା ତରୁଭ୍ଯଃ ସରସଗଲଭୃତୋ ଵଲ୍କଲିନ୍ଯଶ୍ଚ ଶାଖାଃ |
ଵୀକ୍ଷ୍ଯଂତେ ଯନ୍ମୁଖାନି ପ୍ରସଭଂ ଅପଗତପ୍ରଶ୍ରଯାଣାଂ ଖଲାନାଂ
ଦୁଃଖାପ୍ତସ୍ଵଲ୍ପଵିତ୍ତସ୍ମଯପଵନଵଶାନର୍ତିତଭ୍ରୂଲତାନି || 325 ||
ପୁଣ୍ଯୈର୍ମୂଲଫଲୈସ୍ତଥା ପ୍ରଣଯିନୀଂ ଵୃତ୍ତିଂ କୁରୁଷ୍ଵାଧୁନା
ଭୂଶଯ୍ଯାଂ ନଵପଲ୍ଲଵୈରକୃପଣୈରୁତ୍ତିଷ୍ଠ ଯାଵୋ ଵନଂ |
କ୍ଷୁଦ୍ରାଣାଂ ଅଵିଵେକମୂଢମନସାଂ ଯତ୍ରେଶ୍ଵରାଣାଂ ସଦା
ଵିତ୍ତଵ୍ଯାଧିଵିକାରଵିହ୍ଵଲଗିରାଂ ନାମାପି ନ ଶ୍ରୂଯତେ || 326 ||
ଫଲଂ ସ୍ଵେଚ୍ଛାଲଭ୍ଯଂ ପ୍ରତିଵନଂ ଅଖେଦଂ କ୍ଷିତିରୁହାଂ
ପଯଃ ସ୍ଥାନେ ସ୍ଥାନେ ଶିଶିରମଧୁରଂ ପୁଣ୍ଯସରିତାଂ |
ମୃଦୁସ୍ପର୍ଶା ଶଯ୍ଯା ସୁଲଲିତଲତାପଲ୍ଲଵମଯୀ
ସହଂତେ ସଂତାପଂ ତଦପି ଧନିନାଂ ଦ୍ଵାରି କୃପଣାଃ || 327 ||
ଯେ ଵର୍ତଂତେ ଧନପତିପୁରଃ ପ୍ରାର୍ଥନାଦୁଃଖଭାଜୋ
ଯେ ଚାଲ୍ପତ୍ଵଂ ଦଧତି ଵିଷଯାକ୍ଷେପପର୍ଯାପ୍ତବୁଦ୍ଧେଃ |
ତେଷାଂ ଅଂତଃସ୍ଫୁରିତହସିତଂ ଵାସରାଣି ସ୍ମରେଯଂ
ଧ୍ଯାନଚ୍ଛେଦେ ଶିଖରିକୁହରଗ୍ରାଵଶଯ୍ଯାନିଷଣ୍ଣଃ || 328 ||
ଯେ ସଂତୋଷନିରଂତରପ୍ରମୁଦିତସ୍ତେଷାଂ ନ ଭିନ୍ନା ମୁଦୋ
ଯେ ତ୍ଵନ୍ଯେ ଧନଲୁବ୍ଧସଂକଲଧିଯସ୍ତେସାଂ ନ ତୃଷ୍ଣାହତା |
ଇତ୍ଥଂ କସ୍ଯ କୃତେ କୁତଃ ସ ଵିଧିନା କୀଦୃକ୍ପଦଂ ସଂପଦାଂ
ସ୍ଵାତ୍ମନ୍ଯେଵ ସମାପ୍ତହେମମହିମା ମେରୁର୍ନ ମେ ରୋଚତେ || 329 ||
ଭିକ୍ଷାହାରଂ ଅଦୈନ୍ଯଂ ଅପ୍ରତିସୁଖଂ ଭୀତିଚ୍ଛିଦଂ ସର୍ଵତୋ
ଦୁର୍ମାତ୍ସର୍ଯମଦାଭିମାନମଥନଂ ଦୁଃଖୌଘଵିଧ୍ଵଂସନଂ |
ସର୍ଵତ୍ରାନ୍ଵହଂ ଅପ୍ରଯତ୍ନସୁଲଭଂ ସାଧୁପ୍ରିଯଂ ପାଵନଂ
ଶଂଭୋଃ ସତ୍ରଂ ଅଵାଯଂ ଅକ୍ଷଯନିଧିଂ ଶଂସଂତି ଯୋଗୀଶ୍ଵରାଃ || 330 ||
ଭୋଗେ ରୋଗମଯଂ କୁଲେ ଚ୍ଯୁତିଭଯଂ ଵିତ୍ତେ ନୃପାଲାଦ୍ଭଯଂ
ମାନେ ଧୈନ୍ଯଭଯଂ ବଲେ ରିପୁଭଯଂ ରୂପେ ଜରାଯ ଭଯଂ |
ଶାସ୍ତ୍ରେ ଵାଦିଭଯଂ ଗୁଣେ ଖଲଭଯଂ କାଯେ କୃତାଂତାଦ୍ଭଯଂ
ସର୍ଵଂ ଵସ୍ତୁ ଭଯାନ୍ଵିତଂ ଭୁଵି ନ୍\'9ଣାଂ ଵୈରାଗ୍ଯଂ ଏଵାଭଯଂ || 331 ||
ଆକ୍ରାଂତଂ ମରଣେନ ଜନ୍ମ ଜରସା ଚାତ୍ଯୁଜ୍ଜ୍ଵଲଂ ଯୌଵନଂ
ସଂତୋଷୋ ଧନଲିପ୍ସଯା ଶମମୁଖଂ ପ୍ରୌଢାଂଗନାଵିଭ୍ରମୈଃ |
ଲୋକୈର୍ମତ୍ସରିଭିର୍ଗୁଣା ଵନଭୁଵୋ ଵ୍ଯାଲୈର୍ନୃପା ଦୁର୍ଜନୈର୍
ଅସ୍ଥୈର୍ଯେଣ ଵିଭୂତଯୋଽପ୍ଯପହତା ଗ୍ରସ୍ତଂ ନ କିଂ କେନ ଵା || 332 ||
ଆଧିଵ୍ଯାଧିଶତୈର୍ଜନସ୍ଯ ଵିଵିଧୈରାରୋଗ୍ଯଂ ଉନ୍ମୂଲ୍ଯତେ
ଲକ୍ଷ୍ମୀର୍ଯତ୍ର ପତଂତି ତତ୍ର ଵିଵୃତଦ୍ଵାରା ଇଵ ଵ୍ଯାପଦଃ |
ଜାତଂ ଜାତଂ ଅଵଶ୍ଯଂ ଆଶୁ ଵିଵଶଂ ମୃତ୍ଯୁଃ କରୋତ୍ଯାତ୍ମସାତ୍
ତତ୍କିଂ ତେନ ନିରଂକୁଶେନ ଵିଧିନା ଯନ୍ନିର୍ମିତଂ ସୁସ୍ଥିରଂ || 333 ||
ଭୋଗାସ୍ତୁଂଗତରଂଗଭଂଗତରଲାଃ ପ୍ରାଣାଃ କ୍ଷଣଧ୍ଵଂସିନଃ
ସ୍ତୋକାନ୍ଯେଵ ଦିନାନି ଯୌଵନସୁଖଂ ସ୍ଫୂର୍ତିଃ ପ୍ରିଯାସୁ ସ୍ଥିତା |
ତତ୍ସଂସାରଂ ଅସାରଂ ଏଵ ନିଖିଲଂ ବୁଦ୍ଧ୍ଵା ବୁଧା ବୋଧକା
ଲୋକାନୁଗ୍ରହପେଶଲେନ ମନସା ଯତ୍ନଃ ସମାଧୀଯତାଂ || 334 ||
ଭୋଗା ମେଘଵିତାନମଧ୍ଯଵିଲସତ୍ସୌଦାମିନୀଚଂଚଲା
