Back

ശിവ ഭുജംഗ പ്രയാത സ്തോത്രമ്


കൃപാസാഗരായാശുകാവ്യപ്രദായ
പ്രണമ്രാഖിലാഭീഷ്ടസംദായകായ |
യതീംദ്രൈരുപാസ്യാംഘിപാഥോരുഹായ
പ്രബോധപ്രദാത്രേ നമഃ ശംകരായ ||1||

ചിദാനംദരൂപായ ചിന്മുദ്രികോദ്യ-
ത്കരായേശപര്യായരൂപായ തുഭ്യമ് |
മുദാ ഗീയമാനായ വേദോത്തമാംഗൈഃ
ശ്രിതാനംദദാത്രേ നമഃ ശംകരായ ||2||

ജടാജൂടമധ്യേ പുരാ യാ സുരാണാം
ധുനീ സാദ്യ കര്മംദിരൂപസ്യ ശംഭോഃ
ഗലേ മല്ലികാമാലികാവ്യാജതസ്തേ
വിഭാതീതി മന്യേ ഗുരോ കിം തഥൈവ ||3||

നഖേംദുപ്രഭാധൂതനമ്രാലിഹാര്ദാ-
ംധകാരവ്രജായാബ്ജമംദസ്മിതായ |
മഹാമോഹപാഥോനിധേര്ബാഡബായ
പ്രശാംതായ കുര്മോ നമഃ ശംകരായ ||4||

പ്രണമ്രാംതരംഗാബ്ജബോധപ്രദാത്രേ
ദിവാരാത്രമവ്യാഹതോസ്രായ കാമമ് |
ക്ഷപേശായ ചിത്രായ ലക്ഷ്മ ക്ഷയാഭ്യാം
വിഹീനായ കുര്മോ നമഃ ശംകരായ ||5||

പ്രണമ്രാസ്യപാഥോജമോദപ്രദാത്രേ
സദാംതസ്തമസ്തോമസംഹാരകര്ത്രേ |
രജന്യാ മപീദ്ധപ്രകാശായ കുര്മോ
ഹ്യപൂര്വായ പൂഷ്ണേ നമഃ ശംകരായ ||6||

നതാനാം ഹൃദബ്ജാനി ഫുല്ലാനി ശീഘം
കരോമ്യാശു യോഗപ്രദാനേന നൂനമ് |
പ്രബോധായ ചേത്ഥം സരോജാനി ധത്സേ
പ്രഫുല്ലാനി കിം ഭോ ഗുരോ ബ്രൂഹി മഹ്യമ് ||7||

പ്രഭാധൂതചംദ്രായുതായാഖിലേഷ്ട-
പ്രദായാനതാനാം സമൂഹായ ശീഘമ്|
പ്രതീപായ നമ്രൌഘ്ദുഃഖാഘ്പംക്തേ-
ര്മുദാ സര്വദാ സ്യാന്നമഃ ശംകരായ ||8||

വിനിഷ്കാസിതാനീശ തത്ത്വാവബോധാ -
ന്നതാനാം മനോഭ്യോ ഹ്യനന്യാശ്രയാണി |
രജാംസി പ്രപന്നാനി പാദാംബുജാതം
ഗുരോ രക്തവസ്ത്രാപദേശാദ്ബിഭര്ഷി ||9||

മതേര്വേദശീര്ഷാധ്വസംപ്രാപകായാ-
നതാനാം ജനാനാം കൃപാര്ദ്രൈഃ കടാക്ഷൈഃ |
തതേഃ പാപബൃംദസ്യ ശീഘം നിഹംത്രേ
സ്മിതാസ്യായ കുര്മോ നമഃ ശംകരായ ||10||

സുപര്വോക്തിഗംധേന ഹീനായ തൂര്ണം
പുരാ തോടകായാഖിലജ്ഞാനദാത്രേ|
പ്രവാലീയഗര്വാപഹാരസ്യ കര്ത്രേ
പദാബ്ജമ്രദിമ്നാ നമഃ ശംകരായ ||11||

ഭവാംഭോധിമഗ്നാന്ജനാംദുഃഖയുക്താന്
ജവാദുദ്ദിധീര്ഷുര്ഭവാനിത്യഹോഽഹമ് |
വിദിത്വാ ഹി തേ കീര്തിമന്യാദൃശാംഭോ
സുഖം നിര്വിശംകഃ സ്വപിമ്യസ്തയത്നഃ ||12||

||ഇതി ശ്രീശംകരാചാര്യ ഭുജംഗപ്രയാതസ്തോത്രമ്||

PDF, Full Site (with more options)