ଅନ୍ନମଯ୍ଯ କୀର୍ତନ ଵଂଦେ ଵାସୁଦେଵଂ
ଵଂଦେ ଵାସୁଦେଵଂ ବୃଂଦାରକାଧୀଶ
ଵଂଦିତ ପଦାବ୍ଜଂ ||
ଇଂଦୀଵରଶ୍ଯାମ ମିଂଦିରାକୁଚତଟୀ-
ଚଂଦନାଂକିତ ଲସତ୍ଚାରୁ ଦେହଂ |
ମଂଦାର ମାଲିକାମକୁଟ ସଂଶୋଭିତଂ
କଂଦର୍ପଜନକ ମରଵିଂଦନାଭଂ ||
ଧଗଧଗ କୌସ୍ତୁଭ ଧରଣ ଵକ୍ଷସ୍ଥଲଂ
ଖଗରାଜ ଵାହନଂ କମଲନଯନଂ |
ନିଗମାଦିସେଵିତଂ ନିଜରୂପଶେଷପ-
ନ୍ନଗରାଜ ଶାଯିନଂ ଘ୍ନନିଵାସଂ ||
କରିପୁରନାଥସଂରକ୍ଷଣେ ତତ୍ପରଂ
କରିରାଜଵରଦ ସଂଗତକରାବ୍ଜଂ |
ସରସୀରୁହାନନଂ ଚକ୍ରଵିଭ୍ରାଜିତଂ
ତିରୁ ଵେଂକଟାଚଲାଧୀଶଂ ଭଜେ ||