ଆଯୁର୍ଵାଯୁଵିଘଟ୍ଟିତାବ୍ଜପଟଲୀଲୀନାଂବୁଵଦ୍ଭଂଗୁରଂ |
ଲୀଲା ଯୌଵନଲାଲସାସ୍ତନୁଭୃତାଂ ଇତ୍ଯାକଲଯ୍ଯ ଦ୍ରୁତଂ
ଯୋଗେ ଧୈର୍ଯସମାଧିସିଦ୍ଧିସୁଲଭେ ବୁଦ୍ଧିଂ ଵିଦଧ୍ଵଂ ବୁଧାଃ || 335 ||
ଆଯୁଃ କଲ୍ଲୋଲଲୋଲଂ କତିପଯଦିଵସସ୍ଥାଯିନୀ ଯୌଵନଶ୍ରୀର୍
ଅର୍ଥାଃ ସଂକଲ୍ପକଲ୍ପା ଘନସମଯତଡିଦ୍ଵିଭ୍ରମା ଭୋଗପୂଗାଃ |
କଂଠାଶ୍ଲେଷୋପଗୂଢ ତଦପି ଚ ନ ଚିରଂ ଯତ୍ପ୍ରିଯାଭଃ ପ୍ରଣୀତଂ
ବ୍ରହ୍ମଣ୍ଯାସକ୍ତଚିତ୍ତା ଭଵତ ଭଵମଯାଂଭୋଧିପାରଂ ତରୀତୁଂ || 336 ||
କୃଚ୍ଛ୍ରେଣାମେଧ୍ଯମଧ୍ଯେ ନିଯମିତତନୁଭିଃ ସ୍ଥୀଯତେ ଗର୍ଭଵାସେ
କାଂତାଵିଶ୍ଲେଷଦୁଃଖଵ୍ଯତିକରଵିଷମୋ ଯୌଵନେ ଚୋପଭୋଗଃ |
ଵାମାକ୍ଷୀଣାଂ ଅଵଜ୍ଞାଵିହସିତଵସତିର୍ଵୃଦ୍ଧଭାଵୋଽନ୍ଯସାଧୁଃ
ସଂସାରେ ରେ ମନୁଷ୍ଯା ଵଦତ ଯଦି ସୁଖଂ ସ୍ଵଲ୍ପଂ ଅପ୍ଯସ୍ତି କିଂଚିଥ୍ || 337 ||
ଵ୍ଯାଘ୍ରୀଵ ତିଷ୍ଠତି ଜରା ପରିତର୍ଜଯଂତୀ
ରୋଗାଶ୍ଚ ଶତ୍ରଵ ଇଵ ପ୍ରହରଂତି ଦେହଂ |
ଆଯୁଃ ପରିସ୍ରଵଂତି ଭିନ୍ନଘଟାଦିଵାଂଭୋ
ଲୋକସ୍ତଥାପ୍ଯହିତଂ ଆଚରତୀତି ଚିତ୍ରଂ || 338 ||
ଭୋଗା ଭଂଗୁରଵୃତ୍ତଯୋ ବହୁଵିଧାସ୍ତୈରେଵ ଚାଯଂ ଭଵସ୍ତତ୍
କସ୍ଯେହ କୃତେ ପରିଭ୍ରମତ ରେ ଲୋକାଃ କୃତଂ ଚେଷ୍ଟତୈଃ |
ଆଶାପାଶଶତାପଶାଂତିଵିଶଦଂ ଚେତଃସମାଧୀଯତାଂ
କାମୋତ୍ପତ୍ତିଵଶାତ୍ସ୍ଵଧାମନି ଯଦି ଶ୍ରଦ୍ଦେଯଂ ଅସ୍ମଦ୍ଵଚଃ || 339 ||
ସଖେ ଧନ୍ଯାଃ କେଚିତ୍ତ୍ରୁଟିତଭଵବଂଧଵ୍ଯତିକରା
ଵନାଂତେ ଚିତ୍ତାଂତର୍ଵିଷଂ ଅଵିଷଯାଶୀତ୍ଵିଷଗତାଃ |
ଶରଚ୍ଚଂଦ୍ରଜ୍ଯୋତ୍ସ୍ନାଧଵଲଗଗନାଭୋଗସୁଭଗାଂ
ନଯଂତେ ଯେ ରାତ୍ରିଂ ସୁକୃତଚଯଚିଂତୈକଶରଣାଃ || 3391 ||
ବ୍ରହ୍ମେଂଦ୍ରାଦିମରୁଦ୍ଗଣାଂସ୍ତୃଣକଣାନ୍ଯତ୍ର ସ୍ଥିତୋ ମନ୍ଯତେ
ଯତ୍ସ୍ଵାଦାଦ୍ଵିରସା ଭଵଂତି ଵିଭଵାସ୍ତ୍ରୈଲୋକ୍ଯରାଜ୍ଯାଦଯଃ |
ଭୋଗଃ କୋଽପି ସ ଏଵ ଏକ ପରମୋ ନିତ୍ଯୋଦିତୋ ଜୃଂଭତେ
ଭୋଃ ସାଧୋ କ୍ଷଣଭଂଗୁରେ ତଦିତରେ ଭୋଗେ ରତିଂ ମା କୃଥାଃ || 340 ||
ସା ରମ୍ଯା ନଗରୀ ମହାନ୍ସ ନୃପତିଃ ସାମଂତଚକ୍ରଂ ଚ ତତ୍
ପାର୍ଶ୍ଵେ ତସ୍ଯ ଚ ସା ଵିଦଗ୍ଧପରିଷତ୍ତାଶ୍ଚଂଦ୍ରବିଂବାନନାଃ |
ଉଦ୍ଵୃତ୍ତଃ ସ ରାଜପୁତ୍ରନିଵହସ୍ତେ ଵଂଦିନସ୍ତାଃ କଥାଃ
ସର୍ଵଂ ଯସ୍ଯ ଵଶାଦଗାତ୍ସ୍ମୃତିପଥଂ କାଲାଯ ତସ୍ମୈ ନମଃ || 341 ||
ଯତ୍ରାନେକଃ କ୍ଵଚିଦପି ଗୃହେ ତତ୍ର ତିଷ୍ଠତ୍ଯଥୈକୋ
ଯତ୍ରାପ୍ଯେକସ୍ତଦନୁ ବହଵସ୍ତତ୍ର ନୈକୋଽପି ଚାଂତେ |
ଇତ୍ଥଂ ନଯୌ ରଜନିଦିଵସୌ ଲୋଲଯଂଦ୍ଵାଵିଵାକ୍ଷୌ
କାଲଃ କଲ୍ଯୋ ଭୁଵନଫଲକେ କ୍ରଡତି ପ୍ରାଣିଶାରୈଃ || 342 ||
ଆଦିତ୍ଯସ୍ଯ ଗତାଗତୈରହରହଃ ସଂକ୍ଷୀଯତେ ଜୀଵିତଂ
ଵ୍ଯାପାରୈର୍ବହୁକାର୍ଯଭାରଗୁରୁଭିଃ କାଲୋଽପି ନ ଜ୍ଞାଯତେ |
ଦୃଷ୍ଟ୍ଵା ଜନ୍ମଜରାଵିପତ୍ତିମରଣଂ ତ୍ରାସଶ୍ଚ ନୋତ୍ପଦ୍ଯତେ
ପୀତ୍ଵା ମୋହମଯୀଂ ପ୍ରମାଦମଦିରାଂ ଉନ୍ମତ୍ତଭୂତଂ ଜଗଥ୍ || 343 ||
ରାତ୍ରିଃ ସୈଵ ପୁନଃ ସ ଏଵ ଦିଵସୋ ମତ୍ଵା ମୁଧା ଜଂତଵୋ
ଧାଵଂତ୍ଯୁଦ୍ଯମିନସ୍ତଥୈଵ ନିଭୃତପ୍ରାରବ୍ଧତତ୍ତତ୍କ୍ରିଯାଃ |
ଵ୍ଯାପାରୈଃ ପୁନର୍^^ଉକ୍ତଭୂତଵିଷଯୈରିତ୍ଥଂ ଵିଧେନାମୁନା
ସଂସାରେଣ କଦର୍ଥିତା ଵଯଂ ଅହୋ ମୋହାନ୍ନ ଲଜ୍ଜାମହେ || 344 ||
ନ ଧ୍ଯାନଂ ପଦଂ ଈଶ୍ଵରସ୍ଯ ଵିଧିଵତ୍ସଂସାରଵିଚ୍ଛିତ୍ତଯେ
ସ୍ଵର୍ଗଦ୍ଵାରକପାଟପାଟନପଟୁର୍ଧର୍ମୋଽପି ନୋପାର୍ଜିତଃ |
ନାରୀପୀନପଯୋଧରୋରୁଯୁଗଲଂ ସ୍ଵପ୍ନେଽପି ନାଲିଂଗିତଂ
ମାତୁଃ କେଵଲଂ ଏଵ ଯୌଵନଵନଚ୍ଛେଦେ କୁଠାରା ଵଯଂ || 345 ||
ନାଭ୍ଯସ୍ତା ପ୍ରତିଵାଦିଵୃଂଦଦମନୀ ଵିଦ୍ଯା ଵିନୀତୋଚିତା
ଖଡ୍ଗାଗ୍ରୈଃ କରିକୁଂଭପୀଠଦଲନୈର୍ନାକଂ ନ ନୀତଂ ଯଶଃ |
କାଂତାକୋଉମ୍^^ଅଲପଲ୍ଲଵାଧରରସଃ ପୀତୋ ନ ଚଂଦ୍ରୋଦଯେ
ତାରୁଣ୍ଯଂ ଗତଂ ଏଵ ନିଷ୍ଫଲଂ ଅହୋ ଶୂନ୍ଯାଲଯେ ଦୀପଵଥ୍ || 346 ||
ଵିଦ୍ଯା ନାଧିଗତା କଲଂକରହିତା ଵିତ୍ତଂ ଚ ନୋପାର୍ଜିତଂ
ଶୁଶ୍ରୂଷାପି ସମାହିତେନ ମନସା ପିତ୍ରୋର୍ନ ସଂପାଦିତା |
ଆଲୋଲାଯତଲୋଚନାଃ ପ୍ରିଯତମାଃ ସ୍ଵପ୍ନେଽପି ନାଲିଂଗିତାଃ
କାଲୋଽଯଂ ପରପିଂଡଲୋଲୁପତଯା କାକୈରିଵ ପ୍ରେର୍ଯତେ || 347 ||
ଵଯଂ ଯେଭ୍ଯୋ ଜାତାଶ୍ଚିରପରିଗତା ଏଵ ଖଲୁ ତେ
ସମଂ ଯୈଃ ସଂଵୃଦ୍ଧାଃ ସ୍ମୃତିଵିଷଯତାଂ ତେଽପି ଗମିତାଃ |
ଇଦାନୀଂ ଏତେ ସ୍ମଃ ପ୍ରତିଦିଵସଂ ଆସନ୍ନପତନା
ଗତାସ୍ତୁଲ୍ଯାଵସ୍ଥାଂ ସିକତିଲନଦୀତୀରତରୁଭିଃ || 348 ||
ଆଯୁର୍ଵର୍ଷଶତଂ ନ୍\'9ଣାଂ ପରିମିତଂ ରାତ୍ରୌ ତଦ୍^^ଅର୍ଧଂ ଗତଂ
ତସ୍ଯାର୍ଧସ୍ଯ ପରସ୍ଯ ଚାର୍ଧଂ ଅପରଂ ବାଲତ୍ଵଵୃଦ୍ଧତ୍ଵଯୋଃ |
ଶେଷଂ ଵ୍ଯାଧିଵିଯୋଗଦୁଃଖସହିତଂ ସେଵାଦିଭିର୍ନୀଯତେ
ଜୀଵେ ଵାରିତରଂଗଚଂଚଲତରେ ସୌଖ୍ଯଂ କୁତଃ ପ୍ରାଣିନାଂ || 349 ||
କ୍ଷଣଂ ବାଲୋ ଭୂତ୍ଵା କ୍ଷଣଂ ପୈ ଯୁଵା କାମରସିକଃ
କ୍ଷଣଂ ଵିତ୍ତୈର୍ହୀନଃ କ୍ଷଣଂ ଅପି ଚ ସଂପୂର୍ଣଵିଭଵଃ |
ଜରାଜୀର୍ଣୈରଂଗୈର୍ନଟ ଇଵ ବଲୀମଂଡିତତନୂର୍
ନରଃ ସଂସାରାଂତେ ଵିଶତି ଯମଧାନୀଯଵନିକାଂ || 350 ||
ତ୍ଵଂ ରାଜା ଵଯଂ ଅପ୍ଯୁପାସିତଗୁରୁପ୍ରଜ୍ଞାଭିମାନୋନ୍ନତାଃ
ଖ୍ଯାତସ୍ତ୍ଵଂ ଵିଭଵୈର୍ଯଶାଂସି କଵଯୋ ଦିକ୍ଷୁ ପ୍ରତନ୍ଵଂତି ନଃ |
ଇତ୍ଥଂ ମାନଧନାତିଦୂରଂ ଉଭଯୋରପ୍ଯାଵଯୋରଂତରଂ
ଯଦ୍ଯସ୍ମାସୁ ପରାଙ୍ମୁଖୋଽସି ଵଯଂ ଅପ୍ଯେକାଂତତୋ ନିଃସ୍ପୃହା || 351 ||
ଅର୍ଥାନାଂ ଈଶିଷେ ତ୍ଵଂ ଵଯଂ ଅପି ଚ ଗିରାଂ ଈଶ୍ମହେ ଯାଵଦର୍ଥଂ
ଶୂରସ୍ତ୍ଵଂ ଵାଦିଦର୍ପଵ୍ଯୁପଶମନଵିଧାଵକ୍ଷଯଂ ପାଟଵଂ ନଃ |
ସେଵଂତେ ତ୍ଵାଂ ଧନାଢ୍ଯା ମତିମଲହତଯେମାଂ ଅପି ଶ୍ରୋତୁକାମାମଯ୍ଯ୍
ଅପ୍ଯାସ୍ଥା ନ ତେ ଚେତ୍ତ୍ଵଯି ମମ ନିତରାଂ ଏଵ ରାଜନ୍ନନାସ୍ଥା || 352 ||
ଵଯଂ ଇହ ପରିତୁଷ୍ଟା ଵଲ୍କଲୈସ୍ତ୍ଵଂ ଦୁକୂଲୈଃ
ସମ ଇହ ପରିତୋଷୋ ନିର୍ଵିଶେଷୋ ଵିଶେଷଃ |
ସ ତୁ ଭଵତୁ ଦରିଦ୍ରୋ ଯସ୍ଯ ତୃଷ୍ଣା ଵିଶାଲା
ମନସି ଚ ପରିତୁଷ୍ଟେ କୋଽର୍ଥଵାନ୍କୋ ଦରିଦ୍ରଃ || 353 ||
ଫଲଂ ଅଲଂ ଅଶନାଯ ସ୍ଵାଦୁ ପାନାଯ ତୋଯଂ
କ୍ଷିତିରପି ଶଯନାର୍ଥଂ ଵାସସେ ଵଲ୍କଲଂ ଚ |
ନଵଘନମଧୁପାନଭ୍ରାଂତସର୍ଵେଂଦ୍ରିଯାଣାମଵିନଯମ୍
ଅନୁମଂତୁଂ ନୋତ୍ସହେ ଦୁର୍ଜନାନାଂ || 354 ||
ଅଶ୍ନୀମହି ଵଯଂ ଭିକ୍ଷାଂ ଆଶାଵାସୋ ଵସୀମହି |
ଶଯୀମହି ମହୀପୃଷ୍ଠେ କୁର୍ଵୀମହି କିଂ ଈଶ୍ଵରୈଃ || 355 ||
ନ ନଟା ନା ଵିଟା ନ ଗାଯକା ନ ଚ ସଭ୍ଯେତରଵାଦଚୁଂଚଵଃ |
ନୃପଂ ଈକ୍ଷିତୁଂ ଅତ୍ର କେ ଵଯଂ ସ୍ତନଭାରାନମିତା ନ ଯୋଷିତଃ || 356 ||
ଵିପୁଲହୃଦଯୈରୀଶୈରେତଜ୍ଜଗଜ୍ଜନିତଂ ପୁରା
ଵିଧୃତଂ ଅପରୈର୍ଦତ୍ତଂ ଚାନ୍ଯୈର୍ଵିଜିତ୍ଯ ତୃଣଂ ଯଥା |
ଇହ ହି ଭୁଵନାନ୍ଯନ୍ଯୈର୍ଧୀରାଶ୍ଚତୁର୍ଦଶ ଭୁଂଜତେ
କତିପଯପୁରସ୍ଵାମ୍ଯେ ପୁଂସାଂ କ ଏଷ ମଦଜ୍ଵରଃ || 357 ||
ଅଭୁକ୍ତାଯାଂ ଯସ୍ଯାଂ କ୍ଷଣଂ ଅପି ନ ଯାତଂ ନୃପଶତୈର୍
ଧୁଵସ୍ତସ୍ଯା ଲାଭେ କ ଇଵ ବହୁମାନଃ କ୍ଷିତିଭୃତାଂ |
ତଦ୍^^ଅଂଶସ୍ଯାପ୍ଯଂଶେ ତଦ୍^^ଅଵଯଲେଶେଽପି ପତଯୋ
ଵିଷାଦେ କର୍ତଵ୍ଯେ ଵିଦଧତି ଜଡାଃ ପ୍ରତ୍ଯୁତ ମୁଦଂ || 358 ||
ମୃତ୍ପିଂଡୋ ଜଲରେଖଯା ବଲଯତିଃ ସର୍ଵୋଽପ୍ଯଯଂ ନନ୍ଵଣୁଃ
ସ୍ଵାଂଶୀକୃତ୍ଯ ସ ଏଵ ସଂଗରଶତୈ ରାଜ୍ଞାଂ ଗଣା ଭୁଂଜତେ |
ଯେ ଦଦ୍ଯୁର୍ଦଦତୋଽଥଵା କିଂ ଅପରଂ କ୍ଷୁଦ୍ରା ଦରିଦ୍ରଂ ଭୃଶଂ
ଧିଗ୍ଧିକ୍ତାନ୍ପୁରୁଷାଧମାଂଧନକଣାନ୍ଵାଂଛଂତି ତେଭ୍ଯୋଽପି ଯେ || 359 ||
ସ ଜାତଃ କୋଽପ୍ଯାସୀନ୍ମଦନରିପୁଣା ମୂର୍ଧ୍ନି ଧଵଲଂ
କପାଲଂ ଯସ୍ଯୋଚ୍ଚୈର୍ଵିନିହିତଂ ଅଲଂକାରଵିଧଯେ |
ନୃଭିଃ ପ୍ରାଣତ୍ରାଣପ୍ରଵଣମତିଭିଃ କୈଶ୍ଚିଦଧୁନା
ନମଦ୍ଭିଃ କଃ ପୁଂସାଂ ଅଯଂ ଅତୁଲଦର୍ପଜ୍ଵରଭରଃ || 360 ||
ପରେଷାଂ ଚେତାଂସି ପ୍ରତିଦିଵସଂ ଆରାଧ୍ଯ ବହୁଧା
ପ୍ରସାଦଂ କିଂ ନେତୁଂ ଵିଶସି ହୃଦଯ କ୍ଲେଶକଲିତଂ |
ପ୍ରସନ୍ନେ ତ୍ଵଯ୍ଯଂତଃସଵଯମୁଦିତଚିଂତାମଣିଗଣୋ
ଵିଵିକ୍ତଃ ସଂକଲ୍ପଃ କିଂ ଅଭିଲଷିତଂ ପୁଷ୍ଯତି ନ ତେ || 361 ||
ସତ୍ଯାଂ ଏଵ ତ୍ରିଲୋକୀସରିତି ହରଶିରଶ୍ଚୁଂବିନୀଵଚ୍ଛଟାଯାଂ
ସଦ୍ଵୃତ୍ତିଂ କଲ୍ପଯଂତ୍ଯାଂ ବଟଵିଟପଭଵୈର୍ଵଲ୍କଲୈଃ ସତ୍ଫଲୈଶ୍ଚ |
କୋଽଯଂ ଵିଦ୍ଵାନ୍ଵିପତ୍ତିଜ୍ଵରଜନିତରୁଜାତୀଵଦୁଃଖାସିକାନାଂ
ଵକ୍ତ୍ରଂ ଵୀକ୍ଷେତ ଦୁଃସ୍ଥେ ଯଦି ହି ନ ଵିଭୃଯାତ୍ସ୍ଵେ କୁଟୁଂବେଽନୁକଂପାଂ || 3611 ||
ପରିଭ୍ରମସି କିଂ ମୁଧା କ୍ଵଚନ ଚିତ୍ତ ଵିଶ୍ରାମ୍ଯତାଂ
ସ୍ଵଯଂ ଭଵତି ଯଦ୍ଯଥା ଭଵତି ତତ୍ତଥା ନାନ୍ଯଥା |
ଅତୀତଂ ଅନନୁସ୍ମରନ୍ନପି ଚ ଭାଵ୍ଯସଂକଲ୍ପଯନ୍ନତର୍କିତ
ସମାଗମାନୁଭଵାମି ଭୋଗନାହଂ || 362 ||
ଏତସ୍ମାଦ୍ଵିରମେଂଦ୍ରିଯାର୍ଥଗହନାଦାଯାସକାଦାଶ୍ରଯଶ୍ରେଯୋ
ମାର୍ଗଂ ଅଶେଷଦୁଃଖଶମନଵ୍ଯାପାରଦକ୍ଷଂ କ୍ଷଣାତ୍ |
ସ୍ଵାତ୍ମୀଭାଵଂ ଉପୈହି ସଂତ୍ଯଜ ନିଜାଂ କଲ୍ଲୋଲଲୋଲଂ ଗତିଂ
ମା ଭୂଯୋ ଭଜ ଭଂଗୁରାଂ ଭଵରତିଂ ଚେତଃ ପ୍ରସୀଦାଧୁନା || 363 ||
ମୋହଂ ମାର୍ଜଯ ତାଂ ଉପାର୍ଜଯ ରତିଂ ଚଂଦ୍ରାର୍ଧଚୂଡାମଣୌ
ଚେତଃ ସ୍ଵର୍ଗତରଂଗିଣୀତଟଭୁଵାଂ ଆସଂଗଂ ଅଂଗୀକୁରୁ |
କୋ ଵା ଵୀଚିଷୁ ବୁଦ୍ବୁଦେଷୁ ଚ ତଡିଲ୍ଲେଖାସୁ ଚ ଶ୍ରୀଷୁ ଚ
ଜ୍ଵାଲାଗ୍ରେଷୁ ଚ ପନ୍ନଗେଷୁ ସରିଦ୍ଵେଗେଷୁ ଚ ଚପ୍ରତ୍ଯଯଃ || 364 ||
ଚେତଶ୍ଚିଂତଯ ମା ରମାଂ ସକୃଦିମାଂ ଅସ୍ଥାଯିନୀଂ ଆସ୍ଥଯା
ଭୂପାଲଭ୍ରୁକୁଟୀକୁଟୀଵିହରଣଵ୍ଯାପାରପଣ୍ଯାଂଗନାଂ |
କଂଥାକଂଚୁକିନଃ ପ୍ରଵିଶ୍ଯ ଭଵନଦ୍ଵାରାଣି ଵାରାଣସୀରଥ୍ଯା
ପଂକ୍ତିଷୁ ପାଣିପାତ୍ରପତିତାଂ ଭିକ୍ଷାଂ ଅପେକ୍ଷାମହେ || 365 ||
ଅଗ୍ରେ ଗୀତଂ ସରସକଵଯଃ ପାର୍ଶ୍ଵଯୋର୍ଦାକ୍ଷିଣାତ୍ଯାଃ
ପଶ୍ଚାଲ୍ଲୀଲାଵଲଯରଣିତଂ ଚାମରଗ୍ରାହିଣୀନାଂ |
ଯଦ୍ଯସ୍ତ୍ଯେଵଂ କୁରୁ ଭଵରସାସ୍ଵାଦନେ ଲଂପଟତ୍ଵଂ
ନୋ ଚେଚ୍ଚେତଃ ପ୍ରଵିଶ ସହସା ନିର୍ଵିକଲ୍ପେ ସମାଧୌ || 366 ||
ପ୍ରାପ୍ତାଃ ଶ୍ରିଯଃ ସକଲକାମଦୁଧାସ୍ତତଃ କିଂ
ନ୍ଯସ୍ତଂ ପଦଂ ଶିରସି ଵିଦ୍ଵିଷତାଂ ତତଃ କିଂ |
ସଂପାଦିତାଃ ପ୍ରଣଯିନୋ ଵିଭଵୈସ୍ତତଃ କିଂ
କଲ୍ପଂ ସ୍ଥିତାସ୍ତନୁଭୃତାଂ ତନଵସ୍ତତଃ କିଂ || 367 ||
ଭକ୍ତିର୍ଭଵେ ମରଣଜନ୍ମଭଯଂ ହୃଦିସ୍ଥଂ
ସ୍ନେହୋ ନ ବଂଧୁଷୁ ନ ମନ୍ମଥଜା ଵିକାରାଃ |
ସଂସର୍ଜ ଦୋଷରହିତା ଵିଜଯା ଵନାଂତା
ଵୈରାଗ୍ଯଂ ଅସ୍ତି କିଂ ଇତଃ ପରମର୍ଥନୀଯଂ || 368 ||
ତସ୍ମାଦନଂତଂ ଅଜରଂ ପରମଂ ଵିକାସି
ତଦ୍ବ୍ରହ୍ମ ଚିଂତଯ କିଂ ଏଭିରସଦ୍ଵିକଲ୍ପୈଃ |
ଯସ୍ଯାନୁଷଂଗିଣ ଇମେ ଭୁଵନାଧିପତ୍ଯଭୋଗାଦଯଃ
କୃପଣଲୋକମତା ଭଵଂତି || 369 ||
ପାତାଲଂ ଆଵିଶସି ଯାସି ନଭୋ ଵିଲଂଘ୍ଯ
ଦିଙ୍ମଂଡଲଂ ଭ୍ରମସି ମାନସ ଚାପଲେନ |
ଭ୍ରାଂତ୍ଯାପି ଜାତୁ ଵିମଲଂ କଥଂ ଆତ୍ମନୀନଂ
ନ ବ୍ରହ୍ମ ସଂସରସି ଵିର୍ଵୃତିମଂ ଏଷି ଯେନ || 370 ||
କିଂ ଵେଦୈଃ ସ୍ମୃତିଭିଃ ପୁରାଣପଠନୈଃ ଶାସ୍ତ୍ରୈର୍ମହାଵିସ୍ତରୈଃ
ସ୍ଵର୍ଗଗ୍ରାମକୁଟୀନିଵାସଫଲଦୈଃ କର୍ମକ୍ରିଯାଵିଭ୍ରମୈଃ |
ମୁକ୍ତ୍ଵୈକଂ ଭଵଦୁଃଖଭାରରଚନାଵିଧ୍ଵଂସକାଲାନଲଂ
ସ୍ଵାତ୍ମାନଂଦପଦପ୍ରଵେଶକଲନଂ ଶେସୈର୍ଵାଣିଗ୍ଵୃତ୍ତିଭିଃ || 371 ||
ନାଯଂ ତେ ସମଯୋ ରହସ୍ଯଂ ଅଧୁନା ନିଦ୍ରାତି ନାଥୋ ଯଦି
ସ୍ଥିତ୍ଵା ଦ୍ରକ୍ଷ୍ଯତି କୁପ୍ଯତି ପ୍ରଭୁରିତି ଦ୍ଵାରେଷୁ ଯେଷାଂ ଵଚଃ |
ଚେତସ୍ତାନପହାଯ ଯାହି ଭଵନଂ ଦେଵସ୍ଯ ଵିଶ୍ଵେଶିତୁର୍
ନିର୍ଦୌଵାରିକନିର୍ଦଯୋକ୍ତ୍ଯ୍^^ଅପରୁଷଂ ନିଃସୋଉମ୍^^ଅଶର୍ମପ୍ରଦଂ || 3711 ||
ଯତୋ ମେରୁଃ ଶ୍ରୀମାନ୍ନିପତତି ଯୁଗାଂତାଗ୍ନିଵଲିତଃ
ସମୁଦ୍ରାଃ ଶୁଷ୍ଯଂତି ପ୍ରଚୁରମକରଗ୍ରାହନିଲଯାଃ |
ଧରା ଗଚ୍ଛତ୍ଯଂତଂ ଧରଣିଧରପାଦୈରପି ଧୃତା
ଶରୀରେ କା ଵାର୍ତା କରିକଲଭକର୍ଣାଗ୍ରଚପଲେ || 372 ||
ଗାତ୍ରଂ ସଂକୁଚିତଂ ଗତିର୍ଵିଗଲିତା ଭ୍ରଷ୍ଟା ଚ ଦଂତାଵଲିର୍
ଦୃଷ୍ଟିର୍ନକ୍ଷ୍ଯତି ଵର୍ଧତେ ଵଧିରତା ଵକ୍ତ୍ରଂ ଚ ଲାଲାଯତେ |
ଵାକ୍ଯଂ ନାଦ୍ରିଯତେ ଚ ବାଂଧଵଜନୋ ଭାର୍ଯା ନ ଶୁଶ୍ରୂଷତେ
ହା କଷ୍ଟଂ ପୁରୁଷସ୍ଯ ଜୀର୍ଣଵଯସଃ ପୁତ୍ରୋଽପ୍ଯମିତ୍ରାଯତେ || 373 ||
ଵର୍ଣଂ ସିତଂ ଶିରସି ଵୀକ୍ଷ୍ଯ ଶିରୋରୁହାଣାଂ
ସ୍ଥାନଂ ଜରାପରିଭଵସ୍ଯ ତଦା ପୁମାଂସଂ |
ଆରୋପିତାଂସ୍ଥିଶତକଂ ପରିହୃତ୍ଯ ଯାଂତି
ଚଂଡାଲକୂପଂ ଇଵ ଦୂରତରଂ ତରୁଣ୍ଯଃ || 374 ||
ଯାଵତ୍ସ୍ଵସ୍ଥଂ ଇଦଂ ଶରୀରଂ ଅରୁଜଂ ଯାଵଚ୍ଚ ଦୂରେ ଜରା
ଯାଵଚ୍ଚେଂଦ୍ରିଯଶକ୍ତିରପ୍ରତିହତା ଯାଵତ୍କ୍ଷଯୋ ନାଯୁଷଃ |
ଆତ୍ମଶ୍ରେଯସି ତାଵଦେଵ ଵିଦୁଷା କାର୍ଯଃ ପ୍ରଯତ୍ନୋ ମହାନ୍
ସଂଦୀପ୍ତେ ଭଵନେ ତୁ କୂପଖନନଂ ପ୍ରତ୍ଯୁଦ୍ଯମଃ କୀଦୃଶଃ || 375 ||
ତପସ୍ଯଂତଃ ସଂତଃ କିଂ ଅଧିନିଵସାମଃ ସୁରନଦୀଂ
ଗୁଣୋଦାରାଂଦାରାନୁତ ପରିଚରାମଃ ସଵିନଯଂ |
ପିବାମଃ ଶାସ୍ତ୍ରୌଘାନୁତଵିଵିଧକାଵ୍ଯାମୃତରସାନ୍
ନ ଵିଦ୍ମଃ କିଂ କୁର୍ମଃ କତିପଯନିମେଷାଯୁଷି ଜନେ || 376 ||
ଦୁରାରାଧ୍ଯାଶ୍ଚାମୀ ତୁରଗଚଲଚିତ୍ତାଃ କ୍ଷିତିଭୁଜୋ
ଵଯଂ ତୁ ସ୍ଥୂଲେଚ୍ଛାଃ ସୁମହତି ଫଲେ ବଦ୍ଧମନସଃ |
ଜରା ଦେହଂ ମୃତ୍ଯୁର୍ହରତି ଦଯିତଂ ଜୀଵିତଂ ଇଦଂ
ସଖେ ନାନ୍ଯଚ୍ଛ୍ରେଯୋ ଜଗତି ଵିଦୁଷେଽନ୍ଯତ୍ର ତପସଃ || 377 ||
ମାନେ ମ୍ଲାଯିନି ଖଂଡିତେ ଚ ଵସୁନି ଵ୍ଯର୍ଥେ ପ୍ରଯାତେଽର୍ଥିନି
କ୍ଷୀଣେ ବଂଧୁଜନେ ଗତେ ପରିଜନେ ନଷ୍ଟେ ଶନୈର୍ଯୌଵନେ |
ଯୁକ୍ତଂ କେଵଲଂ ଏତଦେଵ ସୁଧିଯାଂ ଯଜ୍ଜହ୍ନୁକନ୍ଯାପଯଃପୂତାଗ୍ରାଵ
ଗିରୀଂଦ୍ରକଂଦରତଟୀକୁଂଜେ ନିଵାସଃ କ୍ଵଚିଥ୍ || 378 ||
ରମ୍ଯାଶ୍ଚଂଦ୍ରମରୀଚଯସ୍ତୃଣଵତୀ ରମ୍ଯା ଵନାଂତସ୍ଥଲୀ
ରମ୍ଯଂ ସାଧୁସମାଗମାଗତସୁଖଂ କାଵ୍ଯେଷୁ ରମ୍ଯାଃ କଥାଃ |
କୋପୋପାହିତବାଷ୍ପବିଂଦୁତରଲଂ ରମ୍ଯଂ ପ୍ରିଯାଯା ମୁଖଂ
ସର୍ଵଂ ରମ୍ଯଂ ଅନିତ୍ଯତାଂ ଉପଗତେ ଚିତ୍ତେ ନ କିଂଚିତ୍ପୁନଃ || 379 ||
ରମ୍ଯଂ ହର୍ମ୍ଯତଲଂ ନ କିଂ ଵସତଯେ ଶ୍ରଵ୍ଯଂ ନ ଗେଯାଦିକଂ
କିଂ ଵା ପ୍ରାଣସମାସମାଗମସୁଖଂ ନୈଵାଧିକପ୍ରୀତଯେ |
କିଂତୁ ଭ୍ରାଂତପତଂଗକ୍ଷପଵନଵ୍ଯାଲୋଲଦୀପାଂକୁରଚ୍ଛାଯା
ଚଂଚଲଂ ଆକଲଯ୍ଯ ସକଲଂ ସଂତୋ ଵନାଂତଂ ଗତାଃ || 380 ||
ଆ ସଂସାରାତ୍ତ୍ରିଭୁଵନଂ ଇଦଂ ଚିନ୍ଵତାଂ ତାତ୍ତାଦୃଙ୍ନୈଵାସ୍ମାକଂ
ନଯନପଦଵୀଂ ଶ୍ରୋତ୍ରମାର୍ଗଂ ଗତୋ ଵା |
ଯୋଽଯଂ ଧତ୍ତେ ଵିଷଯକରିଣୋ ଗାଢଗୂଢାଭିମାନକ୍ଷୀଵସ୍ଯାଂତଃ
କରଣକରିଣଃ ସଂଯମାଲାନଲୀଲାଂ || 381 ||
ଯଦେତତ୍ସ୍ଵଚ୍ଛଂଦଂ ଵିହରଣଂ ଅକାର୍ପଣ୍ଯଂ ଅଶନଂ
ସହାର୍ଯୈଃ ସଂଵାସଃ ଶ୍ରୁତଂ ଉପଶମୈକଵ୍ରତଫଲଂ |
ମନୋ ମଂଦସ୍ପଂଦଂ ବହିରପି ଚିରସ୍ଯାପି ଵିମୃଶନ୍ନ
ଜାନେ କସ୍ଯୈଷା ପରିଣତିରୁଦାରସ୍ଯ ତପସଃ || 382 ||
ଜୀର୍ଣା ଏଵ ମନୋରଥାଶ୍ଚ ହୃଦଯେ ଯାତଂ ଚ ତଦ୍ଯୌଵନଂ
ହଂତାଂଗେଷୁ ଗୁଣାଶ୍ବଂଧ୍ଯଫଲତାଂ ଯାତା ଗୁଣଜ୍ଞୈର୍ଵିନା |
କିଂ ଯୁକ୍ତଂ ସହସାଭ୍ଯୁପୈତି ବଲଵାନ୍କାଲଃ କୃତାଂତୋଽକ୍ଷମୀ
ହା ଜ୍ଞାତଂ ମଦନାଂତକାଂଘ୍ରିଯୁଗଲଂ ମୁକ୍ତ୍ଵାସ୍ତି ନାନ୍ଯୋ ଗତିଃ || 383 ||
ମହେଶ୍ଵରେ ଵା ଜଗତାଂ ଅଧୀଶ୍ଵରେ
ଜନାର୍ଦନେ ଵା ଜଗଦ୍^^ଅଂତରାତ୍ମନି |
ନ ଵସ୍ତୁଭେଦପ୍ରତିପତ୍ତିରସ୍ତି ମେ
ତଥାପି ଭକ୍ତିସ୍ତରୁଣେଂଦୁଶେଖରେ || 384 ||
ସ୍ଫୁରତ୍ସ୍ଫାରଜ୍ଯୋତ୍ସ୍ନାଧଵଲିତତଲେ କ୍ଵାପି ପୁଲିନେ
ସୁଖାସୀନାଃ ଶାଂତଧ୍ଵଂତିସୁ ରଜନୀଷୁ ଦ୍ଯୁସରିତଃ |
ଭଵାଭୋଗୋଦ୍ଵିଗ୍ନାଃ ଶିଵ ଶିଵ ଶିଵେତ୍ଯୁଚ୍ଚଵଚସଃ
କଦା ଯାସ୍ଯାମୋଽତର୍ଗତବହୁଲବାଷ୍ପାକୁଲଦଶାଂ || 385 ||
ମହାଦେଵୋ ଦେଵଃ ସରିଦପି ଚ ସୈଷା ସୁରସରିଦ୍ଗୁହା
ଏଵାଗାରଂ ଵସନଂ ଅପି ତା ଏଵ ହରିତଃ |
ସୁହୃଦା କାଲୋଽଯଂ ଵ୍ରତଂ ଇଦଂ ଅଦୈନ୍ଯଵ୍ରତଂ ଇଦଂ
କିଯଦ୍ଵା ଵକ୍ଷ୍ଯାମୋ ଵଟଵିଟପ ଏଵାସ୍ତୁ ଦଯିତା || 3 ||
ଵିତୀର୍ଣେ ସର୍ଵସ୍ଵେ ତରୁଣକରୁଣାପୂର୍ଣହୃଦଯାଃ
ସ୍ମରଂତଃ ସଂସାରେ ଵିଗୁଣପରିଣାମାଂ ଵିଧିଗତିଂ |
ଵଯଂ ପୁଣ୍ଯାରଣ୍ଯେ ପରିଣତଶରଚ୍ଚଂଦ୍ରକିରଣାସ୍
ତ୍ରିଯାମା ନେସ୍ଯାମୋ ହରଚରଣଚିଂତୈକଶରଣାଃ || 386 ||
କଦା ଵାରାଣସ୍ଯାଂ ଅମରତଟିନୀରୋଧସି ଵସନ୍
ଵସାନଃ କୌପୀନଂ ଶିରସି ନିଦଧାନୋଽଂଜଲିପୁଟଂ |
ଅଯେ ଗୌରୀନାଥ ତ୍ରିପୁରହର ଶଂଭୋ ତ୍ରିନଯନ
ପ୍ରସୀଦେତ୍ଯାକ୍ରୋଶନ୍ନିମିଷଂ ଇଵ ନେଷ୍ଯାମି ଦିଵସାନ୍ || 387 ||
ଉଦ୍ଯାନେଷୁ ଵିଚିତ୍ରଭୋଜନଵିଧିସ୍ତୀଵ୍ରାତିତୀଵ୍ରଂ ତପଃ
କୌପୀନାଵରଣଂ ସୁଵସ୍ତ୍ରଂ ଅମିତଂ ଭିକ୍ଷାଟନଂ ମଂଡନଂ |
ଆସନ୍ନଂ ମରଣଂ ଚ ମଂଗଲସମଂ ଯସ୍ଯାଂ ସମୁତ୍ପଦ୍ଯତେ
ତାଂ କାଶୀଂ ପରିହୃତ୍ଯ ହଂତ ଵିବୁଧୈରନ୍ଯତ୍ର କିଂ ସ୍ଥୀଯତେ || 3 ||
ସ୍ନାତ୍ଵା ଗାଂଗୈଃ ପଯୋଭିଃ ଶୁଚିକୁସୁମଫଲୈରର୍ଚଯିତ୍ଵା ଵିଭୋ ତ୍ଵା
ଧ୍ଯେଯେ ଧ୍ଯାନଂ ନିଵେଶ୍ଯ କ୍ଷିତିଧରକୁହରଗ୍ରାଵପର୍ଯଂକମୂଲେ |
ଆତ୍ମାରାମଃ ଫଲାଶୀ ଗୁରୁଵଚନରତସ୍ତ୍ଵତ୍ପ୍ରସାଦାତ୍ସ୍ମରାରେ
ଦୁଃଖଂ ମୋକ୍ଷ୍ଯେ କଦାହଂ ସମକରଚରଣେ ପୁଂସି ସେଵାସମୁତ୍ଥଂ || 388 ||
ଏକାକୀ ନିଃସ୍ପୃହଃ ଶାଂତଃ ପାଣିପାତ୍ରୋ ଦିଗଂବରଃ |
କଦା ଶଂଭୋ ଭଵିଷ୍ଯାମି କର୍ମନିର୍ମୂଲନକ୍ଷମଃ || 389 ||
ପାଣିଂ ପାତ୍ରଯତାଂ ନିସର୍ଗଶୁଚିନା ଭୈକ୍ଷେଣ ସଂତୁଷ୍ଯତାଂ
ଯତ୍ର କ୍ଵାପି ନିଷୀଦତାଂ ବହୁତୃଣଂ ଵିଶ୍ଵଂ ମୁହୁଃ ପଶ୍ଯତାଂ |
ଅତ୍ଯାଗେଽପି ତନୋରଖଂଡପରମାନଂଦାଵବୋଧସ୍ପୃଶା
ମଧ୍ଵା କୋଽପି ଶିଵପ୍ରସାଦସୁଲଭଃ ସଂପତ୍ସ୍ଯତେ ଯୋଗିନାଂ || 390 ||
କୌପୀନଂ ଶତଖଂଡଜର୍ଜରତରଂ କଂଥା ପୁନସ୍ତାଦୃଶୀ
ନୈଶ୍ଚିଂତ୍ଯଂ ନିରପେକ୍ଷଭୈକ୍ଷ୍ଯଂ ଅଶନଂ ନିଦ୍ରା ଶ୍ମଶାନେ ଵନେ |
ସ୍ଵାତଂତ୍ର୍ଯେଣ ନିରଂକୁଶଂ ଵିହରଣଂ ସ୍ଵାଂତଂ ପ୍ରଶାଂତଂ ସଦା
ସ୍ଥୈର୍ଯଂ ଯୋଗମହୋତ୍ସଵେଽପି ଚ ଯଦି ତ୍ରୈଲୋକ୍ଯରାଜ୍ଯେନ କିଂ || 391 ||
ବ୍ରହ୍ମାଂଡଂ ମଂଡଲୀମାତ୍ରଂ କିଂ ଲୋଭାଯ ମନସ୍ଵିନଃ |
ଶଫରୀସ୍ଫୁର୍ତେନାବ୍ଧିଃ କ୍ଷୁବ୍ଧୋ ନ ଖଲୁ ଜାଯତେ || 392 ||
ମାତର୍ଲକ୍ଷ୍ମି ଭଜସ୍ଵ କଂଚିଦପରଂ ମତ୍କାଂକ୍ଷିଣୀ ମା ସ୍ମ ଭୂର୍
ଭୋଗେଷୁ ସ୍ପୃହଯାଲଵସ୍ତଵ ଵଶେ କା ନିଃସ୍ପୃହାଣାଂ ଅସି |
ସଦ୍ଯଃ ସ୍ଯୂତପଲାଶପତ୍ରପୁଟିକାପାତ୍ରୈଃ ପଵିତ୍ରୀକୃତୈର୍
ଭିକ୍ଷାଵସ୍ତୁଭିରେଵ ସଂପ୍ରତି ଵଯଂ ଵୃତ୍ତିଂ ସମୀହାମହେ || 393 ||
ମହାଶଯ୍ଯା ପୃଥ୍ଵୀ ଵିପୁଲଂ ଉପଧାନଂ ଭୁଜଲତାଂ
ଵିତାନଂ ଚାକାଶଂ ଵ୍ଯଜନଂ ଅନୁକୂଲୋଽଯଂ ଅନିଲଃ |
ଶରଚ୍ଚଂଦ୍ରୋ ଦୀପୋ ଵିରତିଵନିତାସଂଗମୁଦିତଃ
ସୁଖୀ ଶାଂତଃ ଶେତେ ମୁନିରତନୁଭୂତିର୍ନୃପ ଇଵ || 394 ||
ଭିକ୍ଷାସୀ ଜନମଧ୍ଯସଂଗରହିତଃ ସ୍ଵାଯତ୍ତଚେଷ୍ଟଃ ସଦା
ହାନାଦାନଵିରକ୍ତମାର୍ଗନିରତଃ କଶ୍ଚିତ୍ତପସ୍ଵୀ ସ୍ଥିତଃ |
ରଥ୍ଯାକୀର୍ଣଵିଶୀର୍ଣଜୀର୍ଣଵସନଃ ସଂପ୍ରାପ୍ତକଂଥାସନୋ
ନିର୍ମାନୋ ନିରହଂକୃତିଃ ଶମସୁଖାଭୋଗୈକବଦ୍ଧସ୍ପୃହଃ || 395 ||
ଚଂଡାଲଃ କିଂ ଅଯଂ ଦ୍ଵିଜାତିରଥଵା ଶୂଦ୍ରୋଽଥ କିଂ ତାପସଃ
କିଂ ଵା ତତ୍ତ୍ଵଵିଵେକପେଶଲମତିର୍ଯୋଗୀଶ୍ଵରଃ କୋଽପି କିଂ |
ଇତ୍ଯୁତ୍ପନ୍ନଵିକଲ୍ପଜଲ୍ପମୁଖରୈରାଭାଷ୍ଯମାଣା ଜନୈର୍
ନ କ୍ରୁଦ୍ଧାଃ ପଥି ନୈଵ ତୁଷ୍ଟମନସୋ ଯାଂତି ସ୍ଵଯଂ ଯୋଗିନଃ || 396 ||
ହିଂସାଶୂନ୍ଯଂ ଅଯତ୍ନଲଭ୍ଯଂ ଅଶନଂ ଧାତ୍ରା ମରୁତ୍କଲ୍ପିତଂ
ଵ୍ଯାଲାନଂ ପଶଵସ୍ତୃଣାଂକୁରଭୁଜସ୍ତୁଷ୍ଟାଃ ସ୍ଥଲୀଶାଯିନଃ |
ସଂସାରାର୍ଣଵଲଂଘନକ୍ଷମଧିଯାଂ ଵୃତ୍ତିଃ କୃତା ସା ନୃଣାଂ
ତାଂ ଅନ୍ଵେଷଯତାଂ ପ୍ରଯାଂତି ସତତଂ ସର୍ଵଂ ସମାପ୍ତିଂ ଗୁଣାଃ || 397 ||
ଗଂଗାତୀରେ ହିମଗିରିଶିଲାବଦ୍ଧପଦ୍ମାସନସ୍ଯ
ବ୍ରହ୍ମଧ୍ଯାନାଭ୍ଯସନଵିଧିନା ଯୋଗନିଦ୍ରାଂ ଗତସ୍ଯ |
କିଂ ତୈର୍ଭାଵ୍ଯଂ ମମ ସୁଦିଵସୈର୍ଯତ୍ର ତେ ନିର୍ଵିଶଂକାଃ
କଂଡୂଯଂତେ ଜରଠହରିଣାଃ ସ୍ଵାଂଗଂ ଅଂଗେ ମଦୀଯେ || 398 ||
ଜୀର୍ଣାଃ କଂଥା ତତଃ କିଂ ସିତଂ ଅମଲପଟଂ ପଟ୍ଟସୂତ୍ରଂ ତତଃ କିଂ
ଏକା ଭାର୍ଯା ତତଃ କିଂ ହଯକରିସୁଗଣୈରାଵୃତୋ ଵା ତତଃ କିଂ |
ଭକ୍ତଂ ଭୁକ୍ତଂ ତତଃ କିଂ କଦଶନଂ ଅଥଵା ଵାସରାଂତେ ତତଃ କିଂ
ଵ୍ଯକ୍ତଜ୍ଯୋତିର୍ନ ଵାଂତର୍ମଥିତଭଵଭଯଂ ଵୈଭଵଂ ଵା ତତଃ କିଂ || 3 ||
ପାଣିଃ ପାତ୍ରଂ ପଵିତ୍ରଂ ଭ୍ରମଣପରିଗତଂ ଭୈକ୍ଷ୍ଯଂ ଅକ୍ଷଯ୍ଯଂ ଅନ୍ନଂ
ଵିସ୍ତୀର୍ଣଂ ଵସ୍ତ୍ରଂ ଆଶାଦଶକଂ ଅଚପଲଂ ତଲ୍ପଂ ଅସ୍ଵଲ୍ପଂ ଉର୍ଵୀଂ |
ଯେଷାଂ ନିଃସଂଗତାଂଗୀକରଣପରିଣତସ୍ଵାଂତସଂତୋଷିଣସ୍ତେ
ଧନ୍ଯାଃ ସଂନ୍ଯସ୍ତଦୈନ୍ଯଵ୍ଯତିକରନିକରାଃ କର୍ମ ନିର୍ମୂଲଯଂତି || 399 ||
ତ୍ରୈଲୋକ୍ଯାଧିପତିତ୍ଵଂ ଏଵ ଵିରସଂ ଯସ୍ମିନ୍ମହାଶାସନେ
ତଲ୍ଲବ୍ଧ୍ଵାସନଵସ୍ତ୍ରମାନଘଟନେ ଭୋଗେ ରତିଂ ମା କୃଥାଃ |
ଭୋଗଃ କୋଽପି ସ ଏକ ଏଵ ପରମୋ ନିତ୍ଯୋଦିତା ଜୃଂଭନେ
ଯତ୍ସ୍ଵାଦାଦ୍ଵିରସା ଭଵଂତି ଵିସଯାସ୍ତ୍ରୈଲୋକ୍ଯରାଜ୍ଯାଦଯଃ || 3991 ||
ମାତର୍ମେଦିନି ତାତ ମାରୁତି ସଖେ ତେଜଃ ସୁବଂଧୋ ଜଲ
ଭ୍ରାତର୍ଵ୍ଯୋଉମ୍^^ଅ ନିବଦ୍ଧ ଏଷ ଭଵତାଂ ଅଂତ୍ଯଃ ପ୍ରଣାମାଂଜଲିଃ |
ଯୁଷ୍ମତ୍ସଂଗଵଶୋପଜାତସୁକୃତସ୍ଫାରସ୍ଫୁରନ୍ନିର୍ମଲଜ୍ଞାନାପାସ୍ତ
ସମସ୍ତମୋହମହିମା ଲୀନେ ପରବ୍ରହ୍ମଣି || 3100 ||
ଶଯ୍ଯା ଶୈଲଶିଲାଗୃହଂ ଗିରିଗୁହା ଵସ୍ତ୍ରଂ ତରୁଣାଂ ତ୍ଵଚଃ
ସାରଂଗାଃ ସୁହୃଦୋ ନନୁ କ୍ଷିତିରୁହାଂ ଵୃତ୍ତିଃ ଫଲୈଃ କୋଉମ୍^^ଅଲୈଃ |
ଯେସାଂ ନିର୍ଝରଂ ଅଂବୁପାନଂ ଉଚିତଂ ରତ୍ଯୈ ତୁ ଵିଦ୍ଯାଂଗନା
ମନ୍ଯେ ତେ ପରମେଶ୍ଵରାଃ ଶିରସି ଯରି ବଦ୍ଧୋ ନ ସେଵାଂଜଲିଃ || 31001 ||
ଧୈର୍ଯଂ ଯସ୍ଯ ପିତା କ୍ଷମା ଚ ଜନନୀ ଶାଂତିଶ୍ଚିରଂ ଗେହିନୀ
ସତ୍ଯଂ ମିତ୍ରଂ ଇଦଂ ଦଯା ଚ ଭଗିନୀ ଭ୍ରାତା ମନଃସଂଯମଃ |
ଶଯ୍ଯା ଭୂମିତଲଂ ଦିଶୋଽପି ଵସନଂ ଜ୍ଞାନାମୃତଂ ଭୋଜନଂ
ହ୍ଯେତେ ଯସ୍ଯ କୁଟୁଂବିନୋ ଵଦ ସଖେ କସ୍ମାଦ୍ଭଯଂ ଯୋଗିନଃ || 31002 ||
ଅହୋ ଵା ହାରେ ଵା ବଲଵତି ରିପୌ ଵା ସୁହୃଦି ଵା
ମଣୌ ଵା ଲୋଷ୍ଠେ ଵା କୁସୁମଶଯନେ ଵା ଦୃଷଦି ଵା |
ତୃଣେ ଵା ସ୍ତ୍ରୈଣେ ଵା ମମ ସମଦୃଶୋ ଯାଂତି ଦିଵସାଃ
କ୍ଵଚିତ୍ପୁଣ୍ଯାରଣ୍ଯେ ଶିଵ ଶିଵ ଶିଵେତି ପ୍ରଲପତଃ || 31003 ||